Vestfirðir - 12.09.2013, Síða 14

14 12. september 2013
BÍ/Bolungarvík:
Stelpurnar í 4. flokki
kvenna í úrslitum
Íslandsmótsins
Fjórði flokkur kvenna í Dalvíkurbyggð varð fyrir skömmu Íslandsmeistari í
knattspyrnu í 7 manna bolta og mun
þetta vera fyrsti Íslandsmeistaratit-
illinn í knattspyrnusögu sveitarfé-
lagsins. Eftir afar farsælt fótbolta-
sumar í Norðurlandsriðli, þar sem
stelpunar töpuðu aðeins einum leik,
gerðu þær sér lítið fyrir og sigruðu í
öllum sínum leikjum í úrslitakeppni
Íslandsmótsins og stóðu uppi sem
sigurvegarar. Í úrslitakeppninni
kepptu þær við og unnu BÍ/Bol-
ungavík 5-2, Gróttu 3-0 og Álftanes
3-0. Það var frábært hjá stelpunum
í BÍ/Bolungarvík að komast í úrslit,
jafnvel þótt þær mættu þar ofjörlum
að þessu sinni. Þessi árangur ætti að
vera þeim hvatnig til að gera betur
næsta sumar, þær ættu að hafa fengið
,,blod på tanden”!
séð til Ísafjarðarbæjar. markviss uppbygging fer fram á Ísafirði og bolungarvík í yngri flokkum knattspyrnunnar,
bæði hjá strákum og stelpum. ekki er því óeðlilegt að reikna með að á næstu árum verði fleiri flokkar í úrslitum í
yngri flokkum Íslandsmótsins í knattspyrnu.
Simbahöllin á Þingeyri er
algjört draumakaffihús
Í kaffihúsinu Simbahöllinni á Þingeyri er virkilega notalegt að koma og þiggja góðgerðir eins og
kaffi og belgískar vöfflur. Þjónustan
var líka til fyrirmyndar. Þetta gamla
hús var áður í mikilli niðurníðslu
og venjulega nefnt Draugahöllin af
heimamönnum.
Þau Janne Kristensen frá Dan-
mörku og Belginn Van Hoeymissen
gerðu húsið upp og reka þar kaffihús
á sumrin. Upphaflega stóð til að gera
húsið upp og selja það en þegar þessar
gömlu og innréttingar sem segja
merka verslunarsögu birtust undan
draslinu var snarlega horfið frá því.
simbahöllin á Þingeyri er auðfundin við aðalgötuna nánast beint á móti
Landsbankanum.
Gamlar innréttingar og gólf eru látin halda sér. Í þessum skúffum var
geymdur sykur, hveiti og fleiri kornvörur og ausið úr skúffunum í poka
fyrir viðskiptavinina. Þá var afgreiðslan mun persónulegri en hún er í dag
á matvörumörkuðunum.
Styttist í göngur og réttir á Vestfjörðum:
Fyrstu réttirnar næsta laugardag
Fjárréttir eru einn besti mæli-kvarðinn á að það er að koma haust. Í Strandasýslu er að
venju allnokkrar fjárréttir enda hafa
Strandamenn lengi verið nokkuð fjár-
sterkir. Á síðustu árum hefur nokkuð
dregið úr þeim fjölda fjár sem bændur
heimta af fjalli, enda hefur sauðfjárbú-
skapur hér á landi víða dregist nokkuð
saman, ekki síst á Vestfjörðum en teltja
má að þar sé á bilinu 20 – 25 þúsund
fjár. Stór býli, eins og t.d. Laugaból
í Ísafjarðardjúpi, voru með allt að
1.000 fjár á vetrarfóðrum en nú eru
þau afar fá á þessu svæði og helst að
nefna Indriða bónda á Skjaldfönn í
því sambandi sem er með um 300
fjár. Dilkarnir frá Skjaldfönn hafa
verið afar vænir, um 22 kg að meðal-
tali enda fátt um kindur á víðfeðmu
svæði og beitiland nóg. Erfiðlega hefur
gengið að fá upplýsingar um fjárréttir
í mörgum svæðu, t.d. í Önundarfirði,
Dýrafirði og Arnarfirði þrátt fyrir að
lögréttir eigi að vera í fjallskilasamn-
ingum en bændur á þessu svæði eru
ekki mikið af hafa fyrir því þó líklegt
sé að smalað sé á réttum tíma.
Ásvaldur Magnússon á Tröð í Ön-
undarfirði, er réttarstjóri í Traðar-
rétt, sem er skilarétt, sem verður
21. september nk. að hans sögn.
Skilaréttir er einnig í Skutulsfirði
og Dýrafirði, og vafalaust víðar.
Ásvaldur segir bændur víða smala
sjálfa sitt heimaland og reka heim
og þá sé líklega víðar gert á vestan-
verðum Vestfjörðum. Sláturhús eru
engin á þessu svæði svo líklegt er að
bændur sendi sláturlömbin til KVH
á Hvammstanga og Sláturhús Vest-
urlands í Borgarnesi, jafnvel víðar.
Víða, t.d. á suðurfjörðum
Vestfjarða, er refurinn að gera sauð-
fjárbændum skráveifu, og reyndar
æðarbændum líka, en talið er að í
landinu séu 25 – 30 þúsund refir
og á síðasta ári voru veiddir um 6
þúsund refir, eða aðeins um fimmt-
ungur stofnsins, sem er auðvitað
allt of lítið, því að meðan eykst refa-
fjöldinn bara.
Listinn hér að neðan yfir fjárréttir
þarf því alls ekki að vera tæmandi
og skal taka viljann fyrir verkið í
því sambandi.
• Melarétt í Árneshreppi
14. september
• Skeljavíkurrétt í Steingrímsfirði
14. september
• Hvalsárrétt í Hrútafirði
14. september
• Kollafjarðarrétt í Reykhólahreppi
14. september
• Broddanesrétt í Strandabyggð
15. september
• Staðarrétt í Steingrímsfirði
15. september
• Skarðsrétt í Bjarnarfirði
21. september
• Króksfjarðarnesrétt í Reykhólahreppi
21. september
• Kjósarrétt í Árneshreppi
21. september
• Traðarrétt í Önundarfirði
21. september
• Kinnarstaðarétt í Reykhólahreppi
22. september
Flestar réttirnar bera upp á laugar-
daginn 14. sepember, svo þann dag má
búast við fjárrekstrum víða í nálægð
réttanna. Þeir sem eru að ferðast um
Vestfirði þessa daga eru vinsamlega
beðnir að taka tillit til þess.
Fjárréttir eru alltaf eftirsóknarverðar, fjárbændum heimta þar fé af fjalli en þéttbýlingar koma þar til að sýna sig og
sjá aðra. Í réttum hittast sveitungar sem kannski hafa ekki sést alllengi, taka tal saman, væta kverkarnar og jafnvel
taka lagið. Kýrnar fylgjast af athygli með því sem fram fer.