Hermes - 01.04.1971, Page 2
hermes
útgefandi:
NSS
1971 — 12. órg. — 1. tbl.
ritstjóri:
Guðmundur R. Jóhannsson
ritnefnd:
DAGUR ÞORLEIFSSON
JÓNAS FR. GUÐNASON
RÚNAR JÓHANNSSON
prentun:
PRENTSMIÐJA JÓNS HELGASONAR
I þessu hefti birtist kynning á nóbelsskáldum tveggja ára: Yasunari
Kawabata 1968 og Samuel Becketf 1969.
ÁstœSan til þess er sú að nóbelskynning féll niður fyrir árið 1968,
en svo tók Kristján Karlsson, bókmenntafrœðingur, að sér kynningu
þessara tveggja rithöfunda á nóbelskynningu Samvinnuskólans á
síðasta ári.
Þetta er í fimmta sinn að nóbelshefti Hermesar kemur út og er með
þessari útgáfu að safnast mikill og aðgengilegur fróðleikur um höf-
unda sem oft eru lítt eða ekki kunnir hér á landi og mun bókmennta-
fólki nú þegar þykja góður fengur í.
Kristján Karlsson, bókmenntafrœðingur, er löngu þjóðkunnur fyrir
ritstörf sln. Hann fœddist 26. janúar 1922 að Eyvík á Tjörnesi, sonur
hjónanna Karls Kristjánssonar alþm. og Pállnu Jóhannesdóttur.
Kristján lauk prófi frá menntaskólanum á Akureyri 1942. Stundaði
því nœst nám við University of California og lauk B. A. prófi þaðan
1945 með ensku sem aðalgrein og frönsku og þýzku sem auka-
greinar.
Árin 1945—47 var hann við nám við Columbia University í New
York og tók m. a. próf þaðan í enskum og frönskum samanburðar-
bókmenntum.
Kristján var bókavörður Fiskesafnsins íþöku, New York 1948—52.
Hann hefur starfað við bókaforlagið Helgafell síðan 1956 og á ár-
unum 1956 til 1959 var hann jafnframt ritstjóri bókmenntatímaritsins
Nýtt Helgafell.
Fyrri konu sinni Nancy, fœdd Davies, kvœntist Kristján 1945 en hún
lézt árið 1949. Síðari kona hans er Elísabet Jónasdóttir úr Reykjavík.