Morgunblaðið - 29.06.2012, Qupperneq 4

Ólafur Ragnar
Grímsson, forseti
Íslands, hlyti af-
gerandi kosningu
ef gengið yrði til
kosninga nú, eða
rúmlega helming
allra atkvæða.
Þetta kemur
fram í nýrri
könnun Gallup
sem greint var
frá í fréttum RÚV í gærkvöldi.
Gallup lauk við könnunina í gær,
en hefur frá því á sunnudag spurt
1300 manns í viðhorfshópi og 800
manna slembiúrtak úr þjóðskrá um
forsetakosningarnar.
Spurt var: Hvern eftirfarandi
myndirðu kjósa, yrði kosið til forseta
í dag? Ólafur Ragnar Grímsson
fengi rúman helming atkvæða, eða
50,8%, Þóra Arnórsdóttir 33,6%, Ari
Trausti 9,3%, Herdís Þorgeirsdóttir
3,4%, Andrea J. Ólafsdóttir fengi
2,5% og Hannes Bjarnason rekur
lestina með hálft prósent atkvæða.
Tíu prósent aðspurðra tóku ekki
afstöðu eða eru óákveðin og fækkar
nokkuð í þeim hópi. Fimm prósent
ætla að skila auðu eða ekki kjósa.
pfe@mbl.is
Ólafur
Ragnar með
50,8% fylgi
Ólafur Ragnar
Grímsson
4 FRÉTTIRInnlent
MORGUNBLAÐIÐ FÖSTUDAGUR 29. JÚNÍ 2012
Óvenjumikið hefur verið að gera hjá þyrlufyr-
irtækjum landsins í sumar, en margir hafa und-
anfarið orðið varir við aukna þyrluumferð yfir
höfuðborginni. „Það er óvenjumikið að gera
núna í sumar. Þyrluflotinn hefur stækkað og
mikil aukning hefur verið í eftirspurn hjá ferða-
mönnum,“ segir Sigurður Pálmason hjá Þyrlu-
þjónustunni hf, en verkefni félagsins hafa verið
af margvíslegum toga í gegnum árin og má þar
nefna kvikmynda-, ljósmynda-, rannsóknar-,
slökkvi-, eftirlits-, útsýnis- og farþegaflug .
Ekki spillir fyrir að óvenjugott veður hefur
verið á landinu í sumar, en eftirspurn eftir þyrlu-
ferðum eykst til muna þegar skyggnið er gott.
„Það segir sig sjálft. Þegar veðrið er gott þá er
meira að gera,“ segir Sigurður.
Vesturflug í Kópavogi býður einnig upp á
þyrluferðir, en þeir útskýra aukna eftirspurn eft-
ir þyrluferðum með sama hætti og Þyrluþjón-
ustan. „Það er rosalega mikið að gera hjá okkur.
Það skýrist helst með fjölgun ferðamanna og svo
aukningu í verkefnum í tengslum við kvik-
myndagerð, eins og kannski alþjóð veit,“ segir
Sigtryggur Kristófersson, framkvæmdastjóri
Vesturflugs, og bætir við að það sé meira en nóg að
gera hjá öllum þyrlufyrirtækjum. pfe@mbl.is
Meira en nóg að gera hjá öllum
 Óvenjumikið hefur verið að gera hjá þyrlufyrirtækjum landsins
 Skýringin er aukin eftirspurn ferðamanna og kvikmyndagerð
Útsýnisflug Þyrluflug var mjög vinsælt þegar gosið átti sér stað í Eyjafjallajökli.
Guðni Einarsson
gudni@mbl.is
„Það er almennt vandamál að
gönguleiðir grafist niður með sívax-
andi hraða. Það stefnir í óefni,“
sagði Andrés Arnalds, fagmálastjóri
hjá Landgræðsl-
unni, þegar hann
var beðinn álits á
ástandi göngu-
leiða. Vinsælar
gönguleiðir eru
margar illa farn-
ar vegna álags og
vatnsrofs og á
það jafnt við á
hálendinu og nær
byggð.
Hann sagði marga samverkandi
þætti valda þessu. Vinsældir göngu-
ferða í íslenskri náttúru hefðu vaxið
mjög og margir stunduðu göngur
allan ársins hring. Þetta hefur vald-
ið mjög auknu álagi á vinsælustu
leiðunum. Með tímanum myndast
slóð eða för og í leysingum rennur
vatnið eftir förunum og grefur sig
niður.
„Sökudólgurinn er frekar graft-
armáttur vatnsins en álagið af
gönguskónum, en þetta spilar sam-
an,“ sagði Andrés. Hann sagði
mesta skaðann verða á veturna og
vorin þegar gerði snöggar leys-
ingar. Þá gætu göngustígar, sem
ella eru skraufþurrir, breyst í
straumharða læki. Sé jörð þíð eða
hafi frostlyfting orðið geti vatnið
grafið mikinn jarðveg á skömmum
tíma. Þetta er orðið áberandi á fell-
um og fjöllum í nágrenni Reykjavík-
ur, að sögn Andrésar. Vaxandi
gönguáhugi, sem er mjög jákvæður
í sjálfu sér, á þátt í þessu. Oft er
farið með hópa í göngur á veturna
þegar jörð er blaut og mjúk. Þá
myndast fljótt slóðir sem vatn leitar
í og kemst ekki upp úr. Á hálendinu
vaxa skemmdir á gönguleiðum ár
frá ári t.d. á Laugaveginum, milli
Landmannalauga og Þórsmerkur,
og á Fimmvörðuhálsi. Eins eru leið-
ir í Þórsmörk t.d. inn að Rjúpnafelli
orðnar mjög grafnar.
Andrés telur að sem flestir þurfi
að leggja hönd á plóginn við úrbæt-
ur, jafnt stofnanir, sveitarfélög og
áhugamannafélög. Hann sagði að
Umhverfisstofnun hefði unnið mikið
að þessum málaflokki, m.a. með
sjálfboðaliðum. Einnig snerti þetta
Landgræðsluna því þetta væri graf-
alvarlegt vegna jarðvegseyðingar.
Andrés taldi brýnt að setja meira
fjármagn í málaflokkinn og fara í
átak. Byrjunin gæti verið að fara
skipulega um helstu leiðir og gera
rásir til að beina vatni úr göngustíg-
unum. Þeir liggja oft í halla og ein-
falt að gera þar úrbætur. Hann
benti á að gönguferðamennska skil-
aði góðum tekjum og því væri mikil-
vægt að halda leiðunum við. Andrés
taldi vel koma til greina að inn-
heimta hóflegt gjald á vinsælum
gönguleiðum til að fjármagna við-
hald þeirra.
Gönguleiðir eru að skemmast
 Göngustígar eru víða sundurgrafnir vegna álags og rofs af völdum vatns
 Nauðsynlegt að grípa til aðgerða, að mati farmálastjóra hjá Landgræðslunni
Ljósmynd/Andrés Arnalds
Ljótt sár Vatnsrof í kjölfar álags getur valdið miklum jarðvegsskemmdum. Hér fann leysingavatn sér farveg um göngustíg og gróf sig niður.
Andrés
Arnalds
Grunur leikur á
því að kveikt hafi
verið í rusli sem
lá við húsvegg í
húsi við Eyrar-
veg á Selfossi á
þriðjudagskvöld.
Minnstu munaði
að illa færi því
eldur hafði læst
sig í klæðningu
áður en slökkvi-
liðið náði að ráða niðurlögum hans.
Nokkur samstæð hús eru við Eyrar-
veg.
Samkvæmt upplýsingum lögregl-
unnar í Árnessýslu er talið að eld-
urinn hafi kviknað af mannavöld-
um. Málið er í rannsókn og að sögn
lögreglunnar sáu vitni til manna-
ferða við húsið skömmu áður en
eldurinn kviknaði. Ekki er víst að
um ásetning hafi verið að ræða en
stutt er í að rannsókn ljúki. Nokkr-
ar verslanir eru í húsinu þar sem
eldurinn kom upp. Ekki var um
stórfelldar skemmdir að ræða af
völdum eldsins en eitthvað um
skemmdir á vörum vegna reyks í
Nytjamarkaðnum. vidar@mbl.is
Grunur leikur á um
íkveikju á húsi við
Eyrarveg á Selfossi
Íkveikja Eldur við
Eyrarveg á Selfossi.
Áhugafólk hefur margt lagt hönd á
plóginn við landgræðslu, stikun
leiða og landbætur í útivistar-
perlum landsins. Dæmi um það er
gerð Hellismannaleiðar sem
Morgunblaðið greindi frá í gær og
fleiri leiða að fjallabaki.
Landsvirkjun og aðilar í ferða-
þjónustu hafa styrkt stikun og
merkingu Hellismannaleiðar.
Heildarkostnaður við efni og fæði
sjálfboðaliða við merkingu um 100
km gönguleiða er áætlaður vera
aðeins um 250 þúsund krónur. Þar
af hafa fimm ferðaþjónustur skipt
200 þúsundum á milli sín.
Mest hefur munað um fórnfúst
starf sjálfboðaliða sem hafa gist
saman í skálum og átt góðar
stundir á fjöllum.
Munaði mest um sjálfboðaliða
KOSTNAÐUR VIÐ STIKUN 100 KM GÖNGULEIÐAR 250.000 KR.
Ögmundur Jónasson innanrík-
isráðherra klippti tvívegis á borða í
gær til að opna formlega göngubrú
við Krikahverfi í Mosfellsbæ og sam-
göngustíg meðfram Vesturlandsvegi.
Brúin er 60 metra göngubrú yfir
Hringveg við Krikahvefi í Mos-
fellsbæ. Í verkinu fellst einnig gerð
göngustíga til að tengja mannvirkið
við stígakerfi Mosfellsbæjar. Fyrsti
áfangi framkvæmdarinnar sem nú er
verið að taka í notkun er um 1300 m
langur samgöngustígur sem nær frá
Litlaskógi við Hlíðartún og að
Hamrahlíðarskógi.
60 metra
göngubrú
Ögmundur Jónasson Klippti tví-
vegis á borða í Mosfellsbæ í gær.