Læknablaðið - 15.02.1987, Side 47

LÆKNABLAÐIÐ
65
Lungnaslasgæðarþrýstingur (pulmonary artery
pressure, PAP) í slagbili og hlébili og
meðalþrýstingur. Miðlægur bláæðaþrýstingur
(central venous pressure, CVP),
lungnaslagæðarfleygþrýstingur (pulmonary
artery wedge pressure, PAWP) og hjartaútfall
(cardiac output).
NIÐURSTÖÐUR
Engar alvarlegar hjartsláttartruflanir komu fyrir
meðan á innlagningu stóð. í engu tilvika þurfti að
hætta við innlagningu og enginn dó meðan á því
stóð. Meðaltími æðaleggs í sjúklingi var 2,5 dagar
(1-4 dagar).
Þrettán sjúklingum batnaði vel, en sex sjúklingar
létust innan þriggja vikna eftir innlagningu
æðaleggs. Af þessum sex sjúklingum létust þrír
meðan þeir höfðu æðalegg ennþá í sér. Krufning
sýndi að dauðaorsök hjá þessum þremur
sjúklingum var hjartabrestur (ruptura cordis). Af
hinum þremur lést einn á gjörgæsludeild en hann
hafði alvarlega heilasköddun og tveir síðar í
legunni á lyflækningadeild vegna óafturkræfs
sleglatifs (fibrillatio ventriculorum).
Hjá þeim sjúklingum, sem lifðu lengur en þrjár
vikur, sást oftar hagstæðara samband milli
hlutfallslegs hjartaútfalls og
lungnaháræðafleygþrýstings en hjá hinum sem
létust. Sjúklingunum virtist vegna þeim mun
betur því lægri sem
lungnaháræðafleygþrýstingurinn var, og þvi
hærra sem hlutfallslegt hjartaútfall var, sjá
myndina.
Einu skakkaföllin, sem urðu við þessa
mælingaraðferð, voru að æðaleggsbelgur sprakk í
tveimur tilvikum. í bæði skiptin var um að ræða
endursótthreinsaða slagæðaleggi. Sjúklingunum
varð ekki meint af þessu.
UMRÆÐA
Vitað er að mikilvæg vitneskja fæst um
blóðrásarástand bráðveikra hjartasjúklinga, ef
niðurstöður lungnaslagæðarþræðingar eru
túlkaðar af kunnáttu. Þetta getur m.a. leitt til
markvissari notkunar ýmissa hjartalyfja. Svo
virðist, sem aðferðin sjálf bæti ekki horfur
sjúklinga. Engu að síður getur sú vitneskja, sem
fæst við mælingarnar, skipt sköpum í einstökum
tilvikum (2). Rannsókn okkar var ekki gerð til að
meta árangur meðferðar, en okkur þótti
auðveldara að taka ákvarðanir um gjöf ýmissa
lyfja hjá þessum bráðveiku sjúklingum með
Lungnahárædarfleygþrýstingur mm Hg
Mynd 1.
Hlutfallslegt hjartaútfall l/m: