Fréttir - Eyjafréttir - 22.05.1997, Side 2

2
Fréttir
Fimmtudagur 22. maí 1997
Fréttir
Hæsta einkunn
Þessi hvítasunnuhelgi var einhver
sú rólegasta sem lögreglan man
et'tir. „Algjör lúxus,” sagði
lögreglumaður sem blaðið ræddi
við. Raunar voru 127 færslur í
dagbók lögreglunnar, sem er í
meðallagi, en ekkert af því var í
alvarlegri kantinum. „Þaðerekki
vafamál að breyttar reglur urn
opnunartíma skemmtistaða eiga
sinn þátt í þessu,” sagði lögreglu-
maðurinn. Nú má hafa opið til kl.
þrjú aðfaranótt hvítasunnudags og
þar með erum við laus við
„götumenninguna” sem áður
einkenndi þessa helgi. Þá voru
samkvæmi í heimahúsum einnig
algeng áður með því ónæði sem oft
fylgdi slíku en nú hefur tnjög
dregið úr því. Bæði Vest-
mannaeyingar og allur sá fjöldi
aðkomufólks sem hér var um
helgina fær bestu einkunn hjá
okkur fyrir prúðmennsku,” sagði
lögreglumaðurinn að lokum.
Reiðhjólastuldir
Alltaf eru lögreglu að berast
tilkynningar um að reiðhjólum haft
verið stolið. Á timmtudag í síðustu
viku bárust þrjártilkynningar þess
efnis. Lögregla beinir þeim
tilmælum til hjólaeigenda að þeir
læsi farkostum sínum og haft þá
helst innandyra að næturlagi.
Arekstur
Að morgni annars í hvítasunnu var
lögreglu tilkynnt að árekstur hefði
orðið við Sjúkrahúsið. Ekki var
hann þó alvarlegur, engin rneiðsl á
fólki og skemmdir ekki miklar á
bílunum.
Illa gengið um
Nemendur Franthaldsskólans efndu
til skemmtunar í Herjólfsdal á
laugardagskvöld. Þar fór allt
friðsamlega frarn og stóð
skemmtunin styttra yfir en áætlað
hafði verið þar sem hrollkalt var í
Dalnunt. Áftur á móti þótti illa
gengið um svæðið og mikið drasl
sem skiliö var eftir. Það er þó eitt
af skilyrðum þess að leyft sé að
standa fyrir skemmtunum af þessu
tagi að fólk þrítl eftir sig. Þá voru
unnar skemmdir á einni flöt á
golfvellinum og flaggstöngin á
flötinni fjarlægð.
Samstarfssamningur Þróunarfélags Vestmannaeyja og Stjórnunarfélagsins:
Auðveldar Eyjamönnum aðgang
að þjónusHi Sljórnunarfélagins
IJm helgina undirrituðu Þróunar-
félag Vcstmannaeyja og Stjórnun-
arfélag íslands samstarfssamning
sent á að auðvelda Vestmanna-
eyingum að nýta sér þjónustu
Stjórnunarfélagsins. Hér verður
boðið upp á styttri og lengri
námskeið og aðgang að efni um
stjórnun Itæði í Bandaríkjununt og
Evrópu þar sem Stjórnunarfélagið
er í samstarfi við virtar stofnanir.
Ámi Sigfússon, framkvæmdastjóri
Stjórnunarfélagsins og Bjarki Brynj-
arsson, framkvæmdastjóri Þróunarfé-
lagsins, undirrituðu samninginn og
sagði Árni við það tækifæri að nteð
samningnum hefði Þróunarfélagið
tekiö að sér þjónustu Stjórnunar-
félagsins íEyjum. „Hér verður boðið
upp á námskeið um rekstur og
stjórnun. Einnig er hægt að bjóða
fyrirtækjum í Eyjum hagstæð kjör að
námsstefnum með heimsþekktum
fyrirlesurum,” sagði Ámi.
Þróunarfélagið mun einnig leita inn á
ný svið í námskeiðahaldi og er ráðgert
að hér verði haldnir styttri fyrirlestrar
sem gætu hentað mismunandi
fyrirtækjum. „I fyrirtækjum þar sem
starfsmenn em fáir getur verið erfitt að
komast frá til að sækja námskeið en
hér ætlum við að bjóða mönnum upp
á að taka þau á lengri tíma. Þá geta
menn sótt námskeiðin fyrir utan
venjulegan vinnutíma. Þetta er nýjung
hjá okkur ef hún gengur vel gæti hún
orðið fordæmi fyrir allt landið.”
Arni og Bjarki undirrita samninginn.
Þriðji möguleikinn sem opnast
Vestmannaeyingum er aðgangur að
svokölluðum Stjómunarklúbbi sem er
hugsaður fyrir stjómendur og
áhugafólk um stjómun. „Með þessum
samningi er Þróunarfélagið komið í
samband við Berkley báskólann í
Bandaríkjunum sem er einn virtasti
skóli á þessu sviði í heiminum og
Mangament Centre Europe í Brussel
sem eru stærstu endurmenntunar-
samtök fyrir stjórnendur í Evrópu."
sagði Ámi.
Bjarki segir að samstarf við Stjóm-
unarfélagið verði til þess að nú sé
námskeiðahaldi stjómað héðan. „Nú
ráðum við ferðinni og samstarfið gefur
okkur möguleika á að taka þátt í starfi
sem hefur verið óaðgengilegt til þessa.
Stjómunarklúbburinn er' vettvangur
þar sem félögum gefst tækifæri til að
kynnast nýju efni, t.d. á mynd-
bandsspólum og á styttri fundum,”
sagði Bjarki.
Henry Mörköre Kristjánsson:
Neiið kom fímm
mánuðum efíir
að hann hætti
í síðasta blaði greindum við frá því
að Henry Mörköre Kristjánsson,
sem framleitt hefur fiskibollur í
neytendaumbúðum, hefði fengið nei
við ósk um afslátt af gjöldum
bæjarins og stofnana hans. Rökin
fyrir neituninni voru þau að ekki
væri um nýsköpun að ræða.
Nú kaupa allir Álfinn
Hin árlega fjáröflun SÁÁ verður
um næstu helgi og er þetta áttunda
skipti sem samtökin leita til
landsmanna um stuðning við
starfsemi sína með aðstoð Alfsins
góða.
Undanfarin ár hafa tekjumar af
Álfasölunni runnið til þess að efla
forvamastarf SÁÁ í þágu bama og
unglinga. Þessar tekjur hafa dugað til
að koma á fót öflugri forvamadeild,
sem hefur á sinni könnu mjög
umfangsmikla starfsemi um allt land.
Meðal verkefna SÁÁ síðustu misseri
eru útgáfa fræðsluefnis sern dreift er
til foreldra og unglinga, námskeið
fyrir kennara og annað skólafólk,
þemavikur í grunnskólum og
námskeið fyrir forystumenn og
þjálfara íþróttafélaga.
SÁÁ hefur tekið upp samstarf við
nokkur sveitarfélög um að virkja alla
sem koma að málum unglinga f að
taka á málum unglinga hver í sínu
sveitarfélagi. Vestmannaeyjar eru
aðili að þessu samstarfi.
Þá má minna á að langir biðlistar em
eftir að komast í meðferð hjá SÁÁ og
er ekkert lát á þörfinni.
I Vestmannaeyjum munu félagar í
Fimleikafélaginu Rán selja Álfinn og
er það von SÁÁ að Eyjamenn taki
þeim vel og styrki gott málefni.
Fréttatilkynning.
En neitunin hafði lítið að segja því
Henry hætti bolluframleiðslunni í
janúar sl. „Fyrir rúmu ári sótti ég um
að fá afslátt af gjöldum bæjarins þar
sem ég taldi að um nýsköpun í
atvinnulífmu væri að ræða. Þrátt fyrir
að ég ræki á eftir svarinu dróst að það
bærist. Kom það ekki fyrr en um
daginn en þá var ég hættur,” sagði
Henry.
Hann sagði að drátturinn hefði ekkert
með það að gera. „Mér gekk vel að
selja en hráefnið var of dýrt. Ég ætlaði
að kaupa mér bát til að afla hráefnis
sjálfur. Mér stóð einnig til boða
húsnæði en þá sá ég að það krafðist of
mikils og var of dýrt. Ég seldi talsvert
á stórmarkaðina en þeir eru
arabamarkaðir; það er reynt að prútta
veðrið niður úr öllu. Þetta varð til þess
að ég ákvað að hætta og gerði það í
janúar.”
Að lokum sagðist Henry vera með
frétt handa blaðinu. „Húsið mitt,
Miðstræti 21 eitt er til sölu. Það er sko
frétt,” sagði Henry.
FRÉTTIR
TREGT A SILDINNI ■ Eftir góðan kipp í
síldveiðunum í síðustu viku hefur lítið verið um að vera á
miðunum síðustu daga. Heildaraflinn er kominn í 100 þúsund
tonn og eru því eftir um 130 þúsund tonn af þeim kvóta sem
kom í hlut íslendinga.
Á fimmtudaginn kom Kap VE með 1250 tonn til Eyja.
Siglingaleiðin af miðunum var 490 sjómílur þannig að Kap
hafði lagt um 1000 mílur að baki þegar hún kom á miðin aftur.
Útgefandi: Eyjaprent hf. Vestmannaeyjum. Ritstjóri: Ómar Garðarsson. Fréttastjóri: Þorsteinn
Gunnarsson. Abyrgðarmenn: Ómar Garðarsson & Gísli Valtýsson. Prentvinna: Eyjaprent hf.
Vestmannaeyjum. Aðsetur ritstjórnar: Strandvegi 47II. hæð. Sími: 481 -3310. Myndriti: 481-
1293. Netfang/rafpóstur: fretor@eyjar.is. FRÉTTIR koma út alla fimmtudaga. Blaðið er selt í
áskrift og einnig í lausasölu í Turninum, Kletti, Novu, Skýlinu, Tyistinum, Amigo, Kránni, Búrinu,
Vöruval, Herjólfi, Flugvallarversluninni, Tanganum, Söluskálanum. í Reykjavík: hjá Esso Stóragerði
og í Flugteríunni á Reykjavíkurflugvelli. FRETTIR eru prentaðar í 2000 eintökum. FRÉTTIR eru
aðilar að Samtökum bæjar- og héraðsfréttablaða. Eftirprentun, hljóðritun, notkun Ijósmynda og
annað er óheimilt nema heimilda sé getíð.