Reykjanes - 24.04.2013, Síða 6

6 24. apríl 2013
aF hVerju Xb
Á laugardag göngum við Ís-lendingar til Alþingiskosninga. Kosningarnar nú eru sennilega
þær mikilvægustu í langan tíma ef ekki
þær mikilvægustu. Ástæðan er sú að nú
fer hver að verða síðastur að taka á af-
leiðingum hrunsins. Síðasta kjörtímabil
var ekki nýtt til að leiðrétt lán heimil-
inna né heldur að koma atvinnulífinu
í gang. Á næsta kjörtímabili er mikil-
vægast að taka strax á þessum málum.
Framsóknarflokkurinn ætlar að leiðrétta
stökkbreytt lán heimilanna og afnema
verðtryggingu á neytendalán. Heimilin
eru að mati okkar Framsóknarmanna
undirstaða, atvinnulífsins, efnahags-
ins og samfélagsins. Án þess að taka
á þeirra vanda eru allar aðrar aðgerðir
tilgangslitlar ef fólk heldur áfram að
missa heimili sín og flytjast erlendis.
Afnámið
Afnámið verður að framkvæma þannig
að fólk með verðtryggð lán geti skipt
yfir í óverðtryggð, lántakendum bjóðist
stöðugir vextir, áhætta skiptist milli lán-
veitenda og lántaka þannig að áættunni
sé skipt eðlilega. Það er eðlilegt að þeir
sem taka lán til að kaupa sér íbúð njóti
meiri verndar en fjárfestarnir sem lána,
fram til þessa hefur því verið öfugt farið.
Lögmálið um framboð og eftirspurn
þarf að virka neytendum í hag, þ. e. ekki
verði hægt að krefjast hærri vaxta en
fólk getur staðið undir með því að fela
raunverulegan kostnað lánanna.
Leiðréttingin
Leiðréttingin snýst um hinn svo kallaða
forsendubrest, þ. e. afleiðingar hinnar
ófyrirsjáanlegu verðbólgu sem kom
til vegna starfshátta bankanna. Allir
viðurkenna nú að það sé til svigrúm
við uppgjör við kröfuhafa bankanna-
við vogunar- og hrægammasjóðina sem
fengu kröfurnar á hrakvirði en hafa
innheimt 100% af heimilum landsins.
Framsóknarmenn telja það sanngirnis-
mál að hluti af þeim fjármunum renni
aftur til heimilanna með leiðréttingu
verðtryggðra lána. Flýta þarf dómsmál-
um er lúta að lögmæti verðtryggingar-
innar. Grundvallaratriðið er að leiðrétta
það tjón sem heimilin hafa tekið á sig
vegna verðtryggðra lána.
Uppbygging atvinnulífsins
Samhliða aðgerðum í efnahags- og
skuldamálum heimila er nauðsynlegt
að snúa við þeirri stöðnun sem verið
hefur í fjárfestingu og hagvexti síðustu
ára. Við Framsóknarmenn munum
skapa stöðugleika bæði pólitískan
sem og efnahagslegan. Það gerum við
með því m. a. að vera jákvæð gagnvart
allri atvinnusköpun – jafnt nýsköpun í
sprotafyrirtækjum en ekki síður í okkar
hefðbundnu atvinnugreinum. Það er
auðveldara að fjölga hratt störfum hjá
minni og meðalstórum fyrirtækjum en
nýjum. Við munum einfalda skattkerf-
ið, lækka almenna tryggingargjaldið og
skapa ramma fyrir vöxt fyrirtækjanna.
Á Suðurnesjum eru mörg tækifæri sem
munu blómstra fái þau rétta umhverfið
til þess. Eimreið ferðaþjónustunnar,
Leifsstöð, mun draga stóran vagn í
ferðaþjónustunni. Við munum gera
það sem við getum til að álverið rísi
í Helguvík og að HS-Orka geti staðið
við sínar skuldbindingar. Við skulum
horfa björtum augum til atvinnuupp-
byggingar hér á Suðurnesjum.
Forgangsmál
Heilbrigðiskerfið er hrunið–við vilj-
um byggja grunnþjónustuna upp um
land allt og endurskoða 80-100 millj-
arða fjárfestingu í nýjum Landspítala.
Við viljum efla löggæsluna–sérstak-
lega á landsbyggðinni og sérstaklega á
Suðurnesjum. Þá ætlum við að leiðrétta
niðurskurð á kjörum aldraðra og ör-
yrkja sem staðið hefur frá 2009.
Með því að kjósa Framsókn tryggir
þú að tekið verði af sömu staðfestu á
skuldamálum heimila og við gerðum í
Icesavemálinu. Setjum X við B.
Sigurður Ingi Jóhannsson oddviti
Framsóknar í Suðurkjördæmi og vara-
formaður Framsóknarflokksins.
Geir Jón Þórisson 5. sæti Sjálfstæðisflokki.
íSlandi allT
Við stöndum á miklum tíma-mótum. Framundan er að velja þá stjórnmálaflokka
sem við teljum að best geti stýrt landi
og þjóð í gegnum þá brimskafla sem
við stöndum í í dag. Eftir að hafa stað-
ið vaktina við oft erfiðar aðstæður tók
ég ákvörðun um að reyna láta gott af
mér leiða á öðrum vettvangi. Sá vett-
vangur var kannski ekki auðveldari en
sá sem ég nýlega yfirgaf en hann gaf
mér þó vegarnesti að þeirri ákvörðun
að taka stöðu á hinum pólitíska víg-
velli, eins og margir vilja kalla það.
Það sem þó öllu skiptir er að málefn-
in eru mörg sem þarf að vinna að til
heilla fyrir landið mitt og þjóð mína.
Ég er stoltur Íslendingur og er þess
fullviss að við sem þjóð getum náð
þeirri stöðu sem við helst væntum.
Það er eitt málefni öðrum frem-
ur sem hafði mest áhrif á mig til að
stíga fram á þessum tímamótum, en
það eru þær skelfilegu skerðingar
sem eldriborgar, ætti líklega frekar
að segja heldriborgar, þessa lands
hafa mátt þola á því kjörtímabili
sem nú er að líða. Að svipta stóran
hóp þessa fólks viðurværi sínu með
skelfilegum skerðingum og hækkun
skatta hefur verið þyngra en tárum
taki. Þegar Sjálfstæðisflokkurinn var
að undirbúa kosningamálefnin fyrir
þessar kosningar fékk ég tækifæri til
að koma að þeim undirbúningi stefn-
unnar sem varðar kjör okkar heldri
borgara. Sjálfstæðisflokkurinn ætlar
að afturkalla þá kjaraskerðingu, sem
eldri borgarar og öryrkjar urðu fyrir 1.
Júlí 2009. Skerðingum vegna greiðslna
á ellilífeyri, króna fyrir krónu, verð-
ur hætt og kjör eldri borgara leiðrétt
til samræmis við þær hakkanir sem
orðið hafa á lægstu launum síðan í
ársbyrjun 2009. Sjálfstæðisflokkurinn
mun bæta stöðu aldraðra. Hann vill
leyfa öllum yfir 70 ára aldri afla sér
tekna án skerðinga. Hækka að nýju
lífeyrisgreiðslur, tryggja að aldraðir
á dvalarheimilum haldi fjárhagslegu
sjálfstæði og eyða þeim mismun sem
birst hefur í aðgerðum stjórnvalda
undanfarin ár.
Við metum mikils okkar fólk sem
byggt hefur upp þetta land við oft
mjög erfiðar aðstæður við langan
og erfiðan vinnudag. Það var sagt að
græddur væri geymdur eyrir, en nú
hefur hann að miklu leyti glatast, og í
þeirri fullvissu voru lífeyrissjóðir sett-
ir á stofn svo að sá sparnaður nýttist til
efri áranna til að auðvelda ævikvöldið,
en því miður hefur þetta ekki geng-
ið eftir eins og ætlað var. Þetta má
bara alls ekki gera og verður það því
okkar fyrsta verk að breyta þessu ef
við sjálfstæðismenn fáum umboð til
að koma að stjórn landsins. Heldri
borgarar þessa lands eiga skilið að
líða vel og njóta afrakstursins ann-
að er ekki boðlegt. Berum virðingu
fyrir öllu þessu trausta og góða fólki
sem sá aldrei neitt annað en að gera
Íslandi allt.
Sjálfstæðisflokkurinn ætlar, ef
hann fær til þess umboð, taka á
skuldavanda heimila og fyrirtækja
með raunhæfum leiðum sem tekst
með breytingum á skattastefnunni
sem gæfi súrefni í atvinnulífið á öllum
sviðum og ráðstöfunartekjur heim-
ilanna myndu aukast. Við verðum
að vera raunsæ og hófstillt en með
sameiginlegu átaki okkar allra náum
fram á öllum sviðum full bjartsýni.
Ísland er landið okkar og við vilj-
um því allt það besta. Hagsæld þjóðar
okkar skiptir öllu máli og það er mín
skoðun að það náist best með að Sjálf-
stæðisflokkurinn fái skýrt umboð til
að leiða þetta fram af festu og einurð.
Kæru vinir, ég hef sannfæringu fyr-
ir því að okkur takist ætlunarverkið ef
við stöndum saman um þau grunn-
gildi sem einkennt hefur þessa þjóð,
sameinuð stöndum við en sundruð
föllum við.
Við sjálfstæðismenn erum í liði
með ykkur til að ná fram því sem
mestu skiptir.
X-D fyrir Suðurland X-D fyrir
Ísland.
Geir Jón Þórisson
Geir Jón Þórisson.
Sigurður Ingi Jóhannsson.
Reykjanesbær
barnaháTíð í Vændum - VerTu með!
Barnahátíð í maí
Skessan í hellinum býður til Barnahátíðar í Reykjanesbæ í 8. sinn dagana 11.-12. maí
n.k. Hátíðin er haldin Reykjanesbæ
á hverju vori með viðamikilli dag-
skrá fyrir börn og unnin af börnum.
Markhópur hennar eru leikskólabörn,
börn á yngsta stigi grunnskólans og
auðvitað fjölskyldan öll. Markmiðið er
að sýna hversu mikið og frjótt starf er
unnið með börnum í fjölskylduvæn-
um Reykjanesbæ og skapa tækifæri
til skemmtilegra samverustunda fyrir
fjölskyldur.
Undirbúningur
í höndum margra
Undirbúningur er í fullum gangi og
ýmsir dagskrárviðburðir óðum að taka
á sig mynd. Skessan verður í hátíðar-
skapi, Listahátíð barna verður glæsileg
og Landnámsdýragarðurinn verður
opnaður auk margra annarra viðburða.
Sífellt fleiri koma að undirbúningi og
þátttöku í Barnahátíð og þess má geta
að í ár eru allir grunn- og leikskólar
bæjarins virkir þátttakendur í hátíð-
inni. Sama er að segja um söfnin og
ýmsar fleiri stofnanir bæjarins. Þannig
viljum við lika að hátíðin þróist, fyrir
börnin og með börnunum.
Markmiðið er það að hátíðin þróist
líkt og Ljósanótt, á þann veg að allir
vilji vera með bæði íbúar, félagasam-
tök og fyrirtæki í bænum og að við
sameinumst öll um að búa til frábæra
hátíð með börnin okkar að leiðarljósi.
Því eru allir áhugasamir hvattir til að
gera vart við sig. Það geta verið hug-
myndir eða fullskapaðir dagskrárliðir
eða hvaðeina annað sem ykkur dettur
í hug. Dagskráin er enn opin og alls
ekki of seint að bæta við dagskrárlið-
um. Hafið samband á barnahatid@
reykjanesbaer.is
Reykjanesbær - fjölskylduvænn bær!
(Heimasíða Reykjanesbæjar)
Sveitarfélagið Garður
Alþingiskosningar
laugardaginn 27. apríl 2013
KoSið er í GerðaSKóla
Sérstök athygli er vakin á því að kjósandi sem ekki hefur meðferðis
persónuskilríki getur átt von á að fá ekki að greiða atkvæði.
Kjörstaður opnar kl. 10:00
og lokar kl. 22:00.
Kjörstjórn Sveitarfélagsins Garðs
Jenný Kamilla Harðardóttir formaður