Morgunblaðið - 24.11.2011, Síða 36

FIMMTUDAGUR 24. NÓVEMBER 328. DAGUR ÁRSINS 2011
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 399 ÁSKRIFT 4390 HELGARÁSKRIFT 2750 PDF Á MBL.IS 2550
1. Ferðamaður lést í skemmti…
2. Borðar stundum bara 600 …
3. Andlát: Jónas Jónasson
4. Neyddist til að segja sannleikann
»MEST LESIÐ Á mbl.is
FÓLK Í FRÉTTUM
 Myndlistarmaðurinn Ragnar Kjart-
ansson hlaut fyrstu Malcolm McLa-
ren-verðlaun Performa-gjörninga-
tvíæringsins í New York mánudaginn
sl. fyrir gjörning sinn Bliss sem fram-
inn var 19. nóvember á tvíæringnum.
Tónlistarmaðurinn Lou Reed afhenti
verðlaunin en þau eru veitt fyrir verk
ungs listamanns sem þykir öðrum
frumlegri og sérlega hugvekjandi.
Morgunblaðið/Golli
Lou Reed afhenti
Ragnari verðlaun
 Í dag kemur út
safnpakki með
hljómsveitinni
Grafík sem inni-
heldur tvo hljóm-
diska og heimild-
armynd. Hún
verður frumsýnd í
kvöld á Ísafirði,
heimabæ sveit-
arinnar. Leikstjórar myndarinnar eru
Bjarni Grímsson og Frosti Runólfsson
en einnig kom Jónatan Garðarsson
að verkinu.
Heimildarmynd um
Grafík frumsýnd
 Tíu ár eru síðan Stormurinn á eft-
ir logninu, fyrsta sólóplata Sesars
A, kom út. Um er að ræða fyrstu
plötuna þar sem rappað er eingöngu
á íslensku. Þessu verður fagnað
laugardaginn 26. nóv-
ember á Faktorý. Þar
koma fram,
ásamt Sesari
A, Blaz Roca,
Úlfurúlfur,
DJ Koco-
on og
fleiri.
Tíu ára afmæli ís-
lensku rappplötunnar
Á föstudag NV hvassviðri og snjókoma með austurströndinni
um morguninn, en annars fremur hæg vestlæg eða breytileg átt.
Á laugardag Fremur hæg breytileg átt, bjart með köflum og él á
stöku stað. Hiti kringum frostmark, en vægt frost til landsins.
SPÁ KL. 12.00 Í DAG NA 18-23 m/s með slyddu suðaustan-
lands seinnipartinn. Hiti víða 0 til 5 stig, en vægt frost til landsins.
VEÐUR
Framganga Heiðars Helgu-
sonar í ensku úrvalsdeildinni
í knattspyrnu hefur vakið
mikla athygli að undanförnu.
Lars Lagerbäck, nýráðinn
landsliðsþjálfari Íslands,
hefur ítrekað sýnt áhuga á
að fá hann til að hætta við
að hætta með landsliðinu. Í
viðhorfsgrein skorar
Víðir Sigurðsson hins
vegar á Lagerbäck að
virða ákvörðun Heið-
ars. »4
Lars, láttu Heiðar
Helguson í friði
Leikmenn FH og Akureyrar buðu upp
á spennandi og skemmtilegan leik í
Kaplakrika í gærkvöldi þegar liðin
leiddu saman hesta sína í N1-deild-
inni í handknattleik. Það skiptust á
skin og skúrir hjá liðunum í jöfnum
leik og ekki vantaði dramatíkina
undir lokin. Þá varði
Stefán Guðnason,
markvörður Akur-
eyrar, vítakast frá
FH-ingi og tryggði
liði sínu annað
stigið. Loktölur:
29:29. »3
Dramatík og spenna
í Kaplakrika
Ólafur Stefánsson lék í gær sinn
fyrsta handboltaleik í tæplega hálft
ár. Hann var í sigurliði AG Köbenhavn
gegn Lemvig á útivelli í dönsku úr-
valsdeildinni, 34:26. Hann skoraði 3
mörk. „Fyrrum besti handboltamaður
heims sýndi gagnrýnendum að hann
getur enn skilað sínu í handbolta í
hæsta gæðaflokki,“ sagði í umfjöllun
vefmiðilsins hbold.dk. »1
Getur enn spilað í
hæsta gæðaflokki
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Guðni Einarsson
gudni@mbl.is
Karlakór Grafarvogs kemur opin-
berlega fram í fyrsta sinn á 25 ára
afmælistónleikum Reykjalundar-
kórsins í Grafarvogskirkju annað
kvöld. Karlakórinn var stofnaður
fyrir aðeins tveimur mánuðum.
Kórfélagar eru þegar orðnir 32 tals-
ins og er enn að fjölga.
Íris Erlingsdóttir, stofnandi kórs-
ins, kórstjóri og söngkennari, sagði
frá fyrirhugaðri stofnun karlakórs í
Grafarvogi í samtali við Morgun-
blaðið 17. september síðastliðinn.
Þá sagðist hún ætla að fá minnst 20
í kórinn en geta byrjað með átta.
Kynningarfundur var haldinn í
Grafarvogskirkju mánudagskvöldið
20. september.
„Þetta fékk mjög góðar við-
tökur,“ sagði Íris. „Það komu þrjá-
tíu manns á kynningarfundinn. Ég
tók fram að ég ætlaði ekki að vera
með raddprufur en einhverjir vildu
láta prófa sig og ég varð við því.
Næstum því helmingur félaga er
kórvanur og ég hef ekki prófað þá.
Það er ekki nauðsynlegt að fara í
inntökupróf. Karlar mega alveg
koma og syngja.“
Kórfélagar eru langflestir úr
Grafarvogi og kórinn því sannkall-
aður hverfiskarlakór. Íris sagði að
búið væri að manna allar raddir allt
frá dýpsta bassa upp í hæsta tenór.
Félagar eru á breiðu aldursbili, frá
því að vera um tvítugt og upp undir
sjötugt. Á meðal kórfélaga leynast
einsöngvaraefni, að mati Írisar.
Hún sagði að það kæmi bet-
ur í ljós með meiri þjálfun.
„Þetta eru mjög flottir
strákar,“ sagði Íris.
„Þeir eru margir efni-
legir en það tekur tíma
að þjálfa þá.“ Arn-
björg Arnardóttir
leikur undir hjá
Karlakór Grafarvogs.
Hún er að ljúka framhaldsprófi frá
Tónlistarskólanum í Reykjavík í
vor. Má segja að konurnar tvær,
stjórnandinn og undirleikarinn,
haldi körlunum á mottunni? „Já, já,
við gerum það,“ sagði Íris.
Hún sagði búið að ákveða að laga-
valið yrði á léttari nótunum. „Við
ætlum ekki að verða hádramatískur
karlakór. Þeir vilja hafa þetta létt
og skemmtilegt,“ sagði Íris.
Búið er að bóka karlakórinn til að
syngja á þorrablóti hjá íþróttafélag-
inu Fjölni eftir áramótin. Kórinn er
byrjaður að æfa fyrir þorrablótið
auk þess að hafa æft fyrir tón-
leikana annað kvöld. Æfingar eru
einu sinni í viku og eftir áramótin
verður einnig farið í æfingabúðir og
æft heila helgi.
„Þetta eru mjög flottir strákar“
 Karlakór Graf-
arvogs er tveggja
mánaða gamall
Nýstofnaður Karlakór Grafarvogs
verður gestakór á 25 ára afmæl-
istónleikum Reykjalundarkórsins,
sem haldnir verða í Grafar-
vogskirkju annað kvöld
klukkan 20.00. Íris Erlings-
dóttir stjórnar báðum kór-
unum sem koma fram á
tónleikunum.
Karlakórinn mun flytja
lagið „Ísland“ eftir Sigfús
Einarsson einn síns liðs
annað kvöld auk þess að taka þátt
í flutningi „Þrymskviðu“ eftir Jón
Ásgeirsson og „Á Sprengisandi“
eftir Sigvalda Kaldalóns með
Reykjalundarkórnum, sem er
blandaður kór.
Efnisskrá tónleikanna er fjöl-
breytt. Samtals munu um áttatíu
kórsöngvarar hefja upp raustir
sínar í Grafarvogskirkju annað
kvöld auk fimm einsöngvara og
hóps hljóðfæraleikara.
Frumraunin annað kvöld
KARLAKÓR GRAFARVOGS
Íris Erlingsdóttir kórstjóri
Ljósmynd/Ólafur Jóhannsson
Karlakór Grafarvogs Kórinn var stofnaður 20. september síðastliðinn og kemur fram á tónleikum í Grafarvogs-
kirkju annað kvöld. Myndin var tekin á æfingu kórsins á mánudaginn var. Stjórnandi er Íris Erlingsdóttir.