Morgunblaðið - 02.08.2014, Blaðsíða 2
2 FRÉTTIRInnlent
MORGUNBLAÐIÐ LAUGARDAGUR 2. ÁGÚST 2014
Kaupum alla bíla
Hærra uppítökuverð
Við staðgreiðum bílinn þinn og þú getur þar með
fengið staðgreiðsluafslátt af nýja bílunum.
Sendu okkur upplýsingar í gegnumwww.seldur.is
og við sendum þér staðgreiðslutilboð
þér að kostnaðarlausu.
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Skúli Halldórsson
sh@mbl.is
Sjá mátti feiknastórt olíuflutninga-
skip liggja við landfestar í Reykja-
víkurhöfn í gær. Skipið heitir
Maxwell Bay og samkvæmt upp-
lýsingum frá Faxaflóahöfnum er
það rúm þrjátíu þúsund brúttó-
tonn, 177 metra langt og 32 metra
breitt.
Að sögn Gísla Gíslasonar,
hafnarstjóra Faxaflóahafna, er
skipið óvenjustórt.
„Þetta skip er með þeim
tignarlegri sem hingað hafa komið,
og nálgast í raun hámark þeirrar
lengdar á skipum sem við getum
tekið á móti. Þau rista djúpt þessi
skip,“ segir Gísli.
Stefán Karl Segatta, sérfræð-
ingur í eldsneytisinnkaupum hjá
N1, segir skipið vera á leið til Evr-
ópu frá Bandaríkjunum. „Í raun er
skipið einungis að koma við hérna,
aðeins hluti eldsneytisins fer í land
og ég tel líklegast að afgangurinn
fari til Rotterdam,“ segir Stefán
og bætir við: „Sennilega hefur
fengist hagstæð frakt á skipinu því
það er ekki einu sinni fulllestað,
en um þessar mundir er streymi af
olíu og gasi frá Bandaríkjunum.“
Spurður hvort innflutningur
eldsneytis sé að aukast, segir hann
svo ekki vera.
„Markaðurinn fyrir venjulegt
eldsneyti er ekkert að stækka og í
raun er þróunin í hina áttina, líkt
og í öðrum löndum, þó hæg sé. Sá
markaður sem er þó að stækka
hér á landi er markaðurinn fyrir
þotueldsneyti. Flugumferðin er að
aukast og eftirspurnin eykst ár frá
ári.“
Hann segir að misjafnt sé eft-
ir árum hversu mörg olíuflutninga-
skip komi til landsins. „Einu sinni
var þetta mjög stöðugt, þegar
hingað kom eitt skip á mánuði. Nú
eru þetta líklega í kringum 30
komur á ári hverju.“
Feiknastórt olíuskip við Örfirisey
Innflutningur á þotueldsneyti stöðugt að aukast Í kringum 30 olíuflutningaskip til Íslands á ári
Morgunblaðið/Þórður
Málmrisi Skipið er komið hingað frá Bandaríkjunum á leið suður til Evrópu. Olía streymir nú frá Bandaríkjunum.
Andri Steinn Hilmarsson
ash@mbl.is
Það er óhætt að segja, að Jón Ragnar Jónsson tónlistar-
maður sé á faraldsfæti þessa dagana. Í gær kom hann til
Íslands frá Svíþjóð þar sem hann lék með FH gegn
Elfsborg í þriðju umferð forkeppni Evrópudeildarinnar
í knattspyrnu. Stuttu eftir að hann kom til landsins hélt
ferðalagið áfram til Vestmannaeyja en þar var Jón
stjarna kvöldsins þegar hann flutti þjóðhátíðarlagið í ár,
Ljúft að vera til, við góðar undirtektir viðstaddra. Í dag
verður hann á unglingalandsmótinu á Sauðárkróki og á
sunnudag skemmtir hann á mýrarboltamótinu á Ísa-
firði.
„Helgin leggst mjög vel í mig. Þótt þetta sé vinnan
manns er það mjög skemmtilegt,“ sagði Jón við Morg-
unblaðið í gær. „Ég ætla að taka unnustuna og soninn
með mér til Eyja og á Sauðárkrók.“ Hann bætti við að
það yrði sannkölluð fjölskyldustemning í Herjólfs-
dalnum þar sem fleiri meðlimir fjölskyldunnar yrðu á
svæðinu.
„Þetta verður fjölskyldutími, mamma og pabbi ætla
að koma til Eyja enda verðum við bræður báðir að
spila,“ sagði Jón í gær við Morgunblaðið en hann og tón-
listarmaðurinn Friðrik Dór Jónsson eru bræður.
Þjóðhátíð er þó ekki eina hátíðin þar sem þeir
bræður koma fram, sama kvöldið um helgina.
„Fyrir tilviljun erum við bræðurnir með sama pró-
gramm um helgina. Við keyrum á unglingalandsmótið
með fjölskyldum okkar. Það er fínt að gera eitthvað um
helgina þannig að þetta sé ekki bara keyrsla og vinna,“
segir Jón og minnir á að það verði að njóta líka.
Jón var spenntur fyrir gærkvöldinu þegar hann
ræddi við Morgunblaðið í gær. Spurður hvernig hann
héldi að tilfinningin yrði, að standa fyrir framan rúmlega
10 þúsund manns og flytja þjóðhátíðarlagið, stóð ekki á
svörum: „Eins og ég myndi segja þá er það gæsahúð en
eins og einn knattspyrnumaður sagði á dögunum, þá
verður þetta algjör gæsahrollur,“ segir Jón og hlær.
Tekur fjölskylduna með
í vinnuna um helgina
Bræðurnir Jón Ragnar og Friðrik Dór Jónssynir fylgjast að
Morgunblaðið/Óskar Pétur Friðriksson
Veisluföng Í hvítu tjöldunum svonefndu halda heimamenn til um verslunarmannahelgina. Þau María Höbbý Sæ-
mundsdóttir (t.v.) og Guðmundur Pálsson (fyrir miðju) buðu vinum og vandamönnum til dýrindisveislu í tjaldi sínu.
Ljósmynd/Árni Sæberg
Vinsæll Jón Ragnar Jónsson spilar víða um helgina
og tekur hann unnustuna og soninn með í ferðalagið.
Jón Jónsson var í Svíþjóð í fyrradag, á Þjóðhátíð í gær,
unglingalandsmóti í kvöld og mýrarboltanum á morgun
Kristján H. Johannessen
khj@mbl.is
Friðarsúlan í Viðey verður tendruð
þann 7. ágúst næstkomandi vegna
ástandsins á Gaza. Yoko Ono til-
kynnti um þetta á Facebook-síðu
sinni í gærkvöld en þar segist hún
vera harmi slegin yfir þeim mikla
fjölda saklausra barna sem týnt
hafa lífi að undanförnu vegna átaka
Ísraelshers við Hamas.
„Þessi tendrun verður til minn-
ingar um þau börn sem fallið hafa í
átökum á Gaza og í raun til minn-
ingar um öll þau börn sem hafa lát-
ist eða borið skaða af vegna vopn-
aðra átaka í heiminum,“ segir
Ágústa Rós Árnadóttir, verkefna-
stjóri í Viðey, í samtali við Morgun-
blaðið.
Auk Yoko Ono standa að viðburð-
inum Reykjavíkurborg, Félagið Ís-
land-Palestína og Barnahjálp Sam-
einuðu þjóðanna, UNICEF.
Spurð hvort haldin verði athöfn í
Viðey vegna tendrunar Friðarsúl-
unnar kveður Ágústa Rós já við.
„Það verður haldin athöfn í Viðey
og er öllum sem vilja velkomið að
mæta þangað,“ segir hún.
Skammlíft vopnahlé
Frá því að vopnuð átök brutust út
á Gaza fyrir rétt um mánuði síðan
hafa hátt í 1.500 Palestínumenn,
aðallega almennir borgarar, og yfir
sextíu Ísraelsmenn, sem flestir
komu úr röðum hersins, fallið. Á
fimmtudagskvöld tilkynnti John
Kerry, utanríkisráðherra Banda-
ríkjanna, um þriggja sólarhringa
vopnahlé milli stríðandi fylkinga.
Liðu einungis um tvær klukku-
stundir þar til átök hófust á ný.
Lýsir til minning-
ar um fallin börn
Öllum velkomið að mæta í Viðey
Friður Næturhiminninn verður lýst-
ur upp vegna átakanna á Gaza.
Morgunblaðið/RAX