Morgunblaðið - 22.12.2011, Qupperneq 18

18 FRÉTTIRInnlent
MORGUNBLAÐIÐ FIMMTUDAGUR 22. DESEMBER 2011
Skötuveisla
að hætti sjómannsins. 19. - 23. desember
til kl. 21. Verð kr. 1500 á mann.
Studio 29,
Laugavegi 101. sími 861 2319
ÚR BÆJARLÍFINU
Skapti Hallgrímsson
Akureyri
Ekki verður af fyrirhuguðum breyt-
ingum á morgunverði barna á leik-
skólum bæjarins um áramót vegna
fjölda athugasemda frá foreldrum.
Formaður skólanefndar, sem lengi
hefur starfað með L-listanum, sagði
af sér vegna þessa í gær.
  
Fyrstu fregnir hermdu að hætt
yrði að bjóða upp á morgunmat í
leikskólum, en til stóð að í morg-
unverð og miðmorgunhressingu yrði
boðið upp á ávexti og grænmeti,
vatn og mjólk, í stað kornmetis.
Engum duldist að breytingin var
hugsuð til sparnaðar þótt fulltrúi
bæjarins nefndi að með því að börn
borðuðu morgunmat heima ætti fjöl-
skyldan gæðastund saman...
  
Kynna átti breytingarnar á al-
mennum fundi á þriðjudagskvöldið
en fyrr sama dag var ákveðið að end-
urskoða ákvörðun um breytingar.
„Akureyrarbær þarf eftir sem áður
að leita leiða til þess að draga úr
kostnaði við rekstur leikskólanna og
mun leitast við að gera það í sam-
vinnu við foreldra leikskólabarna,“
sagði í tilkynningu frá bænum.
  
Sigurveig Bergsteinsdóttir
sagði af sér formennsku í skólanefnd
Akureyrar í gær. Hún sagði jafn-
framt skilið við L-listann, sem hefur
meirihluta í bæjarstjórn, eftir að
hafa starfað lengi með listanum.
Hún er ósátt við að ákvörðun var
tekin án þess að rætt væri við hana.
  
„Þetta var ekki gert í samráði
við mig og ég fékk ekki að vita af
þessu áður en fréttatilkynningin var
send út. Þetta eru vinnubrögðin í L-
listanum, við þau er ég ósátt og get
því ekki starfað áfram á þeim for-
sendum,“ sagði Sigurveig í samtali
við Vikudag í gær.
  
Meira af bæjarmálum; Hani fór í
ræðustól á fundi bæjarstjórnar á
þriðjudaginn, eins og nefnt var
stuttlega í blaðinu í gær. Er þetta í
fyrsta skipti í sögu bæjarins sem
hani fer í pontu á þessum vettvangi
svo vitað sé.
  
Haninn Hrólfur er búsettur á
Oddeyri. Eigandi hans er Sigurvin
Jónsson frá Dalvík, stundum kall-
aður Fíllinn; fyndnasti maður Ís-
lands árið 2002.
  
Fíllinn og haninn mættu saman á
fundinn, sá síðarnefndi í pappakassa
og beið spakur frammi á gangi eftir
því að umræða um búfjárhald hæf-
ist. Þá fékk Sigurður Guðmundsson,
bæjarfulltrúi Bæjarlistans, Hrólf
lánaðan og hóf mál sitt með hann í
fanginu.
  
Hrólfur var hinn prúðasti en
hafði sig ekki í frammi. Líklega var
það ekki nærveru hans að þakka en
nokkrar breytingartillögur komu
fram og á endanum var málinu vísað
aftur til framkvæmdaráðs, að tillögu
Odds Helga Halldórssonar for-
manns bæjarráðs og fram-
kvæmdaráðs, til frekari umfjöllunar.
Allir 11 bæjarfulltrúar voru því
hlynntir.
  
Í nýrri samþykkt um búfjárhald í
bænum, sem fjallað var um, var lagt
til að bannað væri að halda þar hana,
nema á lögbýlum. Breytingin yrði
ekki afturvirk en heimildir herma að
Hrólfi hafi verið létt að fundi loknum
og snúið glaður heim til hænu sinnar
og sona, Odds Helga og Böðvars.
  
Soffíu Guðmundsdóttur og Þor-
láks Sigurðssonar var minnst við
upphaf bæjarstjórnarfundar á
þriðjudaginn. Soffía var bæj-
arfulltrúi Alþýðubandalagsins á Ak-
ureyri frá 1970 til 1982 og Þorlákur
oddviti í Grímsey í 20 ár, 1970 til
1982. Bæði eru nýlátin.
  
Samþykkt var í bæjarstjórn að
íþróttamál bæjarins yrðu færð undir
samfélags- og mannréttindadeild og
að starfi framkvæmdastjóra íþrótta-
deildar yrði breytt í starf forstöðu-
manns íþróttamála.
  
Andrea Sigrún Hjálmsdóttir,
fulltrúi VG í stjórnsýslunefnd, lagði
til á dögunum að samhliða breyt-
ingum á starfi íþróttafulltrúa yrði
ráðinn að nýju jafnréttisfulltrúi Ak-
ureyrarbæjar. Málið var rætt á bæj-
arstjórnarfundi en það er nú til um-
fjöllunar hjá samfélags- og
mannréttindaráði
  
Rúmlega 100 nemar voru braut-
skráðir frá Verkmenntaskólanum á
Akureyrar á þriðjudagskvöldið,
bæði nemendur sem lokið hafa burt-
fararprófi á iðn- og starfsnáms-
brautum og stúdentar.
  
Sigríður Huld Jónsdóttir, skóla-
meistari VMA, sagði í ávarpi sínu að
skólinn stæði fyrir fjölbreytileika og
sveigjanleika í menntun. „Ég er stolt
af skólanum mínum og hann er mik-
ilvægur í þessu samfélagi. Hann gef-
ur einstaklingum með ólíkar þarfir
og áhuga tækifæri til náms sem ekki
er í boði í neinum öðrum framhalds-
skóla á þessu svæði.“
  
Skólameistari sagði að jafnvel
á heimsvísu væru ekki margir skólar
þar sem væri jafn fjölbreytt náms-
framboð og í VMA. „Þá gefur skól-
inn nemendum með þroskahamlanir
tækifæri til náms á framhalds-
skólastigi.“
  
„Með skólanum kemur nýsköp-
un, hann gerir samfélagið sjálfbær-
ara og fjölbreyttara og fleiri hafa
tækifæri til náms. Hann er mik-
ilvægur þáttur í eflingu atvinnulífs á
þessu svæði og án skólans væru lík-
lega nokkur fyrirtæki hér á svæðinu
í erfiðleikum með að manna stöður.
Stúdentar frá VMA efla Háskólann
á Akureyri og það skapandi starf
sem fram fer hér í skólanum eflir
listamannalífið í bænum.“
  
VMA veltir rúmlega milljarði á ári
„sem skilar sér með margfeldis-
áhrifum út í samfélagið,“ sagði
skólameistari. Skólinn hefur verið
starfræktur frá 1984. Hann væri að
festa sig í sessi og hefðirnar að verða
til. „Engu að síður þarf skólinn enn
að sanna tilverurétt sinn og leiðrétta
misskilning og jafnvel fordóma í
garð skólans úti í samfélaginu,“
sagði Sigríður Huld Jónsdóttir,
skólameistari VMA, í ávarpi sínu við
brautskráninguna.
  
Sævar Pétursson hefur verið
ráðinn framkvæmdastjóri Knatt-
spyrnufélags Akureyrar. Sævar er
37 ára viðskiptafræðingur og nam
einnig íþróttafræði á Nýja-Sjálandi.
  
Sævar stýrði um tíma rekstri
Sporthússins og Baðhússins í
Reykjavík, var íþróttafulltrúi í
Sveitarfélaginu Skagafirði 2009 og
2010 og hefur síðasta ár starfað sem
verkefnastjóri atvinnumála hjá Ak-
ureyrarbæ.
Glæsilegir Haninn Hrólfur og Sigurður Guðmundsson, bæjarfulltrúi Bæj-
arlistans, í pontu á fundi bæjarstjórnar Akureyrar á þriðjudaginn.
Fíll og hani á bæj-
arstjórnarfundi
Enn ein frestunin
var gerð á fullri
gildistöku laga
um Sjúkratrygg-
ingar núna á
lokaspretti þings-
ins fyrir jólafrí en
lögin tóku gildi í
október árið
2008. Upphaflega
átti að fresta gild-
istöku á þeim
hluta laganna er snýr að samningum
um heilbrigðisþjónustu til 2010 en
þeim hluta hefur nú verið frestað í
tvígang af hálfu ríkisstjórnarflokk-
anna og tekur kaflinn ekki gildi fyrr
en 2014. „Markmið laganna var að
skipta upp Tryggingastofnun ríkis-
ins og Sjúkratryggingum Íslands í
tvær aðskildar stofnanir með það
fyrir augum að bæði einfalda og nú-
tímavæða stjórnsýsluna. Síðan áttu
Sjúkratryggingar Íslands að annast
samningsgerð um veitingu heil-
brigðisþjónustu m.a. annars um
skipulag heilbrigðisþjónustu, for-
gangsröðun verkefna, kostnaðar-
greiningu og gæði þjónustunnar,“
segir Guðlaugur Þór Þórðarson, al-
þingismaður og fyrrverandi heil-
brigðisráðherra. Að sögn Guðlaugs
var tilgangurinn með skiptingu
stofnananna að auka hagræði og
hagkvæmni í heilbrigðisþjónustunni.
„Ég bendi bara á fjölda umsagna um
þetta mál m.a. frá heilbrigðisstofn-
unum og fagfélögum en þar er m.a.
bent á að samskonar aðgerðir hjá
ríkjum OECD hafi skilað sér í tölu-
verðri hagræðingu og betri þjón-
ustu. Til að þessi sparnaður náist
fram þurfa lögin þó að fá fullt gildi.
Það er búið að fresta núna í tvígang
gildistöku þess hluta laganna sem
skilar mestri hagræðingu.“
Guðlaugur bendir enn fremur á að
reynslan af skiptingu stofnananna
hafi verið mjög góð samkvæmt mati
velferðarráðuneytisins og því óskilj-
anlegt að hans sögn að lögin skuli
ekki fá fullt gildi.
Hagræðing sem
fagaðilar vilja
 Í tvígang frestað af ríkisstjórninni
Guðlaugur Þór
Þórðarson
Steinþór Guðbjartsson
steinthor@mbl.is
Íslendingar, sem vinna erlendis,
senda margir peninga heim til Ís-
lands og laga þannig gjaldeyrisstöðu
ríkissjóðs. Skúli Guðbjarnarson,
framkvæmdastjóri Hallingfisk AS í
Noregi, sendir til dæmis um hálf
mánaðarlaun sín til Íslands til þess
að standa straum af skuldbindingum
sínum en fjölskylda hans býr á Ís-
landi.
Forsætisráðherra hefur gert lítið
úr brottflutningi Íslendinga en op-
inberar tölur sýna annað. „Þeir sem
fara út gera það til þess að bjarga
sjálfum sér og því senda þeir heim
gjaldeyri sem líka hjálpar landinu,“
segir Skúli. „Við erum sennilega að
tala um marga milljarða í erlendum
gjaldeyri sem þannig skila sér til Ís-
lands árlega. Við erum hagstærð en
ekki huldufólk, þótt það hafi orðið
vart við ákveðna vantrú á tilvist okk-
ar undanfarið.“
Skúli missti húsnæði fyrirtækis
síns í bruna fyrir rúmum tveimur ár-
um, slasaðist skömmu síðar og var
frá vinnu í rúmt ár. Eftir að hafa
reynt fyrir sér á ný með fyrirtækj-
arekstur var ekki um annað að ræða
en að fara til Noregs til þess að geta
staðið við skuldbindingarnar heima.
„Það hefur gengið frábærlega að
endurskipuleggja rekstur Hall-
ingfisk og ég á eftir nokkurra ára
verkefni hér þar til fyrirtækið er
komið í nýtt og betra húsnæði. Eftir
þrjú til fjögur ár vonast ég til að að-
stæður leyfi að ég geti flutt heim aft-
ur,“ segir hann.
Geta lært af Norðmönnum
Skúli segir að margir Íslendingar
í Noregi og víðar hafi svipaða sögu
að segja og Ísland geti í raun þakkað
Norðmönnum fyrir hvað þeir hafi
sýnt mikla fyrirhyggju. Fyrir um 15
árum hafi þeir byrjað að búa sig
undir kreppu með því að leggja fyrir
og þegar hún hafi komið hafi þeir
verið tilbúnir að taka á vandanum.
„Þarna gætum við lært af Norð-
mönnum,“ segir hann og bendir á að
þeir hafi sett í gang meira viðhald,
vegaframkvæmdir og fleira í krepp-
unni. Næg vinna sé því fyrir hendi
og Íslendingar njóti góðs af því.
Eins og á verksmiðjutogara
Hjónin eiga barn í grunnskóla og
vilja ekki rífa það úr góðu umhverfi.
Þau reyna því að hittast reglulega.
Skúli kemur heim um jólin og er það
í fjórða sinn sem hann kemur til Ís-
lands síðan hann flutti út í byrjun
janúar en fjölskyldan hefur komið
saman tvisvar í Noregi á árinu.
„Þetta er eins og að vera á verk-
smiðjutogara, lítið af fríum, en þetta
gengur vel og við höfum enga
ástæðu til þess að barma okkur,“
segir hann.
Íslendingar erlendis efla
gjaldeyrisstöðu ríkisins
 Skúli: „Við erum sennilega að tala um marga milljarða“
Velgengni Skúli Guðbjarnarson vinnur í Noregi og aðstoðar Ísland um leið.