Sveitarstjórnarmál - 01.06.1943, Blaðsíða 27

SVEITARSTJÓRNARMÁL
23
Athugun þessi fari fram í samráði við
hlutaðeigandi bæjar- og sveitarstjórnir,
eftir því, sem þurfa þykir, og' sé henni
lokið fyrir reglulegt Alþingi 1944.“
Er nú þess að vænta, að einhver skrið-
ur komist á þessi mál.
I í»8
um stækkun lögsagnarum-
dæmis Heykjavíkur.
1. gr. — Frá 1. mai 1943 skal leggja
undir lögsagnarumdæmi Reykjavíkur
jarðirnar Elliðavatn og Hólm í Seltjarn-
arneshreppi ásamt lóðum og löndum.
sem úr þeim hafa verið seldar, svo og
spildu þá úr landi jarðarinnar Vatnsenda
í sama hreppi, er bæjarstjórn Reykja-
víkur kann að taka eignarnámi samkv.
heimild í lögum nr. 57 4. júlí 1942. Enn
fremur skal leggja undir lögsagnarum-
dæmið frá sama tíma jarðirnar Grafar-
holt, að svo miklu lejdi, sem eignarnáms-
heimild 3. gr. tekur til, Gufunes, Keldur,
Eiði, Knútskot, Ivorpúlfsstaði, Lambhaga,
Reynisvatn og' jarðarhlutann Hólmsheiði
í Mosfellshreppi, ásamt öllum lóðum og
löndum, sem seldar hafa verið úr þeim.
Frá 1. maí 1953 skal leggja undir lög-
sagnarumdæmi Reykjavíkur þann hluta
Grafarholts, sein samkv. 1. mgr. fellur
eigi nú þegar undir það.
2. gr. — Frá 1. maí 1943 tekur Reykja-
víkurhær að sér framfærslu allra þeirra
þurfamanna, sem eru eða verða og fram-
færslurétt eiga eða mundu eignast, ef lög
þessi yrðu ekki sett, vegna fæðingar eða
dvalar á löndum þeim, er um ræðir í 1. gr.
3. gr. — Ræjarstjórn Reykjavíkur er
fyrir 1. sept. 1943 heimilt, ef ekki næst
samkomulag við eiganda Grafarholts
fyrir 1. júní 1943 um kaup á jörðinni, að
láta taka eignarnámi jörðina Grafarholt
í Mosfellshreppi, ásamt nýbýlinu Engi-
og þeim lóðum og löndum, er sekl hafa
verið úr landi jarðarinnar. Eignarnámið
skal framkvæmt samkv. lögum nr. 61 14.
nóv. 1917. Eignarnámsheimild þessi tek-
ur þó ekki til þess hluta Grafarholts-
lands, sem er neðan við Vesturlands-
hraut.
4. gr. — Fyrir árslok 1943 skulu fara
fram endanleg fjárskipti milli Reykja-
víkurbæjar og Seltjarnarneshrepps ann-
ars vegar og Reykjavikurbæjar og Mos-
fellshrepps hins vegar, þar á meðal vænt-
anlegar skaðabótagreiðslur til hrepp-
anna.
5. gr. — Allar fjárgreiðslur samkv.
lögum þessum, aðrar en endurgjald fyrir
Grafarholt samkv. 3. gr„ skulu ákveðnar
af gerðardómi, og' skal hann einnig skera
úr öllum ágreiningi milli málsaðila út af
lögum þessum. Gerðardóminn skipa 3
menn, er hæstiréttur nefnir til þess. Skal
einn þeirra vera dómari í hæstarétti, og
er hann formaður gerðardómsins. Kostn-
að við gerðardóminn greiðir Reykjavík-
urbær eftir ákvörðun dómsins.
6. gr. — Lög þessi öðlast þegar gildi.
Oddviti Blönduóshrepps
er Steingrímur Davíðsson, en ekki Páll
Geirmundsson, eins og sagt var í 1. hefti
siðasta árgangs „Svstjm.“, og leiðréttist
það hér með.
Oddvitaskipti
hafa orðið í Rauðasandshreppi í Vest-
ur-Barðastrandarsýslu. Séra Þorsteinn
Kristjánsson, er var oddviti þar, fórst
með vélskipinu Þormóði. Varamenn
höfðu engir verið kosnir þar í hreppnum
í almennu kosningunum 12. júlí 1942, og
fór því fram kosning eins aðalmanns og
allra varamanna hinn 28. marz s.l.
Kosningu sem aðalmaður hlaut Snæ-
björn J. Thoroddsen. Hann var og kos-
inn oddviti hreppsins á næsta fundi
hreppsnefndar.