Morgunblaðið - 29.05.2014, Qupperneq 2

2 MORGUNBLAÐIÐ FIMMTUDAGUR 29. MAÍ 2014FRÉTTIR
Mesta hækkun Mesta lækkun
VIKAN Á MÖRKUÐUM
AÐALMARKAÐUR HRÁOLÍA ($/fat) ÁL ($/tonn)
N1
-5,7%
16,5
Icelandair Group
+2,3%
17,75
S&P 500
+1,7%
1.910,2
NASDAQ
+3,4%
4.228,5
FTSE 100
+0,6%
6.844,6
NIKKEI 225
+4%
14.670,95
28. 11. ‘13 27. 11. ‘1327. 5. ‘14 28. 5. ‘14
0,001.650
0,101.900
0,0871
0,0486
1.754
1.845
Eignaumsýslufélagið ALMC, áður
Straumur-Burðaráss fjárfest-
ingabanki, skoðar það nú að stefna
Seðlabanka Íslands vegna ágrein-
ings um greiðslur af breytanlegum
skuldabréfum ALMC að andvirði
591 milljón evra, jafnvirði 91 millj-
arðs króna. Talsverð óvissa hefur
ríkt um endurgreiðslur til kröfuhafa
ALMC en Seðlabankinn hefur haft
skilmála bréfanna til skoðunar í
meira en ár í tengslum við breyt-
ingar á lögum um gjaldeyrismál.
Samkvæmt heimildum Morgun-
blaðsins hefur ALMC fengið Reimar
Pétursson sem lögmann félagsins
gagnvart Seðlabankanum. Reimar
upplýsti fyrir skemmstu fjármála- og
forsætisráðuneytið um störf sín fyrir
ALMC en Reimar var einn af sex
sérfræðingum sem ríkisstjórnin fékk
til ráðgjafar síðastliðið haust til að
leggja mat á stöðu þjóðarbúsins og
koma með tillögur að leiðum við af-
nám fjármagnshafta.
Óttar Pálsson, stjórnarmaður
ALMC og hæstaréttarlögmaður hjá
Logos, vildi ekki tjá sig um málið
þegar eftir því var leitað.
Samkvæmt upplýsingum Morg-
unblaðsins hefur ákvörðun Reimars
um að taka að sér lögmannsstörf fyr-
ir ALMC gegn Seðlabankanum vak-
ið hörð viðbrögð hjá ýmsum í stjórn-
kerfinu. Benda sumir á að upp gætu
komið alvarlegir hagsmunaárekstrar
enda hafi Reimar í starfi sínu fyrir
ráðgjafanefndina um afnám hafta
fengið afhent viðkvæm gögn og upp-
lýsingar frá Seðlabankanum.
Líkt og Morgunblaðið greindi frá
þann 24. apríl sl. var talið afar líklegt
að Reimar yrði á meðal þeirra sem
stjórnvöld áforma að skipa í sérstaka
framkvæmdastjórn um afnám fjár-
magnshafta sem tekur til starfa á
næstunni. Að sögn heimildarmanna
þykir nú ljóst að vegna starfa sinna
fyrir ALMC séu engar líkur á því að
Reimar verði skipaður í þann hóp.
Samningsbundin afborgun?
Ágreiningur ALMC og Seðla-
banka Íslands á sér langan aðdrag-
anda. Seðlabankinn tók skilmála
skuldabréfanna til skoðunar í kjölfar
þess að erlend millifærsla ALMC að
fjárhæð tíu milljónir evra var stöðv-
uð í lok nóvember 2012. ALMC
hugðist þá greiða kröfuhöfum á
grundvelli ákvæðis um fyrirfram-
greiðslu skulda, svokallað fjársóps-
ákvæði (e. cash sweep), í 170 milljóna
evra lánasamningi við Deutsche
Bank. Seðlabankinn taldi fram-
kvæmd gjaldeyrisviðskiptanna hins
vegar ekki vera í samræmi við und-
anþáguheimildir.
ALMC þurfti að vinda ofan af fyrri
viðskiptum sínum – skipta 25,6 millj-
ónum evra í krónur – og endursemja
um skilmála samningsins áður en fé-
lagið gat á ný hafið greiðslur inn á
lántökuna sem var á gjalddaga hinn
14. mars síðastliðinn. Eftirstöðvar
lánsins voru um 1 milljón evra í árs-
lok 2013 en ársfjórðungslegar endur-
greiðslur af breytanlegu skuldabréf-
unum áttu að hefjast nú þegar sá
lánasamningur er greiddur upp. Að
óbreyttu eru skuldabréfin á gjald-
daga í árslok 2014 en með samþykki
tveggja þriðju kröfuhafa er hægt að
framlengja hann um tvö ár.
Samkvæmt heimildum Morgun-
blaðsins lýtur endurskoðun Seðla-
bankans á upphaflegum skilmálum
skuldabréfa ALMC einkum að því að
tryggja að stjórnendur félagsins geti
ekki aftur leikið þann leik að hraða
gjaldeyrisgreiðslum til kröfuhafa á
grundvelli fjársópsákvæðis um fyr-
irframgreiðslu skulda – líkt og um
samningsbundna afborgun af
skuldabréfum sé að ræða. Í lögum
um gjaldeyrismál er skýrt kveðið á
um að slíkt ákvæði geti aldrei mynd-
að greiðsluskyldu til kröfuhafa. Við
breytingar á gjaldeyrislögum í mars
2013 var hugtakið skýrt enn nánar til
að taka af allan vafa í þeim efnum og
jafnframt sett inn ákvæði um að allar
fjármagnshreyfingar á grundvelli
fyrirframgreiðslu skulda þyrftu að
hljóta staðfestingu Seðlabankans
áður en þær eru framkvæmdar.
Greiðslufall ekki útilokað
Þótt málið sé flókið þá undirstrika
heimildarmenn Morgunblaðsins að
mikið sé undir í ágreiningi sem er á
milli Seðlabankans og ALMC. Ef
ákvæðið í skuldabréfunum yrði túlk-
að á þann hátt sem ALMC sækist
eftir, myndi það þýða að félagið gæti
umbreytt eignum sínum í reiðufé
sem yrði undanþegið höftum og
hægt að greiða út nánast jafn óðum í
gjaldeyri til kröfuhafa. Slík fram-
kvæmd gjaldeyrisviðskipta gæti
skapað óheppilegt fordæmi í
tengslum við áform föllnu bankanna,
sem stefna að því að ljúka uppgjöri
með nauðasamningi eins og ALMC
gerði haustið 2010.
Ekki er útilokað að afstaða Seðla-
bankans valdi því að greiðslufall
verði á um 600 milljóna evra skulda-
bréfum ALMC. Hefur ALMC komið
slíkum áhyggjum á framfæri við
Seðlabankann. Eignir ALMC nema
624 milljónum og um fjórðungur er
reiðufé.
ALMC er móðurfélag Straums
fjárfestingabanka og fer með 67%
eignarhlut. Hluthafar ALMC eru al-
þjóðlegir fjárfestingasjóðir og þar á
meðal er vogunarsjóður í eigu
bandaríska sjóðsstýringarfyrirtæk-
isins Davidson Kempner, sem á jafn-
framt kröfur á slitabú Glitnis, Kaup-
þings og gamla Landsbankann.
Hörður Ægisson
hordur@mbl.is
ALMC hefur fengið Reimar
Pétursson sem lögmann
félagsins vegna ágreinings
við Seðlabankann um
gjaldeyrisgreiðslur af 90
milljarða skuldabréfum.
Morgunblaðið/Júlíus
ALMC óttast að afstaða Seðlabanka Íslands geti valdið því að greiðslufall
verði á skuldabréfum að fjárhæð tæplega 600 milljónir evra.
Óttar
Pálsson
Reimar
Pétursson
ALMC skoðar að stefna SÍ
FYRIRTÆKI
Hætt hefur verið við sölu á öllu
hlutafé Olíuverzlunar Íslands, betur
þekkt sem Olís, en félagið hafði verið í
söluferli frá því síðast-
liðið haust. Samkvæmt
heimildum Morgun-
blaðsins bárust fjögur
kauptilboð í Olís en
ákveðið var að hafna
þeim öllum. Það var
Arctica Finance sem sá
um söluráðgjöf fyrir
eigendur félagsins.
Hluthafar Olís eru Einar Bene-
diktsson, forstjóri, sem á 12,5% hlut í
félaginu líkt og Gísli Baldur Garð-
arsson. Samherji og Fisk-Seafood,
dótturfélag Kaupfélags Skagfirðinga,
eiga hvort um sig 37,5% hlut sem þau
keyptu samhliða fjárhagslegri end-
urskipulagningu Olís á árinu 2012.
Einar greindi frá því í síðustu viku
að hann myndi láta af störfum í haust
eftir 22 ára starf. hordur@mbl.is
Fjögur tilboð
bárust í Olís
STAFRÆN PRENTUN!
Reykjavíkurborg leitar eftir kauptilboðum á byggingarrétti
fyrir atvinnuhúsnæði og íbúðarhús við Tryggvagötu 13, á milli
Grófarhúss og Hafnarhvols.
Á lóðinni, sem er um 842 m að stærð, er heimilt samkvæmt
deiliskipulagi að reisa 6 hæða hús allt að 5.240 m að fyrir íbúðir,
þjónustu, skrifstofur eða annan atvinnurekstur.
Tilboðum skal skilað á sérstöku tilboðsblaði fyrir kl. 16.00
miðvikudaginn 25. júní 2014 í þjónustuver Reykjavíkurborgar,
Borgartúni 12-14.
Tilboð verða opnuð á skrifstofu innkaupadeildar, Borgartúni 12-14,
kl. 10.00 þann 26. júní 2014.
Útboðs- og úthlutunarskilmálar, tilboðsblað og nánari upplýsingar
á vef Reykjavíkurborgar www.reykjavik.is/lodir-tryggvagata13
Tryggvagata 13 - lóð
Byggingarréttur til sölu
www.reykjavik.is/lodir
Hugmyndasamkeppni verður um útlit hússins.