Dagblaðið Vísir - DV - 06.09.2007, Blaðsíða 8

fimmtudagur 6. september 20078 Fréttir DV
27
59
/
TA
K
TÍ
K
9
.2
00
7
Eftirlit Svæðisskrifstofu málefna fatlaðra er í kastljósinu í kjölfar sýknudóms í nauðgunarmáli þar sem
þroskahamlaðir einstaklingar áttu í hlut. Konan átti að vera í umsjón starfsmanna Svæðisskrifstofu en það
brást. Jón Heiðar Ríkharðsson, framkvæmdastjóri Svæðisskrifstofu málefna fatlaðra, segir að reglan sé sú að
reyna að virða einkalíf fólks eins mikið og hægt er. Vinkona fórnarlambsins er hneyksluð á að sýknudóminum.
ÁTTI AÐ VERA Í FYLGD
Þroskahömluð kona átti að vera í
umsjón starfsmanns Svæðisskrifstofu
málefna fatlaðra kvöldið sem
þroskahamlaður maður fór með hana
heim til sín og hafði þar mök við hana.
Konan brast í grát þegar heim var
komið, kvartaði undan verk í klofinu
og sagði að sér hefði verið nauðgað.
Maðurinn var hins vegar sýknaður af
ákæru um nauðgun í fyrradag.
„Ég þekki þetta mál ekki og
við tjáum okkur ekki um einstök
mál. Almennt er reglan sú að virða
einkalíf fólks eins mikið og mögulegt
er. Hins vegar fer það allt eftir því í
hvers konar þjónustu konan hefur
verið,“ segir Jón Heiðar Ríkharðsson,
framkvæmdastjóri Svæðisskrifstofu
málefna fatlaðra (SSR). Í fyrradag
var kveðinn upp sýknudómur í
Héraðsdómi Reykjavíkur þar sem
33 ára gamall þroskahamlaður
karlmaður var sýknaður af ákæru
um að hafa nauðgað 31 árs gamalli
þroskahamlaðri konu.
Sýknunin var byggð á þeim for-
sendum að maðurinn hafi ekki getað
gert sér grein fyrir því að hann væri
að notfæra sér aðstöðu sína þeg-
ar hann framdi verknaðinn. Þetta
var niðurstaða tveggja sérfræðinga
sem fengnir voru til að meta ástand
mannsins.
Finna nýjar leiðir
Í dómnum kom fram að hann
væri með greindarvísitölu á bilinu
frá 60 til 68 stig en konan væri með
greind upp á 50 til 56 stig en væri
með sterka siðferðisvitund. Hann
hafði hitt stúlkuna á balli sem haldið
var á vegum SSR og spurt hana hvort
hún vildi vera kærastan hans. Hún
hafi jánkað og því næst farið með
honum upp í bíl að heimili manns-
ins þar sem hann hafði kynmök við
hana.
Aðspurður hvort til greina komi
að endurskoða vinnubrögð eftir að
þetta tiltekna mál kom upp segir
Jón Heiðar að það sé sífellt í skoð-
un hvernig megi minnka áhættu
þeirra sem njóta þjónustu SSR. „Það
er hluti af okkar starfi að finna nýjar
leiðir og vissulega er það alltaf í skoð-
un hvernig megi gera betur.“
Mjög ósátt
Vinkona konunnar sem varð fyrir
nauðguninni segir að hún sé mjög
ósátt við sýknudóminn. Hún vill ekki
koma fram undir nafni því hún hefur
starfað á SSR. Hún er mjög ósátt við
þá starfshætti sem eru viðhafðir þar.
Vinkonan segir að sú staðreynd að
maðurinn skynji ekki muninn á réttu
og röngu sé algjörlega látin bitna á
stúlkunni. Beinist gagnrýni hennar
einnig að því að maðurinn hafi ekki
verið dæmdur í neina meðferð eða
hjálp. Skilaboðin sem hann fær eru
þau að hann geti haldið áfram að
fremja slík brot.
Ekki í fyrsta skiptið
Vinkona stúlkunnar segir að hún
hafi átt að vera undir umsjón starfs-
manns SSR allan tímann en enginn
vilji bera ábyrgð í málinu. Stúlkan
yfirgaf ballið með manninum sem
kynnti hana fyrir systur sinni og
móður sinni. Vinkonan segir að kyn-
ferðismál og nauðganir hjá þroska-
hömluðum einstaklingum séu í mik-
illi vanrækslu.
Vinkonan gagnrýnir einnig að-
gerðir yfirvalda í málinu en forstöðu-
kona heimilisins sem fylgdi henni
eftir allt kvöldið var ekki kölluð fyrir
sem vitni í málinu. Tveir þroskaheft-
ir menn hafi hins vegar verið kallaðir
fyrir sem vitni.
Í dómnum sem kveðinn var upp
í fyrradag segir að stúlkan hafi ver-
ið með heftan málþroska og maður-
inn hafi vitað það vel en samt verið
sýknaður. Hún segir að réttast hefði
verið að dæma manninn til að leita
sér aðstoðar og í skilorðsbundið
fangelsi.
Framkvæmdastjóri
SSR Jón Heiðar
ríkharðsson segir að
reglan sé sú að virða
einkalíf fólks.
Héraðsdómur Reykjavíkur maðurinn
var sýknaður í Héraðsdómi reykjavíkur í
fyrradag.
EinaR ÞóR SiguRðSSon
blaðamaður skrifar einar@dv.is