Kjarninn - 13.03.2014, Side 10

03/04 StjórnMáL
Skoðanakannanir hafa áhrif
Skoðanakannanir hafa sýnt eindreginn stuðning meðal
þjóðarinnar við það að þjóðaratkvæðagreiðsla fari fram
um framhald aðildarviðræðna, í ljósi afstöðu stjórnvalda til
aðildarumsóknarinnar. Samkvæmt þjóðarpúlsi Capacent,
könnun sem gerð var dagana 27. febrúar til 5. mars, vilja 72
prósent kosningabærra kjósa um framhald viðræðna við
Evrópusambandið. Samkvæmt heimildum Kjarnans hefur
það komið mörgum úr þingflokkum beggja stjórnarflokka
á óvart hversu víðtækur stuðningur er við þjóðaratkvæða-
greiðslu um framhald málsins, og hefur sú staðreynd, sem
endurtekið hefur komið fram í könnunum að undanförnu,
haft áhrif á það hvað augum þingmenn flokkanna horfa til
framhalds málsins.
Standa í ströngu
Formenn stjórnar-
flokkanna, Bjarni
Benediktsson og
Sigmundur davíð
Gunnlaugsson, eru
með marga þræði
í hendi sér þessa
dagana.