Reykjavík - 10.05.2014, Blaðsíða 6
Einstök gæði á góðu verði
og vaxtalaus greiðsludreifing í 12 mánuði
Eldhúsinnréttingar
Þín veröld
XE
IN
N
IX
1
3
02
0
02
Innréttingar
Skrifstofuhúsgögn
BoConcept
6 10. maí 2014REYKJAVÍK VIKUBLA
Ð
Borgarstjórnarkosningar 2014
Atli Þór Fanndal
atli@thorfanndal.com
Misskildi ekki Laxness
„Ég gekk til liðs við Framsóknarflokkinn haustið 2012,“ segir Sveinbjörg
Birna Sveinbjörnsdóttir, oddviti Framsóknarflokksins, aðspurð hvað hafi
dregið hana í stjórnmálin.
„Það er eiginlega bara ein ástæða
fyrir því að ég vel Framsóknarflokk-
inn. Þegar ég bjó úti í Lúxemborg þá
var hrunið og ég fór eiginlega bara í
netbindindi. Ég felldi tár við að sjá
hvern draum Íslendinga á eftir öðrum
hrynja í október 2008. Ég upplifiði
sjálf úti að horft var á kreditkortið
mitt og sagt: „You are a daughter, we
don't accept the card.“ Þetta var allt
rosalega erfitt,“ segir Sveinbjörg. Það
eru semsagt skuldamálin sem draga
þig í pólitík? „Það eru skuldamálin og
Icesave sem draga mig fyrst og fremst
að Framsóknarflokknum.“
Öfgalausi flokkurinn
„Þegar maður kynnist starfinu í Fram-
sókn þá sér maður að Framsóknar-
flokkurinn er ekki öfgaflokkur til
hægri eða vinstri. Ég vil leggja málin
þannig upp og vinna þau að skynsemi
og röksemd. Framsókn er rökhyggju-
flokkur og við vitum hvernig þjóðfélög
fara sem reka sig alveg til hægri eða
vinstri.“
- Þú segir þetta: Að Framsókn sé ekki
öfgaflokkur en það er sannarlega upp-
lifun margra að Framsókn sé einmitt
öfgaflokkur. Séu nefnd dæmi þá má
nefna að þingkona flokksins hefur
kallað eftir að hælisleitendur gangi
með öklaband og það finnst mörgum
mjög öfgafullt. Utanríkisráðherra hefur
gert tilraun til að ritskoða ríkisfjölmið-
ilinn og forsætisráðherra keyrir á mjög
harðri stéttaorðræðu þar sem fólk er
sakað um að ganga erinda elítunnar.
Ertu viss um að Framsókn sé öfgalaus
rökhyggjuflokkur en ekki rómantískur
öfgaflokkur sem hoppaði yfir upplýs-
inguna?
„Já ég er rosalega rómantísk. Ég get
ekki svarað fyrir afstöðu þessa þing-
manna og ráðherra flokksins sem þú
ert búinn að nefna hér. Það get ég ekki
en ég get aftur móti sagt að stefna
Framsóknarflokksins eins og hún
birtist og er samþykkt af grasrótinni
er eitthvað sem ég vil vinna eftir. Ég
hef ekki verið í þeirri stöðu sem þessir
aðilar eru í og get ekki svarað fyrir
það. Sumum finnst það sem þú nefnir
öfgar og ég get alveg skilið það en ég
get skilið að sumum finnist það ekki.
Við eigum öll rétt á okkar skoðunum.“
Samábyrgð
- Þú sem oddviti getur ekki borið
ábyrgð á öllu sem flokkurinn gerir. Hins
vegar erum við með flokkakerfi vegna
þess að flokkar eiga að tryggja samá-
byrgð á verkum flokksins og fulltrúa.
Þess vegna er mikilvægt að lesendur
viti hvernig þú sérð þessa samábyrgð
þína og ykkar í Framsókn á gjörðum
eigin fulltrúa?
„Ég get ekki svarað fyrir það, ég átta
mig ekki almennilega á því.“
- Ef við tökum dæmi; nú er nokkuð
ljóst, og raunar bara framsóknarmenn
sem deila nokkuð um það, að stóra
kosningaloforðið um skuldaniðurfell-
ingu verður svikið. Hver er þín ábyrgð
á þessum verkum flokksins og hvernig
stendur þú undir eigin ábyrgð?
„Ég er að koma heim úr fjögurra
vikna fríi og þegar ég fór út þá var ekki
búið að leggja fram þetta frumvarp.
Ég er ekki búin að sjá þetta frumvarp.
Ég hef ekki kynnt mér þetta nákvæm-
lega.“
- Ég er ekki að reyna að klekkja á þér
en þú ert formaður framsóknarkvenna
og oddviti í Reykjavík. Hversu ánægð
ertu með niðurstöðuna?
„Ég er ekki búin að kynna mér frum-
varpið og ekki búin að sjá drögin en
ég fór vel yfir tillögurnar sem komum
fram og þær voru ekki í samræmi við
mínar væntingar. Ég trúi því aftur á
móti að þeir sem stóðu að þessu hafi
verið að reyna að gera eins vel og þeir
geta.“
- Hver er þá þín ábyrgð sem framsóknar-
kona?
„Ég breyti því ekki sem gerist á Al-
þingi. Þar eru 63 þingmenn og nokkrir
eru framsóknarmenn en við vinnum
svo með öðrum stjórnarflokk.“
Sjálfstætt fólk
og Salka Valka
Sveinbjörg hefur búið víða og upp-
lifað margt. Á unglingsárunum stund-
aði hún nám í kaþólskum stúlkna-
skóla í Frakklandi. Þá starfaði hún í
pílagrímaflugi Atlanta og bjó eins og
áður segir í Lúxemborg. Í viðtalinu
kom fram að hún les mikið. „Ég segi
alltaf við börnin mín að manni endist
ekki ævin til að gera öll þau mistök
sem hægt er að gera og til þess eru
bækur.“
- Hvað með Laxness?
„Ég hef lesið Sjálfstætt fólk, Atóm-
stöðina og Sölku Völku líka.“
- Ferðast mikið, Lesið Laxness en ert
í Framsóknarflokknum. Misskildir þú
nokkuð Laxness?
„Ég misskildi ekki Laxness,“ svaraði
Sveinbjörg hlægjandi en viðurkennir
þó að þegar hún las bækur hans í
menntaskóla þótti henni skilaboðin
nokkuð kommúnísk. „Ég var mjög
heit, sérstaklega þegar ég las Sölku
Völku í menntaskóla. Þá var ég með
kaupfélagshugsjónina í Versló þar sem
flestir studdu Sjálfstæðisflokkinn. Ég
man að ég hugsaði sem svo að allir
íslenskukennararnir okkar væru ör-
ugglega kommúnistar. Svo var það
auðvitað ekki.“
Alþjóðleg fallkönnun
Sveinbjörgu eru menntamálin hug-
leikin og vill áherslu á þau í komandi
kosningum. „Við erum komin með
alþjóðlega fallkönnun um hvernig
börnin okkar standa. Það er mjög sárt
fyrir foreldra,“ segir hún og spyr hvort
of mikil áhersla á steypu og flottar
byggingar séu skólakerfinu til trafala.
„Sumstaðar í borginni t.d. í Norðlinga-
holti eru mjög flottir skólar og fullt af
steypu. Ég spur hvort steypan lækni
fólk.“ Sveinbjörg nefnir flugvöllinn
í þessu samhengi og segist vilja for-
gangsraða þeim fjármunum sem kostar
að færa flugvöllinn frekar í mennta-
kerfi borgarinnar.
Borgin byggi
Sveinbjörg vill sjá Reykjavík fara með
beinum hætti í uppbyggingu húsnæðis.
„Núverandi meirhluti segist vera að
beita sér fyrir byggingu 3500 íbúða
en það eru allt verktakar sem eru að
byggja þetta. Mig langar að kalla eftir
því hvað Reykjavík ætlar að byggja.“
- Þú vilt þá að Reykjavík komi með
beinum hætti að byggingu íbúða?
„Já, og fyrir því eru mörg rök. Í fyrsta
lagi hefur það sýnt sig í hundruð ára að
fasteignir eru öruggustu fjárfestingar
sem til eru. Þeir sem töpuðu á banka-
hruninu töpuðu öllum bréfunum
sínum. Þeir sem áttu fasteignir…“
- Töpuðu líka ansi miklu?
„Já en sjáðu til fasteignaverðið er
komið hærra en það stóð fyrir hrun.“
- Rétt en þó aðeins ef þú leiðréttir ekki fyrir
því að krónan missti um 40% að virði sínu.
„Þessi umræða um gjaldeyrishöftin
snýst raunverulega um flugvöllinn.
Þetta er ákveðin þrautalending fyrir
krónueigendur. Það er þess vegna sem
er svona mikill þrýstingur á að flug-
völlurinn fari.“
Hræggammarnir
á flugvellinum
Sveinbjörg vildi ekki skýra þennan þátt
í flugvallamálinu þegar gengið var eftir
því en sagði þó: „Ég ætla ekki á meðan
gjaldeyrishöftin eru að veita fjárfestum
það svigrúm að fjárfesta þarna. Þeir geta
fjárfest með mér í úthverfum og styrkt
Reykjavík.“
- Hvers vegna metið þið málin svo að
flugvöllurinn sé kosningamál núna en
ekki í næstu kosningum hann verður til
2022?
„Það tengist í fyrsta lagi öryggis-
sjónarmiðum. Að við séum með ör-
yggisbraut þvi ef við höfum hana ekki
þá eru 35 dagar á ári sem ekki er hægt að
fljúga til Reykjavíkur. Eftir það verður
svo auðvelt að segja að hann verði bara
að fara því þá er hann kominn undir
staðla.“
Slægir stjórnmálamenn
„Ég er mjög klár, ég er yfirleitt mjög
fljót að átta mig á aðstöðunni og er með
gott pólitískt nef. Ég er hins vegar ekki
mjög góð í að skíta út og taka einhverja
gamla vinkla í pólitík enda ætla ég ekki
aðs tanda fyrir það,“ segir Sveinbjörg
aðspurð hvort hún sé nægilega slóttug
til að vera stjórnmálakona. „Ég held að
ég hafi allt að bera til að vera ofboðs-
lega góður leiðtogi og fyrirmynd fyrir
borgarbúa.“
„Þessi umræða um gjaldeyrishöftin snýst raunverulega um flugvöllinn,“ segir
Sveinbjörg Birna Sveinbjörnsdóttir, oddviti Framsóknarflokksins.