Morgunblaðið - Sunnudagur - 02.11.2014, Side 49
2.11. 2014 MORGUNBLAÐIÐ SUNNUDAGUR 49
Fordómar og gagnrýnin hugsun
Þær hafa fengið að heyra að hvítt fólk
ætti ekki að vera að spila reggí. „Það el-
ur á fordómum að ætla enn þann dag í
dag að tengja tónlist við kynþátt,“ segir
Steinunn og þeim finnst að það eigi yfir
höfuð ekki mikið að vera að tala um fólk
út frá kynþætti.
Þær segja þessa fordóma sem betur fer
ekki áberandi. „Ég er sjálf alin upp við
algjört fordómaleysi og það mótar mann
mjög mikið,“ segir Steinunn. Náttúruvernd
er eitt mikilvægasta málefnið í samtím-
anum, segir Salka og víkur talinu aftur
að nýja laginu „Gaia“. „Það er mikill boð-
skapur í þessu lagi en það er samt ekki
verið að öskra hann. Ég vona að þetta
höfði til yngri kynslóðarinnar,“ segir hún.
Þær segja reggí góða leið til að koma
skilaboðum til skila, þar er hefð fyrir
pólitískum textum. Textarnir eru einlægir
og virka best þannig.
Sölku finnst sérstaklega mikilvægt að
tileinka sér gagnrýna hugsun. „Það er svo
mikil mötun í samfélaginu. Það er alltaf
verið að troða einhverju ofan í okkur;
hvað við eigum að gera og hvernig við
eigum að vera.“
Steinunn tekur undir og segir mik-
ilvægt að átta sig á hvaðan upplýsingar
komi og kunna að greina þær. Þetta er
áreiðanlega satt því magn aðgengilegra
upplýsinga hefur aldrei verið meira. „Það
er fólk sem fær borgað fyrir að móta
skoðanir okkar,“ segir Steinunn. „Og við
þurfum að vera meðvituð um það,“ segir
Salka.
„Ég vona að næsta kynslóð verði með
gagnrýnni hugsun en sú á undan. Ég er
alin upp við það að gleypa ekki við hlut-
unum,“ segir Salka og hefur uppeldið
greinilega skilað sér.
Reggí er allra
Hljómsveitin fékk mikinn innblástur þegar
hún heimsótti Rototom Sunsplash, stóra
reggíhátíð á Spáni síðsumars þar sem
mörg þekkt nöfn úr bransanum tróðu
upp. Sveitin komst þar í samband við
tónlistarmanninn Collie Buddz og aldrei
að vita nema eitthvað komi út úr því.
Þær segja að upprisa reggísins sé
greinileg. „Reggí er allra,“ segja þær.
Gnúsi, Salka og Steinunn sömdu text-
ann við „Hossa, hossa“ saman. Steinunn
er annars mikið í textagerðinni ein og
ásamt Gnúsa og segir hún þá koma nátt-
úrulega. Textarnir eru einfaldir og einlæg-
ir og hæfa tónlistinni. Reggíið er þekkt
fyrir friðar- og sameiningarboðskap, auk
pólitískra texta.
Steinunn vinnur hjá Borgarleikhúsinu
en Salka er útvarpskona á Rás 2 eins og
áður segir. Hún rifjar upp aðdraganda
þess. „Ég frétti af því að það vantaði af-
leysingar á Rás 2 svo ég fór og hitti
Frank dagskrárstjóra til að sannfæra
hann um að ég væri manneskjan í þetta,“
segir hún en það tókst greinilega og
öruggt að Frank Hall sér ekki eftir því
en Salka virðist vera algjört náttúrutalent
í útvarpi.
Hún segist alltaf hafa verið mikil Rásar
2-manneskja og það hafi verið gaman að
vinna með Dodda litla. Stressið var við
völd fyrst og ákveðin hræðsla við mistök
gerði vart við sig en svo áttaði hún sig á
því að það gat enginn ætlast til þess að
hún kynni þetta 100% frá fyrstu mínútu.
„En um leið og ég tamdi mér að vera
algjörlega einlæg leið mér vel,“ segir
Salka.
Platan Heyrðu mig nú kemur út 6.
nóvember bæði á vínyl og geisladiski.
Framundan er annasamur tími hjá sveit-
inni, sem er að fara að taka þátt í Ice-
land Airwaves þannig að reggíið heldur
áfram gleðja í skammdeginu. Eins og seg-
ir í „Hossa, hossa“: „Boom biddi bæ fyrir
dansana, dansarana og dansvana,/boom
nirrí bæ það er AmabAdamA engin leið
að stansa’hana.“
Salka Sól og Steinunn segja
reggí góða leið til að koma
skilaboðum til skila, þar er
hefð fyrir pólitískum text-
um. Textarnir eru einlægir
og virka best þannig.
Morgunblaðið/Kristinn
Lag: Gnúsi
Yones
Texti: Steinunn
Jónsdóttir
Á hverjum degi kvikna ljós,
drýpur dögg af nýútsprunginni rós,
fiskimenn róa til sjós.
Fiskimenn róa til sjós.
Er kvöldar og dagsbirtan dvín,
fólk hættir vinnu og heldur heim til sín,
á borð borinn matur og vín,
í fjarska óma tónar úr mandólín.
Eins er vegur allra inn í lífið og söm er leiðin út.
Þó að á misjöfnu börnin þrífist ætti enginn að
lifa við sút.
Á hverjum morgni milljón ljós kvikna,
á hverju kvöldi milljón fjara út.
Sýnum hvert öðru virðingu ósvikna
svo enginn þurfi að lifa í sorg og sút.
Lítum í eigin barm og hættum aðra að fordæma,
sáum heldur ást í garð okkar afkvæma.
Hvernig er hægt að þekkja náunga sinn
ef manninum hefur aldrei verið boðið inn?
Þó við temjum okkur misjafna siði,
séum ekki eins, erum við öll af sama sniði.
Vinnum nú saman að æðra markmiði,
verum góð við hvert annað og lifum í friði.
Eins er vegur allra inn í lífið og söm er leiðin út.
Þó að á misjöfnu börnin þrífist ætti enginn að
lifa við sút.
Á hverjum degi kvikna ljós,
drýpur dögg af nýútsprunginni rós,
fiskimenn róa til sjós.
Fiskimenn róa til sjós.
Á hverjum morgni milljón ljós kvikna,
á hverju kvöldi milljón fjara út.
Sýnum hvert öðru virðingu ósvikna
svo enginn þurfi að lifa í sorg og sút.
Mannsháttur