Morgunblaðið - 11.10.2013, Qupperneq 6

6 FRÉTTIRInnlent
MORGUNBLAÐIÐ FÖSTUDAGUR 11. OKTÓBER 2013
Vilhjálmur A. Kjartansson
vilhjalmur@mbl.is
Íbúar í Bryggjuhverfinu við Graf-
arvog í Reykjavík hafa sett á fót und-
irskriftasöfnun þar sem borgar-
yfirvöld og fyrirtækið Björgun eru
hvött til að semja sem fyrst um flutn-
ing fyrirtækisins út úr hverfinu.
Þorsteinn Þorgeirsson, íbúi í
Bryggjuhverfi, segir mikilvægt að
rödd íbúa hverfisins heyrist í þessu
máli en nú þegar hafa 2/3 íbúa hverf-
isins skrifað undir áskorunina.
„Í raun hefur hverfið verið í ákveð-
inni gíslingu í meira en áratug og eðli-
leg þróun þess ekki getað orðið á með-
an starfsemi Björgunar er alveg ofan í
okkur,“ segir Þorsteinn og bendir á að
fyrir vikið hafi ekki byggst upp þjón-
usta í hverfinu eins og áformað hafi
verið við byggingu þess. Þá bendir
hann einnig á að starfseminni fylgi
mengun og að skipulag umferðar inn
og út úr hverfinu sé óklárað.
Þorsteinn segir að þolinmæði íbúa
sé á þrotum og orðið löngu tímabært
að setja hagsmuni og rétt þeirra í for-
gang við lausn málsins og færa fyr-
irtækið á þann stað sem borgar-
yfirvöld hafa nú boðið því á meðan
unnið er að varanlegri lausn.
Boðin bráðabirgðaaðstaða
Lengi hefur verið rætt um að færa
starfsemi Björgunar annað enda er
hún plássfrek. Starfsemi fyrirtækisins
er m.a. fólgin í malartöku af sjáv-
arbotni sem safnað er í stóra hauga á
lóð fyrirtækisins. Slík starfsemi fer
eðlilega ekki vel saman með íbúa-
byggð.
„Okkur hefur verið boðið að færa
starfsemi til bráðabirgða í Sundahöfn
en það er ekki góður kostur fyrir okk-
ur þar sem það er mjög kostn-
aðarsamt að ætla að rífa allt niður og
byggja upp á nýjum stað til skamms
tíma,“ segir Gunnlaugur Kristjánsson,
forstjóri Björgunar. Ákvörðun um
framtíðarstaðsetningu fyrirtækisins
verður að mati Gunnlaugs að vera með
þeim hætti að hægt verði að færa alla
starfsemi fyrirtækisins á einn stað til
lengri tíma.
„Það stendur ekki á okkur að færa
starfsemina en þá verður að liggja
fyrir lausn sem er viðunandi fyrir
okkur og til lengri tíma en nokkurra
ára. Við höfum komið með tillögur og
rætt það við borgina og boltinn er í
raun hjá borgaryfirvöldum.“
Kostnaður fellur á íbúa
Í bréfi sem sent var til íbúa hverf-
isins vegna undirskriftasöfnunar-
innar segir að íbúar hafi þurft að bera
allan kostnað af ástandinu. Er þar
m.a. bent á að íbúðaverð hafi haldist
langt undir því sem eðlilegt megi telj-
ast í nýju og fallegu borgarhverfi á
besta stað.
Þá er íbúum bent á það í bréfinu,
að nú sé tækifæri meðan við völd sé
borgarstjórnarmeirihluti sem vinni
með íbúum í málinu.
Íbúar vilja
starfsemi
Björgunar burt
 Brá0ðabirgðalausn Reykjavíkur-
borgar allt of dýr fyrir Björgun
Morgunblaðið/Golli
Byggð Bryggjuhverfið stendur við
jaðar athafnasvæðis Björgunar.
Bryggjuhverfið
» Björgun hefur verið í við-
ræðum um nýtt athafna-
svæði frá árinu 1992 með
hléum.
» Eðlileg þróun Bryggju-
hverfisins getur ekki átt sér
stað meðan borgaryfirvöld
finna enga lausn.
» Skipulag umferðar inn og
út úr hverfinu er óklárað
„Við sem erum stjórnendur teljum að hagsmunir þessara hópa fari mjög
vel saman,“ segir Jörundur Guðmundsson, formaður FH, um þá fé-
lagsmenn sem tilheyra stéttarfélaginu. ,,Þessi undirliggjandi reiði helg-
ast m.a. af því að ríkið hefur hleypt prófessorum og kennurum í einka-
skólunum fram úr okkur í launakjörum,“ segir Jörundur.
Segir hann meðal markmiða félagsins að leiðrétta þennan mismun.
Hann telur hins vegar að breytt starfstilhögun sem fylgi nýjum samningi,
þar sem kennslu- og rannsóknaskylda var aukin, sé til hagsbóta fyrir
lektora og dósenta. „Kennarar í okkar stjórn eru á því að þetta fyrir-
komulag sé miklu betra fyrir okkar fólk,“ segir Jörundur. Tveir þriðju
hluta háskólakennara þurfa að samþykkja inngöngu í nýtt stéttarfélag.
Hagsmunir fara saman
ÞARF SAMÞYKKI 2/3 HLUTA
Viðar Guðjónsson
vidar@mbl.is
140-150 háskólakennarar skrifuðu
undir undirskriftalista síðastliðið vor
þar sem kannað var hvort áhugi væri
á því meðal lektora og dósenta í Fé-
lagi háskólakennara að skipta um
stéttarfélag. Vilji er til þess að ganga
í Félag prófessora við ríkisháskóla
(FPR). Er óánægja hópsins ekki síst
sprottin fyrir þær sakir að innan
raða FH eru auk dósenta og lektora
einnig starfsfólk í stjórnsýslu, sér-
fræðingar, vísindamenn og bóka-
safnsfólk. Þannig starfar um helm-
ingur félagsmanna við kennslu og
rannsóknir en helmingur við eitt-
hvað annað innan háskólans.
Samkvæmt heimildum Morgun-
blaðsins eru ástæður þess kurrs sem
er meðal háskólakennara að mestu
tvíþættur. Sumir telja að álag muni
vaxa í starfi í kjölfar undirritunar
stofnanasamnings án þess að launa-
leg umbun muni fylgja með. Aðrir
telja að hagsmunum háskólakennara
sé betur borgið hjá FPR.
Aukið álag á kennara
Óánægja hluta lektora og dósenta
er meðal annars til komin vegna
breytinga á launa- og starfskjara-
kerfi sem á að taka gildi um næstu
áramót. Hefur þar t.a.m. stjórnunar-
skylda starfsins verið lögð niður en
kennslu- og rannsóknarskylda aukin
á móti. Við þessar breytingar telja
sumir háskólakennarar að þeirra
starfskjör muni versna og álag
aukast, meðal annars vegna þess að
nemendum hefur fjölgað hratt á
undanförnum árum, með tilheyrandi
álagi, án þess að framlög ríkisins hafi
fylgt í sama hlutfalli. Eins kemur
óánægjan til vegna meints ójafnvæg-
is í stigamati fyrir birtar vísinda-
greinar og aðra vinnu kennara.
Mörgum kemur spánskt fyrir
sjónir að eftir breytingarnar hafa
prófessorar minni rannsóknarskyldu
en lektorar og dósentar.
FPR hefur tekið vel í umleitanir
lektora og dósenta og sagt að dyr
þeirra standi opnar fyrir inngöngu
þeirra í félagið. Deildar meiningar
eru þó um það hvort slíkt standist
lög.
Gylfi Dalmann Aðalsteinsson,
lektor við viðskipta- og hagfræði-
deild Háskóla Íslands, er einn þeirra
sem höfðu frumkvæði að því að
kanna áhuga félagsmanna. Telur
hann eðlilegra að ekki sé verið að
blanda saman hagsmunum fólks sem
starfar í stjórnsýslu og þeirra sem
eru í háskólakennslu.
„Í mínum huga snýst þetta um að
hafa eitt félag akademískra starfs-
manna, sem hefur eingöngu hags-
muni þeirra að leiðarljósi,“ segir
Gylfi og bætir við: „Þessu má líkja
við það ef aðstoðarflugstjórar
myndu skyndilega breyta um stétt-
arfélag þegar þeir verða flugstjór-
ar,“ segir Gylfi. Hann bendir jafn-
framt á að fjöldi félagsmanna í FH
hafi vaxið hratt á undanförnum árum
en hlutfall lektora og dósenta farið
að sama skapi minnkandi í félaginu.
Morgunblaðið/Árni Sæberg
Háskóli Íslands Kurr er meðal hluta dósenta og lektora í HÍ vegna launa- og starfskjara. Vilja þeir ganga úr FH.
Vilja ganga úr Fé-
lagi háskólakennara
 Lektorar og dósentar í Háskóla Íslands vilja í Félag prófessora
Ómar Friðriksson
omfr@mbl.is
Heimilt verði að hafa þjóðfánann
uppi allan sólarhringinn ef hann er
flóðlýstur. Þetta er tillaga tíu þing-
manna Framsóknarflokksins, sem
lagt hafa fram frumvarp um breyt-
ingu á fánalögunum á Alþingi.
Gætt verði að áhrifum
lýsingarinnar á umhverfið
Þingmennirnir leggja til að reglur
um fánatímann verði rýmkaðar frá
því sem nú er á þann veg að fáni
megi vera uppi allan sólarhringinn
frá 15. maí til 15. ágúst ár hvert,
„eða á öðrum tímum ef hann er flóð-
lýstur,“ eins og segir í frumvarpinu.
Tekið er fram að ef fáninn er flóð-
lýstur skuli gætt að áhrifum lýsing-
arinnar á nánasta umhverfi. Gild-
andi reglur kveða á um að fána megi
ekki draga á stöng fyrr en klukkan
sjö að morgni og að jafnaði skuli
hann ekki vera lengur uppi en til sól-
arlags og aldrei lengur en til mið-
nættis. Flutningsmenn segja í grein-
argerð að tilgangurinn sé að auka
almenna notkun þjóðfánans.
Ýmsar tillögur hafa komið fram á
umliðnum árum á Alþingi um notk-
un þjóðfánans. Er bent á það í grein-
argerð að við yfirlestur umsagna
sem hafa borist þinginu um þingmál
sem varða breytingar á þeim reglum
sem gilda um notkun íslenska fánans
megi lesa vilja til þess að reglur
verði rýmkaðar en einnig að fán-
anum verði sýnd virðing.
Silja Dögg Gunnarsdóttir, fyrsti
flutningsmaður frumvarpsins, boðar
framlagningu annars frumvarps
samhliða þessu um notkun fánans
við markaðssetningu íslenskra vara.
Rýmri reglur hér en annars
staðar á Norðurlöndunum
Bent er á í greinargerð að svo
virðist sem íslenskar reglur um
notkun fánans séu rýmri en annars
staðar á Norðurlöndunum en í
Bandaríkjunum og Bretlandi séu
leyfðar undantekningar á fánatíma
s.s. við sérstök tilefni þannig að hafa
megi þjóðfána uppi þó myrkur sé
skollið á, svo fremi að hann sé upp-
lýstur.
Flagga megi flóðlýstum fána
Morgunblaðið/Kristinn
Flaggað Fáninn má ekki vera lengur uppi en til sólarlags eða miðnættis.
 Heimilt verði að flagga yfir nótt  Tíu framsóknarþingmenn leggja til
rýmkun fánatímans  Boða frumvarp um notkun fánans við markaðssetningu
Þorbjörg Helga
Vigfúsdóttir sæk-
ist eftir fyrsta
sæti í prófkjöri
Sjálfstæðis-
flokksins í
Reykjavík fyrir
komandi sveitar-
stjórnarkosn-
ingar. Prófkjörið
fer fram 16. nóv-
ember.
Þorbjörg Helga hefur verið
borgarfulltrúi frá 2006 og hefur
ávallt lagt áherslu á öflugra mennta-
kerfi og gagnsæi og aðhald í fjár-
málum borgarinnar, segir í frétta-
tilkynningu. Þar kemur fram að hún
telji að skólamál séu forgangsmál,
en uppbygging í málefnum eldri
borgara verði mun stærri þáttur í
rekstri borgarinnar næstu árin. „Ég
vil lifandi og heilbrigða borg sem er
full af valkostum í húsnæðismálum,
samgöngukostum og skólamálum,“
segir Þorbjörg Helga í tilkynningu.
Þorbjörg
Helga vill
fyrsta sætið
Þorbjörg Helga
Vigfúsdóttir