Vesturland - 24.10.2013, Blaðsíða 6

6 24. október 2013
» DIESELSTILLINGAR
» VARAHLUTAÞJÓNUSTA
» SÖLU- OG MARKAÐSDEILD
» TÚRBÍNUVIÐGERÐIR OG SALA
Við flytjum að
Dvergshöfða 27
Við höfum
þjónað íslenskum
sjávarútvegi í áratugi
Vesturhraun 1 - 210 Garðabæ
Sími 535 5850 - framtak.is
Bás G40
Norðurál á Grundartanga:
Öruggt atferli felst í
því að framkvæma
störf á öruggan hátt
Öruggt atferli nefnist vinnulag sem hefur verið innleitt hjá Norðuráli á Grundatanga. Það
felst í því að starfshópar setja sér sjálfir
markmið um að framkvæma tiltekin
störf á sérlega öruggan hátt. Fylgst er
með því innan hópsins hversu vel gengur
og allir leggjast á sveif með að sýna at-
ferlið sem oftast þar til það er orðin að
vana. Lokamarkmiðið er 100% árangur
í a. m. k. 21 dag. Þegar hverju markmiði
er náð er því sérstaklega fagnað.
Vaskir starfsmenn Norðuráls sem vafalaust hafa skipað sér í einn starfshópinn.
Norðurál aðalstyrktaraðili Skallagríms
Ungmennafélagið Skalla-grímur og Norðurál hafa samið um stuðn-
ing við íþróttastarf innan vé-
banda körfuknattleiksdeildar og
knattspyrnudeildar Skallagríms
næstu þrjú árin. Um 130 einstak-
lingar á öllum aldri æfa körfubolta
á vegum félagsins og ámóta fjöldi
stundar þar knattspyrnu. Að sögn
Ágústar Hafberg hjá Norðuráli, er
það starfsfólki fyrirtækisins ánægju-
efni að leggja sitt af mörkum til starf-
semi Skallagríms. „Bæði starfsfólk
og verktakar úr Borgarbyggð starfa
fyrir Norðurál og það samræmist
stefnu fyrirtækisins að styðja við
félagsstarf í nágrannabyggðum sem
bætir mannlíf og eflir,“ segir Ágúst.
„Þessi samningur við Norðurál
skiptir starfsemi okkar miklu máli
og styrkir alla okkar innviði,“ segir
Björn Bjarki Þorsteinsson, formaður
körfuknattleiksdeildar Skallagríms.
Hann segir styrkinn verða nýttan
til að efla barna- og unglingastarf,
og jafnframt til að standa við bakið
á úrvalsdeildarliðinu í baráttu
bestu körfuknattleiksliða lands-
ins. „Einnig erum við með fjölsótt
barnamót ár hvert sem Norðurál
styrkir. Það er hverju félagi dýrmætt
að hafa öfluga bakhjarla og Norð-
urál er einn okkar helsti bakhjarl
í körfuboltanum í Borgarnesi og
Borgarbyggð. “
Í sama streng tekur Ívar Örn Reyn-
isson, formaður knattspyrnudeildar
Skallagríms. „Við höfum smám saman
verið að efla starf deildarinnar og auka
gæði og umfang þjálfunar, sérstak-
lega í yngri flokkunum. Fjárhags-
legur stöðugleiki er sá grunnur sem
framfarir í íþróttastarfi grundvallast
á enda er öllum ljóst sambandið milli
árangurs og öflugra bakhjarla. “
Frá undirritun styrktarsamnings. Fremri röð: björn bjarki Þorsteinsson, Ágúst
Hafberg og Ívar Örn reynisson. Aftari röð: Sumarliði Páll Sigurbergsson
knattspyrnumaður og Sigurbjörg rós Sigurðardóttir, körfuknattleikskona.
Íslandsmeistaramót í
rúningi 2013
- fer fram í Búðardal næsta laugardag
Félag sauðfjárbænda í Dalasýslu stendur sem fyrr fyrir Íslands-meistaramótinu í rúningi
fyrsta vetrardag, laugardaginn 26.
október nk. Keppnin hefst kl 14.00 í
reiðhöllinni í Búðardal. Vegleg verð-
laun eru í boði og ekki síður virðuleg
nafnbót. Er þetta í sjötta skiptið sem
keppt er um Íslandsmeistartitilinn í
rúningi. Núverandi Íslandsmeistari
er Jóhann Hólm Ríkarðsson í Gröf í
Laxárdal. Árið 2011 sigraði Hafliði
Sævarsson í Fossárdal í Berufirði
og Julio Cesar Gutierrez á Hávars-
stöðum í Leirársveit var Íslandsmeist-
ari 2008-2010.
rúningur gengur betur þegar margar hendur hjálpast að.
Norðurál semur við VHE
Norðurál og VHE hafa gert með sér samning sem felur í sér að VHE tekur að sér
að sérhanna vélar og búnað fyrir
skautsmiðju Norðuráls. „Um er að
ræða einn lið í fimm ára fjárfestingar-
verkefni Norðuráls á Grundartanga
þar sem markmiðið er að auka
framleiðni, bæta rekstraröryggi og
auka framleiðslu um allt að 50 þús-
und tonn af áli á ári. Heildarkostn-
aður við verkefnið verður á annan
tug milljarða íslenskra króna. Auk
umfangsmikillar endurnýjunar í
skautsmiðju í samvinnu við VHE
eru stærstu verkþættirnir stækkun
aðveitustöðvar og notkun stærri
rafskauta,“ segir Gunnar Guðlaugs-
son, framkvæmdastjóri Norðuráls á
Grundartanga.
VHE hefur í áratugi hannað,
smíðað og þjónustað búnað fyrir
stóriðju á Íslandi og erlendis. Þannig
er búnaður sem hannaður hefur
verið af VHE notaður í álverum í
um 30 löndum. „Við erum afar stolt
af því að Norðurál hafi valið okkur
sem samstarfsaðila. Það er mikil
viðurkenning fyrir starfsfólk okkar
að finna það traust sem því er sýnt
með þessu verkefni og ekki síður
mikilvægt fyrir félagið í heild um leið
og við erum að markaðssetja okkur
víðar en á Íslandi. Við höfum áður
hannað, smíðað og sett upp vélar
fyrir Norðurál og samstarfið hefur
verið mjög farsælt og við hlökkum til
að takast á við ný verkefni fyrir Norð-
urál,“ segir Unnar Steinn Hjaltason,
framkvæmdastjóri VHE.