Reykjanes - 24.04.2013, Blaðsíða 10

24. apríl 2013
jaFnréTTi Fyrir alla
Birgitta Jónsdóttir Klasen skrifar um jafnréttismál
Birgitta Jónsdóttir Klasen skrifar um jafnréttismál: "Í okkar litla þjóðfélagi þurfum við
að taka ofbeldismálin föstum tökum og herða viðurlög gegn slíkum brotum."
KONUR eru mikilvægar á vettvangi stjórnmálanna, eins og alls staðar annars staðar í þjóðlífinu. Í sívaxandi mæli eru kon-ur sem betur fer farnar að láta til sín taka sem er afar jákvætt í þeim miklu áskorunum og hnattvæðingu sem framundan er. Breytt hlutverkaskipan og samskiptamynstur kynjanna kallar
á meiri samvinnu bæði innan heimila
og utan þeirra, úti á vinnumarkaðnum
og á öllum stjórnstigum ef okkur á að
auðnast að vinna vel og farsællega úr
réttum tækifærum fyrir börnin okkar
og komandi kynslóðir. Þó margt hafi
áunnist í jafnréttismálum, eigum við
enn langt í land. Við þurfum að gera
okkur fulla grein fyrir því að jafnrétti
á öllum sviðum er ekki síður hagur
karla en kvenna. Kynin þurfa því að
vinna saman og ná sem fyrst landi í
jafnréttismálum til að gera heiminn
lífvænlegri fyrir alla þjóðfélagshópa,
konur, karla og börn. Við viljum ekki
stéttskipt þjóðfélag. Við þurfum að
snúa bökum saman og megum ekki
sofna á verðinum einn einasta dag.
Þjóðfélagið okkar er ekki nógu fjöl-
skylduvænt. Fullorðið fólk vill fá að
njóta samvista við börnin sín eftir að
venjulegum vinnudegi lýkur öðruvísi
en að vera dauðuppgefið og útslitið og
eiga svo auk allra annarra verka, sem
bíða, eftir að hjálpa til við heimanám.
Þarna þurfa skólarnir að koma inn
með meiri þjónustu svo fjölskyldur
geti notið samvista í frítímum sínum
á uppbyggjandi og skemmtilegan hátt.
Í okkar litla þjóðfélagi þurfum við
að taka ofbeldismálin föstum tökum
og herða viðurlög gegn slíkum brot-
um. Mig langar ekki að hlusta á það
í kvöldfréttatímum að barnakennari
hafi barnaklám í tölvunni sinni og ég
vil heldur ekki lesa um nauðganir í
dagblöðunum.
Ég vil líka að komið sé fram við eldri
borgara af meiri virðingu en nú er gert.
Sú kynslóð hefur skilað sínu dagsverki
og á rétt á þjónustu heilbrigðisgeirans
þegar nauðsyn kallar. Þetta fólk, sem
hefur rutt lífsgæðabrautina fyrir okkur
hin, á ekki að þurfa að bíða á biðlistum
svo mánuðum skiptir eftir þjónustu
samfélagsins og það á ekki að koma til
greina að hjón fái ekki að búa saman á
elliheimilum.
Stjórnmálamenn geta alltaf gert bet-
ur. Þeir kandidatar þurfa fyrst og fremst
að komast að sem ekki bara friða lýðinn
með innantómu tali heldur þeir, sem
láta verkin tala. Afar mikilvægt er að
við Íslendingar sitjum ekki bara hjá og
sættum okkur við þau efnahagslegu og
félagslegu vandamál, sem hér eru uppi,
heldur bætum stöðu okkar í þessum
mikilvægu málaflokkum.
Birgitta Jónsdóttir Klasen
Heilsumiðstöð Birgittu
Hafnargötu 48a
10
Birgitta Jónsdóttir Klasen
Viðtal við Pál Val Björnsson 1. sæti Bjartrar framtíðar
Tilbúinn að STarFa að heilum hug að hagSmunum SVæðiSinS
Páll Valur Björnsson skipar fyrsta sæti hjá Bjartri framtíð í Suðurkjördæmi. Reykjanes
heyrði aðeins í Páli Vali og spurði hann
nokkurra spurninga.
Hvers vegna velur þú að fara í fram-
boð fyrir Bjarta framtíð.
Ég kaus að fara í framboð fyrir
Bjarta framtíð vegna þeirrar framtíðar-
sýnar sem flokkurinn hefur Íslandi
til handa. Flokkurinn leggur áherslu
á að nálgast stjórnmálin á nýjan hátt,
vill breyta stjórnmálamenningunni á
landinu. Stjórnmálamenningu sem
dæmd var ónýt í Rannsóknarskýrslu
alþingis. Öll sú hugmyndafræði sem
þessi flokkur byggir á heillaði mig og
ég ákvað að taka slaginn í þessum al-
þingiskosningum.
Atvinnumálin hafa mikið verið til
umræðu á Suðurnesjum. Hver er þín
afstaða til álversins í Helguvík. Hefur
þú trú á að rekstur hefjist á næsta ári.
Björt framtíð er grænn flokkur sem
hugnast ekki frekari uppbygging ál-
vera eða virkjana. Við teljum það ekki
gott fyrir íslenskt samfélag að hafa öll
eggin í sömu körfunni (svo ég noti
frasa) heldur viljum við byggja upp
fjölbreytt atvinnulíf og skapa aðstæður
fyrir lítil og meðalstór fyrirtæki. Hvað
varðar álverið í Helguvík þá er það
verkefni sem er komið af stað og því
verður að ljúka, Björt framtíð mun
ekki standa í vegi fyrir því. . Saga þessa
verkefnis er ein hörmungarsaga og
hefur í raun heltekið alla umræðu hér
á svæðinu sem hefur því miður leitt
til neikvæðra samskipta á milli íbúa,
sveitarstjórnarmanna á svæðinu og
framkvæmdavaldsins. Það er miður,
því góð samskipti á milli allra hlutað-
eigandi er gífurlega mikilvæg og tel ég
að ef þau batna þá muni koma betri tíð
hvað varðar þetta mikilvæga verkefni
hér á Suðurnesjum. Hvort það muni
hefjast á næsta ári get ég ekki svarað en
vonandi kemst góður skriður á þetta
mál. Margir samverkandi þættir tefja
það og það sárgrætilegasta er að tveir
erlendir auðhringir eru að þrátta um
raforkuverð sín á milli og sér ekki fyrir
endann á þeirri rimmu. Á meðan bíða
íbúar í óvissu um framhaldið.
Ert þú hlynntur uppstokkun á
kvótakerfinu og að aukin skattur verði
lagður á útgerðina.
Ekkert kerfi er svo gott að ekki megi
endurskoða það og laga, eins er það
með blessað kvótakerfið okkar. Það er
búið að vera þrætuepli þjóðarinnar í
alltof langan tíma og þessum þrætum
og þeirri endalausu óvissu sem sjávar-
útvegurinn er í verður að ljúka. Það er
með öllu ólíðandi að þessi undirstöðu-
atvinnuvegur þjóðarinnar skuli ekki
vera kominn með fast land undir fætur
og að framtíðarskipan sjávarútvegsins
komin á hreint. Það sem öllu skiptir
er að sjávarútvegurinn sé arðbær og
skili eigendum sínum hagnaði . Í sjáv-
arútvegi er mikilvægt að verðmynd-
un á kvóta sé gagnsæ, að nýir aðilar
get komið inn í greinina og að sátt
ríki um sjávarútvegskerfið á grunni
eignarhalds þjóðarinnar á auðlindinni.
Það liggja gríðarleg sóknarfæri í sjáv-
arútvegi og fiskvinnslu og eru mörg
spennandi þróunarverkefni í gangi
eins og t. d. Codland í Grindavík þar
sem unnið er að því að auka verðmæti
sjávarafurða ennfrekar. Hvað varðar
auðlindagjaldið þá er það sanngjarnt
að útgerðin borgi það en það er eins
og með kvótakerfið sjálft það má skoða
útfærsluna á því betur. Fá niðurstöðu
sem víðtækust sátt er um.
Margar fjölskyldur á Suðurnesjum
hafa farið mjög illa út úr hruninu. Er
Björt framtíð með lausn fyrir illa sett
heimili.
Björt framtíð leggur ríka áherslu á
að tekið verði á þeim mikla vanda sem
herjar á mörg heimili landsins vegna
greiðslu og skuldamála. Greina verður
vandann og þá sem verst eru settir
og koma þeim til hjálpar með öllum
tiltækum ráðum. Margar hugmyndir
hafa komið fram um hvernig best sé
að mæta þessum vanda og teljum við
ráðlegast að víðtækt samráð verði á
milli ríkisstjórnar, Alþingis, sveitar-
félaga, atvinnulífsins, launþega, fjár-
málageirans og alls konar samtaka í
þjóðfélaginu um langtímamarkmið
og umbætur á þessum mikla vanda.
Nú göngum við að kjörborðinu
27. apríl n. k. Hvers vegna eiga
Suðurnesjamenn að kjósa Bjarta
framtíð.
Vegna þess að Björt framtíð horfir
til framtíðar. Við viljum stefna að fjöl-
breyttu þjóðfélagi sem gefur hverjum
og einum tækifæri til að nýta styrk-
leika sína, axla ábyrgð sína og gefa lífi
sínu og annarra sem mest innihald.
Við viljum að stjórnmálin og við öll,
í sameiningu, vinnum að því að skapa
samfélag þar sem morgundagurinn er
fullur af ögrandi tækifærum, tilgangi
og kvíðalausri gleði. Síðast en ekki
síst eiga Suðurnesjamenn að kjósa
Bjarta framtíð vegna þess að það
situr Suðurnesjamaður í 1. sæti list-
ans maður sem er tilbúinn að starfa að
heilum hug að hagsmunum svæðisins.
Það er mjög mikilvægt fyrir okkur
Suðurnesjamenn að hafa vaska sveit
þingmanna með fjölbreyttan bak-
grunn á alþingi.
páll Valur Björnsson.
KJÖRFUNDUR

vegna alþingiskosninga í
Sveitarfélaginu Vogum 27. apríl 2013
Kjörfundur hefst kl. 10:00 og lýkur kl. 22:00
Kosið verður í Stóru-Vogaskóla, gengið inn frá leikvelli
Kjörskrá í Sveitarfélaginu Vogum vegna alþingiskosninga liggur frammi
almenningi til sýnis á bæjarskrifstofu sveitarfélagsins fram að kjördegi.
Sérstök athygli er vakin á að kjósandi sem ekki hefur meðferðis
persónuskilríki getur átt von á að fá ekki að greiða atkvæði.

Kjörstjórn Sveitarfélagsins Voga