Hús & Búnaður - 01.06.1968, Blaðsíða 5

LITLA-
BÍÓ
Stundum verður maður undrandi yfir hversu margar
dyr virðast standa opnar fyrir ýmsa, sem við svo-
nefndan ,,bisness“ fást. Virðist litlu máli skipta við
hvað er fengizt. Aðalatriðið er, að ,,bisnessinn“ gangi.
Ráðist hins vegar einhver í fyrirtæki eða framkvæmd,
sem þjóðnýtt og menningarlegt gildi hefur, eru allt
í einu komnir slagbrandar fyrir hverjar dyr. Slíkir
menn geta jafnvel árum saman þurft að standa
við luktar dyr og knýja á, án þess hin daufu eyru heyri
og opnað sé í hálfa gátt. Flestir hafa raunar áður gefizt
upp. En svo getur þyrnirósarsvefninn rofnað hægt og
hægt. Hinn ferski blær morgunsins hefur þá gjarnan
breytzt í lognmollu síðdegisins, og dökkir hundraðkall-
arnir varpa skuggum yfir sviðið.
Kvikmyndagerð er ný starfsgrein hér á landi. Fram
til þessa höfum við of lítið haft af listgildi kvikmynd-
anna að segja. Þekking okkar á þessu sviði hefur
fremur náð til glanstrúða og ofurmenna, ekki til list-
arinnar sjálfrar. Að vísu hafa verið sýndar hér afburða
góðar myndir, en þær heyra þó undantekningunum til.
Litlar tilraunir hafa verið uppi til að skipuleggja og
þroska listáhuga fólks, heldur önnur sjónarmið verið
látin vísa veg. Dyrnar hafa sem sagt staðið opnar.
Nú er loks í undirbúningi stofnun nýs félags. Nefn-
ist það ,,Kvikmyndaklúbburinn“. Markmið hans er að
koma á fót kvikmyndasafni, efla kvikmyndagerð hér
á landi og auka kynningu og fræðslu um kvikmynda-
list. Starfsemin er raunar tvíþætt, þótt hún sé samofin:
Annars vegar starfar Kvikmyndasafnið, sem er sjálfs-
eignarstofnun er safnar og varðveitir sýningarmyndir.
Rekur það hið nýstofnaða kvikmyndahús að Hverfis-
götu 44 undir nafninu „Litla-bíó". Hinsvegar er unnið
að stofnun kvikmyndaklúbbs áhugafólks um þessi
málefni. Helzti hvatamaður klúbbsins er Þorgeir Þor-
geirsson kvikmyndagerðarmaður.
Félagar kvikmyndaklúbbsins geta allir gerzt, sem
orðnir eru 16 ára eða eldri og uppfylla skilyrði hans.
Félagsgjaldið er kr. 250.00 á ári, en það veitir auk
þess rétt til aðgöngu að fjórum sýningum safnsins.
Meðlimir geta síðan fengið viðbótarkort, sem kosta
þá aðeins kr. 120.00 og gilda einnig að fjórum sýn-
ingum. Af þessu má sjá, að auk þess að fá þannig
aðgang að góðum sýningum er aðgangseyrinum mjög
í hóf stillt. Árgjöld félagsmanna renna til starfsemi
safnsins.
Við áttum stutt viðtal við Þorgeir þar sem hann var
önnum kafinn við starf sitt í Litla-bíói. Sagði hann okk-
Atriði úr kvikmyndinni Barnæska Gorkís.
ur, að starfsemi þessi væri enn á byrjunarstigi. Auö-
fundið væri að áhugi almennings, einkum unga fólks-
ins, væri að vakna á þessum efnum, en framtíðarverk-
efnin sem biðu væru meiri en séð yrði út yfir. Starf-
semin hefst hér í Reykjavík, en auk þess er æskilegt,
að hún geti breiðst víðar út um land. Hann óskaði eftir
að komast í samband við sem flest áhugafólk. Hér sem
annars staðar yrði lítið gert nema áhugi almennings
kæmi fram. Undirtektir hafa þó orðið mjög góðar, það
sem af er, og vaxandi aðsókn fólks er léti skrá sig i
Kvikmyndaklúbbinn. Er ástæða til að ætla, að margir
vilji hagnýta sér þetta tækifæri, sem nú gefst.
Þeim sem áhuga hafa á að ganga í klúbbinn og taka
þátt í sýningarstarfsemi hans skal bent á, að skírteini
eru afgreidd í Litla-bíói Hverfisgötu 44, eftir kl. 4 á dag-
inn, en einnig er hægt að hringja í síma 16698.
Litla-bíó hóf starfsemi sína með sýningum á fjórum
myndum eftir Þorgeir Þorgeirsson, en sýningarskráin
yfir júní-júlí lítur þannig út:
7/6 til 12/6 kl. 9 verður sýnd myndin „Við nánari at-
hugun". Það er tékknesk mynd, gerð árið 1965 eftir I.
Passer. Aukamynd verður írsk mynd „Yeats Country".
Sömu daga kl. 6 myndin „Barnæska Gorkís", rúss-
nesk mynd eftir M. Donskoj, gerð 1938.
14/6 til 19/6 kl. 9 „Barnæska Gorkís", kl. 6 „Fláskól-
ar mínir" eftir M. Donskoj, gerð 1940.
21/6 til 26/6 kl. 9 „Háskólar mínir", kl. 6 myndin
l'Atalante", frönsk mynd eftir Jean Vigo, gerð 1934.
Aukamynd ,,TNP“ einnig frönsk eftir G. Franju.
28/6 til 3/7 kl. 9 „l'Atalante", kl. 6 myndin „Okkar
er frelsið" frönsk mynd eftir R. Clair, gerð 1932.
5/7 til 10/7 kl. 9 „Okkar er frelsið", kl. 6 „Úr djúpun-
um", frönsk mynd eftir J. Renoir, gerð 1937.
12/7 til 17/7 kl. 9 „Úr djúpunum", kl. 6 verða sýndar
stuttar myndir frá ýmsum löndum.
Engar sýningar eru á fimmtudögum.