Fréttir - Eyjafréttir - 30.10.1997, Blaðsíða 2

2
Fréttir
Fimmtudagur 30. október 1997
Fleiri færslur en
venjulega
Frá þriðjudegi í síðustu viku fram
til þriðjudagsins í þessari viku voru
skráðar 184 færslur í dagbók
lögreglunnar. Það er talsvert meira
en verið hefur á undanfömum
vikum og bendir til þess að fleiri
séu farnir að skemmta sér en verið
hefur.
Aðeins ein árás
Um helgina var aðeins ein lík-
amsárás kærð til lögreglu og var
hún minniháttar. Er það hið
ágætasta mál ef fólk nær að
skemmta sér yfir helgi án þess að
valda öðrum meiðslum og leið-
indum.
Gangið vinstra megin
Lögregla vill minna gangandi
vegfarendur á að ganga á vinstri
vegaröxl, miðað við gönguátt. þar
sem ekki er gangstétt við hlið
akbrautar. Ástæðan fyrir þessu er
sú að hinn gangandi vegfarandi
getur þá séð umferð sem kemur á
móti honum. Þá vill lögregla og
benda gangandi vegfarendum á að
bera endurskinsmerki þar sem nú er
tekið að skyggja verulega og orðið
skuggsýnt upp úr kl. 16 en það er sá
tími sem göngugarpar og skokkarar
fara gjaman á stjá.
Toppar í gosnefnd
í síðasta blaði sögðum við frá því
að ákveðið hefði verið að skipa
nefnd til að móta tillögur um
hvernig þess verði minnst á næsta
ári að 25 ár verða þá liðin frá
eldgosinu á Heimaey. Á fundi
bæjarráðs á þriðjudag var skipað í
nefndina. Samþykkt var að skipa
þá Guðjón Hjörleifsson, Amar
Sigurmundsson og Ragnar Óskars-
son til starfa. Guðjón verður
formaður nefndarinnar en Sigurður
R. Símonarson verður starfsmaður
hennar. Eins og fram kom í síðasta
blaði fær nefndin ekki langan tíma
til að leggja höfuð í bleyti því að
tillögum skal skila fyrir 30.
nóvember nk.
Klukka og hitamælir
við Strandveginn?
Svo virðist sem homlóðin á Strand-
veginum, vestan Kiwanishússins,
sé einkar vinsæll staður til hvers
kyns upplýsingamiðlunar. Fyrir
nokkm sögðum við frá ósk ÍBV um
að koma þar upp flettiskilti til að
auglýsa leiki. Nú hefur borist ný
beiðni til bæjarráðs, að þessu sinni
frá Kiwanismönnum en þeir vilja
setja upp stand með klukku og
hitamæli á lóðinni, væntanlega til
hagræðis fyrir gesti og gangandi.
Þess má til gamans geta að á næsta
bæ við þessa lóð, í Eyjabúð við
Strandveg hefur um margra ára
skeið verið rekin óopinber
ráðningarskrifstofa vegna starfa á
flotanum. Auglýsingar um laus
störf til sjós hafa jafnan skreytt
gluggana hjá þeim Boga og
Friðfinni og ekki verið krafist
greiðslu fyrir. Þessi gatnamót
virðast því vera einkar vinsæl ef
koma þarf upplýsingum á framfæri.
Bæjarráð vísaði þessu erindi Kiw-
anismanna til skipulagsnefndar.
Tæpar tvær milljónir
afskrifaðar
Á fundi bæjarráðs nú í vikunni lá
fyrir bréf frá sýslumanni. Þar er
lagt til að afskrifaðar verði
óinnheimtanlegar útsvarskröfur.
Bæjarráð samþykkti að afskrifa
útsvarskröfur samkvæmt lista að
upphæð 1.967.223 kr.
Ekki mælist á Stórhöfða
þóft bærínn skjálfí
Menn hafa verið að velta því fyrir
sér hvort sprengingarnar við Frið-
arhafnarbryggju komi ekki fram á
jarðskjálftamælum í Vestmanna-
eyjum. Enda sumar hverjar mjög
hressilegar.
Pálmi Óskarsson í Stórhöfða segir
að ekki sé að merkja neina hreyfingu á
jarðskjálftamælum á staðnum. Hann
segir að vel sé fylgst með mælinum og
hann hafi ekki sýnt neinar óeðlilegar
breytingar.
Gunnar Guðmundsson á Veður-
stofu Islands segir að í sumum tilfell-
um geti sprengingar af mannavöldum
komið frarn á jarðskjálftamælum og
stundum geti verið erfitt að greina þar
á milli. Hann segir þetta hins vegar
geta verið athugunarefni, vegna þess
að mikið er sprengt bæði á hálendinu
og í ýmsum höfnum landsins. „Ör-
yggisþátturinn sem jarðskjálftamælai'
eiga að gæta er samt í fullu gildi.
Menn eru vakandi á verðinum."
Emil i
Kattholti
á fjalirnar
í byrjun nóvember ráðgerir
Leikfélag Vestmannaeyja að frum-
sýna barnaleikritið Emil í Kattholti
eftir Astrid Lindgren.
Fimmtán ungir og efnilegir leikarar
kom fram í sýningunni og sumir
þeirra í fleiri en einu hlutverki.
Æfmgar hafa staðið yfir af fullum
krafti undanfamar vikur og geta
bæjarbúar nú farið að hlakka til að
kynnast skemmtilegum uppátækjum
og prakkarastrikum Emils. ÁUir
leikaramir eru úr unglingadeild
Leikfélags Vestmannaeyja. Bæjarbú-
um gefst því kostur á að sjá mörg ný
andlit á sviðinu. Leikstjóri sýning-
arinnarer Skúli Gautason.
Fréttir
Enn er reið-
hjóli stolið
Á miðvikudag var tilkynnt um
þjófnað á reiðhjóli við Iþrótta-
miðstöðina. Þar var stolið hjóli af
gerðinni Trekk, 21 gírs. bláu að lit
með svörtum hnakk. Lögregla
óskar eftir upplýsingum um málið.
Rúðu- og speglabrot
Á föstudag var lögreglu tilkynnt að
rúða hefði verið brotið í Ham-
arsskóla. Og daginn eftir var
tilkynnt að hliðarspegill hefði verið
brotinn á bifreið sem stóð við
Vesturveg. Lögregla óskar einnig
eftir upplýsingum um þessi tvö
mál.
Sitthvað að í
umferðinni
Alls komu upp 18 umferðar-
lagabrot í síðustu viku. Flest em
þau vegna vanrækslu á að spenna
belti eða átta talsins. Fjórir voru
stöðvaðir vegna hraðaksturs og var
sá sem hraðast ók á 90 km hraða á
Strandveginum þar sem hámarks-
hraði er 50 km. Önnur mál voru
vegna vanrækslu á að fara í aðal-
eða endurskoðun, ökuskírteini vom
ekki meðferðis og of margir
farþegar í ökutæki.
Af óðagoti
Nú á dögunum voru tvær nýjar skólabygg-
ingar vfgðar með pompi og pragt. Annars
vegar var um endurvígslu elsta hluta
Bamaskólans að ræða og hins vegar vígslu
hins nýja Listaskóla við Vesturveg. í báðum
tilvikum er um hinar ágætustu framkvæmdir
að ræða en aftur á móti misjafnt hvernig staðið
var að verki.
Flestir rnunu þeirrar skoðunar að þegar um
vígslu er að ræða þá eigi allt að vera klárt og
reiðubúið til notkunar. Sú var og raunin með
vígsluna í Barnaskólanum. Þar var í upphafi
skólaárs ekki allt reiðubúið og því var eðlilega
beðið með athöfnina þar til verkinu var lokið.
Það var hinn 17. október sl. og var myndarlega
að verki staðið. Þessi hluti skólans hýsir nú
kennslu yngstu nemendanna auk þess sem þar
er tölvuver á efstu hæðinni.
Daginn eftir, laugardaginn 18. október var
svo Listaskólinn vígður eða, eins og það var
orðað: „Listaskólinn formlega opnaður.”
Upphaflega átti framkvæmdum að ljúka þann
7. september, svo sást að það tækist aldrei og
var þá sett á ný dagsetning, 25. september.
Þegar sýnt þótti að framkvæmdum yrði ekki
lokið á þeim tírna, var enn sett á ný
dagsetning, 18. október. Og hún var látin
blífa.
Nú hefur skrifari fylgst nokkuð gerla með
framkvæmdum í húsinu. Þar eru nefnilega
enn til húsa siglinga- og fiskileitartæki þau
sem fylgdu Stýrimannaskólanum sáluga og
tilheyra nú Framhaldsskólanum. Of kostn-
aðarsamt þótti að flytja þau og varð því að
samkomulagi að þau yrðu áfram þama til húsa
og kennt yrði á þau þar. Þrjá daga í viku hefur
því skrifari mætt þangað til kennslu og hefur
því getað fylgst náið með framkvæmdum.
Honum varð fljótlega ljóst að engin þessara
dagsetninga myndi standast, ekki heldur sú
síðasta. Engu skipti þótt þarna væri heill her
góðra handverksmanna að störfum. Enda
skildi skrifari ekki hvað lá á að vígja húsið
formlega, einmitt þennan dag.
Þarna hafa verið að störfum, síðan í ágúst-
mánuði, milli tíu og sextán handverksnienn
daglega, smiðir, málarar, píparar. rafvirkjar.
Upphaflega stóð til að vinna f þessum áfanga
fyrir 6 milljónir króna, auk þess sem ein
milljón átti að fara í ýmsan búnað. Útseldur
tími í dagvinnu hjá handverksmönnum mun
vera nálægt 1700 krónum. Ef við gefurn
okkur að tíu handverksmenn hafi verið við
störf daglega í átta tíma hver, þá leggur
dagurinn sig á 136 þúsund kr. Miðað við
fimm daga vinnuviku hefur þá vikan kostað
680 þúsund í vinnulaunum. Átta vikna vinna
gerir þá 5,5 milljónir eða nærri þeirri tölu sem
upphaflega átti að vinna fyrir. Þá er eftir að
reikna það efni sem unnið er með. Einhvem
tíma var skrifara sagt að þumalputtareglan
væri sú að vinnulaun væru 50% og efni 50%.
Þar með hefur talan tvöfaldast. fer gróft
reiknað í 11 milljónir.
En þá kemur að því sem kannski skiptir
mestu máli. Síðustu vikumar fyrir opnun var
nefnilega allt sett á fullt, unnið alla daga
vikunnar, oft frá kl. sex á morgnana og fram til
tíu á kvöldin. Slík vinna heitir yfrrvinna og er
allmiklu dýrari en dagvinnan. Nú veit skrifari
ekki hver kostnaður hefur orðið vegna
yfirvinnu en hann rennir í grun að þar sé um
háar tölur að ræða. Að minnsta kosti er ljóst
að sex milljónimar eru löngu uppumar og
sennilega má þrefalda þá tölu ef ekki fjórfalda
og jafnvel meira..
1 þau skipti sem skrifari ræður hand-
verksmenn til vinnu, eru þeir ráðnir til
dagvinnu. Skrifari vill helst ekki borga yfir-
vinnukaup. Sú mun einnig raunin með flesta
þá einstaklinga sem þurfa að láta vinna slfk
verk. Aftur á móti virðist raunin önnur ef
vinna á verk fyrir opinbera aðila eins og
dæmið um Listaskólann sýnir. Þeir sem
stjómuðu þessu verki hefðu tæplega skipað
svo fyrir hefði átt að vinna fyrir þá prívat og
persónulega og þeir átt sjálfir að standa straum
af kostnaðinum. Væntanlega verður gerð
grein fyrir kostnaðinum við Listaskólann
þegar framkvæmdum lýkur og þá verður
fróðlegt að sjá hver þáttur yfirvinnunnar hefur
verið.
Það hlálega við þessa vígslu er að á vígslu-
dagsmorguninn hættu handverksmenn störfum
og tekið var til að þrífa og hreinsa húsið, þ.e.
það sem búið var að endurbæta. Svo fór
vígslan fram og strax á mánudagsmorgun vom
handverksmenn aftur komnir á stjá og ryk
aftur byrjað að þyrlast um.
Stefnt var að því að Tónlistarskólinn færi
með sfna starfsemi í nýja húsnæðið. Þrátt fyrir
að búið sé að taka húsið formlega í notkun. er
skólinn enn í Amardrangi og skrifara er til efs
að starfsemi hans færist á Vesturveginn fyrr en
á næsta ári.
Skrifari hefur mikið velt því fyrir sér hvaða
skynsamlegu rök hnigu að því að djöfla
handverksmönnum út í nætur- og
helgidagavinnu vegna ákveðinnar dagsetning-
ar í almanakinu. Líka þegar sýnt var að engin
listastarfsemi færi fram f húsinu fyrr en
einhverjum vikum eftir vígsluna. Öllu nær
hefði honum þótt að fara hægar í sakirnar,
jafnvel þótt vígslan hefði dregist fram yfir
áramót. Það hefði alla vega orðið meira úr
peningunum þannig. Hann skiiur bara alls
ekki þetta skyndilega óðagot að fara að vígja
hálfkarað hús. Og kosningamar eru nú heldur
ekki fyrr en í vor, ekki lá svona á þeirra vegna
eða hvað? Sigurg.
R
Útgefandi: Eyjaprent hf. Vestmannaeyjum. Ritstjóri: Ómar Garðarsson. Fréttastjóri: Þorsteinn
Gunnarsson. Abyrgðarmenn: Ómar Garðarsson & Gísli Valtýsson. Prentvinna: Eyjaprent hf.
Vestmannaeyjum. Aðsetur ritstjórnar: Strandvegi 47 II. hæð. Sími: 481-3310. Myndriti: 481-
1293. Netfang/rafpóstur: frettir@eyjar.is. FRÉTTIR koma út alla fimmtudaga. Blaðið er selt í
áskriftog einnig í lausasölu í Turninum, Kletti, Novu, Skýlinu, Tvistinum, Amigo, Kránni, Búrinu,
Vöruval, Herjólfi, Flugvallarversluninni, Tanganum, Söluskálanum. I Reykjavík: hjá Esso.Stóragerði
og í Flugteríunni á Reykjavíkurflugvelli. FRÉTTIR eru prentaðar í 2000 eintökum. FRÉTTIR eru
aðilar að Samtökum bæjar- og héraðsfréttablaða. Eftirprentun, hljóðritun, notkun Ijósmynda og
annað er óheimilt nema heimilda sé getið.