Reykjanes - 03.10.2013, Blaðsíða 4
4 3. október 2013
Nemendur Fisktækni-
skólans kynntu sér
atvinnulífið
Nemendur, kennarar og starfsfólk Fisktækiskóla Íslands í Grindavík heim-
sóttu fyrirtæki og stofnanir í Grinda-
vík í gær undir stjórn leiðsögn
Gunnlaugs Dans Ólafssonar kennara
við skólann. Seem kunnugt er var
hann skólastjóri grunnskólans um
árabil. Meðal annars kom hópurinn
við í Kvikunni þar sem þessi mynd
var tekin. Á myndinni er einnig Ró-
bert Ragnarsson bæjarstjóri.
Fisktækniskólinn hefur vaxið
og dafnað undanfarin misseri
en fyrir skömmu kom mennta-
málaráðherra til Grindavíkur og
undirritaði samning til eins árs
um kennslu í fisktækni í tilrauna-
skyni. Um er að ræða kennslu í
fiskvinnslu, fiskveiðum og fiskeldi
samkvæmt námsbrautarlýsingum
í skólanámskrá, sem samþykkt var
af ráðuneytinu 2012(Heimasíða
Grindavíkur)
Söguskilti um Skagagarðinn
Ferða, safna og menningarnefd Garðs hefur áhyggjur af því að einn sögufrægasti staðurinn í
Garðinum, sjálfur Skagagarðinum sé
ekki sýndur mikill sómi. Fyrir nokkrum
mánuðum var húsið Móar rifin en þar
var hugmynd að setja upp staldur fyrir
ferðamenn og merkingar og söguskilti
um Skagagarðinn þessa einu merkustu
byggingu frá landnámsöld og bærinn
ber nafn sitt af. Þarna er óhrjáleg hola og
hörmulegt að sjá hvernig gengið hefur
verið frá eftir að húsið var fjarlægt. FSM-
nefnd skorar á bæjaryfirvöld að láta nú
þegar lagfæra svæðið og koma því í lag.
Persónukjör í Garði?
Í síðasta Reykjanesi sögðum við frá og fjölluðum um tillögu um persónukjör við næstu sveitar-
stjórnarkosningar í Garði. Afgreiðslu
tillögunnar var frestað með 5 at-
kvæðum gegn 2. Hvert verður fram-
haldið? Reykjanes óskaði eftir við
forystumenn framboðslistanna D,L
og N, sem eiga fulltrúa í bæjarstjórn
að þeir sendu blaðinu greinarkorn
til að útskýra málið fyrir lesendum
blaðsins. Reykjanesi barst svar frá
Einari Jóni Pálssyni, oddvita Sjálf-
stæðismanna.
Í síðasta tölublaði Reykjaness var sagt frá tillögu sem lögð var fram á fundi bæjarstjórnar um persónu-
kjör í næstu sveitarstjórnarkosningum
í Garði. Ritstjórinn veltir nú fyrir sér
hver næstu skref verða og hvort af
þessu gæti orðið.
Persónukjör getur verið spennandi
kostur við kjör sveitarstjórnarmanna
og einnig við kjör til Alþingis en það
eru ekki bara kostir við persónukjör
því geta líka fylgt gallar. Almenn um-
ræða um persónukjör hefur ekki verið
mjög mikil enda óljóst hvaða stefnu
á að taka í vali á persónukjörsaðferð.
Fyrir Alþingi hefur legið frumvarp
sem ekki var klárað á síðasta þingi
og óljóst hvort það verði tekið fyrir á
komandi vetri.
Rétt er nú að benda á að persónu-
kjör er ekki einhver nýjung því það
hefur verið viðhaft í sveitarstjórna-
kosningum á Íslandi um langa hríð.
Fram til 1994 var meirihluti sveit-
arstjórnarmanna á Íslandi kjörinn
óhlutbundinni kosningu, þ.e. með
persónukjöri. Þessa persónukjörsað-
ferð þekkja eflaust margir en hún fólst
í að kjósendur rituðu nöfn þeirra á
kjörseðilinn sem þeir vildu sjá í sveit-
arstjórn. Kjósendur hafa líka haft þann
kost að endurraða frambjóðendum á
listum við „hlutfallskosningar“ með
því að númera upp á nýtt og að auki
átt þann kost að strika yfir nöfn fram-
bjóðenda sem þeir vilja alls ekki sjá í
sveitarstjórn.
En til eru ýmsar útgáfur af persónu-
kjöri, má þar nefna persónukjörskerfi
þar sem kjósendur geta valið fram-
bjóðendur þvert á flokka eða lista, líkt
og á Írlandi. Þá má nefna að á norð-
urlöndunum er persónukjör viðhaft
með mismunandi aðferðum og vægi
á kjör manna.
Samband íslenskra sveitarfélaga
sendi frá sér umsögn fyrr á árinu um
áðurnefnt frumvarp til laga um sveit-
arstjórnarkosningar (persónukjör).
Í frumvarpinu er gert ráð fyrir að
persónukjör við sveitarstjórnarkosn-
ingar verði aukið frá því sem nú er við
hefðbundnar listakosningar og horft
til þess kerfi sem Norðmenn nota við
sveitarstjórnar- og fylkiskosningar,
en það aðlagað íslenskum aðstæðum.
Stjórn sambandsins telur ekki koma
til álita að hafa persónukjör valkvætt
sem kosningaraðferð við sveitar-
stjórnarkosningar, eins og stundum
hefur komið til tals og felst í tillögu
N-listans, heldur verði sömu reglur að
gilda í öllum sveitarfélögum. Einnig
er rétt að benda á að við umræðu um
persónukjör á vettvangi sambandsins
hefur iðulega komið fram það sjónar-
mið sveitarstjórnarmanna að réttast
væri að byrja á að gera tilraunir með
persónukjör í Alþingiskosningum,
frekar en að gera sveitarfélögin að
vettvangi slíkra tilrauna.
Það getur því ekki komið á óvart
að undirritaður hafi á fundi bæjar-
stjórnar borið fram tillögu:
„Þar sem lögum um kosningar til
sveitarstjórna hefur ekki verið breytt,
með ákvæðum um persónukjör, legg
ég til að afgreiðslu málsins verði fre-
stað.“
Einar Jón Pálsson
Forseti bæjarstjórnar Garðs
Gamla myndin
Í Garðinum
Árið 1906 keypti Thor Jensen Gerðaverslun af Finnboga
Lárussyni og tók þá jafnframt við út-
gerð hans. Í endurminningum sínum
segir Thor Jensen frá því að sæmilega
hafi aflast á vertíðinni árið 1906 og
hafi hann fengið mikinn fisk til út-
fluttnings auk þess sem lýsisbræðsla
gaf mikið í aðra hönd.
Thor var annar tveggja stærstu
hluthafa í fyrirtækinu P.J. Thor-
steinsson & Co „Milljónafélaginu“
sem stofnað var árið 1907. Það tók
við rekstri útgerðar Thor og jók hana
í mun. Athafnasemi einkenndi starf-
semi félagsins og mannlífið í verstöð-
inni tók á sig nýjan svip. Hermir ein
heimild að félagið hafi síðasta árið
sem þar starfaði gert út í Gerðum, átta
áttæringa og einn sexæring.
Milljónafélagið hætti starfsemi
árið 1913. Þá færðist í aukana sjó-
menn sem réru á eigin skipum
og smærri áraskipum fjölgaði í
hreppnum. Fjölgun báta á árunum
1914 – 1917 má að líkindum rekja
til þess að fiskverð hækkaði mikið
vegna styrjaldarinnar, sem leiddi til
vaxandi samkeppni kaupmanna á
Suðurnesjum um fisk.
Fjöldi áraskipa í Garðinum
1913 – 1920
Ár Fjöldi skipa Skipverjar
1913 33 251
1914 64 344
1915 51 284
1916 72 260
1917 77 328
1918 69 255
1919 45 180
1920 61 234
Göngum á Þorbjörn
Á fundi Frístunda og menn-ingarnefndar Grindavíkur var
kynnt hugmynd að heilsueflingar-
verkefni sem felur í sér laugardags-
göngur upp á Þorbjörn. Nefndin
hvetur UMFG til að grípa boltann
á lofti og setja sig í samband við
Kristján Bjarnason hugmyndasmið
og hrinda þessu í framkvæmd sem
fyrst.