Fréttir - Eyjafréttir - 13.09.2007, Blaðsíða 6

6
Frcttir / Fimmtudagur 13. september 2007
Aukinn tækjakostur á Sjúkrahúsinu:
Þjónustan eykst til mikilla muna
-segir Hjörtur Kristjánsson, yfirlæknir - Blöndunarskápur fyrir krabbameinslyf og
sneiðmyndatæki fækka ferðum sjúklinga til Reykjavíkur og eykur öryggi
„Með þessum nýja tækjakosti
mun þjónusta Heilbrigðis-
stofnunar Vestmannaeyja við
bæjarbúa aukast til mikilla
muna. Mjög margir sjúklingar
hafa þurft að fara í tölvu-
sneiðmyndarannsóknir á ári
hverju tii Reykjavíkur. Nú verður
í langflestum tilfellum hægt að
gera þessar rannsóknir hér í
Eyjum. Tilkoma tölvusneið-
myndatækis eykur einnig öryggi í
greiningu t.d. við slys og áverka.
Sérfræðingur í bæklunar-
lækningum er farinn að koma
hingað reglubundið og með
nýjum tækjabúnaði á skurðstofu
er nú unnt að gera hér liðspegl-
anir og þær aðgerðir eru reyndar
þegar hafnar.
Blöndunarskápur og meðfylgj-
andi búnaður gerir okkur nú
kleyft að gefa krabbameinslyfja-
meðferð hér í Vestmannaeyjum í
samráði við krabbameinslækna á
LSH. Allt þetta gerir það að
verkum að sjúklingar þurfa í
minna mæli að leggja á sig erfið
fcrðalög upp á fastalandið og það
er að sjálfsögðu hið besta mál.
Mig langar að þakka öllum þeim
sem að þessum tækjakaupum
standa fyrir þeirra framlag,“
sagði Hjörtur Kristjánsson.
SNEIÐMYNDATÆKIÐ kom á mánudaginn og var strax farið í að koma því upp. Á það að vera tilbúið til notkunar í vikunni.
Opnar nýjar víddir og nútímavæðir
Sjúkrahúsið
-segir Örn Thorstensen, röngtenlæknir, um
sneiðmyndatækið
Á mánudaginn kom til Eyja sneið-
myndatæki sem sett verður upp á
Sjúkrahúsinu. Með tilkomu þess
verður bylting í greiningu á sjúk-
dómum og að mati sérfræðings í
röntgenlækningum er stigið mikil-
vægt skref í að nútímavæða stofn-
unina. Skilyrði til að tækið nýtist
að fullu er vel þjálfað starfsfólk,
allt frá þeim sem tekur á móti
sjúklingnum til þess sem les úr
gögnum sem tækið skilar frá sér. I
neyðartilfellum, þegar slys verða
eða snögg veikindi koma upp á,
verður í mörgum tilvikum auð-
veldara fyrir lækna sjúkrahússins
að skera úr um hvort þörf sé að
senda sjúkling til Reykjavíkur eða
ekki. Einnig verður hægt að fá
sérfræðinga annars staðar til að lesa
úr gögnum.
Öm Thorstensen, röngtenlæknir,
segir að tækið hafi verið sett upp í
Orkuhúsinu í Reykjavík árið 2003
og hafi verið notað síðan og reynst
vel. „Þetta er svokallað fjölsneiða-
tæki sem táknar að margar sneiðar
eru teknar í hverjum snúningi
geislagjafans. Á móti geislagjaf-
anum eru fjórar raðir af nemum,
þannig verða til fjórar sneiðar í
hverjum snúningi sagði Öm þegar
hann var beðinn um að lýsa
sneiðmyndatækinu. Hver sneið
getur verið frá 2 mm niður í 0.5
mm að þykkt og heildarsneiðþykkt-
in þá frá 8 mm niður í 2 mm. En
þykktina á hverri sneið er hægt að
stilla eftir þeirri rannsókn sem gera
á. Þetta táknar að upplausnin í
myndinni getur verið mikil og
þannig auðveldað greiningu lítilla
sjúklegra breytinga. Afköst tækisins
eru mikil og segja má í raun að
hægt sé að rannsaka sjúklingin frá
toppi til táar.
Öm segist sannfærður um að
tækið sé eitt það mikilvægasta sem
Sjúkrahúsið í Vestmannaeyjum
hefur fengið til sjúkdómsgreininga
en hann leggur áherslu á að kunn-
áttufólk þurfi að koma að öllu ferl-
inu eigi tækið að nýtast að fullu.
„Það á við allt frá þeim sem óskar
rannsóknarinnar, geislafræðingnum
sem stjórnar tækinu, þeim sem les
úr gögnunum til þess sem nýtir sér
niðurstöðumar."
Þegar Öm er spurður um mikil-
vægi sneiðmyndatækisins fyrir
Sjúkrahúsið sagði hann að með því
væm stigin mikilvæg skref inn í
nútímann og tækið færi stofnunina
verulega fram á við. „Það getur
verið mikilvægt í slysatilfellum því
á nokkrum mínútum er hægt að
skera úr um eðli og stærð áverka.
Hægt er að greina sjúkdóma í
höfði, hálsi, lungum, miðmæti,
kviðarholi svo og í hryggsúlu og
beinum o.m.fl. I sumum rannsókn-
um er þörf á gjöf litarefna. Þessi
litarefni setjast á sjúk svæði sem
aðgreinast þannig betur frá heil-
brigðum vef. Við í Orkuhúsinu
höfum auk þessa notað tækið til
ristilspeglunar og til rannsókna í
eyrum ásamt mörgum fleiri
sértækum rannsóknum en til slíkra
rannsókna þarf talsverða sérhæf-
ingu. Þegar spuming er um hvort
Bjarni Sighvatsson frá Ási hefur beitt sér fyrir miklum tækjakaupum
fyrir Sjúkrahúsið. Hér er hann á tali við Hjört yfirlækni.
fara eigi í sjúkraflug við erfiðar
aðstæður getur sneiðmyndatækið
komið að góðum notum. Sama
hvort um er að ræða slys eða
sjúkdóma því tækið getur verið til
verulegrar hjálpar þegar þarf að
ákveða hvort senda á sjúkling á
sjúkrahús í Reykjavík eða ekki. Ef
þannig stendur á geta læknar í
Eyjum fengið sérfræðinga í Reykja-
vík til að lesa úr gögnum með sér.
Allt verður til þess að fækka ferð-
um sjúklinga til Reykjavíkur með
þeim óþægindum og kostnaði sem
þeim fylgir."
Öm segist geta haldið lengi áfram
ef hann ætlaði sér að lýsa þeim
möguleikum sem sneiðmyndatækið
leyfir. „Ég held að allir eigi eftir að
vera mjög glaðir með þennan
áfanga því sneiðmyndatækið opnar
nýjar víddir og nútímavæðir
Sjúkrahúsið f Vestmannaeyjum. En
til þess að það nýtist til fulls þarf
hæft starfsfólk," sagði Öm að
endingu.
Utan Reykjavíkur em sneið-
myndatæki á Akranesi, Akureyri,
Neskaupstað og á fsafirði.
Stjórnmál:
Fjárlaganefnd í heimsókn
Fjárlaganefnd alþingis var á ferðinni í Eyjum á þriðjudag
og heimsótti Vestmannaeyjabæ eins og önnur sveitarfélög
í Suðurkjördæmi.
Elliði Vignisson, bæjarstjóri sagði að farið hafi verið yfir
stöðu sveitarfélagsins og væntanleg fjárlagaerindi auk
þess sem mótvægisaðgerðir vegna niðurskurðar þorskveiðikvótans voru sérstaklega ræddar.
„Almennur skilningur virtist ríka hjá stjómvöldum hvað þetta varðar,“ sagði Elliði og var í
framhaldinu spurður hvort hann væri bjartsýnn á að mótvægistillögur bæjarins næðu fram að
ganga. „Við vonum það besta og undirbúum okkur undir það vesta en það er alveg ljóst að
atvinnulífíð í Vestmannaeyjum, Vestmannaeyjabær og íbúar Vestmannaeyja em staðráðnir í
að líta á þróun samfélagsins sem verkefni en ekki vandamál.
Skemmtanalífið:
Styttist í Lundaballið
Lundaballið 2007 verður haldið í Höllinni í
Vestmannaeyjum 29. september nk. Elliðaeyingar sjá
um ballið í ár, segir í fréttatilkynningu frá Björgvin
Rúnarssyni.
Hátíðin hefst með borðhaldi með fjölbreyttum mat-
seðli. Eftir borðhald hefst skemmtidagskrá að hætti
bjargveiðimanna ásamt myndasýningu og fjöldasöng.
Að lokinni skemmtidagskrá hefst dansleikur með
hljómsveitinni Dans á Rósum.
Um miðnætti verður borin fram miðnætursúpa ala
Esra/Gaui Hjöll.