Vesturland - 06.11.2014, Blaðsíða 4

6. Nóvember 2014
Fjölbrautaskóli Snæfellinga
hefur starfað í áratug
Í síðasta mánuði hélt Fjölbrauta-skóli Snæfellinga, FSN, í Grundar-firði upp á 10 ára starfsafmæli en
skólinn var settur í fyrsta skipti haustið
2004. Margir gestir fluttu stutt ávörp
þar sem farið var yfir sögu skólans
og horft til framtíðar. Skólinn fékk
margar veglegar gjafir í tilefni þessara
tímamóta. Sturla Böðvarsson, for-
maður Jeratúns ehf. , sem stofnað
var vegna byggingar og reksturs hús-
eignarinnar sem hýsir skólann færði
skólanum að gjöf eina milljón króna.
Að Jeratúni standa Grundarfjarðar-
bær, Helgafellssveit, Snæfellsbær og
Stykkishólmsbær. Kvenfélagið Gleym-
mér-ei í Grundarfirði færði skólanum
hálfa milljón króna að gjöf sem skal
verja til eflingar verkmennta- og list-
greina við skólann. Í afmælinu voru
flutt tónlistaratriði sem kennararnir
Hólmfríður Friðjónsdóttir og Krist-
björg. Hermannsdóttir fluttu. Skóla-
meistari FSN er Jón Eggert Bragason
og aðstoðarskólameistari Hrafnhildur
Hallvarðsdóttir.
Skólabyggingin í Grundarfirði.
4
Vesturland
18. tBl. 3. ÁrGanGur 2014
Útefandi: Fótspor ehf., Suðurlandsbraut 54, 108 Reykjavík. Ábyrgðarmaður: Ámundi
Ámundason, auglýsingastjóri: Ámundi Ámundason sími 824-2466, netfang:
amundi@fotspor.is. auglýsingar: Sími: 578-1190 & netfang: auglysingar@fotspor.is.
ritstjóri: Geir A. Guðsteinsson, sími: 840-9555 & netfang: geirgudsteinsson@simnet.is.
umbrot: Prentsnið, Prentun: Ísafoldarprentsmiðja, 6.400 eintök. dreifing: Íslandspóstur.
Fríblaðinu er dreiFt í 6.400 eintökum í allar íbúðir á akranesi,
dreiFbýli á akranesi og í borgarnesi. blaðið liggur einnig Frammi
á helstu þéttbýlisstöðum á Vesturlandi
Árlega velur tímaritið Frjáls verslun 100 áhrifamestu konurnar í íslensku þjóðlífi. Ekki eru allir sammála um niðurstöður þess vals, enda er þetta val en ekki kosning eða val í embætti. Ráðu-
neytisstjórar eru ekki gjaldgengir en það vekur furðu að þær konur sem
eru formenn þingflokka á Alþingi eru á listanum, en áhrif þeirra eru ekki
mikil öllui jöfnu og t.d. datt formaður þingflokks Framsóknar alveg óvart
inn á þing en hún vekur helst eftirtekt fyrir að byrja flestar sínar ræður
á: ,,Við Framsóknarmenn!” Þarna eru formenn BHM og BSRB sem ekki
hafa vakið neina athygli en annað er með formann VR, Ólafíu Rafnsdóttur.
Nokkrir bæjarstjórar eru á listanum, m.a. Regína Ásvaldsdóttir bæjarstjóri
á Akranesi en heldur er mikið í lagt að á listanum skuli vera allar konur sem
eru bæjarstjórar eða sveitarstjórar. Það sama getur átt við konur sem eru
fæddar með silfurskeið í munni, þær reka sín fyrirtæki sem þær fengu í arf
ágætlega en eru margar hverjar ekki mjög áberandi. Hér vantar í hópinn
t.d. Borghildi Sigurðardóttur, framkvæmdastjóra Fjárstoðar og Erlu Björg
Guðrúnardóttur framkvæmdastjóra Marz, báðar mjög aktívir og áberandi
stjórnendur. Enn nóg um það.
Mikill fjöldi lítilla sjávarþorpa og dreifing þeirra um landið á sér rætur í
eftirsóknarverðri nálægð við fengsæl fiskimið og mikilvægi strandsiglinga
í samgöngum og verslun á fyrri hluta 20. aldar. Mörg smærri byggðarlög
byggðust upp í kringum vélbátaútgerð og hefðbundna fiskverkun en
endimörkum vaxtar var náð með uppbyggingu umfangsmikillar skutt-
ogaraútgerðar og afkastamikilla frystihúsa í fjölmörgum byggðarlögum
á 8. áratugnum. Með núverandi fiskveiðistjórnunarkerfi er annars vegar
stefnt að sjálfbærri nýtingu auðlindarinnar með úthlutun aflaheimilda og
hins vegar hagræðingu í sjávarútvegi með frjálsu framsali slíkra heimilda.
Það hefur leitt til eflingar stórra útgerðafyrirtækja, tæknivæðingar í veiðum
og vinnslu, betri starfsaðstæðna, fjölbreyttra og vel launaðra nýrra starfa
í virðiskeðjunni og umtalsverðrar arðsemi sjávarútvegs. Byggðastofnun
vekur m.a. athygli á þessum bláköldu staðreyndum í skýrslu til sjávarút-
vegsráðherra. Fækkun starfa í veiðum og vinnslu, landfræðileg samþjöppun
vinnslunnar og sá óstöðugleiki sem stafar af frjálsu framsali veiðiheimilda
hefur jafnframt dregið mjög úr byggðafestu margra sjávarbyggða. Missir
staðbundinna aflaheimilda og samdráttur í fiskvinnslu hefur haft því
alvarlegri afleiðingar sem slíkar breytingar eru meiri og gerast hraðar,
hlutdeild sjávarútvegs í atvinnulífinu er stærri og fjarlægð frá öðrum at-
vinnusvæðum meiri. Jafnframt felur frjálst framsal aflaheimilda í sér óvissu
um framtíðina fyrir allar sjávarbyggðir, óháð því hvort þær hafa hagnast
eða tapað á fyrri tilfærslum . Hagræðing í sjávarútvegi hefur þannig aukið
á þann vanda sem almennt steðjar að fámennum byggðarlögum vegna
hækkandi menntunarstigs og sérhæfingar á vinnumarkaði og aukinnar
kröfu um þjónustu og fjölbreyttari möguleika á ýmsum sviðum.
Nýlega var haldin marktæk ráðstefna á Sjávarútvegsdaginn þar sem fjallað
var um batnandi hag útgerðar og fiskvinnslu, bjartsýni í greininni, góðar
markaðshorfur í sölu afurða og með batnandi gæðum á fiskafurðum fylgja
hærri verð á íslenskum fiskafurðum á erlendum mörkuðum. Í lok þessarar
viku verða stofnuð ný samtök í sjávarútvegi og samtökunum kosinn for-
maður. Þar á að ræða um framtíð íslensks sjávarútvegs á breiðum grunni
en m.a. eru bornar vonir til að ný samtök efli og bæti ímynd íslenskrar
sjávarútvegsforystu á erlendri grund. Vonandi verða niðurstöður þeirra
umræðna jákvæðar og framtíðin þá vonandi í takt við það. Nýrra samtaka
bíður m.a. að gera kjarasamninga við sjómenn sem ekki hafa verið gerðir
um langt skeið. Borið er við að óvissan um veiðigjald eigi þar stærstan hlut
að máli, en ef sjávarútvegsráðherra leggur fljótlega fram lagafrumvarp þess
efni á Alþingi kann að skapast grundvöllur til kjarasamninga í kjölfarið. Sjó-
menn, sem og þjóðin öll, á það skilið eftir efnahagshremmingar síðustu ára.
Geir A. Guðsteinsson
ritstjóri
Áhrifamestu konurnar
og smærri sjávarbyggðir
Leiðari
Vökudagar á Akranesi
til 9. nóvember
- tónleikar, sögustund, leiksýning og þjóðahátíð meðal atriða
Vökudagar bjóða uppá glæsi-lega dagskrá en þeir hófst 31. október og lýkur 9. nóv-
ember nk. Meðal dagskrárliða sem
þegar hafa glatt þá sem hafa fylgst
með þessari metnaðarfullu dagskrá, er
viðburðurinn Fjórir turnar – fjögurra
turna tal sem er röð viðburða í fjórum
mismunandi turnum á Akranesi. Hver
viðburður stóð í um hálftíma. Sá fyrsti
var í kirkjuturninum í Görðum, þá í
Krossvíkurvita sem í daglegu tali er
kallaður Guli vitinn, síðan að kirkju-
turninum í Akraneskirkju og loks í
Akranesvita á Breið. Allt voru það
listamenn sem tengjast Akranesi á
einhvern hátt sem sáu um atriðin.
Lljósmyndasýning Vitans að Skóla-
braut 26 – 28 stendur til 9. nóvem-
ber. Í bókasafni Akranes var sýning
hinna glötuðu verka sem er samsýn-
ing íslenskra og erlendra listamanna
ásamt völdum verkum úr safneign
Nýlistasafnsins en sýningin stendur
til 30. nóvember nk.
Í kvöld, 6. nóvember, er afmæl-
isdagskrá vegna 150 ára afmælis
Bókasafns Akraness en bókasafnið
rekur upphafi sitt til stofnunar Lestra-
félags á Akranesi en stofnfundurinn
var í Görðum 6. nóvember 1864.
Bókasafn Akraness er elsta stofnun
Akraneskaupstaðar. Um kvöldið verða
Margrét Eir og Páll Rósinkranz með
tónleika í Gamla Kaupfélaginu. Á
föstudeginum er sögustund í anddyri
Tónlistarskólans sem ætluð er börnum
á aldrinum 2 – 8 ára, um kvöldið er
karlakórinn Hreimur með tónleika í
Tónbergi, leiksýningin „Síðbúin rann-
sókn„í Bíóhöllinni þar sem hanskinn
er tekinn upp fyrir Jón Hreggviðsson.
Á laugardeginum er opnun sýningar
í Akranesvita, en elstu deildir allra
leikskóla Akraness komu í heimsókn á
Breið og fengu sögulega kynningu um
svæðið. Í framhaldinu unnu börnin
listaverk sem þau tengdu við Breiðina.
Um kvöldið er m.a. dansleikur
körfuknattleiksdeildar ÍA.
Þjóðahátíð í íþróttahúsinu
Á sunnudeginum heldur Félag nýrra
Íslendinga Þjóðahátíð í Íþróttahúsinu
við Vesturgötu. Margar þjóðir munu
taka þátt með ýmsum hætti, s.s. með
sýnishorni af þjóðarréttum sem hægt
verður að bragða á, skemmtiatriðum
og fleiru. Nefna má söngvara frá
Búlgaríu, Bollywood-dansara, söngv-
ara frá Frakklandi og Írlandi, enska
þjóðlagatónlist og afríska trommara.
Það verður enginn svikinn af því að
mæta þarna.
Karlakórinn Svanir hélt tónleika á vitakaffi.
Leikskólabörn sýna í Akranesvita.