Morgunblaðið - Sunnudagur - 02.11.2014, Side 24
24 MORGUNBLAÐIÐ SUNNUDAGUR 2.11. 2014
Heilsa og hreyfing
V
el er tekið á því í Laugalandsskógi
ofan við Þelamerkurskóla skammt
norðan Akureyrar að morgni dags
en þó hlegið og gert að gamni sínu í
leiðinni. Þarna er á ferð hópur kvenna í lík-
amsrækt undir stjórn Andreu Waage og Guð-
ríðar Jónasdóttur, sem báðar eru útskrifaðir
einkaþjálfarar frá Keili og sú síðarnefnda
heilsunuddari að auki.
Konunum finnst bersýnilega gaman saman.
Gott dæmi er að kona úr Bárðardal ekur 80
kílómetra hvora leið til að geta verið með, að
vísu bara einu sinni í viku …
Tímana sækja líka konur frá Svalbarðseyri,
Grenivík og framan úr Eyjafirði. „Þær keyra
drjúgan spöl og hafa sumar gert lengi, þannig
að við erum greinilega að gera eitthvað rétt!“
segir Andrea við Sunnudagsblað Morg-
unblaðsins.
Njóta náttúrunnar
„Við vorum báðar nýútskrifaðar og unnum
sem einkaþjálfarar á Bjargi þegar við byrj-
uðum með lítinn hóp kvenna sem vildi frekar
vera úti en inni í æfingasal. Þetta byrjaði að
sumri til en svo héldum við áfram inn í vet-
urinn, erum nú á fjórða ári og smám saman
hefur bæst við hópinn,“ segir Andrea.
Þær stöllur hitta hópana sína tvo daga í
viku, þriðjudaga og fimmtudaga, einn klukkan
átta að morgni, þann næsta í hádeginu og
loks einn síðdegis. Hvert námskeið stendur í
fimm vikur, en margar konur eru alltaf með,
kaupa sér heila önn í einu. „Námskeiðin eru
allt árið nema hvað við tökum okkur smá
sumar- og jólafrí.“
Stundum gerir hópurinn æfingar á sama
staðnum en oft fer hann í göngutúr og gerir
æfingar nokkur sinnum þegar stöðvað er.
Konurnar hittast víða og aldrei á sama stað
tvisvar í röð. „Við erum með skógarþema í
þessum mánuði til þess að hóparnir geti sem
best notið haustlitanna og við erum reyndar
nánast alltaf á einhverjum fallegum stöðum
úti í náttúrunni. Mjög lítið er um malbikstíma,
nema þegar við förum saman á kaffihús eftir
gönguna – þá hittumst við nálægt mið-
bænum.“
Andrea nefnir dæmi um slíkan dag: „Þá var
mæting við Hof, við gengum að Amts-
bókasafninu og gerðum æfingar þar, gengum
þaðan niður á Eiðsvöll þar sem aftur voru
gerðar æfingar og í þriðja skipti í grennd við
veitingahús, þar sem við fórum svo inn á eftir
og borðuðum saman.“
Mætingin er ekki verri þótt geri brjálað
veður. „Við segjum reyndar að veðrið sé aldr-
ei vont, maður klæðir sig þá bera betur og
það er alltaf jafn æðislegt að koma út. Ef það
er stórhríð notum við góð gleraugu og höldum
okkar striki. Því meiri snjór, því erfiðari er
gangan og hnélyfturnar hærri. Við leggjum
samt mjög mikla áherslu á að þetta sé
skemmtilegt eins og nafnið, Gaman saman,
gefur til kynna og við reynum að standa undir
því. Þegar viðrar til þess búum við til snjóhús,
gerum engla eða rennum okkur niður brekk-
ur. Þá finnum við barnið í okkur!“
Konurnar gera að mörgu leyti sömu æfing-
ar og þær voru vanar inni á líkamsrækt-
arstöðinni en fá ferskt útiloftið að auki. „Því
fylgir einhvern veginn miklu meiri gleði að
vera úti. Það er ekki tilviljun að þunglynd-
issjúklingum er ráðlögð útivera því útiloftið
gerir manni gott, fyrir utan hve gaman er að
njóta fegurðarinnar í náttúrunni. Úti er líka
GAMAN SAMAN Í EYJAFIRÐI
Ef veðrið er vont
finnum við
barnið í okkur!
HÓPUR KVENNA STUNDAR SAMAN LÍKAMSRÆKT UNDIR BERUM HIMNI Í
EYJAFIRÐI SUMAR SEM VETUR. ANDREA WAAGE OG GUÐRÍÐUR JÓNS-
DÓTTIR KOMU Á FÓT VERKEFNINU GAMAN SAMAN OG ÞAÐ STENDUR
UNDIR NAFNI. ÞÆR SEGJA VEÐRIÐ ALDREI OF VONT TIL AÐ VERA ÚTI!
Skapti Hallgrímsson skapti@mbl.is
Jafnvægi og styrkur. Með þessari æfingu reynir líklega á fleiri vöðva en flestir geta ímyndað sér.
Guðríður Jónasdóttir, til
vinstri, og Andrea
Waage stjórna Gaman
saman-hópnum.
Það tekur vel í handleggina og þjálfar vöðvana vel að sveifla köðlum eftir kúnstarinnar reglum.
Börn ættu að hreyfa sig í minnst klukkustund á dag samkvæmt ráðleggingum landlæknis. Ráðin eru sett
fram sem algjört lágmark því auðvitað ættu börn að vera meira á hreyfingu. Það er nægur tími á fullorð-
insárum til að sitja á skrifborðsstól. Margt er hægt að gera til að auka hreyfingu barna og fullorðinna. Allar
árstíðir bjóða upp á pollahopp og á veturna er hægt að nýta hreyfiorkuna í snjókast og snjóhúsagerð.
Hreyfing hvern dag