Fréttir - Eyjafréttir - 29.10.1998, Blaðsíða 2

2
Fréttir
Fimmtudagur 29. október 1998
Fádæmarólegt
Einungis 139 færslur voru í dagbók
lögreglunnar í sl. viku, þ.e. frá
þriðjudegi til þriðjudags, og er langt
síðan færslur hafa verið jafnfáar.
Ekki er annað hægt að segja en
rólegt hafi verið hjá lögreglu í
vikunni og engin alvarleg mál senr
upp komu.
Búðahnupl
Um helgina var lögreglu tilkynnt að
börn væru að hnupla í verslun KA í
Goðahrauni. Reyndist það rétt vera
og voru það ritföng sem tekin
höfðu verið ófrjálsri hendi. Rætt
var við börnin og foreldra þeirra
svo sem venja er í málum sem
þessunr.
Ök á Ijósastaur
í sfðustu viku var lögreglu tilkynm
að ekið hefði verið á ljósastaur við
Foldahraun 42. Sá sem á staurinn
ók yfirgaf staðinn án þess að
tilkynna um tjónið. Nokkuð sá á
staumum og má ætla að sömuleiðis
hafi séð á bflnum. Lögreglan óskar
þess að þeir sem sáu til atvika, hati
samband og gefi upplýsingar.
Fékk bílinn lánaðan
Við greindum frá því í Fréttum á
dögunum að bílaþjófnaðir væru
frenrur fátíðir í Eyjum. í síðustu
viku fékk þó lögregla tilkynningu
um að bíl hefði verið stolið. Þegar
málið var kannað. kom í ljós að
kunningi bfleigandans hafði fengið
bifreiðina lánaða og var því um
misskilning að ræða.
Rélegt í umferðinni
I síðasta blaði greindum við frá því
að enginn hefði þá vikuna verið
kærður fyrir brot á umferðarlögum.
Ekki var þessi vika alveg jafngóð
en næstum því þó. Einn var tekinn
fyrir of hraðan akstur eða 70 km
hraða á Strandveginum. Þá varð
eitt óhapp í umferðinni um helgina,
árekstur tveggja bíla á gatnamótum
Skólavegar og Vestmannabrautar.
Engin slys urðu áfólki.
Eldurí
leirbrennsluofni
Á mánudag varð eldur laus í
Barnaskólanum og kviknaði hann í
leirbrennsluofni í handavinnustofu.
Greiðlega gekk að slökkva eldinn,
sem ekki var mikill, og mun ekki
hafa orðið teljandi tjón af.
Enginn víll klippa á
Hraunbúðum
Á síðasta fundi félagsmálaráðs
gerði félagsmálastjóri grein fyrir
því að engin tilboð hefðu borist í
rekstur hársnyrtiþjónustu á Hraun-
búðum sem auglýst var. Var því
ákveðið að auglýsa aftur.
3,3 mílljónir
afskrifaðar
Á fundi bæjarráðs á mánudag var
m.a. samþykkt að afskrifa óinn-
heimtanlegar kröfur að upphæð kr.
3.278.471. Þessar kröfur eru af-
skrifaðar m.a. vegna gjaldþrota og
að tillögu lögmanns.
Miklar breytingar fyrirhugaðar á Heilbrigðisstofnuninni:
Kostnaðurinn gæti farið
í 100 milUónir króna
Fyrirhugaðar eru miklar breyt-
ingar á fyrirkomulagi deildanna í
Heilbrigðisstofnuninni í Vest-
mannaeyjum, að sögn Gunnars
Gunnarssonar, framkvæmdastjóra
HIV. Verið er að athuga hvort
hægt er að færa báðar deildirnar,
handlæknisdeild og lyflæknisdeild,
á 3. hæð hússins. Fjárveiting hefur
fengist fyrir breytingum af þessu
tagi frá fjármálaráðuneytinu. Ef
athugun leiðir í ljós að ekki verður
unnt að færa alla starfsemina á eina
hæð neyðist stjórn hennar til að
fara í mjög viðamikið viðhald á
húsnæðinu en ekki hefur enn
fengist vilyrði fyrir fjárveitingu í
það. Niðurstaðan um hvort þetta er
hægt á að liggja fyrir í fyrstu
vikunni í nóvember.
Gunnar býst við að ef niðurstaðan
verður sú að báðar deildirnar verði
endurskipulagðar og starfsemi 2.
hæðar færð á 3. hæð, eins og stefnt er
að, verði reikningurinn líklega um 50
-100 milljónir en engin kostn-
aðaráætlun hefur verið gerð enn þar
sem þetta er enn á hönnunarstigi.
Gunnar reiknar með að spamaður
verði af þessu til lengri tíma litið, eða
nokkrar milljónir á ári. Búist er við að
framkvæmdimar taki um tvö til þrjú ár
ef af verður. Á meðan verður senni-
lega að senda nokkra langlegu-
sjúklinga til Reykjavíkur til meðferðar
vegna framkvæmdanna en Gunnar
segir að aðrir sjúklingar verði ekki
sendir burtu.
„Við erum aðallega að horfa á
samnýtingu starfsfólks. Það væri
miklu þægilegra að fá fólk lánað milli
deilda til að aðstoða við ýmislegt ef
þess þarf með þegar ekki þarf að
hlaupa upp og niður stigana hér. Þetta
á sérstaklega við á kvöld- og nætur-
vöktum,“ segir Gunnar. Það er þó líka
um að ræða einhverja fækkun á
rúmum en að sögn Gunnars er mjög
sjaldgæft að full nýting sé á rúmunum
á sjúkrahúsinu.
Stofnunin het'ur starfað í húsinu að
Sólhlíð 10 í um 25 ár og Gunnar segir
að á þeim tíma hafi sáralítið viðhald
verið á húsinu og nú standist húsið
hvorki nýjustu brunavamareglugerðir
né byggingareglugerðir.
Árið 1994 -1995 var þó ráðist í að
klæða húsið að utan vegna mjög
mikils leka í því. Gunnar segir að
þegar það var gert hafi forsvarsmenn
Heilbrigðisstofnunarinnar fengið vil-
yrði fyrir fjárveitingu í viðhald sem
hafi átt að korna til framkvæmda
þegar veggirnir hefðu þomað. Nú
hafa veggimir náð að þoma ágætlega
en ekkert hefur heyrst um málið síðan.
Rekstur Heilbrigðisstofnunarinnar er
hins vegar rnjög erfiður, að sögn
Gunnars, þannig að ekki er hægt að
ráðast í framkvæmdir án aukafjárveit-
ingar.
Þegar Viðar Helgason, deildarstjóri
fjármálaskrifstofu heilbrigðisráðu-
neytisins. var inntur eftir þessu, sagði
hann að það ætti eftir að úthluta
viðhaldsfé fyrir næsta ár til sjúkra-
stofnana. „Þessu er alltaf úthlutað úr
sérstökum potti og það á alveg eftir að
ákvarða upphæðina sem sjúkrahúsið í
Vestmannaeyjum fær en þetta kemur
allt í ljós eftir að tjárlögin hafa verið
samþykkt núna fyrir jólin. Að því
loknu verður ákveðin úthlutun til
sjúkrastofnana til viðhalds," segir
Viðar að lokum.
-hg-
Höfundur er nemandi í hagnýtri
fjölmiðlun við Háskóla Islands.
Trausti Traustason
sýnir í Listaskólanum
Fimmtudaginn 29. október opnar
Trausti Traustason, myndlistar-
maður og grafískur hönnuður,
sýningu á verkum sínum í stóra sal
Listaskólans.
Á sýningunni verða fígúratíf verk
unnin f olíu og akríl. Mikið er unt fólk
í verkum Trausta og segir hann að
myndimar segi yfirleitt einhverja
sögu. Sumar sögumar séu per-
sónulegar en aðrar almennari, t.d. sé
vitnað í Vestmannaeyjagosið í nokkr-
um myndanna. Trausti segist þó hafa
mest gaman af því sjálfur að fólk lesi
sínar eigin sögur út úr myndunum.
Trausti útskrifaðist úr grafískri
hönnun í Myndlistar og handíðaskóla
íslands 1988 og er þetta hans önnur
einkasýning. Meðal helstu áhrifavalda
í myndlist sinni telur hann lista-
mennina Dali, Picasso og Licht-
enstein. Trausti, sem er Vest-
mannaeyingur í húð og hár, starfar nú
sem grafískur hönnuður á Aug-
lýsingastofunni Gott fólk í Reykjavík.
Sýningin stoppar stutt við, en hún er
opin frá kl. 18.00 - 22.00
fimmtudaginn 29. október og frá
14.00 - 22.00 dagana 30. október til I.
nóvember nk. Er fólk hvatt til þess að
mæta á sýninguna sem er á sínum
fyrsta sýningarstað, en að lokinni
Vestmannaeyjadvölinni verður sýn-
ingin flutt til Hveragerðis.
Magnús Öm Guðmundsson,
formaður S.s. Verðandi vill, vegna
greinar í síðasta tölublaði. koma með
eftirfarandi athugasemd. Hann segir
ekki rétt, eins og lesa megi í fréttinnim
að Verðandi hafi átt samleið með
Jötni í máli Ófeigs VE um hafnafrí
áhafnarinnar. „Málið er að enginn
félagi í Verðandi í áhöfn Ófeigs hefur
leitað til okkar. Það sem við vildum
vekja athygli á, er réttur félaga í
Verðandi til fría og að aldrei var rætt
við okkur vegna Ófeigs VE." sagði
Magnús Öm.
Jón Ingi á Lundanum:
Vill folk fyrr út á líf ið
Jón Ingi Guðjónsson, veitinga-
niaður á Lundanum, er í samráði
við Herniann Inga Hermannsson
tónlistarmann að reyna að laða
fólk til sín fyrr á kvöldin, Venjan
er að sögn Jóns Inga að fólk
byrjar að tínast inn um eittleytið
og milli 2 og 3 er allt troðið.
„Það þarf endilega að fá t'ólk fyrr
út á kvöldin," segir Hermann Ingi
sem leikur á Lundanum unt næstu
helgi með hljómsveit sinni,
Víkingasveitinni sem mikið hefur
leikið á Fjörukránni í Hafnarfirði. í
Hafnarfirði. „Þetta er ekki einsdæmi
í Vestmannaeyjum en ég held að það
sé hægt að snúa þessari þróun við.
Sjálfur ætlar Jón Ingi að vera með
einhver skemmtilegheit milli kl. 11
og 12 og við í hljómsveitinni ætlum
að vera með dagskrá svo fólk geti
slappað af. Við geturn litið á þetta
sem skemmtilegan konsert þar sem
við leikunt m.a. lög eftir mig."
Með Hermanni Inga eru Elísabet
Nönnudóttir. kona hans og Smári
Eggertsson. Elísabet semur textana
við lög Hermanns Inga.
Ein af myndum Trausta Traustasonar.
Leiðréttíng
(FRÉTTIR
Útgefandi: Eyjaprent ehf. Vestmannaeyjum. Ritstjóri: Ómar Garðarsson. Blaðamenn: Benedikt Gestsson & Sigurgeir Jónsson.
íþróttir: Rútur Snorrason. Ábyrgðarmenn: Ómar Garðarsson & Gísli Valtýsson.
Prentvinna: Eyjaprent ehf. Vestmannaeyjum. Aðsetur ritstjórnar: Strandvegi 47II. hæð. Sími: 481-3310. Myndriti: 481-1293.
Netfang/rafpóstur: frettir@eyjar.is. Veffang: http//www.eyjar.is/~frettir.
FRÉTTIR koma út alla fimmtudaga. Blaðið er selt í áskrift og einnig í lausasölu í Turninum, Kletti, Veitingaskálnum Friðarhöfn. Tvistinum, Amigo, Kránni, Vöruval, Herjólfi,
Flugyallarversluninni, Tanganum, Söluskálanum Friðarhöfn. í Reykjavík: hjá Esso Stóragerði og í Flugteríunni á Reykjavíkurflugvelli. FRÉTTIR eru prentaðar í 2000 eintökum.
FRETTIR eru aðilar að Samtökum bæjar- og héraðsfréttablaða. Eftirprentun, hljóðritun, notkun Ijósmynda og annað er óheimilt nema heimilda sé getið.