Dagblaðið Vísir - DV - 06.09.2007, Blaðsíða 6

Gamli Baldur Á sama tíma
og Vegagerðin ákvað að
fjárfesta í nýrri Grímseyjar-
ferju var flóabáturinn
Baldur seldur og reksturinn
þar með einkavæddur.
fimmtudaGur 6. septemBer 20076 Fréttir DV
Ferðaþjónustufyrirtækið Sæferðir
í Stykkishólmi keypti gamla flóa-
bátinn Baldur af Vegagerðinni á 38
milljónir króna og seldi hann aftur
á tæpar 100 milljónir í einkavæð-
ingu á ferjusiglingum um Breiða-
fjörð. Vegagerðin fékk hluta sölu-
hagnaðarins í sinn hlut samkvæmt
samningi sem gerður var þegar Sæ-
ferðir keyptu Baldur. Sæferðir fjár-
festu í kjölfarið í nýrri ferju fyrir um
110 milljónir, eða svipað og Gríms-
eyjarferjan kostaði upphaflega.
Endanlegur kostnaður með breyt-
ingum varð 190 milljónir króna.
Páll Kr. Pálsson, stjórnarformað-
ur Sæferða, segir að rekstur flóa-
bátsins Baldurs sé í rauninni dæmi
um vel heppnaða einkavæðingu. „Á
sama tíma og stjórnvöld fjárfestu í
nýrri Grímseyjarferju, með öllum
þeim erfiðleikum sem komið hafa
í kjölfarið, voru siglingar á Breiða-
firði einkavæddar með prýðilegum
árangri,“ segir Páll.
Ekki hafa fengist upplýsingar
um hvert hlutfall Vegagerðarinn-
ar var í söluhagnaðinum. Bæði var
leitað svara hjá Vegagerð og fjár-
málaráðuneyti.
Sömu ráðgjafarnir
Þegar flóabáturinn Baldur var
endurnýjaður fengu Sæferðir til
liðs við sig skipaverkfræðinginn
Einar Hermannsson og ráðgjafa-
fyrirtækið Navis-Feng í Hafnarfirði.
Þetta eru sömu aðilar og gagnrýnd-
ir hafa verið fyrir að hafa veitt Vega-
gerðinni slaka ráðgjöf við kaup og
endurbætur á Grímseyjarferjunni.
Páll segir að sér hafi reynst þetta
samstarf farsælt. „Þessir aðilar
reyndust okkur mjög vel og eins
höfum við átt mjög góð samskipti
við Vegagerð, Siglingastofnun og
ráðuneyti,“ segir Páll.
Nýi Baldur var keyptur fyrir
svipað verð og Grímseyjarferjan.
Hann var gerður upp í skipasmíða-
stöð í Hollandi og kostaði tilbúinn
um 190 milljónir króna. „Við fund-
uðum með hagsmunaaðilum við
Breiðafjörðinn. Það komu vitan-
lega upp alls kyns óskir um búnað
skipsins, stærð, siglingarhraða og
fleira í þeim dúr,“ segir Páll. Hann
segir að engu að síður hafi fólki ver-
ið gerð grein fyrir því að fyrirtækið
yrði að miða þessar endurbætur
við að reksturinn yrði bærilegur og
Sæferðir hefðu síðasta orðið.
Áhætta með eigið fé
Vilhjálmur Egilsson, fram-
kvæmdastjóri Samtaka atvinnulífs-
ins, sagði í DV í síðasta mánuði að
sennilega hefði Vegagerðin átt að
bjóða út reksturinn á skipinu. „Þá
hefði einungis þurft að setja skil-
yrði um hvernig skipið ætti að vera
og hvernig þjónustunni skyldi hátt-
að,“ sagði Vilhjálmur.
Páll tekur undir þessi orð Vil-
hjálms. „Í okkar tilviki bar ég ábyrgð á
peningamálunum fyrir hönd félags-
ins. Hjá hinu opinbera er verkefna-
stjórnin ekki nógu skýr. Að málinu
koma stjórnmálamenn, ráðherrar,
Vegagerð og ráðgjafar og það gerir
mönnum erfitt fyrir,“ segir hann.
Páll segir að áður en lagt hafi
verið út í kaupin á nýjum Baldri,
hafi þegar verið gert arðsemis- og
áhættumat, þannig að engum hefði
getað dulist hvað fólst í verkefninu.
„Þarna erum við að taka áhættu
með okkar eigin peninga og það
hefur gengið þokkalega þrátt fyrir
talsverða skuldsetningu.“
Vestmannaeyjaferju í einka-
framkvæmd
Páll segir mál Grímseyjarferj-
unnar einkennast af skelfilegum
mistökum og málið hefði aldrei
þurft að rata í viðlíka ógöngur. Hann
segir að nú þegar við blasir að bæta
samgöngur við Vestmannaeyjar,
ættu menn að reyna að draga lær-
dóm af Grímseyjarferjumálinu.
„Hvað varðar Baldur hafa all-
ir komið þokkalega út úr einka-
væðingunni á sama tíma og það
var einkaaðili sem tók áhættuna í
stað skattborgaranna,“ segir hann.
Hann telur að menn ættu að fara
eftir svipaðri línu þegar kemur
að því að bæta siglingar við Vest-
mannaeyjar. „Lærdómurinn er í
sjálfu sér einfaldur. Látum einka-
aðila um að taka áhættuna í svona
tilvikum.“
Sæferðir í Stykkishólmi högnuðust á því að kaupa flóabátinn Baldur af Vegagerðinni á
38 milljónir og selja hann aftur fyrir tæpar 100 milljónir. Vegagerðin fékk hluta
söluhagnaðarins. Sæferðir keyptu nýja ferju og sigla henni um Breiðafjörð. Páll Kr.
Pálsson segir þetta vel heppnaða einkavæðingu á almenningssamgöngum.
Grímseyjarferja leiði í ljós ókosti ríkisreksturs.
SELDU BALDUR TVÖFALT
DÝRAR EN ÞEIR KEYPTU
„Lærdómurinn er í
sjálfu sér einfaldur. Lát-
um einkaaðila um að
taka áhættuna í svona
tilvikum.“
SiGtryGGur Ari jóhAnnSSon
blaðamaður skrifar: sigtryggur@dv.is
Brutust inn og
stálu tölvum
Tveimur fartölvum var stolið í
innbroti við Sigluvog í fyrrakvöld.
Höfðu tveir menn spennt upp
glugga á húsi í götunni og komist
inn í íbúðina á jarðhæð.
Að sögn lögreglunnar í
Reykjavík var lögreglan kölluð á
vettvang um tíuleytið en þá hafði
þjófunum tekist að hafa á brott
með sér tvær fartölvur. Ekki ligg-
ur fyrir hvort mennirnir hafi haft
eitthvað annað á brott með sér.
Lögreglan telur sig vita hverjir
voru að verki en hún fékk grein-
argóða lýsingu á þeim.
Níutíu prósent
bíða úthlutunar
Sjávarútvegsráðuneytið er búið
að úthluta 409 þorskígildistonn-
um af byggðakvóta síðasta árs, það
er að segja þess fiskveiðiárs sem
rann út þegar föstudagur breyttist
í laugardag um síðustu helgi.
Nýjar reglur um úthlutun hafa
gert stjórnvöldum erfitt fyrir með
að úthluta byggðakvóta. Þau 409
tonn sem þegar er búið að úthluta
eru aðeins innan við tíundi hluti
alls þess kvóta sem ætlaður var
til byggðastuðnings. Alls nemur
hugsanlegur byggðakvóti síðasta
árs 4.385 þorskígildistonnum.
Fleiri sofa
á hótelum
Rúmlega sex þúsund og
eitt hundrað ferðalangar gistu
gistiheimili landsins hverja einustu
nótt júlímánaðar að meðaltali.
Ferðalöngum sem gista á hót-
elum og gistinóttum fjölgar jafnt
og þétt. Í júlí voru þeir 189.300
talsins, 11.500 fleiri en í sama
mánuði í fyrra. Fjölgunin nemur
sex prósentum. Mest var fjölgunin
á Norðurlandi þar sem gistinóttum
fjölgaði um tólf prósent. Minnst
fjölgaði gistinóttum hins vegar á
Austurlandi, um rúm fjögur pró-
sent. Íslendingum fjölgaði um 23
prósent á hótelum.
Ritfangaverslun
ríkisins
„Ég ergi mig líka á því að
árið 2007 hafi verið stofnuð
Ritfangaverslun ríkisins,“ segir
Sigurður Kári Kristjánsson,
þingmaður Sjálfstæðisflokksins.
Hann er ósáttur við hvernig
Íslandspóstur hefur aukið
vöruúrval og býður nú meðal
annars upp á skrifstofuvörur og
geisladiska á pósthúsum sínum.
DV greindi frá gagnrýni
Sigurðar Kára á Íslandspóst
á dögunum. Hann er ósáttur
við viðbrögð forsvarsmanna
Íslandspósts og segir á vef
sínum að svo virðist sem þeir
átti sig ekki á að þeir reka ekki
hvert annað fyrirtæki heldur
ríkisfyrirtæki. Það sé mjög
ergilegt.
InnLendarFréttIr
ritstjorn@dv.is
Það sem af er ári hafa 13.649
nýjar bifreiðar verið fluttar inn
til landsins samkvæmt hagtölum
frá Hagstofu Íslands. Meðalfjöldi
nýskráðra bíla er 55 á dag. Líkt
og síðustu ár hefur Toyota fram-
leiðandinn yfirburðarstöðu í fjölda
innfluttra bíla, eða um 23,7 prósent
af heildarinnflutningi. Volkswagen
er í öðru sæti með 1.353 innfluttar
bifreiðar eða tæp 10 prósent.
Algjör sprenging varð í inn-
flutningi nýrra bíla til landsins í júlí,
því nýskráðir fólksbílar voru 82,2
prósentum fleiri í júlí síðastliðnum
heldur en á sama tíma árið 2006.
Þrátt fyrir þessa miklu aukningu
í júlí dróst innflutningur á nýjum
bifreiðum saman um 9,7 prósent á
tímabilinu frá áramótum og til loka
júlí, samanborðið við sama tímabil
í fyrra.
Vinsælasti nýi bíllinn á götum
landsins er Toyota Yaris, en sjö
hundruð sextíu og níu slíkir bílar
voru nýskráðir á tímabilinu frá ára-
mótum til síðustu mánaðamóta.
Fjölskyldubíllinn Skoda Octavia
er næstvinsælasti fólskbíllinn, því
sex hundruð og níu þannig bílar
voru nýskráðir á sama tímabili. Í
heildina hafa um 2,5 nýir Skoda
Octavia-bílar verið nýskráðir á dag
það sem af er ári.
Það er ekki aðeins innflutning-
ur á bílum sem tekur breytingum.
Fleira hefur breyst í milliríkjavið-
skiptum Íslendinga.
Útflutningur á áli hefur stór-
aukist á þessu ári samanborið við
síðasta ár. Í júlí síðastliðnum voru
flutt út 64,3 prósentum meira af áli
heldur en í júlí árið 2006. Frá ára-
mótum og til júlíloka var verðmæti
álútflutnigs í heildina 47,7 prósent-
um meiri heldur en á sama tímabili
í fyrra. Þessa miklu aukningu má
rekja til þess að í ár var álver Alcoa
á Reyðarfirði tekið í noktun.
valgeir@dv.is
Íslendingar nær tvöfölduðu bílakaup sín í júlí miðað við sama tíma í fyrra:
Sprenging í innflutningi nýrra bíla
nýr bílafloti flutningafélög hafa haft nóg að gera við að flytja bíla til landsins.
tæplega fjórtán þúsund nýir bílar komu til landsins fyrstu sjö mánuði ársins.