Selfoss - 22.05.2014, Blaðsíða 6
6 22. maí 2014
Blómlegt mannlíf í sátt við náttúru
Z- listinn Sól í Skaftárhreppi er óháð framboð einstak-linga sem eiga það sam-
eiginlegt að bera framtíð Skaftár-
hrepps fyrir brjósti, um ókomna
tíð. Skaftárhreppur er víðáttumikið
en fámennt samfélag sem byggir á
sögu náttúruhamfara og aðdáunar-
verðri lífsbaráttu og útsjónarsemi
íbúa þess. Af þessari arfleifð okkar
og náttúru erum við stolt og teljum
að á henni eigum við að byggja til
framtíðar.
Í dag er landbúnaður og ferða-
þjónusta helstu atvinnugreinar
sveitafélagsins og spila þær vel
saman og styrkja hvor aðra. Gróska
er innan þessara greina og hefur
nýsköpun verið nokkur í afleiddri
atvinnustarfsemi sem sómi er af.
Vatnajökulsþjóðgarður og Katla
jarðvangur eru að hluta á svæði
Skaftárhrepps og fer þetta allt vel
saman, styrkir og styður. En nú ríða
hetjur um héruð, hetjur með stór
áform og mikið fjármagn, hetjur
sem sjálfar hafa fundið leið til að
láta fjármagn sitt vaxa á kostnað
lífríkis og mannlífs í Skaftárhreppi.
Skapa störf til frambúðar
Stórvirkjanir með nokkurra ferkíló-
metra uppistöðulónum eru hins
vegar algerlega í andstöðu við það
sem fyrir er. Margir íbúar sveita-
félagsins eru orðnir tortryggnir á
þetta sem verðandi lausn á fjárhags-
vanda sveitafélagsins, enda getur
hún svo auðveldlega snúist upp í
andhverfu sína og þá er ekki aftur
snúið. Sveitastjórnin hefur horft
til þess fjármagns sem inn kemur
af fasteignagjöldum slíkra fram-
kvæmda og er það að sumu leiti
skiljanlegt, en við höfum önnur úr-
ræði - úrræði sem eru í sátt við þá
náttúru og það mannlíf sem fyrir er
á svæðinu. Með því að hlúa að þeirri
starfsemi skapast fleiri störf til fram-
búðar en bygging á virkjun, sem
mjög sennilega mun hrekja fleira
fólk af svæðinu en þá sem fengju
þar framtíðarstörf. Því er það ein-
lægur ásetningur okkar að forðast
þær framkvæmdir sem hafa víðtæk
neikvæð áhrif á náttúru sveitafé-
lagsins og samfélag þess og erum
við þar að tala um stór uppistöð-
ulón og mannvirki á viðkvæmum
svæðum. Ýmislegt hefur verið gert
á síðasta kjörtímabili sem jákvætt
er, vonandi sér nú fyrir endann á
þeim hlekkjum sem lóðaúthlutun
á Kirkjubæjarklaustri hefur verið í.
Þar opnast tækifæri og Þekkingar-
setrið með Gestastofu Vatnajökuls-
þjóðgarðs er verðugt verkefni sem
vinna þarf í. Leggja þarf metnað í
flokkun sorps í samstarfi við íbúa og
huga að vinnslu á lífrænum úrgangi
og nýtingu hans. Huga þarf vel að
öllum grunnstoðum samfélagsins
ekki sýst í mennta- og menningar-
málum og nýta þar arfleið okkar
og umhverfi á markvissan hátt. Í
heilbrigðismál leggjum við áherslu
á að halda vel utan um það sem
við höfum og sjáum fjarheilbrigð-
isþjónustuna bæði sem tækifæri og
öryggi fyrir okkur íbúana og erum
stolt af því að vera þar í fararbroddi.
Gott samfélag byggir á jákvæðum
skoðanaskiptum, gegnsærri stjórn-
sýslu og góðri grunnþjónustu. Öll
höfum við skoðanir þó mishávær
séum og allar eru þær jafn réttháar
en þær þarf að viðra og virða, því
saman erum við sterk og saman
sigrumst við á þeim vandamálum
sem upp koma. Blómlegt mannlíf
stoltra Skaftfellinga sem lifa saman í
jákvæðu samfélagi í sátt við náttúru
þess er okkar sýn.
Jóna Björk Jónsdóttir, líffræðing-
ur og situr í 2. sæti á Z- listanum.
En nú ríða hetjur um hér-
uð, hetjur með stór áform og
mikið fjármagn, hetjur sem
sjálfar hafa fundið leið til
að láta fjármagn sitt vaxa á
kostnað lífríkis og mannlífs í
Skaftárhreppi.
Jóna Björk Jónsdóttir.
Samanburðarfræði
sveitarfélaganna
Í aðdraganda kosninga í Gríms-nes- og Grafningshreppi hef-ur verið talsverð umræða um
samanburð á tölum úr ársreikningi
sveitarfélagsins. Þar fara fulltrúar K
lista sem er í minnihluta í sveitar-
stjórn mikinn um skuldir á hvern
íbúa í sveitarfélaginu án þess að
skoða heildarmyndina. Til frekari
glöggvunar er okkar samfélag mjög
sérstakt á landsvísu ef bornar eru
saman tölur beint úr ársreikningi.
Sem dæmi þá eru gjöld á hvern íbúa
vegna ferðaþjónustu langt umfram
meðaltal á landsvísu. Á síðasta ári
var þessi kostnaður um 8,5 millj-
ónir króna en það er jafn mikið og
í 2300 manna samfélagi. Framlag
til brunavarna eru um 48 þúsund
kr. á hvern íbúa í okkar samfé-
lagi á meðan önnur sveitarfélög
eru með á bilinu 5 til 10 þúsund.
Þetta endurspeglast meðal annars
af fjölda sumarhúsa í sveitarfé-
laginu en brunabótamat húseigna
í Grímsnes- og Grafningshreppi er
sambærilegt við 2000 manna bæj-
arfélag. Í nýlegri húsnæðiskönnun
SASS kemur fram að 50 einstak-
lingar njóta húsaleigubóta í okkar
samfélagi sem er álíka margir eins
og í yfir 1000 manna samfélagi.
Svona má afram telja í útgjaldalið-
um sem reikna má á hvern íbúa,
en þess skal gætt í umræðunni að
tekjurnar á hvern íbúa eru líka
langt umfram landsmeðaltal og er
því nauðsynlegt í umræðunni að
hafa heildarmyndina til hliðsjónar.
Við í meirihlua C lista sjáum ekki
eftir þeim fjármunum sem fara í
þjónustu fyrir okkar íbúa og erum
stolt af þjónustustiginu.
Á árinu 2013 er afgangur af
rekstri þegar búið er að greiða af-
borganir og vexti um 80 milljónir
króna og eru því til ráðstöfunar til
framkvæmda. Til áréttingar hefur
sveitarfélagið byggt nýtt húsnæði
undir starfsemi leik- og grunnskóla
sem tekið verður í notkun í byrjun
næsta skólaárs. Kostnaður vegna
þessarar framkvæmdar er kominn
í um 220 milljónir. Það hefur ein-
göngu verið fjármagnað af eigið fé
sveitarstjóðs. Engar nýjar lántökur
hafa verið á kjörtímabilinu. Þessu
vildi ég koma á framfæri kjósandi
góður til frekari skýringa og er það
stefna C listans að halda áfram að
gera okkar samfélag enn betra.
Setjum X við C á kjördag.
Gunnar Þorgeirsson,
oddvitaefni C listans.
Til frekari glöggvunar er
okkar samfélag mjög sér-
stakt á landsvísu ef bornar
eru saman tölur beint úr
ársreikningi. Sem dæmi þá
eru gjöld á hvern íbúa vegna
ferðaþjónustu langt umfram
meðaltal á landsvísu.
Gunnar Þorgeirsson.