Hafnarfjörður - Garðabær - 09.08.2013, Blaðsíða 10

10 9. ágúst 2013
Freyja Haraldsdóttir er ætlaði að
verða búðarkona og mamma þegar
hún yrði stór en er varaþingkona og
framkvæmdastjóri og hefur jafnan
mörg járn í eldinum Freyja er í
Yfirheyrslunni að þessu sinni.
Fullt nafn:
Freyja Haraldsdóttir
Aldur:
27 ára
Foreldrar:
Auður Árnadóttir og Haraldur Árna-
son
Hvert liggja ættir þínar?
Ættir mínar liggja til allra átta; Eyrar-
bakka, Siglufjarðar, Vestfjarða og víðar.
Grunn- og/eða framhaldsskóli sem
þú sóttir?
Ég kom víða við. Ég byrjaði í Hofs-
staðaskóla í Garðabæ ´92 og fluttist
svo til Nýja Sjálands ´97 þar sem ég
gekk fyrst í Henley School í Richmond,
Nelson og fór svo í unglingadeildina
í Waimea Intermediate á lóðinni við
hliðina á. Ég flutti svo aftur til Íslands
´99 og fór í Garðaskóla. Við tók svo
framhaldsskólaganga í Fjölbrautaskól-
anum í Garðabæ árin ´02-´05.
Hvernig unglingur varstu?
Mér leið ekki vel, var ósátt við margt í
mínu lífi, aðalega sjálfa mig, og hafði
miklar áhyggjur af því að eiga ekki
sömu framtíðarmöguleika og ófatlaðir
jafnaldrar mínir. Það breyttist þó sem
betur fer mikið við upphaf framhalds-
skólagöngunnar af ýmsum ástæðum en
á meðan þetta tímabil gekk yfir var ég
ekki auðveld í samskiptum, sérstaklega
ekki við mína nánustu, svo ég var lík-
lega ekkert æðislegur unglingur.
Hvað ætlaðir þú að verða þegar þú
yrðir stór?
Ég ætlaði að verða búðakona og
mamma.
Maki ( ef til staðar)?
Makalaus
Börn?
Barnlaus.
Hefurðu búið erlendis?
Ég bjó á Nýja Sjálandi frá árunum 1997-
9. Frábær tími og dýrmæt reynsla.
Stærsti sigurinn:
Að hafa áttað mig á því að það er ekki
ég sem er gallað, afbrigðilegt vandamál
eins og ég upplifði sjálfa mig heldur er
það samfélagið sem býr til vandamálin
og lætur mér líða gallaðri og afbrigði-
legri. Um leið og ég áttaði mig á því
gat ég minnkað það að eyða orku í að
vilja laga og breyta mér og farið að
einbeita mér að því að laga og breyta
samfélaginu. Það var mjög frelsandi og
breytti öllu mínu lífi.
Vandræðalegasta augnablikið:
Ég er sögulega vandræðaleg pía og
erfitt er að þylja öll slík augnablik upp.
Á þessari stundu er mér efst í huga
þegar ég klúðraði atkvæðisskýringu
á Alþingi og gerði grein fyrir atkvæði
mínu á vitlausum tíma. Ég og forseti
Alþingis áttum þar gott vandræðalegt
móment. Mér fannst það vera heil ei-
lífð. Mjög fyndið samt svona nokkrum
mínútum síðar.
Helstu áhugamál:
Lestur, ferðalög, fjölbreytt menning og
margbreytilegt fólk.
Hver er þinn helsti kostur?
Óþolinmæði. Ég nenni ekki slóri og
of miklum lufsugangi svo ég geng al-
mennt í hluti hratt og vel. Það getur
verið vænt til árangurs.
En galli?
Óþolinmæði líka. Ég get verið hvat-
vís, snöggpirruð og tillitslaus því mér
liggur svo lífið á. Það er ekki vænt til
árangurs.
Hvernig metur þú stöðu fatlaðs fólks
í dag?
Ef horft er til stöðu Íslands almennt í
mannréttindamálum erum við fram-
arlega en stöndum okkur illa gagnvart
fötluðu fólki. Okkur finnst sjálfsagt og
eðlilegt að eyða fötluðum fóstrum, að-
greina fötluð börn í skólakerfinu og frá
fjölskyldum sínum, borga ekki sömu
laun fyrir sömu störf, takmarka aðgengi
að stjórnmálaþátttöku og veita þjónustu
sem dregur úr sjálfsákvörðunarrétti og
viðeigandi aðstoð til þess að stuðla að
sjálfstæði og frelsi fatlaðs fólks utan
stofnanna. Við sóum miklu fjármagni
í að viðhalda mismunun á grundvelli
fötlunar sem er svo notað sem afsökun
fyrir fjármagnsskorti til þess að hægt sé
að gera breytingar. Ég hef enga þolin-
mæði fyrir þeirri staðreynd. Né þessari
stöðu í heild sinni.
Hvernig leist þér á Alþingi sem vinnu-
stað?
Alþingi er sérstakur vinnustaður. Þar er
mikið af þingmönnum sem er að gera
sitt besta og leggur mikið á sig í starfi
til þess að stuðla að samfélagsumbótum.
Þar er líka öflugt starfsfólk þingsins sem
vakti eftirtekt mína fyrir vinnusemi, út-
hald, hjálpsemi og vandvirkni við að
aðstoða okkur þingmenn við vinnu
okkar og gera hana sem hnökralausa. Ég
myndi þó vilja sjá talsverðar breytingar á
skipulagi og starfsháttum þingsins með
það að markmiði að verja meiri tíma í
að dýpka vinnunna og taka ákvarðanir á
grunni ígrundaðra upplýsinga og alvöru
samráðs og minni tíma í að halda langar
ræður í hálftómum þingsal.
Hyggur þú á frekari frama í stjórn-
málum?
Ég mun sinna mínum skyldum sem
varaþingkona næstu fjögur árin ásamt
því að taka þátt í innihaldsríku og
skemmtilegu starfi Bjartrar framtíðar.
Tíminn og lífið verður svo að leiða í ljós
hvað koma skal.
Ferðu oft út að borða?
Við skulum orða þetta svona; ég vinn
lengi á daginn, kem seint heim, finnst
fátt leiðinlegra en að fara í matvöru-
búð og er löt að elda. Ég hef sett mér
markmið um að breyta þessu þegar ég
þarf að fara að gefa börnunum mínum
að borða.
Uppáhaldsmatur?
Ég held það sé allt sem pabbi gerir þegar
hann er í sérstöku stuði til þess að dekra
við fjölskylduna sína. Það sama má segja
um ömmu Freyju, hún toppar alla bestu
veitingastaðina.
Uppáhaldsdrykkur?
Ætli það sé ekki kaffið. Kemur mér
yfir erfiðistu hjallana, sérstaklega fyrir
klukkan tíu á morgnana.
Uppáhaldsleikari?
Frá því að ég var tólf ára hefur Sandra
Bullock verið uppáhalds leikkonan mín.
Sumt kýs ég að breytist ekki.
Hvað leiðist þér einna mest?
Mannfyrirlitning, hatur og fordómar.
Evrópusambandið, já eða nei?
Já, takk.
Lífsmottó?
Að ég verð að vera breytingin sem ég
vil sjá í heiminum. Gandhi sagði það
og mér finnst eðlilegt að reyna að fylgja
því eftir.
Úrval af gæludýrafóðri
Opið 8:30 – 17:30 virka daga
www.dagfinnur.is
SkólavörðuStíg 35a – Sími 552-3621
Freyja Haraldsdóttir:
„Ég er sögulega vandræðaleg pía“