Fréttir - Eyjafréttir - 16.10.2003, Blaðsíða 2

2
Fréttir / Fimmtudagur 16. október 2003
Jökull Pálmar
hætti við að hætta
Jökull Pálmar Jónsson skipulags og
byggingafulltrúi bæjarins hefur dregið
uppsögn sína til baka og samþykkti
skipulags- og bygginganefnd að hann
skyldi starfa áfram. Bæjarstjóm
samþykkti fundargerð nefndarinnar á
fimmtudaginn og því ljóst að Jökull
Pálmar heldur starfi sínu áfram.
Skipulags- og bygginganefnd hafði
áður samþykkt að ráða Sigurð Smára
Benónýsson í hans stað en nú verður
sem sagt ekkert af því. Jökull Pálmar
vildi ekki Ijá sig um málið.
Ekki rætt að
kaupa HB á
Akranesi
Sögur urn að ísfélag Vestmannaeyja
hafi hug á að kauka HB á Akranesi,
sem nú er í eigu Brimis, virðast úr
lausu lofti gripnar. Að þessu var látið
liggja í Fréttablaðjnu fyrir helgi en
stjórnarformaður Isfélagsins dregur
þetta til baka í samtali við blaðið á
mánudaginn..
„Gunnlaugur Sævar Gunnlaugsson,
stjómarformaður ísfélags Vestmanna-
eyja, segir að ekki hafí verið rætt um
það í stjóm félagsins að kaupa rekstur
HB. Hann segir slíkt tal vera „út í
bláinn.“ Forsvarsmenn Granda hf.
hafa ekki tjáð sig um fyrirætlanir
félagsins verði HB falboðið, en vitað
er að þar er fylgst grannt með þróun
mála,“ segir í Fréttablaðinu.
Heiðcirleg tilraun til að landa málinu
- og mér finnst það bara virðingarvert, segir formaður bæjarráðs
Bærinn semur við Hressó:
NÚ afhendir bærinn þeim sem áður fengu frítt í íþróttamiðstöðina miða sem hægt er að nota í Hressó.
Samningsdrög að samkomulagi vegna
kaupa Vestmannaeyjabæjar á tíma-
einingum í líkamsræktarsölum var
lagt fyrir bæjarstjóm á fimmtudag. Er
þetla Iiður í lausn á Hressómálinu
svokallaða sem greint var frá í síðasta
blaði.
Elliði Vignisson (D) lýsti undrun
sinni á því að meirihluti bæjarráðs,
Andrés Sigmundsson og Stefán Jónas-
son skuli sniðganga fagnefndina,
íþrótta- og æskulýðsráð, í málinu.
Guðjón Hjörleifsson (D) hafði lagt
það til á l'undi bæjarráðs að vísa samn-
ingsdrögunum til nefndarinnar en
meirihlutinn sagði í bókun að íþrótta-
og æskulýðsráði verði kynnt málið á
síðari stigum. Sagði Elliði að slík
afgreiðsla væri til þess fallin að færa
völd í bæjarfélaginu á hendur færri
aðila en áður hefur verið í Vest-
mannaeyjum.
Þurfti að klára málið
Andrés Sigmundsson formaður bæjar-
ráðs sagði að málið væri búið að
veltast svo lengi í kerfmu að það hefði
þurft að klára það. „Elliði veit það
manna best og hann var með þetta mál
þegar hann var formaður íþróttaráðs
og mönnum hefur bara ekki tekist að
klára það. Það var einfaldlega settur
hryggur í málið.“
Aðspurður, hvenær ráðinu verði
kynnt samningsdrögin, sagði hann að
það yrði gert á næsta fundi. „Það gæti
vel verið að það komi einhverjar
athugasemdir frá ráðinu og þá er
sjálfsagt að líta á þær. Við skulum
athuga að þetta er tilraunaverkefni til
eins árs og það á örugglega eitthvað
eftir að koma upp á sem við verðum
bara að leysa. Þetta er heiðarleg
tilraun til að landa þessu máli og mér
finnst það bara virðingarvert.“
Elliði segir í bókun sinni að með
þessu sé verið að færa völdin á færri
hendur í bænum. Andrés segir svo
ekki vera heldur hafi þetta verið erlitt
mál sem þurfti að leysa.
„Bæjarfulltrúarnir verða stundum bara
að taka af skarið í erfíðum málum, til
þess eru þeir þama.“
Á AÐ DRAGA ÚR MIKILVÆGI
NEFNDA OG RÁÐA?
Elliði Vignisson (D) sagði í samtali
við Fréttir um sín viðbrögð við af-
greiðslu bæjarstjómar að það segi sitt
að málið væri afgreitt sjö núll. „Sem
segir náttúrulega að bæjarstjórn öll
stendur á bak við þessa afgreiðslu og
ég þar með.“
Elliði segist aftur á móti hafa gert
athugasemd við að málið skyldi ekki á
neinu stigi koma til umræðu á
vettvangi íþrótta- og æskulýðsráðs.
„Þar komum við náttúrulega að því
sem hér er alvarlegast. Ekki einungis
var þessi samningur lagður fyrir
bæjarráð án þess að fulltrúar íþrótta-
og æskulýðsráðs svo mikið sem vissu
um að verið væri að gera samning á
þjónustu sem undir ráðið fellur, heldur
neituðu Andrés Sigmundsson og Stef-
án Jónasson þeirri sjálfsögðu af-
greiðslu tillögu fulltrúa Sjálfstæðis-
flokksins að vísa þessum samningi til
ráðsins. Hér em aðeins tvær skýringar
mögulegar og það er að annaðhvort
hafa fulltrúar meirihlutans ekki treyst
ráðinu til að taka faglega á þessu máli
eða þá að þeir vilja draga úr mikilvægi
nefnda og ráða, en auka þess í stað sitt
eigið vægi. Eg tel að enn og aftur
séum við að verða vitni að því að
stjómunarstfll hins nýja meirihluta ein-
kennist öðm fremur af ákvörðunum
fámennrar valdaklíku. Fyrir þeim
vakir að færa völd í samfélaginu á enn
færri hendur en áður hefur þekkst í
Vestmannaeyjum. Þetta er alvarlegt
mál sem ég vil ekki una og því hef ég
nú þegar óskað eftir fundi í íþrótta- og
æskulýðsráði þar sem meðal annars
verður farið yfir hlutverk ráðsins."
Elliði segir ennfremur að það sé
ljóst að ráðið hafi verið með þetta mál
á sínum borðunt hingað til og unnið
markvisst að lausn þess. „Skemmst er
þess að minnast að íþrótta- og
æskulýðsráð keypti úttekt af IBM
consulting service til að hægt væri að
vinna að úrbótum ef einhverra væri
þörf. Það varð til þess að ákveðnar
breytingar vom gerðar til að aðskilja
rekstur Jíkamsræktarsalar frá öðrum
rekstri Iþróttamiðstöðvarinnar. Þrátt
fyrir það kærði Hressó til sam-
keppnisráðs og í raun ekkert óeðlilegt
við það enda töldu þau að verið væri á
brjóta á þeim. Úrskurður samkeppn-
isráðs hljóðaði upp á frekari Qárhags-
legan aðskilnað sem íþrótta- og
æskulýðsráð einhenti sér í. Þessum
úrskurði áfrýjaði Hressó til áfrýjun-
amefndar samkeppnismála.
Úrskurðarorð áfrýjunamefndar
hljóðuðu hins vegar svona „Kröfum
áfrýjanda í máli þessu er hafnað,"
enda hafði þá þegar verið bmgðist við
þeim aðfmnslum sem gerðar vom af
samkeppnisráði. Þannig tel ég að
íþrótta og æskulýðsráð, undir stjóm
Bjöms Elíasonar, hafí skilað málinu
vel frá sér fyrir hönd Vestmanna-
eyjabæjar. Þess má líka geta að
stjómarmenn í íþrótta- og æsku-
lýðsráði hafa verið algerlega samstíga
og einhuga í ntálefnum líkams-
ræktarsalarins. Eg lít því svo á að
þrátt fyrir að Vestmannaeyjabær hafi í
engu brotið af sér með rekstri
líkamsræktarsalar, enda unnið þetta
mál fyrir Samkeppnisráði, vilji Vest-
mannaeyjabær standa undir merkjum
sem íþróttabær. Liður í því er að efla
rekstur Hressó, auka þjónustu við
íþróttafélögin, sem og við aldraða,
öryrkja og aðra sem getið er um í
samningi milli Vestmannaeyjabæjar
og Hressó. Það væri í hæsta máta
óeðlilegt ef fagráðið íþrótta- og
æskulýðsráð væri mótfallið því. Ég set
hins vegar ákveðin spumingamerki ef
það á að fara að hefta aðgengi að
líkamsræktarsalnum eða draga úr
uppbyggingu hans,“ sagði Elliði að
lokum.
Vonlaust að halda áfram rekstri
-segir eigandi gistiheimilisins Heimis sem hefur ítrekað
kvartað yfir hávaða frá Prófastinum
Þorkell Húnbogason, eigandi gisti-
heimilisins Heimis við Heiðarveg,
sendi skipulags- og bygginganefnd
bréf þar sem hann kvartar yfir
hávaðamengun frá skemmtistaðnum
Prófastinum sem er í næsta húsi.
Segir hann að tilefnið sé enn á ný
umkvörtun vegna þessa. Kemur
fram í bréfí hans að ekkert samráð
hafí verið haft við eigendur Heimis
um breytingar á Prófastinum sem
áður hýsti matsölustað og engin
grenndarkynning hafi farið fram.
Svo segir: „Margítrekaðar hávaða-
mælingar og alls kyns beiðnir af
okkar hálfu, um úrbætur vegna
margítrekaðra brota á
mengunarvamarreglugerð, er varðar
ónæði frá Prófastinum hafa hingað til
engan árangur borið.“
Vísar hann í lögregluskýrslu frá
30. ágúst og umsögn Steindórs Guð-
mundssonar verkfræðings hjá Rann-
sóknastofnun byggingariðnaðarins
frá 2001 máli sínu til stuðnings.
„Leyfí til dansleikjahalds og vín-
veitinga á staðnum virðast auðfengin
þrátt fyrir fulla vitneskju sýslumanns-
embættis, skipulags- og bæjaryfir-
valda hér í Eyjum, og síðast en ekki
síst eftirlitsaðila í formi heilbrigðis-
eftirlits, um ítrekuð brot skemmt-
anahaldara á reglum um hávaða-
mengun. Okkur, sem rekum gisti-
heimilið þykir nú orðið fullreynt, að
viðkomandi yfirvöld hafa enga getu
né þor til að taka á þessum málum
þrátt fyrir ítrekuð loforð unt úrbætur.
Þolinmæði okkar er auðvitað löngu
þrotin, enda vonlaust að halda áfram
rekstri við þessar aðstæður. Ef ekki
verða gerðar viðeigandi ráðstafanir
nú þegar af hálfu viðkomandi
yfirvalda, til að koma böndum á hina
brotlegu í þessu máli, neyðumst við
til að leita réttar okkar fyrir
dómstólum."
Nefndin benti á að eftirlit með
hávaðamengun sé í höndum Heil-
brigðiseftirlits Suðurlands.
Færeysk helgi 7. til 9. nóvember.
Undirbúningsfundur var haldinn á Fjólunni síðasta fimmtudag þar sem
ferðaþjónustuaðilar og allir þeir sem áhuga hafa á hugmyndinni um
færeyska daga voru hvattir til að mæta. Ræddar voru hugmyndir og
skipulag helgarinnar sem gæti verið liður í að lífga upp á
ferðamannaiðnaðinn á þessum tíma þegar yfirleitt er lítið um að vera.
Hótel Þórshamar verður skreytt í færeyskum stíl og á Fjólunni mun
Marenza Paulsen matreiða á færeyska vísu. Mikið verður gert úr
færeyskri tónlist, matargestir geta tekið þátt í færeyskum fjöldasöng og
Hörður Hilmisson stjórnar færeyskum hringdans. Fjörið heldur svo
áfram á Prófastinum en unnið er að því fá hingað hljómsveit frá
Færeyjum.
Útgefandi: Eyjasýn ehf. 480278-0549 - Vestmannaeyjum. Ritstjóri: Ómar FRÉTTIR koma út alla fimmtudaga. Blaðið erselt í áskrift og einnig í lausasölu á Kletti,
Garðarsson. Blaðamenn: Sigursveinn Þórðarson, Guðbjörg Sigurgeirsdóttir. íþróttir: Tvistinum, Toppnum, Kránni, Vöruval, Herjólfi, Flughafnarversluninni, Krónunni,
Júlíus Ingason. Ábyrgðarmenn: Ómar Garðarsson & Gísli Valtýsson. ísjakanum, Bónusvídeó, verslun 11-11, Skýlinu í Friðarhöfn og í Jolla í Hafnarfirði
Prentvinna: Eyjasýn/Eyjaprent. Vestmannaeyjum. Aðsetur ritstjórnar: Strandvegi og afgreiðslu Hejrólfs í Þorlákshðfn. FRETTIR eru prentaðar í 2000 eintökum.
47. Símar: 481 1300 & 481 3310. Myndriti: 481-1293. Netfang/rafpóstur: FRÉTTIR eru aðilar að Samtökum bæjar- og héraðsfréttablaða. Eftirprentun,
frettir@ eyjafrettir.is. Veffang: http//www.eyjafrettir.is hljóðritun, notkun Ijósmynda og annað er óheimilt nema heimilda sé getið.