Monitor - 17.11.2011, Blaðsíða 18

Monitor FIMMTUDAGUR 17. NÓVEMBER 2011
stíllinn
Hvernig myndir þú lýsa stílnum þínum í fimm orðum?
Dömulegur, töffaralegur, fjölbreytilegur, þægilegur,
gamaldags/nýlegur.
Hver er þinn uppáhaldshönnuður?
Ég á engan einn uppáhalds en ég fylgist t.d. vel með
línunum frá ACNE, Alexander McQueen, Marc Jacobs,
McQ, Alexander Wang og svona gæti ég talið endalaust
upp. Ég hefði ekkert á móti því að eignast föt frá þessum
hönnuðum.
Hvar verslar þú helst fötin þín?
Ég versla þau allra helst í Monki og H&M. Ég er svo
heppin að eiga systur í Kaupmannahöfn sem gefur mér
ástæðu til að ferðast þangað nokkrum sinnum á ári og
þar geri ég mín helstu fatainnkaup. Urban Outfitters
og Weekday koma líka sterk inn. Hérna heima eru það
aðallega Spúútnik, Rokk og Rósir, Topshop og GS skór.
Fyrir hvernig tilefni finnst þér skemmtilegast að klæða
þig upp?
Bara við flest öll. Mér finnst rosalega gaman að vera fín
og klæða mig upp. Ég er t.d. yfirleitt alltaf fín í skólanum
og er mjög oft á hælum. Flest dress eru fallegri við hæla
að mínu mati.
Hvaða snyrtivöru gætir þú ekki verið án?
Ég gæti ekki verið án hyljarans míns frá Maybelline sem
ég læt undir augun, mér finnst hann skipta höfuðmáli
þegar ég mála mig. Maskarinn frá Maybelline er líka
algjör snilld en ég hef notað hann frá því að ég byrjaði
að maskara mig. Annars gæti ég ekki verið án varasalva.
Ef þú yrðir að fá þér tattú, hvernig tattú myndir þú fá
þér og hvar?
Ef ég yrði að fá mér tattú myndi það örugglega vera
kennitalan mín á innanverðan fingurinn. Annars er ég
ekki í neinum tattúhugleiðingum.
lh
Að þessu sinni kíkti Stíllinn í heimsókn til Fanneyjar Ingvars-
dóttur fyrrum fegurðardrottningar. Fanney er á sínu síðasta ári
í Fjölbrautaskólanum í Garðabæ, samhliða því starfar hún í GS
skóm og æfir handbolta með Stjörnunni í frítíma sínum. Fanney
lumar á mörgum flottum flíkum í fataskápnum sínum.
fataskápurinn
NÝJASTA
Eru skór sem ég keypti
mér um síðustu helgi
í GS skóm. Þeir minna
allra helst á gömlu góðu
Buffalo-tískuna, mér
finnst þeir algjört æði!
FLOTTASTA
Er fíni rúskinnsjakkinn
minn úr BikBok sem
ég fékk á tæpar
4.000 kr. en hann
átti að kosta um
30.000 kr. Frekar
mikil snilld!
DÝRASTA
Ég á alls ekki mikið
af rándýrum flíkum.
Ég held að Billibi
skórnir mínir úr GS
skóm sem ég fékk
í afmælisgjöf frá
kærastanum mínum
sé mín dýrasta eign í
augnablikinu.
SKRÍTNASTA
Ég bjóst aldrei við því
að ég myndi einhvern
tímann eignast rauðar
leðurbuxur. En ég
keypti mér þessar fínu
í Gallerí 17.
ELSTA
Eru hvítar Levi’s
gallastuttbuxur sem
mamma mín átti fyrir
mörgum árum sem
ég gróf upp einhvern
tímann í sumar og hafa
komið vel að gagni.
18
Hælar gera
dressin fallegri
Myndir/Árni Sæberg
BESTA
Mín besta í
augnablikinu er
nýja mokkakápan
mín sem ég keypti
í H&M. Hún er mjög
flott og rosalega
hlý í þokkabót. Hún
mun koma oft í stað
dúnúlpunnar í vetur.