Reykjavík - 23.02.2013, Side 8

8 23. febrúar 2013
Keilan er íþrótt mikilla pælinga
Margir efnilegir spilarar sem gætu orðið atvinnumenn.
Keiluhöllin í Egilshöll var opnuð í byrjun september með kaffi-húsi og sportbar, en í nóvem-
ber bættist við veitingastaður.
„Við höfum fengið mjög góðar mót-
tökur og það er klárt mál að það var
mikil þörf fyrir þetta í hverfinu“, segir
Rúnar Fjeldsted framkvæmdastjóri
Keiluhallarinnar. Hann bendir á að í
kringum Egilshöll, séu Mosfellsbær og
Árbær teknir með, búi um 45 þúsund
manns og engin afþreying á borð við
þetta sé á þessu svæði. „Þannig að þessu
hafa Grafarvogsbúar og Mosfellingar
og fleiri tekið með fögnuði.“
Gestirnir koma víða að
Rúnar segir kannað hafi verið hvaðan
gestirnir komi og það hafi sýnt sig
að þeir komi víða að, til dæmis úr
Hafnarfirði, svo dæmi sé tekið. Oft sé
það þannig að gestirnir noti ferðina
og fari í bíó og keilu og snæði svo á
veitingastöðunum á eftir. Aðeins hálft
ár er síðan að starfsemin hófst og núna,
þegar búið er að fínstilla allan búnað,
sé markaðsstarfið að fara í gang.
Sömu eigendur eru að Keiluhöllinni
í Egilshöll og Keiluhöllinni í Öskju-
hlíð og jafnmargar brautir eru á báðum
stöðum eða 22.
Og hafi menn haldið að keila væri
íþrótt sem byggðist á einföldum búnaði
eins og kúlu, keilum og lítilli vél sem
raðar upp keilunum, þá vaða menn í
villu, því eins og Reykjavík-vikublað
komst að þá má eiginlega segja að keila
sé hátækniíþrótt.
Sprenging í áhuga á keilu
Rúnar segir áhugann á keilu hafa snar-
aukist. „Það má segja að það hafi orðið
sprenging í því og iðkendahópurinn
stækkað.“ Íþróttafélögin halda utan
um iðkendurna og Keilhöllin sinnir
síðan íþróttafélögunum. „Í samstarfi
við ÍR höfum við undanfarin sex ár
boðið krökkum í 5. og 6. bekkjum á
stór-höfuðborgarsvæðinu í keilu, sótt
þau skólana verið með þau í klukku-
tíma í keilu undir leiðsögn viðurkennds
keilukennara sem kennir þeim grunn-
reglurnar og sýnir þeim út á hvað
þetta gengur. Þetta hefur gert það að
verkum að aðsóknin í sportið hefur
orðið meiri.“ Rúnar segir að áður en
salurinn í Egilshöll var opnaður, hafi
verið um 250 virkir iðkendur í keilu,
það er að segja þeir sem skráðir eru
í íþróttafélög. „Við sjáum fram á að
á næstu þremur árum muni sá fjöldi
þrefaldast.“
Íslenskur atvinnumaður
og margir sem gætu orðið
það
Íslenskir keiluspilarar þykja að sögn
nokkuð góðir og sem dæmi um það
þá nefnir Rúnar keiluspilarann Haf-
þór Harðarson sem spilað hefur sem
atvinnumaður í keilu í fimm ár í út-
löndum og segir hann marga mjög
efnilega sem ættu að geta fetað í fót-
spor Hafþórs. Aðstaðan hér á landi sé í
heimsklassa, segir Rúnar, sem þó spilar
ekki sjálfur. „Nei, ég er mjög lélegur,“
segir hann og hlær.
Keilan þjappar fjölskyld-
um og vinnustöðum saman
Fyrir utan keppendur í íþróttinni er
afar vinsælt að fjölskyldur og vinnu-
staðir skelli sér í keilu. Rúnar segir
íþróttina þjappa fólki saman sem
hópefli og svo spjalli spilararnir saman
á meðan á leik stendur. „Ég held að við
séum með stærsta hluta fyrirtækja á
stór-Reykjavíkursvæðinu í viðskiptum
hjá okkur. Þessir hópar koma gjarnan
á föstudags- og laugardagskvöldum í
keilu og mat.“
Þá er unnið að því að koma upp
prívataðstöðu, þannig að gestir geti
leigt sér fjórar brautir með bar eða
átta brautir.
Heilmiklar pælingar
Sumir tengja íþróttina oft við banda-
ríska karla með bjórvömb, en Rúnar
segir það ekki vera tilfellið í dag og
minnir á að keila sé ein alvinsælasta
íþrótt Bandaríkjanna. Hún hafi
stundum verið tengd við keppendur
sem eru fertugir eða eldri. „En undan-
farin ár hefur orðið algjör kúvending
í því. Það er komnir krakkar 10 til 11
ára og alveg niður í 7 til 8 ára og þeim
fjölgar sífellt.“
Heilmiklar pælingar eru á bak við
íþróttina og er hún flóknari en bara það
að henda kúlunni eftir brautinni. Mikil
speki er í tengslum við hvort menn
eru rétt- eða örvhentir, hvernig kúlan
er boruð og hvernig snúning spilar-
inn er með. Og eins eru alþjóðlegir
staðlar yfir það hvernig og hvar olía er
borin á brautirnar og fer það eftir því
um hvernig mót er að ræða. Og kúlur
notaðar í samræmi við það. Þá segir
Rúnar mikla sérvisku hjá spilurunum.
„Já mikil, þetta er alveg sérstakur þjóð-
flokkur. Þetta er eins í öðru, það hafi
allir sínar sérþarfir og sinn stíl og allir
með sína takta.“
Eins og fram kom hér að framan
rekur Keiluhöllin samanlagt 44 brautir
og segir Rúnar það anna markaðnum
eins og er, enda komi keppendurnir á
öðrum tímum en þeir sem koma og
spila stöku sinnum sér til gamans.
Þrír veitingastaðir
Þrír veitingastaðir eru reknir í Keilu-
höllinni. Þar er Bugatti sem er kaffihús
þar sem pláss er fyrir 50 manns, Grand
Prix sportbar þar sem um 80 manns
geta tyllt sér í einu og svo Fellini sem er
veitingastaður með ítölsku ívafi rúmar
um 160 manns.
Afþreyingarmiðstöð í Grafarvogi
Egilshöll er í raun allsherjar afþreyingarmiðstöð. Eins og sjá má hér á opnunni eru þar
keiluhöll með fjölbreyttri veitingaað-
stöðu og skautasvell með löglegum
keppnisvelli.
En þar fyrir utan er þar kvikmynda-
hús með fjórum sölum sem taka um
þúsund manns, tveir knattpspyrnu-
vellir, annar inni og hinn úti, tveir
tennisvellir, Skotfélag Reykjavíkur er
þar með löglega keppnisaðstöðu sem
lærðir sem leiknir geta nýtt sér. Þá er
frjálsíþróttaaðstaða í húsinu sem og að-
staða fyrir karate og aðrar sjálfsvarnar-
íþróttir, líkamsræktarstöð og verslanir.
rúnar fjeldsted framkvæmdastjóri segist sjálfur lélegur í keilu
Þrír veitingastaðir eru í Keiluhöllinni
Keppendur eru á öllum aldri