Fréttir - Eyjafréttir - 16.03.2000, Page 18

18
Fimmtudagur 16. mars 2000
Frcttir
Sigurður Önnuson. Eyjamaður f Mozambique við hjálparstörf:
Þar sem fólkið á ekki neitt
Sigurður Önnuson er tuttugu og
þriggja ára Vestmannaeyingur,
sonur Önnu Eggertsdóttur, starfs-
manns Islandspósts í Eyjum.
Sigurður flutti frá Eyjum fyrir
tveimur árum, en áður en hann fór
frá Eyjum hafði hann unnið í fiski.
Sigurður hefur dvalið í Mozam-
bique undanfarna mánuði við
hjálparstörf á vegum ADPP sam-
takanna í héraðinu Mabuto, en þar
búa um 1.5 til 2 milljónir manna.
Mozambique er á suðausturströnd
Afríku en íbúar eru á milli 17 og 18
milljónir. Portúgalska er aðaltungu-
málið en mállýskur innfæddra eru
íjölamargar. Gjaldmiðill landsins
heitir medicas, en 1000 medicas er um
5 krónur íslenskar, en laun verka-
manna í Mabuto eru i kringum
600.000 - 1.000.000 medicas a mán-
uði. I Mozambique hafa verið mikilar
rigningar og flóð, og mikil neyð
samfara því, þó Maputo héraðið hafi
ekki orðið eins illa úti og héruðin
norður af Mabuto.
Sigurður sá auglýsingu í Mogg-
anum á sínum tíma, þar sem
hjálparsamtökin ADPP auglýstu eftir
sjáfboðaliðum til starfa í Afríku,
ákvað að sækja um og hefur verið
erlendis í nærri því ár, sex mánuði í
Danmörku og sex mánuði í Afriku.
Sigurður fær um 10.000 íslenskar
krónur á mánuði til þess að kaupa mat
og kemst kannski í bíó einstaka
sinnum.
Sigurður segir að hann hafi sótt um
af hreinni ævintýraþrá og löngun til
þess að ferðast og komast frá Islandi í
einhvem tíma. „Mig hefur alltaf lang-
að til þess að fara til Afríku og lét það
eftir mér. ADPP eru samtök sem em
með hjálparstörf í Mozambique,
Zambíu, Zimbabve, Angóla og einnig
við hjálparstörf í Malawi, Suður-
Ameríku og nýlega byrjuð með
hjálparstarf í Indlandi. Aðstoð ADPP
felst í því að reka skóla í Afríku en
starfsemin er fjármögnuð með fata-
söfnun, aðallega í Skandinavíu og
Þýskalandi, þau föt eru síðan seld í
búðum til styrktar starfinu. Núna er ég
að vinna í skóla fyrir götuböm í
Mozambique.“
Sigurður segist hafa fengið undir-
búning í skóla í Danmörku sem ADPP
rekur þar. „Eg var í þessum skóla í
sex mánuði og fór síðan til Mozam-
biqe, þar sem ég kenni krökkunum
ensku. Flestir krakkanna búa í
skólanum sem lýkur klukkan eitt á
daginn, tíminn eftir skólann fer því
mikið í að hafa ofan af fyrir þeim, svo
þeir fari ekki aftur á götuna.“
Ekki á verstu svæðunum
Sigurður segir að ástandið vegna
flóðanna sé ekki svo slæmt í Mabuto.
„Það hefur reyndar rignt mikið síðustu
daga, en það er ekkert hættuástand
hérna. Þetta er verst um 200 km
norðan við Mabuto, en ADPP er með
hjálparstarf þar, sem felst í að gefa
heimilislausu fólki föt. Eg átti að fara
til þessara starfa á flóðasvæðunum í
síðustu viku, en það hafði rignt svo
mikið að vegurinn á milli Mabuto og
Machava, þangað sem ég átti að fara,
fór í sundur. Kannski fer ég í næstu
viku, ef vegurinn verður kominn í lag.
En vissulega verðum við í Mabuto
mjög vör við ástandið vegna þess að
allar samgöngur eru í lamasessi og
fólk kemst hvorki lönd né strönd. Það
er lítið annað rætt en einmitt flóðið og
að Mozambique sé aftur komið á
byijunarreit að mörgu leyti, eftir því
sem kennaramir hér í skólanum segja,
hversu mikið er til í þessu með
byrjunarreitinn er erfitt að segja, en
peningaleysi er mikið í landinu núna
og margir verkamenn hafa ekki fengið
launin sín i langan tíma.
Það er því lítið um flóttafólk frá flóða-
svæðunum, heldur er reynt að veita
því aðstoð á svæðunum sem eru undir
vatni. Einnig er lítið um fréttir, það er
helst að ég frétti eitthvað þaðan á
tölvupósti frá mömmu, eða vinum
mínum úti í heimi, en héma emm við
mjög einangruð hvað fréttir varðar af
flóðasvæðunum. Það er ekkert sjón-
varp hér vegna þess að því var stolið
fyrir nokkmm vikum af nokkmm af
nemendum skólans, en útvarpsfréttir
em á portúgölsku og ég er ekki mjög
góður í henni.“
Hrikaleg fátækt
Sigurður segir að ekki sé hægt að líkja
Mozambique við neitt það land sem
hann þekkir. „Þetta er eins og svart og
hvítt og miklar andstæður í landinu
sjálfu. Héma er hrikaleg fátækt og
fólk sem á hreinlega ekki neitt, en svo
em aðrir sem em mjög efnaðir. Það er
hægt að ganga niður götu hér í
Mabuto og sjá flotta bfla og fólk í
dýmm fötum öðmm megin við
götuna, hinum megin er svo fólk sem
klæðist plastpokum og á ekkert annað.
Ég get sagt eitt lítið dæmi um
fátæktina. Ég var í einu af sam-
göngutækjunum hér sem kallað er
chappa, en það er svona hálfgerður
strætó nema þetta em litlir tólf manna
Toyota sendiferðabílar sem er hrein
martröð að taka því þeir troða allt að
30 manns inn í bflinn í hverri ferð.
Þegar við keyrðum framhjá einu af
chappa stoppunum sá ég konu
standandi upp við vegg klædda í
kartöflupoka sem pils og plastpoka
sem topp. Ég hélt fyrst að hún væri á
leið á grímuball en mundi svo eftir því
að eg var staddur í Mozambique og
fólk klætt svona er ekkert einsdaemi.
Mabuto er nálægt ströndinni og í
þorpum niðri við ströndina lifir fólk
mildð á fiskveiðum, sem em hins
vegar ekkert líkar íslenskum fisk-
veiðum. Bátarnir eru litlir og veiðin
ekki mikil, en hún er seld á ströndinni
þegar sjómennimir koma í land.
Annars er fólkið duglegt að bjarga sér
og reynir að gera peninga úr öllu.
Eins og núna þegar vegir hafa farið í
sundur, þá koma kannski einhveijir og
leggja litla brú, þar sem vegurinn er í
sundur og mkka svo fólk, sem vill
komast yfir um brúartoll."
Spilling embættismanna
Sigurði finnst mjög erfitt að vera í
landinu, sérstaklega vegna þeirrar
neyðar sem ríkir þar. „Aðstaðan héma
er allt öðm vísi en ég hef nokkum tíma
búið við. Þar sem ég bý er til dæmis
ekkert rennandi vatn, hins vegar
kemur vatnsbfll til okkar einu sinni til
tvisvar í viku, en núna hefur vatns-
bfllinn ekki komið í tvo mánuði og við
verið vatnslaus síðan. Við höfum
getað safnað rigningarvatni og hér em
lika þrír bmnnar, en vatnið í þeim er
brúnt og viðbjóðslegt. Krakkamir
hafa verið að drekka bmnnvatnið og
því fylgir mikil magaveiki og svo er
malaría landlæg héma á þessu svæði
og margir krakkar í skólanum hafa
fengið hana undanfama mánuði."
Hvemig er stjómarfarið þama?
„Það er mikil spilling meðal emb-
ættismanna og tvisvar sinnum hef ég
verið rændur af lögreglunni, en í lög-
reglunni er hrikaleg spilling, eiginlega
alveg ótrúlegt. Það liggur við að
lögreglan sé hættulegri en glæpa-
mennimir. Mosambique á að teljast
lýðræðisríki með forseta. Það vom
forsetakosningar hér fyrir um tveimur
mánuðum og Joaqin A Chissanov
forseti var endurkjörinn annað skiptið
í röð. í kringum það var mikið vesen
því hinn flokkurinn, sem var næstum
því búinn að vinna, sakaði flokk
Chissanov um kosningasvindl, sem
kom svo í ljós að átti við rök að
AÐSTAÐAN hérna er allt öðru
vísi en ég hef nokkurn tíma búið
við. Þar sem ég bý er til dæmis
ekkert rennandi vatn,
styðjast."
Sigurður hefur nú dvalið nærri í sex
mánuði í Afríku og hefur tækifæri til
þess að vera lengur, en hann segir að
hann muni sennilega ekki halda áfram
störfum fyrir ADPP. ,,Ég á þijár vikur
eftir af mínum tíma og geri ekki ráð
fyrirað veralenguráþessusvæði. Ég
mun fara aftur til Danmerkur í tvo
mánuði og sinna upplýsingastarfi og
segja frá starfsemi ADPP í Afríku og
einnig til þess að hjálpa til í skólanum
í Danmörku og undirbúa nýja
sjálfboðaliða. En ég get alveg hugsað
mér að starfa við hjálparstörf hjá
einhveijum öðmm, eða vera áfram hjá
ADPP og fara til Suður-Ameríku."
Annars segir Sigurður að framtíðin
sé nokkuð í lausu lofti, eins og er. „Ég
mun koma til íslands í hálfan mánuð
eða svo og taka mér frí. En úr því ég
er úti, þvf þá ekki að nota tækifærið og
ferðast meira um. Það sem er efst á
lista af því sem ég mun gera þegar
þetta er allt búið er að fara til Sviss, ég
kynntist stelpu sem er þaðan í
skólanum í Danmörku en hún er núna
í Zambíu að vinna með eyðnismituðu
fólki og ég fer sennilega með henni til
Sviss þegar hún kemur aftur til
Evrópu í ágúst,“ sagði Sigurður að
lokum.
Benedikt Gestsson
Herrakvöld fótboltans í Reykjavík:
Landbúnaðarráð-
herrann fór á kostum
Síðastliðið föstudagskvöld var herrakvöld
knattspyrnudeildar ÍBV haldið í Fram-
heimilinu í Reykjavík. Herrakvöldið er
árlegur viðburður en þetta er í þriðja skipti
sem það er haldið í Reykjavík og ævinlega
vel til þess vandað. Að þessu sinni rann allur
ágóði af herrakvöldinu í ferðasjóð leikmanna
til æfingaferðar til Kýpur og Portúgal.
Þorsteinn Gunnarsson, framkvæmdastjóri
knattspymudeildar ÍBV, sagði að herrakvöldið
hefði heppnast ljómandi vel. „Það mættu hátt í
hundrað manns og skemmtu sér mjög vel.
Lúðvík Bergvinsson var veislustjóri og Guðni
Agústsson fór á kostum sem ræðumaður
kvöldsins. Davíð Þór Jónsson radíusbróðir lét
gamminn geisa með gamanmálum. Einnig var
haldið málverkauppboð. Boðnar voru upp
myndir eftir listamenn úr Eyjum sem gáfu
myndir á uppboðið. Það var mikið fjör á
uppboðinu, en dýrasta myndin var eftir Bjama
Olaf Magnússon og seldist hún á 65 þúsund
krónur.“
Þorsteinn sagði að boðið hefði verið upp á
sjávaréttahlaðborð, með fjölbreyttum réttum
sem smökkuðust hver öðmm betur og að menn
hefðu skemmt sér hið besta. „Það var ekta
Eyjastemmning eins og hún gerist best. Það
kemur líka alltaf betur og betur í ljós hversu
öfiuga stuðningsmenn við eigum á höfuð-
borgarsvæðinu og verður seint þakkaður til fulls
þeirra frábæri stuðningur. Þess má geta að í vor
stefnum við að því að hafa herrakvöld fyrir
okkar öflugu stuðningsmenn í Eyjum og verður
það að öllum líkindum rétt fyrir fyrsta leik
Islandsmótsins en veislan hefst fimmtudaginn
18. maí með heimaleik gegn Fylki.“
ELLI Bjössi, formaður Stuðningsmannafélags ÍBV á Reykjavíkursvæðinu, er fremst
á myndinni en á bak við hann má þekkja nokkur kunn Eyjaandlit. Myndir Rasi.
GUNNAR Guðna og Einar Gylfi svara oftast kallinu þegar ÍBV er annars vegar.
SVERÐIN slíðruð, Guðni og Lúlli náðu vel
saman á herrakvöldinu þó vík sé milli vina í
pólitíkinni.
ÞORBERGUR, rakari og Arnar Einars voru
mættir á herrakvöldið.
KIDDI þjálfari og Beggó aðstoðuðu í
bögglauppboðinu.
I