Reykjavík - 05.04.2014, Page 6

6 5. apríl 2014REYKJAVÍK VIKUBLA
Ð
SveitarStjórnarkoSningar 2014
Atli Þór Fanndal
atli@thorfanndal.com
Pírötum treystandi til aðhalds
Halldór Auðar Svansson er kapteinn Reykjavíkurdeildar Pírata. Hann er
34 ára og uppalinn í Reykjavík. Halldór starfar við forritun hjá Hagstofu
Íslands. Hann tók fyrst þátt í starfi Pírataflokksins skömmu fyrir síðustu
þingkosningar og hefur verið afar virkur frá þeim tíma.
„Píratar gera mjög skýran greinarmun
á því að draga úr opinberum afskiptum
annars vegar og að draga úr opinberri
þjónustu hins vegar,“ segir Halldór
aðspurður um hugmyndafræði Pírata
sem hann segir fyrst og fremst vera
frjálslyndi. „Í einföldu máli má kalla
stefnuna frjálslyndi en í þeim skilningi
að lögð er áhersla á að minnka afskipti
ríkisvaldsins af persónulegum högum
almennings. Það segir samt ekki að við
viljum draga úr opinberri þjónustu. Ég
sá mjög fljótlega að þetta er í takt við
þær hugmyndir sem ég hef verið að
færast til.“ Halldór segir að áður hafi
hann líklega verið vinstrisinnaðari en
finni stundum fyrir forræðishyggju á
þeim væng stjórnmálanna. „Ég var
líka orðinn frekar afhuga því stjórn-
málakerfi sem við búum við.“
Þjónandi vald
Píratar aðhyllast vald sem þjónustu-
hlutverk útskýrir Halldór. „Hug-
myndin er einfaldlega sú að valdið
komi frá fólkinu og að þótt skipað
sé eitthvert framkvæmdavald þá feli
það ekki í sér að fólkið sem sett er í
þá stöðu fari að ráðskast með þá sem
settu þau á þann stað.“ Hann segir
þetta þungamiðjuna í uppbyggingu
Pírataflokksins. Grasrótin og fulltrúar
hennar séu afar nánir og allir einstak-
lingar eigi að standa á jafnréttis-
grunndvelli. „Ég held að það sé óhætt
að treysta aðhaldi grasrótar Píratanna
gagnvart eigin fulltrúum. Það sést til
dæmis á samskiptum grasrótarinnar
við þingmennina sem eru mjög náin.
Auðvitað bera flokksfélagar virðingu
fyrir sínum þingmönnum en það þýðir
ekki að þetta sé aðdáendahópur. Það
hafa komið upp mál þar sem grasrótin
hefur verið óhrædd við að gagnrýna
eigin fólk.“
Sannfæring
„Eitt af því sem heillaði mig strax við
Pírata var þegar Helgi Hrafn Gunnars-
son þingmaður sagði stuttu áður en
hann varð þingmaður að ákvæði
stjórnarsrkár um að þingmenn séu
aðeins bundnir af sannfæringu sinni
væri ekkert sérstakt vandamál fyrir
hann. Það væri nefnilega sannfæring
hans að hann ætti ekki að ráða öllu.“
Halldór nefnir þetta sem dæmi um
að flokknum sé treystandi til að veita
sjálfum sér aðhald fyrir hönd kjós-
enda. Það muni gilda um hann sem
borgarfulltrúa alveg eins og það gildi
um þingmenn flokksins.
Skólamáltíðir
Munu Píratar beita sér fyrir að skóla-
máltíðir barna verði gjaldfrjálsar og
greiddar af borginni? „Mér finnst
það yfirleitt ágætis viðmið að horfa
til þess hvaða verkefni eru lögbundin
skylda sveitarfélaganna að veita. Í til-
felli grunnskólabarna þá er það ekki
aðeins lagaleg skylda að veita grunn-
skólanám heldur er skylda að þiggja
þá þjónustu. Hér á landi er skólaskylda
og börnin eru skuldbundin til að vera
þarna,“ segir Halldór og bendir á að
Ísland sé eftir því sem hann viti best
eina Norðurlandið sem rukki fyrir
máltíðirnar. „Maður skilur að hlutir
kosti og að hart sé í ári en mér finnst
eðlilegt að setja þetta í forgang. Gera
þetta gjaldfrjálst eða reyna að niður-
greiða í meira mæli.“
Útsvar eða gjald-
skrárhækkanir
Reykjavík vikublað spurði odd-
vita Pírata um nálgun flokksins við
tekjuöflun borgarinnar. Útsvar er
í eðli sínu tekjutengt en gjaldskrár-
hækkanir greiðast af þeim sem nýta
sér þjónustuna en geta bitnað á lág-
launafólki. „Hér komum við aftur að
lögbundnum skyldum og þeim sem
ekki eru lögbundnar. Útsvar og skattar
eru ágæti leið til að sjá til þess að til
séu sameiginlegir sjóðir um hlutina.
Þegar kemur að þjónustugjöldum þá
finnst mér mikilvægt að þau lendi ekki
á þeim sem hafa minnstar tekjur. Sér-
staklega á það við um þjónustu sem
íbúar verða að nýta sér.“ Halldór
bendir á að útsvar er þegar í heim-
iluðum toppi og því verði það ekki
hækkað.
Þétting byggðar
Píratar segir Halldór almennt taka
undir markmið um þéttingu byggðar.
„Reykjavík er mjög dreifð borg og það
skapar álag fyrir borgina.“ Halldór
nefnir mengun og umferð sem dæmi
um slíkt álag en líka tímann sem fer í
ferðalög innan borgarinnar. Það skapi
álag á íbúana. „Tíminn sem fer í að ferð-
ast á milli er of mikill fyrir fólk. Í svona
dreifðri borg geta útverfin líka einangr-
ast bæði menningalega og pólitískt. Það
eru mörg rök fyrir þéttingu byggðar og
þá sérstaklega í miðbænum en það má
auðvitað ekki gleyma úthverfunum.“
Til skýringar bendir Halldór á frægan
íbúafund í Grafarvogi. Þá kvartaði Jón
Gnarr borgarstjóri yfir einelti. Halldór
segist hafa efasemdir um að eðlilegt
sé að að afgreiða svona mál sem bara
einhvern hóp fólks sem vilji vera með
leiðindi. Það hljóti sannarlega að vera
að vandamál að gjá sem þessi sé milli
hópa borgarinnar. „Nú ræða menn það
í gríni og alvöru að Grafarvogurinn
ætti bara að vera sjálfstætt sveitarfélag,“
segir hann og bendir á að það hljóti að
vera alvarleg staða.
Togstreita um
jafnréttisstefnu
Jafnréttisstefna flokksins hefur valdið
togstreitu meðal Pírata. „Það eru mjög
skiptar skoðanir um þessa stefnu,“
segir Halldór og bætir við að umræða
um jafnréttismál sé mjög örugg leið
til að hleypa fólki upp. Hann segist
vongóður um að flokkurinn leysi
ágreininginn vegna stefnunar. Nýlega
var haldinn flokksfundur um deilurnar
vegna janfréttisstefnunar. Þann fund
segir oddvitinn hafa verið góðan. Tog-
streytan sé ekki vegna stefnunar í heild
sinni heldur að mestu vegna þess að
innan stefnunar hafi birst einsskonar
innkaupastefna fyrir RÚV. Það þyki
mörgum félagsmönnum umdeilanlegt.
Loforð skulu standa
Málastarf Pírata fer að miklu leyti
fram á netinu. Flokkurinn er ungur
og því mótast stefnan enn oft sem
viðbrögð við atburðum. Reykjavík
vikublað spurði því hvort kjósendur
Pírata gætu treyst því að loforð þeirra
stæðust en yrðu ekki bara felld úr gildi
við næsta tækifæri eða vegna hávaða
innan flokksins? „Að mínu mati eiga
kjósendur rétt á að öll stefnan sem lögð
fram fyrir kosningar standi út kjör-
tímabilið. Í einhverjum tilvikum eru
kannski skýr rök fyrir a breyta stefn-
unni. Það þarf þá að útskýra mjög vel
fyrir kjósendum og fara í eðlilegt ferli.
Kosningar eru ákveðinn sáttmáli milli
kjósenda og fulltrúa. Það er því eðli-
leg forsenda að hugsa sem svo að þær
upplýsingar sem lagðar eru fram af
flokknum séu forsenda kosninganna.“
„í svona dreifðri borg geta úthverfin líka einangrast, bæði menningarlega og pólitískt,“ segir Halldór auðar Svansson.
„að mínu mati eiga kjósendur rétt á því að öll stefnan sem lögð er fram fyrir
kosningar standi út kjörtímabilið,“ segir Halldór auðar Svansson.