Morgunblaðið - 12.04.2014, Blaðsíða 30
30 UMRÆÐANBréf til blaðsins
MORGUNBLAÐIÐ LAUGARDAGUR 12. APRÍL 2014
Umræðan í dag, 6. apríl 2014, er
mæring krónunnar og ábyrgð
manna á eigin gjörðum.
Sagt er af
framámönnum
Sjálfstæð-
isflokksins að
krónan hafi
bjargað því sem
bjargað varð eftir
hrun. Mér er
spurn, á hverjum
bitnaði þessi
björgun? Jú, við
íbúar þessa lands
borgum brúsann.
Ég hef áður í þessum litlu greinum
mínum rakið sögu krónunnar og
hvernig hún hefur ítrekað frá upp-
hafi fallið og gengi hennar stýrt af
stjórnvöldum til að bjarga sjávar-
útveginum. Krónan hefur lengst af
verið í höftum.
Nú er allt á uppleið samkvæmt
því sem stjórnvöld segja. Er það
ekki eðlilegt? Jú þegar botninum er
náð liggur leiðin alltaf upp á við
nema dauði komi til. Þetta er sama
lögmál og hjá fíklum/alkóhólistum
og ef þeir falla þá er fallið yfirleitt
stærra og erfiðara við að eiga.
Vegna sögu krónunnar og hag-
stjórnar ríkisins í gegnum tíðina sé
ég ekki hvernig við getum haldið
áfram með sama gjaldmiðil og sömu
hugmyndafræðina sem þjónar ein-
göngu ákveðnum hópi manna og al-
menningur fær að búa við lakari
kjör en þeir sem búa við stöðugan
gjaldmiðil.
Í þættinum Mín skoðum kom
fram að við berum ábyrgð á gjörð-
um okkar og var það sagt um gjörð-
ir okkar gagnvart lánum sem við
tökum hjá bönkum eða Íbúðalána-
sjóði. Er sanngjarnt að ætlast til
þess að við berum ein þessa ábyrgð?
Jú, auðvitað berum við ábyrgð á
okkar gjörðum, en eru það okkar
gjörðir að breyta forsendum fyrir
þeim lánum sem við tökum? Nei,
það getur ekki verið á okkar
ábyrgð, við höfum ákveðnar for-
sendur þegar við förum út í svona
stórar fjárfestingar eins og íbúða-
kaup. Við höfum því miður ekkert
um það að segja hvort gengi sé fellt
eða vextir hækkaðir. Í þeim löndum
sem við berum okkur saman við veit
fólk nákvæmlega hvað það þarf að
greiða af íbúðalánum sínum allt til
enda.
Krafan hlýtur að vera stöðugleiki
gjaldmiðils og trygg hagstjórn. Við
höfum því miður hvorugt í boði á
meðan þessi króna er notuð og
þessir stjórnarhættir eru við lýði.
UNNUR ÓSK TÓMASDÓTTIR
skrifstofumaður.
Umræðan á sunnudegi
Frá Unni Ósk Tómasdóttur
Unnur Ósk
Tómasdóttir
Þegar Jesús var
krossfestur var það fyr-
irbúið af Guði til þess
að opna syndugum
mönnum leið til fyrir-
gefningar synda sinna.
Jesús vissi að hann yrði
að „drekka þann bikar“
sem Faðirinn hafði boð-
ið honum. Júdas Ísk-
aríot varð til að svíkja
Jesú. Jesús sagði í því
sambandi: „Mannssonurinn fer að
sönnu héðan, svo sem um hann er rit-
að, en vei þeim manni, er því veldur,
að mannssonurinn verður fram-
seldur. Betra væri þeim manni að
hafa aldrei fæðst“ (Mt 26:24). Svik-
semi er aldrei réttlætanleg.
Síðan hafa menn deilt um hvort
gyðingar drápu Jesú eða þá Róm-
verjar. Flestir hallast þó að því að
hinn fallni andi heimsins hafi í raun
verið morðinginn, sá andi ríkir enn í
heiminum. Stutt er að minnast
bankahrunsins og mikið deilt um það
hverjum það var að kenna. Hvers
vegna voru ríkisbankarnir seldir?
Hvers vegna gátu eigendur þeirra
tekið sér alræðisvald yfir sjóðum
þeirra og voru á engan hátt gerðir
ábyrgir fyrir viðskiptavinum sínum í
hópi almennra borgara? Hvers vegna
gátu stjórnendur gömlu bankanna
ráðið fólk í eftirvinnu til að plata við-
skiptavini sína til að leggja sparifé inn
á vogunarsjóði sem leiddi til að fjöl-
margir töpuðu ævisparnaðinum?
Svona mætti áfram telja. Þótt dyr
ríkisbankanna væru opnaðar og flest-
öll varnartæki aftengd var þetta eng-
um að kenna og enginn ábyrgur.
Þetta var afgreitt sem afleiðing
heimskreppu og manngildunum ráð-
deild, fyrirhyggju, heiðarleika og
virðingu fyrir náunganum kom þetta
ekkert við. Var þarna á ferðinni andi
eyðileggingar, sá sami og drap Jesú,
andi hins fallna heims?
Nú standa stjórnvöld frammi fyrir
syndum hinnar „holdi gerðu“ heims-
kreppu og lítill aur er til að bæta kjör
launafólks. Auðvitað kemur ekki til
greina að rugga vöggu þeirrar mann-
auðshagfræði að þeir sem eru með
eina eða fleiri milljónir í
mánaðarlaun geti lagt
eitthvað af mörkum,
dekurrófurnar halda
sínu. Nei, nú skal fara
með kústinn í hornin og
skoða hvort öryrkjar og
ellilífeyrisþegar hafi
ekki falið eitthvað undir
koddanum og séu jafn-
vel ekki svo haltir sem
þeir hinkra. Stjórn-
málamenn firra sig
ábyrgð þegar illa geng-
ur og skýla sér þar á
bak við t.d. „andatrú“ nafnleyndar.
Dæmi um hin dulrænu áhrif stjórn-
stýringa má víða sjá, t.d. þær áróð-
urslygar að Íslendingar vilji ekki
vinna í fiski og það þurfi að viðhalda
atvinnuleysi til að hægt sé að stjórna
landinu sem er í raun hagfræðileg
uppgjöf. Kennitöluflakkið sem stofn-
ar fyrirtæki til að setja þau á hausinn
með hagnaði og annað í þessum dúr.
Hér áður fyrr stóðu menn og féllu
með fyrirtækisrekstri sínum, en nú
virðist um einhvers lags atvinnusport
að ræða þar sem óábyrgir menn
skekkja alla samkeppnisaðstöðu og
ráðvandir menn flæmast út úr at-
vinnurekstri og það undir vernd rík-
isins. Reynt er að gera nefnd áróð-
ursbrögð að lýðhyggju, þau eiga að
leysa gildi réttlætis og sannleika af
hólmi. Þarna virðist enn vera á ferð-
inni andi hins fallna heims, sá sami og
drap Jesú Krist.
Nú skal „andavaldið“ endurmeta
öryrkja. Pólitíska fóðurblandan er
orðin svo dýr eftir hrunið að nú þarf
að beita út á gaddinn. Það voru víst
svo margir sem fóru á örorkubætur
þegar íslenska ofurathafnalífið tæmdi
atvinnuleysingjabúðir sumra landa
og plataði fólkið til Íslands til að vinna
á smánarkaupi. Tilgangurinn var að
drepa niður íslenska verkalýðshreyf-
ingu, sem gekk eftir. Henni er nú
stjórnað, að mestu leyti, af málaliðum
sem hafa engan áhuga á málefnum
verkafólks og iðnaðarmanna. Margir
sem þá voru tæpir til heilsu misstu
störf sín og á meðan atvinnuleys-
isbótatíminn entist sat þetta fólk í
svitabaði niðurlægingarinnar við að
skrifa atvinnuumsóknir samkvæmt
kröfum húsbændanna, þjáð af
höfnunartilfinningu og vanmátt-
arkennd. En létt hlutastörf er hvergi
að fá, þau vilja allir vinna, líka há-
menntað fullfrískt fólk.
Sérfræðilæknum, sálfræðingum,
félagsráðgjöfum og því matsferli sem
þetta fagfólk hefur byggt upp gagn-
vart örorkumati virðist ekki lengur
treyst, hér þarf að flækja málin og
finna „metnaðarfulla“ sparnaðar-
úrlausn og hverjum er betur treyst-
andi til þess að endurmeta örorku en
fílhraustum verktökum í „kauphöll
mannauðsins“ sem búnir eru að
mennta sig frá tilfinningasemi og öðr-
um veikgeðja sjónarmiðum? Ætla
endurmenntendurnir að feta í fótspor
Krists og segja „Ver þú heill, syndir
þínar eru þér fyrirgefnar?“ og bæta
jafnvel við: „Þín bíður atvinna hjá til-
teknu fyrirtæki.“ Eða munu þeir
starfa í anda þeirra tíma þegar nið-
ursetningar voru boðnir upp og dóu
úr sulti hjá húsbændunum, tróðu þeir
sumir mat upp í líkin og embætt-
ismenn þeirra tíma sögðu þá við lík-
skoðunina: „Nóg hefur hann fengið
að éta, blessaður.“ Ósjálfrátt koma
svona þjóðsagnir upp í hugann þegar
maður heyrir guðfeður yfirmatsins
lýsa því yfir að matsgjörðin sé að
sjálfsögðu gerð með hagsmuni ör-
yrkjanna í huga. Vonandi er hér ekki
á ferðinni andi hins fallna heims sem
myrti Jesú Krist og hrópaði: „Kross-
festið hann, krossfestið hann.“ Guð
Biblíunnar verndi örorkuþega og
blessi þá sem annast eiga velferð
þeirra. Ég bið Íslendingum Guðs frið-
ar.
Nóg hefur hann
fengið að éta, blessaður
Eftir Ársæl
Þórðarson »Hvers vegna voru
ríkisbankarnir
seldir? Hvers vegna
gátu eigendur þeirra
tekið sér alræðisvald
yfir sjóðum þeirra og
voru á engan hátt gerðir
ábyrgir fyrir viðskipta-
vinum sínum í hópi
almennra borgara? Ársæll Þórðarson
Höfundur er húsasmiður.
Þú átt alltaf erindi til okkar
Suðurver | Mjódd | Glæsibær | Húsgagnahöllin | Smáratorg | Austurver
PÖNTUNARTÍMI
AUGLÝSINGA:
Fyrir kl. 16,
mánudaginn 28. apríl.
NÁNARI UPPLÝSINGAR:
Katrín Theódórsdóttir
kata@mbl.is
Sími: 569-1105
Morgunblaðið gefur út
glæsilegt sérblað um
Íslandsmótið
Pepsí-deild karla í
knattspyrnu 2.maí.
Farið verður um
víðan völl og
fróðlegar
upplýsingar
um liðin sem leika
sumarið 2014.
–– Meira fyrir lesendur
SÉRBLAÐ
ÍSLANDSMÓTIÐ
PEPSÍ-DEILD KARLA Í KNATTSPYRNU 2014
Ársalir ehf fasteignamiðlun
533 4200 og 892 0667
arsalir@arsalir.is
Engjateigi 5, 105 Rvk
Björgvin Björgvinsson, löggiltur fasteignasali
TIL LEIGU VIÐ HAGAMEL
Mikið endurnýjuð 3ja herbergja íbúð, ca. 80m² til langtíma-leigu.
Íbúðin er laus strax. Leiguverð kr.172.000.- pr/mán.
ÁRSALIR
FASTEIGNAMIÐLUN
533 4200
Áhugasamir hafi samband: arsalir@arsalir.is
Nú geta allir fengið
iPad-áskrift
Skráðu þig í iPad-áskrift á
www.mbl.is/mogginn/ipad/