Læknablaðið - 15.05.1986, Page 50

148
LÆKNABLAÐIÐ
almannatryggingalögum er tilvísun heimilis-
læknis til sérfræðings skilyrði fyrir greiðslu
samlags. Þessu ákvæði hefur þó aldrei verið
framfylgt nema að nokkru leyti. Það hefur
ekki verið látið gilda um sjúklinga utan
Stór-Reykjavíkursvæðisins. Hjá sjúklingum
af þessu svæði með bráð veikindi eða sem
eru heimilislæknalausir hefur kvittun fyrir
komu verið látin nægja.
Sérfræðingar hafa um árabil viljað afnám
tilvísana, en heimilislæknar viljað halda
þeim. Við samning um sérfræðilæknishjálp
vorið 1984 fékkst heilbrigðisráðherra til að
beita sér fyrir lagasetningu um afnám tilvís-
ana í eitt ár til reynslu.
Þessi undanþága féll úr gildi vorið 1985,
en framkvæmd hefur verið óbreytt. Ákvæði
er um það í núgildandi samningi um sér-
fræðilæknishjálp, að L.R. geti sagt samn-
ingnum upp fyrirvaralaust, verði breyting á
framkvæmd hans af hálfu hins opinbera.
Heimilis- og heilsugæzlulæknar spáðu
minnkandi upplýsingaflæði frá sérfræðing-
um við afnám tilvísanaskyldu og hefur því
miður sú orðið raunin.
T.R. er vel kunnugt um ágreining heim-
ilislækna og sérfræðinga vegna þessa máls
og reynir að nýta sér hann.
Það er hagsmunamál allra lækna, að þessi
ágreiningur sé jafnaður innan eigin samtaka.
Enginn vafi leikur á upplýsingaskyldu
sérfræðinga. í grein III, 2 í Codex Ethiccus
segir:
»Sérmenntaður læknir skal að lokinni
rannsókn eða meðferð láta heimilislækni og
tilvísandi lækni í té skýrslu um rannsóknir
sínar og meðferð.«
í samningi um sérfræðilæknishjálp frá 24.
mai 1985 segir svo:
»Þegar sérfræðingur hefur lokið rannsókn
sinni eða aðgerð á sjúklingi, skal hann senda
heimilislækni hans eða heilsugæzlustöð
skýrslu um niðurstöður rannsókna, aðgerðir
eða annað, sem skiptir máli, þ.á m. leið-
beiningar um framhaldsstundun eða
eftirlit.«
Stjórn L.R. hefur talið eitt sitt brýnasta
verkefni að jafna þann ágreining, sem ríkt
hefur innan félagsins varðandi þetta mál.
Fyrir þrem árum var skipuð nefnd heim-
ilislækna og sérfræðinga, sem náði sam-
komulagi, en tillögur hennar fengu ekki
stuðning innan F.Í.H. Önnur nefnd var
skipuð í febrúar 1985 og náði samkomulagi
um tillögur líkar þeim, sem kynntar voru á
almennum fundi í L.R. 19. febrúar sl. T.R.
vildi vera með um hönnun samskiptaeyðu-
blaða, en ýmissa hluta vegna dróst fram-
kvæmd úr hömlu.
Fyrir skömmu mynduðu þeir Sverrir
Bergmann, Lúðvík Ólafsson og formaður
L.R. nefnd, sem kynnti nýtt form samskipta
á fundi í L.R. 19. febrúar. Var annars vegar
um að ræða eyðublað, sem sameinar reikn-
ing sérfræðings og stutt var til heimilislæ-
knis.
Einnig var kynnt samskiptaeyðublað, sem
notað hefur verið á heilsugæzlustöðinni í
Fossvogi og inniheldur upplýsingar frá heim-
ilislækni og svar frá sérfræðingi.
Hönnun eyðublaða verður í samvinnu við
T.R. Tillögum þessum hefur verið vel tekið
af heimilislæknum og sérfræðingum og
lausn þessa vanda vonandi í sjónmáli.
ÚTGÁFUSTARFSEMI
Lœknablaðið og Fréttabréf lækna hafa verið
með hefðbundnum hætti. Guðjón Magnús-
son hætti í ritstjórn Læknablaðsins að eigin
ósk. Jóhannes Tómasson lét af störfum sem
ritstjóri Fréttabréf lækna, en er áfram í hálfu
starfi sem ritstjórnarfulltrúi Læknablaðsins.
Birna Þórðardóttir hefur tekið við starfi sem
ritstjóri Fréttabréfs lækna.
Handbók lækna er væntanleg í haust og
Ritskrá lækna er enn í undirbúningi.
Stofnaður hefur verið Orðabókarsjóður
L.í. og L.R. Stjórn hans skipa: Stefán
Hilmarsson bankastjóri, formaður, Erling
Edwald lyfsölustjóri, Magnús Jóhannsson
læknir, Snorri Páll Snorrason læknir og
Tómas Á. Jónasson læknir. Starfsmaður
Orðabókar lækna er Magnus Snædal
cand.mag.
Saga L.R. Örn Smári Arnaldsson hefur
tekið að sér ritstjórn á sögu L.R., sem
stofnað var 18. október 1909. Ætlunin var að
gefa út sögu félagsins á árinu 1985, en ýmissa
hluta vegna hefur þetta dregist.
Ýmsar blikur eru á lofti. Mjög mun fjölga
í stéttinni á næstu árum. Meira ríður á en
nokkru sinni fyrr, að læknar standi saman
og leysi ágreiningsmál sín innan eigin sam-
taka. Sameinaðir stöndum vér, sundraðir
föllum vér.
(K.B.)