Reykjavík - 10.05.2014, Blaðsíða 11

Útsöl ul ok
f eldskeri
EGGERT
Skólavörðustíg 38 101 Reykjavík
10. maí 2014 11REYKJAVÍK VIKUBLA
Ð
matarsÍða svavars
Svavar Halldórsson
svavar@islenskurmatur.is
Sælkerafiskbúð í Grafarvogi
Fátt er betra á sólríkum sumardegi en að fá sér góðan fisk. Ekki er verra er
hann er grillaður. Fiskur er reyndar góður alla daga, ekki síst fyrir heilsu
líkama og sálar. Áður var þverskorna ofsoðna ýsan allsráðandi en nú eru
breyttir tímar. Öld sælkerafiskbúðana er runnnin upp. Ein slík var opnuð
fyrir nokkrum mánuðum í Grafarvogi. Sú heitir Hafið og á sér systur í
Kópavogi. Í báðum er boðið upp á kynstrin öll af skemmtilegum fiskréttum
og segja má að ferð í fiskbúðina sé orðin eins konar ævintýraferð fyrir
bragðlaukanna.
Æskuvinir í fisk-ævintýri
Þetta byrjaði allt árið 2006 þegar tveir
æskuvinir úr Hafnarfirðinum, þeir
Eyjólfur Júlíus Pálsson og Halldór
Heiðar Halldórsson, opnuðu fiskversl-
unina Hafið í Hlíðasmára í Kópavogi.
Sú búð varð fljótt mjög vinsæl og var
fólk að leggja leið sína þangað víða af
höfuðborgarsvæðinu. Eftirspurnin og
sú staðreynd að engin fiskbúð var starf-
andi í Grafarvoginum leiddi til þeirrar
ákvörðunar að opna nýtt útibú undir
merkjum Hafsins í Spönginni. Versl-
unin opnaði í júní 2013 í samráði við
Pál Fannar Pálsson, bróðir Eyjólfs sem
hafði unnið hjá þeim félögum í Kópa-
vogi í mörg ár.
Yngra fólkið
kaupir minni fisk
Flestir viðskiptavinir búðarinnar í
Grafarvoginum eru fjölskyldufólk, frá
þrítugu og upp úr. „Stór hluti er þó
fólk sem er komið yfir sextugt“ segir
Pál Fannar „en það er sá hópur sem
ólst upp við hvað mesta fiskneyslu.“
Í raun sé þetta mjög fjölbreytt flóra af
fólki. „Það er líka ekki endilega þannig
að ákveðin hópur kaupi ákveðna vöru
heldur er það mjög persónubundið
hvort fólk er að kaupa tilbúna fisk-
rétti eða ferskan fisk.“ Þessi tilfinning
Páls Fannars rímar ágætlega við þær
neyslukannanir Matíst, en samkvæmt
þeim borðar fólk undir þrítugu alltof
lítinn fisk – að leikskólabörnum frá-
töldum.
Bæði hverfis-
og sælkerabúð
Páll Fannar segir að fólk geri sér oft
ferð til þeirra úr nálægum hverfum
borgarinnar eins og Grafarholti, Árbæ,
Mosfellsbæ og Breiðholti. „Flestir sem
versla hjá okkur eru þó Grafarvogs-
búar sem skýrist að hluta til af því að
Spöngin er ekki beint í alfaraleið. Því
myndi ég segja að við værum hverfis-
búð, erum búin að koma okkur vel fyrir
hér og margir sem versla hjá okkur
tala um mikilvægi þess að hafa fisk-
búð í hverfinu.“ Vinnslan fyrir báðar
fiskbúðir Hafsins er úti á Granda.
Fiskurinn kemur því klár til sölu upp
í Grafarvog. Tilbúnir fiskréttir eru þó
búnir til á staðnum.
Einfalt og gott
„Margir eru að leita að nánast fyrir-
hafnalausum máltíðum í amstri dags-
ins og við höfum verið iðnir við að
prófa okkur áfram þegar kemur að
tilbúnum fiskréttum. Allt eru þetta
okkar eigin uppskriftir og við höfum
þróað margar þeirra í samráði við
fagfólk í matreiðslugeiranum.“ Páll
Fannar segir að ýsan sé enn vinsælust
af ferska fiskinum. „Ferski fiskurinn er
stór hluti af okkar sölu. Það skýrist ekki
bara af því að fólk er vanafast, heldur
einnig vaxandi áhuga á tegundum eins
og löngu eða skötusel.“
Fólk er opið
fyrir nýjungum
Enda er það auðvitað þannig að margar
af þessum tegundum sem fólk hefur
farið að borða í auknu mæli síð-
ustu ár eru dýrindis kræsingar. „Svo
blómstrar líka Fusion eða bræðings
matargerð, þar sem fólk og veitinga-
hús fara ótroðnar slóðir í matargerð
með framandi uppskriftum, þar sem
fiskurinn er settur í alveg nýjan bún-
ing.“ Páll Fannar segir líka að aukinn
áhersla á heilbrigðan lífsstíl hafa sín
áhrif. „Við höfum sett saman nokkra
heilsurétti fyrir fólk sem vill sneiða hjá
sem flestum óæskilegum aukaefnum.
Stendur undir væntingum
Ekki skemmir heldur fyrir að hægt
er að kaupa bæði rófur og kartöflur,
en líka bækur og stórsniðugar græjur
til sushi-gerðar. Matarblaðamaður er
svo heppinn að hafa fengið að smakka
nokkra af tilbúnu réttunum hjá þeim
í Hafinu. Hvort sem um er að ræða
spænsk-skotinn saltfiskrétt, ýsu í fræ-
hjúp eða fiski grillspjót, þá virðist hver
einasti réttur hitta í mark. Þessi litla
fiskbúð í Spönginni í Grafarvogi verð-
skuldar svo sannarlega að vera kölluð
falinn lítill demantur.
„Svo blómstrar líka Fusion eða bræðingsmatargerð, þar sem fólk og veitingastaðir fara ótroðnar slóðir í matargerð,“
segir Páll Fannar Pálsson.