Reykjanes - 12.12.2013, Blaðsíða 14

14 12. desember 2013
C
M
Y
CM
MY
CY
CMY
K
RE121213.pdf 5.12.2013 16:10:20
Stór og mikill víkingur
Helgi Valdimarsson lista-maður í garði hefur að undanförnu unnið að gerð
heljarinnar víkings. Reykjanes leit
við einn daginn hjá Helga. Þessi
víkingur er engin smá smíði. Þetta
listaverk mun sóma sér vel hvar sem
er og minna okkur á söguna. Von-
andi verður hann staðsettur hér á
Suðurnesjum.
Nesfisktogarnir
byrja vel í desember
Það er greinilega nægur þorskur í sjónum því stóru línubátarnir sem og togveiðiskipin voru að
mokfiska við norðan og vestanvert
landið. Togarinn Sóley Sigurjóns
GK sem Nesfiskur í Garði gerir út
náði mestum afla á mánuði núna í
nóvember þegar að skipið landaði
samtals 611 tonnum í 6 löndunum.
Sem dæmi um aflann þá kom togar-
inn með 128 tonn eftir einungis tæpa
3 daga höfn í höfn. Það gerir um 43
tonn á dag sem er ansi góður afli.
Hinn Nesfiskstogarinn Berglín GK
fiskaði líka mjög vel og landaði 479
tonnum í 5 löndunum. Af öðrum tog-
skipum má nefna Áskel EA sem var
með 260 tonn í 5 og Vörð EA sem var
með 258 tonn í 4 löndunum.
Nesfiskstogarnir byrja vel núna
í desember því Sóley Sigurjóns GK
landaði 99 tonnum og Berglín GK
102 tonnum báðir í Keflavík.
Dragnótaveiði var lítil enn á móti
kemur að bátarnir eru að fá mjög
góð verð á fiskmörkuðum, það er að
segja þeir bátar sem landa aflanum
þar. Sigurfari GK var hæstur bátanna
með 46 tonn í 9 róðrum. Benni Sæm
GK var með 45 tonn í 11. Örn KE 39
tonn í 14, Siggi Bjarna GK 35 tonn í
11, Arnþór GK 29 tonn í 8, Farsæll
GK 27 tonn í 8 og Njáll RE 23 tonn
í 9. Þess má geta að Farsæll GK er
hættur veiðum og mun ekki fara aftur
á veiðar fyrr enn eftir áramót.
Núna í byrjun des þá hafa ekki
margir dragnótabátar landað afla,
Örn KE er með 3,3 tonn og Njáll RE
2,9 tonn báðir í einum róðri.
Erling KE var langaflahæstur neta-
bátanna á landinu og var sá eini sem
yfir 100 tonnin komst, landaði bátur-
inn 178 tonnum í 6 róðrum og mest
51 tonn í einni löndun. Hjá Erling
KE var ufsi uppistaða afla og reyndar
landaði báturinn aldrei í heimahöfn
því mestum hluta af aflanum var
landað í Vestmannaeyjum enda var
báturinn að veiðum þar í grennd.
Tjaldanes GK var með 86 tonn í 14
róðrum og var stærsti róðurinn 21
tonn, þar var líka ufsi uppistaða afl-
ans. Maron GK var með 22,5 tonn í 18
róðrum og Happasæll KE 22,4 tonn í
14 róðrum. Ansi lítill munur á þeim
tveim. Askur GK landaði í Grindavík
og var með 21 tonn í 14.
Ekki er hægt að segja að desember
byrji vel hjá netabátunum því Maron
GK hefur landað 1,1 tonni í tveim
löndunuim og Happasæll KE 321
kílói í einum róðri.
Addi Afi GK var hæstur smá-
bátanna undir 10 BT með 36 tonn
í 7 róðrum og var öllum aflanum
landað á Skagaströnd. Birta Dís GK
var hæstur bátanna sem lönduðu á
Suðurnesjunum og var með 17 tonn
í 5 róðrum, öllu landað í Sandgerði.
Diddi KE var með 13 tonn í 5 róðrum.
Mjög langt var í næsta bát sem var Líf
GK sem var á línu og landaði 2,7 tonn
í tveim löndunum í Sandgerði. Byr
GK var í Grindavík með 2,1 tonn í
3 róðrum.
Smábátarnir yfir 10 BT eru ennþá
fyrir austan og norðan land og var
Auður Vésteins SU hæstur með 92
tonn í 15 róðrum. Hópsnes GK var
með 82 tonn í 17, Gísli Súrsson GK
82 tonn í 14, Þórkatla GK 76 tonn í
14 og Óli á Stað GK 72 tonn í 15. Af
bátunum sem lönduðu í Sandgerði
og Grindavík þá var Óli Gísla HU
hæstur með 58 tonn í 13. Daðey GK
var ekki langt á eftir með 57 tonn í
12 og Dúddi Gísla GK 52 tonn í 11
og þar var stærsti róðurinn 9,3 tonn.
Gulltoppur GK sem stundar
línuveiðar með bölum færði sig
frá Djúpavogi og til Siglufjarðar
og landaði í heildina 167 tonnum
í 23 róðrum. Eitthvað gekk þeim á
Gulltoppi GK erfiðlega að ná yfir 10
tonnin í einum róðri því stærsti róð-
urinn var 9,9 tonn.
Smá slatti af rækju kom á land og
kom Magnús Geir KE með 32 tonn í
10 róðrum sem landað var í Keflavík
og Grindavík. Friðrik Sigurðsson
ÁR kom með 9,8 tonn í einum róðri
sem landað var í Njarðvík og í fram-
haldinu af þeirri löndun var báturinn
tekinn í slipp í Njarðvík. Orri ÍS land-
aði svo 1,9 tonni í tveim löndunum
Þar sem þetta er síðasti
aflafréttapistillinn á árinu þá langar
mér að óska lesendum blaðsins
gleðilegra jóla og eigiði ánægjulegt
ár framundan.
Gísli R.
AflafréttirVigdís
fær
verðlaun
Frú Vigdís Finnboga-
dóttir fékk Norrænu
tungumálaverðlaunin
2013.
Álit dómnefndar er að verð-launahafinn hafi „einstakt lag á að vísa veginn bæði
þann sem liggur fram og þann sem
farinn er, að gæta jafnvægis milli
sögu og menningararfs og nýsköp-
unar, og vera málsvari fyrir jafnt
málvernd og framþróun. Það er
lofsvert í sjálfu sér þegar stjórnmála-
maður setur tungumál í forgang.
Vigdís hefur alla sína starfsævi verið
leiðarljós í norrænni málstefnu“.
Lesið meira á heimasíðu Norræna
félagsins.