Morgunblaðið - 21.11.2014, Blaðsíða 18
18 FRÉTTIRViðskipti | Atvinnulíf
MORGUNBLAÐIÐ FÖSTUDAGUR 21. NÓVEMBER 2014
!
"#
"$#!
#$
%$"#
##
"!#
#$
!$
&'()* (+(
,-&.&+/0 -'+(1(23& 45+(2/5
$
"#%
"%%!
#
%%
#"#
"$#
#""
#
%
"
"##
"$!
##!
%%
#!!
"!"#
#"%
!#
"$$
Skannaðu kóð-
ann til að sjá
gengið eins og
það er núna á
● Einn nefndarmaður peningastefnu-
nefndar af fimm greiddi atkvæði gegn
tillögu seðlabankastjóra um lækkun
stýrivaxta á síðasta fundi peninga-
stefnunefndar. Kaus hann frekar að
halda stýrivöxtum óbreyttum. Þetta
kemur fram í fundargerð nefndarinnar
sem Seðlabankinn hefur birt.
Einn af þeim fjórum nefndar-
mönnum sem greiddu atkvæði með
tillögu um lækkun stýrivaxta hefði
heldur kosið að halda vöxtum
óbreyttum að þessu sinni. Hefði hann
kosið að bíða með vaxtalækkunina
fram í desember, að því er kemur
fram í fundargerðinni.
Einn nefndarmaður á
móti lækkun stýrivaxta
● AZAZO (áður Gagnavarslan) og HS
Orka hafa gert með sér samning um
innleiðingu á CoreData ECM hugbún-
aðarlausninni og hyggst HS Orka
nýta lausnina í alla sína starfsemi.
CoreData ECM er „hugbúnaður í
áskrift“ sem byggist á nútímalegri
nálgun við stjórnun upplýsinga og
allra verkefna fyrirtækja og stofnana,
segir í tilkynningu. Hugbúnaðurinn
inniheldur auk þess gæðakerfi með
nýrri nálgun.
HS Orka semur við
AZAZO um hugbúnað
STUTTAR FRÉTTIR ...
BAKSVIÐ
Hörður Ægisson
hordur@mbl.is
Samkomulag sem hefur náðst milli
Lífeyrissjóðs verslunarmanna og
slitastjórnar Glitnis um fullnaðar-
uppgjör á gjaldmiðlavarnarsamn-
ingum sem sjóðurinn gerði fyrir fall
bankans haustið 2008 er háð þeim
fyrirvara að Seðlabanki Íslands veiti
slitabúinu undanþágu frá fjár-
magnshöftum. Þannig fer Glitnir
fram á að sá hluti sem sjóðurinn
greiðir með evrum verði ekki skila-
skyldur heldur fáist heimild fyrir því
að fjárhæðin verði fyrir utan Ísland,
samkvæmt upplýsingum Morgun-
blaðsins.
Samkvæmt samkomulaginu mun
Lífeyrissjóður verslunarmanna
greiða Glitni tæplega 8,2 milljarða
króna. Þar af verður um þriðjungur
greiddur með evrum. Sjóðurinn
mun jafnframt framselja samþykkt-
ar kröfur sínar á hendur slitabúinu
að upphæð um 4,7 milljarðar til
Glitnis. Rétt eins og upplýst var í
ViðskiptaMogganum í gær er því
gert ráð fyrir að sjóðurinn greiði
umtalsvert lægri fjárhæð en ýtrustu
kröfur Glitnis hafa hljóðað upp á.
Var tillaga Lífeyrissjóðs verslun-
armanna um uppgjör á gjaldmiðla-
varnarsamningunum, sem var send
til slitastjórnar 12. nóvember síðast-
liðinn, samþykkt á kröfuhafafundi
Glitnis sem fór fram í gær, sam-
kvæmt heimildum Morgunblaðsins.
Taldi slitastjórnin að hún gæti ekki
tekið afstöðu til tillögu sjóðsins og
tók því þá ákvörðun að láta kröfu-
hafa greiða atkvæði um hana.
Allt frá falli fjármálakerfisins fyr-
ir meira en sex árum hefur verið
uppi ágreiningur um uppgjör á
gjaldmiðlavarnarsamningunum.
Hefur mikið borið á milli um fjár-
hæðir. Málið hefur verið rekið fyrir
dómstólum eftir að slitastjórn Glitn-
is stefndi sjóðnum haustið 2012. Í
dómkröfu sinni fór Glitnir fram á
tæplega 19 milljarða auk dráttar-
vaxta vegna 72 gjaldmiðlavarnar-
samninga sem voru á gjalddaga í
október til desember 2008.
Áhættusamir afleiðusamningar
Í ársreikningi Lífeyrissjóðs versl-
unarmanna fyrir árið 2013 er
brúttóskuld vegna samninganna
hins vegar áætluð ríflega 13,8 millj-
arðar að hámarki, að mati sjóðsins.
Sú fjárhæð tekur tillit til þess að
sjóðurinn geti skuldajafnað skulda-
bréfum og öðrum kröfum gagnvart
Glitni á móti þeim kröfum sem slita-
stjórnin telur sig eiga á sjóðinn
vegna óuppgerðra gjaldmiðlavarn-
arsamninga.
Framvirkir gjaldmiðlavarnar-
samningar sjóðsins, þar sem hann
tók stöðu með íslensku krónunni,
voru sagðir hafa verið gerðir í þeim
tilgangi að draga úr áhættu vegna
misvægis á gjaldmiðlasamsetningu
erlendrar verðbréfaeignar sjóðsins
gagnvart gengisþróun krónunnar.
Árið 2008 voru erlendar eignir um
þriðjungur af eignasafni sjóðsins en
lífeyrisskuldbindingar voru hins
vegar alfarið í íslenskum krónum.
Slitastjórn Glitnis hefur sagt að
sjóðnum hafi mátt vera fyllilega ljós
sú áhætta sem fylgir slíkum afleiðu-
samningum. Vandséð hafi einnig
verið hvaða áhætta stafaði af sjóðn-
um vegna gengisþróunar til
skemmri tíma enda þurfi hann ekki
að flytja eignir til Íslands fyrr en
eftir áratugi til að inna af hendi líf-
eyrisgreiðslur.
Ráðgjafar Lífeyrissjóðs verslun-
armanna um það samkomulag sem
Glitnir hefur núna samþykkt voru
meðal annarra verðbréfafyrirtækið
Arctica Finance.
Háð fyrirvara um undan-
þágu frá fjármagnshöftum
Morgunblaðið/Árni Sæberg
Undanþága Slitastjórn Glitnis vill að greiðsla frá LV í evrum verði undanþegin skilaskyldu gjaldeyris.
Þriðjungur í evrum
» Kröfuhafar Glitnis sam-
þykktu í gær tillögu Lífeyris-
sjóðs verslunarmanna um
fullnaðaruppgjör á 72 gjald-
miðlavarnarsamningum.
» Sjóðurinn greiðir um 8,2
milljarða til Glitnis. Þar af er
ríflega þriðjungur greiddur
með evrum.
» Samkomulagið er háð
fyrirvara um að Glitnir fái und-
anþágu frá höftum til að halda
gjaldeyrinum utan Íslands.
Kröfuhafar Glitnis samþykktu tillögu LV um uppgjör á afleiðusamningum
Áætlað er að 13.700 tonnum af eld-
isfiski verði slátrað hér á landi á
næsta ári sem er um tvöfalt meira
magn en í fyrra, að því er fram kem-
ur í nýrri skýrslu Íslandsbanka um
íslenskan sjávarútveg. Langmestur
hluti íslensks eldisfisks er seldur til
Bandaríkjanna, eða 56% af fram-
leiðslunni, mest heill ferskur fiskur.
Í skýrslunni er fjallað um ýmsar
hliðar íslensks sjávarútvegs og þýð-
ingu hans fyrir efnahag landsins.
Bent er á grósku í nýsköpun í sjávar-
útvegi hér á landi og að Íslendingar
séu nú á meðal fremstu þjóða í full-
nýtingu sjávarafurða.
Í fyrsta sinn síðan 2004 voru störf í
sjávarútvegi fleiri í landi en úti á sjó.
Alls störfuðu 8.600 manns með bein-
um hætti við sjávarútveg á síðasta
ári og þar af um 5.000 í landi.
Tekjur sjávarútvegsfyrirtækja
drógust saman um 5% árið 2013 mið-
að við árið á undan. Hins vegar juk-
ust arðgreiðslur um 87% á milli ára
en þær námu samtals 12 milljörðum
króna á síðasta ári. Opinber gjöld
námu 24,5 milljörðum árið 2013 og
hafa rúmlega þrefaldast frá árinu
2009.
Rússland fram úr Bretlandi
Fram kemur í skýrslu Íslands-
banka að í fyrra var í fyrsta skipti
flutt út meira magn sjávarafurða til
Rússlands en til Bretlands og Nor-
egs, sem hingað til hafa verið helstu
kaupendur íslenskra sjávarafurða.
Aukninguna má rekja til aukins út-
flutnings á makríl, en næstum helm-
ingur alls markíls sem veiddur er við
Ísland er fluttur til Rússlands.
Morgunblaðið/Helgi Bjarnason
Makríll Með makrílveiðum hefur út-
flutningur stóraukist til Rússlands.
Mest flutt af fiski
til Rússlands
Fiskeldisfram-
leiðsla tvöfaldast á
tveimur árum