Reykjanes - 11.07.2013, Blaðsíða 14
14 11. júlí 2013
Sjólyst
Fróðleikur um líf og starf Unu
Hollvinir Unu í Sjólyst héldu sýningu í Sjólyst, í tengslum við sólseturshátíðina í
Garði dagana 27. til 30. júní.
Stækkaðar myndir sem sýna Unu
og nokkra samferðarmenn hennar
prýða nú veggi þessa litla notalega
húss auk muna úr eigu Unu.
Margmiðlunarefni sem Guð-
mundur Magnússon formaður
Hollavinafélagsins hefur unnið
var og verður aðgengilegt gestum.
Guðbergur bróðir Guðmundar bauð
upp á kjötsúpu og Slysavarnadeildin
Una bauð upp á bakkelsi með kaffinu.
Mikill fjöldi gesta kom í heimsókn
og kom það mörgum á óvart hversu
mikið efni hefur safnast af fróðleik
um líf og starf Unu Guðmundsdóttur,
völvu Suðurnesja eins og hún var
nefnd í grein eftir Grétar Fells í
Ganglera 1958 og bók Gunnars M.
Magnúss um Unu (Völva Suðurnesja)
sem kom fyrst út árið 1969.
Búið er að hanna og gera fallegt
bókamerki þar sem fram koma
upplýsingar um Unu og mark-
mið Hollvinafélagsins, þau eru til
sölu hjá Guðmundi (4227042 eða
hollvinirunu@simnet.is) og einnig á
bókasafni Garðs og eru til fjáröflunar
fyrir starfsemina sem fyrirhuguð er í
minjasafninu.
Þar sem sýningin tókst svona
vel þykir stjórn félagsins vel við
hæfi að hafa sýninguna opna
áfram næstu helgar, áður en hafist
verður handa við að lagfæra húsið.
Opnunartímar verða á laugardögum
og sunnudögum frá kl. 13: 00 til 17:
00. og eftir samkomulagi.
Stjórn Hollvinafélags Unu Guð-
mundsdóttur þakkar öllum þeim sem
styrkt hafa verkefnið með ýmsum
hætti og sýnt því velvilja sinn í orði
og verki.
Reykjanes leit við í Sjólyst á Sólset-
urshátíðinni og tók nokkrar myndir.
Englar og menn
Strandarkirkja í Selvogi mun óma af fagurri tónlist sjö sunnudaga í sumar, en þar hefst tónlistarhá-
tíðin „Englar og menn“ sunnudaginn
14. júlí. Kl 14:00 Markmið hátíðar-
innar er að bjóða upp á lifandi og
vandaða tónlistarviðburði á hinum
sögufræga stað og auðga um leið tón-
listarlíf á Suðurlandi. Björg Þórhalls-
dóttir sópransöngkona er listrænn
stjórnandi hátíðarinnar. Hún er ekki
með öllu ókunnug Strandarkirkju en
hún kemur nú að tónlistarflutningi
þar áttunda sumarið í röð. Þetta er þó
í fyrsta sinn sem hátíðin er svo um-
fangsmikil. Að þessu sinni eins og svo
oft áður er messu og tónleikum fléttað
saman. Fjóra af sunnudögunum sjö
verður guðsþjónusta í kirkjunni og þá
verður tónlistin samofin athöfninni –
og í hin þrjú skiptin verða tónleikar
eingöngu.
Merkir Suðurnesjamenn
Magnús Gíslason í Garði féll frá 6. júní s. l. Magnús var einn af þeim mönnum
sem setti svip sinn á samfélagið í
Garði og á Suðurnesjum. Magnúsi var
annt um allt sem sneri að menningu
á svæðinu. Hann var m. a. ritstjóri
Faxa. Magnús hafði mikinn áhuga á
frétta-og blaðamennsku og sinnti því
gegnum árin. Blaðið Skiphól gaf hann
út í Garðinum í 35 ár. Merkilegt safn
af heimildum um margvíslega þætti
sveitarfélagins. Magnús var einn af
hinum merku mönnum Suðurnesja.
jón Ögmundsson gæðir sér á kjöt-
súpu.
Kristjana Kjartansdóttir áhugakona
um málefni Garðsins
Sjólyst
Una heitin Guðmundsdóttir
PROMENS DALVÍK • GUNNARSBRAUT 12 • 620 DALVÍK
SÍMI: 460 5000 • FAX: 460 5001 • www.promens.com/dalvik
Frábær feðafélagi!
Einangraður kælikistill undir matvöru
65 lítra kælikistillinn er sérlega hentugur í útileguna, í veiðitúrinn eða í sumarbústaðinn.
Hann er þéttur, vel einangraður og lætur hitastigið úti ekki hafa teljandi áhrif á sig.
Kælikistillinn heldur matvörunni þinni kaldri og ferskri í langan tíma.
Kistillinn er nettur og meðfærilegur með traustum handföngum, læsingu og lömum á lokinu.
Ferðafélagi sem heldur öllum í góðu skapi á ferðalaginu!