Morgunblaðið - 28.11.2014, Blaðsíða 36
36 DÆGRADVÖL
MORGUNBLAÐIÐ FÖSTUDAGUR 28. NÓVEMBER 2014
Stjörnuspá
21. mars - 19. apríl
Hrútur Dagurinn í dag er hagstæður fyrir
fjármálaviðskipti. Annars áttu á hættu að
sjá ekki skóginn fyrir trjám.
20. apríl - 20. maí
Naut Áfangar í vinnu létta þér lund. Notaðu
tímann þinn til að kynna þér þau mál sem
snerta nútíðina svo ekkert geti komið þér á
óvart úr þeirri áttinni.
21. maí - 20. júní
Tvíburar Þótt margir eigi sér sama takmark
geta leiðirnar að því verið margvíslegar.
Láttu engan þvinga þig til samkomulags
heldur láttu í þér heyra.
21. júní - 22. júlí
Krabbi Þú nýtur meiri athygli en þú átt að
venjast og ættir því að leggja aukna rækt
við útlit þitt. Hlustaðu á hjarta þitt því þar
er svörin að finna.
23. júlí - 22. ágúst
Ljón Þú hefur verið á þeytingi um allt fyrir
alla aðra nema sjálfan þig. Reyndu að út-
skýra þín mál vel fyrir fólki svo að engar
ranghugmyndir komist á kreik.
23. ágúst - 22. sept.
Meyja Hugsaðu þig tvisvar um áður en þú
grípur til aðgerða, sérstaklega þeirra sem
kosta einhver fjárútlát. Nú á það fornkveðna
við: að hika er sama og tapa.
23. sept. - 22. okt.
Vog Í nýjum hugmyndum felast oft gömul
sannindi. Þú ert gæddur ríkri ábyrgðar-
tilfinningu og þér lætur vel að vera í for-
ystu. Á miklu ríður að þú veljir verkefni við
hæfi.
23. okt. - 21. nóv.
Sporðdreki Það er notalegt að eiga sam-
skipti við fólk sem hugsar á sömu nótum.
Athugaðu þá hvort eitthvað er bogið við
þær aðferðir sem þú notar.
22. nóv. - 21. des.
Bogmaður Fjármálin þurfa aðgæslu við svo
að þú ættir að halda útgjöldunum niðri eins
og frekast er kostur. Gott er að vera full-
komlega afslappaður og horfa á úr fjarlægð.
22. des. - 19. janúar
Steingeit Það er öllum nauðsynlegt að vera
út af fyrir sig svona endrum og sinnum.
Haltu þínu striki, þrátt fyrir alla áhættu
(höfnun og allt það).
20. jan. - 18. febr.
Vatnsberi Þú byrjar með endann í huga,
sem er besta leiðin til að ráðast á mögu-
legar neikvæðar hugsanir. Taktu þér pásu
seinnipartinn og einbeittu þér að fallegustu
draumsýn sem þú getur hugsað þér.
19. feb. - 20. mars
Fiskar Haltu þig við jörðina og þá verða
engin ljón á veginum. Fljótfærni í þeim
efnum getur reynst afdrifarík.
Greint var frá því í liðinni vikuað ferðamaður í Róm á Ítalíu,
sem var staðinn að verki við að
rista upphafsstafi sína á vegg í
Colosseum-hringleikahúsinu, hefði
verið dæmdur til þess að greiða
20.000 evrur í sekt, um þrjár millj-
ónir króna. Maðurinn var auk þess
dæmdur í fjögurra mánaða skil-
orðsbundið fangelsi.
x x x
Í sömu viku voru framin eigna-spjöll á styttu Jóns Sigurðs-
sonar á Austurvelli samfara mót-
mælum fámenns hóps á svæðinu.
Aðalvarðstjóri hjá lögreglunni á
höfuðborgarsvæðinu sagði við
Morgunblaðið að vitað væri hverjir
hefðu krotað á styttuna en málið
væri ekki rannsakað sem lögbrot.
x x x
Það er sitthvað Ítalía eða Íslandog þótt Víkverji sé ekki ref-
siglaður efast hann um að linkind
gagnvart skemmdarvörgum auki
aga og virðingu fyrir umhverfinu.
Þvert á móti er líklegra að
skemmdarvargar færi sig upp á
skaftið og gangi eins langt og þeir
mögulega geta án þess að verða
refsað fyrir, jafnvel aðeins lengra.
x x x
Að léttara efni. Fréttablaðiðgekk í vatnið í vikunni og birti
frétt á forsíðu sem var uppspuni
frá rótum. Daginn eftir var sagt í
leiðréttingu að fréttin hefði verið
röng! Þetta minnir Víkverja á
„fréttir“ á Baggalúti, en munurinn
er samt sá að þar vita lesendur að
málin eru til gamans gerð, þó oft
sé í þeim töluverður broddur.
x x x
Nýlega sagði Baggalútur tildæmis frá því að talsmaður
stjórnarráðsins hefði brugðist
ókvæða við harðri gagnrýni á upp-
sagnir 18 ræstingakvenna. „„Hér
er allt vaðandi í aðstoðarmönnum,
sem gera ekkert annað en að
hanga á facebook og bora hver í
annars nef alla daga. Þetta lið er
fullfært um að grípa í klósett-
bursta og skrúbba upp eftir sig
kaffiblettina. Skárra væri það
nú“.“ víkverji@mbl.is
Víkverji
Kunnan gerðir þú mér veg lífsins,
gleðignótt er fyrir augliti þínu, yndi í
hægri hendi þinni að eilífu.
(Sálmarnir 16:11)
Pétur Stefánsson skrifaði í Leir-inn fyrir nokkrum dögum að
hann hefði rekist á þessar limrur í
vísnabunkanum sínum. – „Fyrri
limran er auðvitað um Sigrúnu
okkar,“ segir hann:
Hvort sem er bjartviðri og blíða,
brjálæðis frost eða þíða,
og jafnvel í hríð
við hesthús ég bíð
til að sjá hana Sigrúnu ríða.
Frænkurnar Svala og Svandís,
Sveinbjörg og Guðríður Branddís,
Þórhildur Erla
og Ísgerður Perla
eru sólgnar í kaffi og kandís.
Það gaf Fíu á Sandi tilefni til
lítillar limru:
Hann er einstakur alveg hann Pétur
og ánægju í forgang hann setur,
víst er um það,
samt vona ég að
hann verði ekki úti, í vetur.
Þann 25. nóvember skrifaði
Pétur Stefánsson: „Konan ætlar að
elda sérdeilis góða máltíð í kvöld,
saltfisk og saltað selspik, það gerist
ekki betra“.
Hresstur er ég hér á bæ,
hungrið seð ég skæða,
selspik bæði og saltfisk fæ
seinna í dag að snæða.
Jón Ingvar Jónsson leit þannig á
málin:
Minn kvöldverð með kryddi og sméri
kannski ég fyrir mig beri
þótt reyndar sé miður
að renn’onum niður,
rassgarnarenda af meri.
Ekki fór hjá því að það rifjaðist
upp fyrir mér gömul limra eftir Jó-
hann Hannesson þegar hér var kom-
ið:
Þegar hvergi fæst salt kæst né sigið,
né sést upp við réttarvegg migið,
þegar öll fæða er dóssett
og alls staðar klósett
er örlagavíxlsporið stigið.
Best gæti ég trúað því að Hösk-
uldur Búi hafi sjómannsblóð í æðum:
Stundum virðist stefnan greið,
straumur fleyið burt vill draga.
Ef augnablik þú berst af leið
best er áttir fljótt að laga.
En Fía á Sandi lætur sér fátt um
finnast:
Oft eru herrarnir hylltir
þó hafi þeir reynst eitthvað spilltir,
afsaka þá
oftastnær má,
þeir voru svo áttvilltir.
Halldór Blöndal
halldorblondal@simnet.is
Vísnahorn
Fleiri limrur
og kæst eða sigið
Í klípu
„EF ÞÚ ERT GRAFKJURR, GET ÉG NÁÐ
ÖLLUM FIMM HOLUNUM Í EINU.“
eftir Mike Baldwin eftir Jim Unger
„FÆ ÉG AÐ REYNA AFTUR?“
Hermann
Ferdinand
Hrólfur hræðilegi
Grettir
...þegar það byrjar að
hitna í kolunum!
ÉG ER MEÐ
HÁLSBÓLGU
ÞANNIG
AÐ...
VOFF VOFF
OG...
EKKI
HRÆDDUR
ÞAÐ ER SVO MIKILVÆGT AÐ
GEFA SÉR TÍMA TIL ÞESS AÐ
FINNA BLÓMAILMINN...
SÉRSTAKLEGA ÞEGAR ÞÚ
ÞVÆRÐ FÖTIN HANS PABBA
ÞÍNS!