Fréttir - Eyjafréttir - 06.03.2008, Blaðsíða 2

2
Fréttir / Fimmtudagur 6. mars 2008
Loðnukvótinn aukinn
Á kafi
um 50.000 tonn - Kvoti Eyjamanna 47.000 tonn:
í hrognatöku
HLUTFALL milli hrygnu og hængs. Myndina tók Óskar Pétur Friðriksson, sem fór einn loðnutúr með
Álsey VE.
I vikunni var loðnukvótinn aukinn
um 50 þúsund tonn og komu um 15
þúsund tonn í hlut Eyjamanna. Þar
með er hlulur Eyjamanna í heildar-
kvótanum nálægt 47 þúsund tonnum
og hafa Isfélagið, Vinnslustöðin og
Huginn VE veitt um 23 þúsund tonn
af kvóta sínum. Þegar er búið að
frysta um tíu þúsund tonn af loðnu
og loðnuhrognum en hrognafrysting
hófst í vikunni.
Isfélagið á eftir að veiða um sextán
þúsund tonn af þrjátíu þúsund tonna
kvóta. Hefur allur aflinn verið nýtt-
ur til manneldis. Eyþór Harðarson,
útgerðarstjóri sagði að um borð í
frystiskipunum Guðmundi VE og
Þorsteini ÞH væri búið að frysta
u.þ.b. fjögur þúsund tonn.
„Nú erum við á kafi í hrognatöku,
Álsey VE og Júpiter ÞH hafalandað
einum túr hvort skip hjá frystihús-
inu. Sigurður VE, Álsey VE og
Júpiter ÞH eru út af Reykjanesi, það
hefur verið bræla á miðunum en
vonandi lægir þannig að það verði
einhver friður við veiðarnar.“
Gunnar Geir Gústafsson, verkstjóri
hjá frystihúsi Isfélagsins, sagði að í
húsinu væri búið að frysta um 2700
tonn af loðnu og loðnuhrognum.
Sigurjón Gísli Jónsson, fram-
leiðslustjóri Vinnslustöðvarinnar,
sagði að skip Vinnslustöðvar væru
búin að veiða sex þúsund tonn af
tæplega sextán þúsund tonna kvóta.
„Við höfum fryst u.þ.b. 2.600 tonn
af loðnu og loðnuhrognum en við
hættum að frysta loðnu á föstudag
og hrognafrysting hófst á mánudag.
Þetta slitnar aðeins í sundur hjá
okkur enda bræla á miðum, núna er
bara dagveiði. Sighvatur VE og Kap
VE eru á miðunum og Isleifur
verður trúlega sendur á veiðar líka,“
sagði Sigurjón Gísli þegar rætt var
við hann á miðvikudagsmorgun.
Huginn VE er búinn að veiða um
1400 tonn og aflinn frystur um borð
enda Huginn vinnsluskip. „Það
stendur til að setja búnað til hrogna-
töku um borð á morgun, fimmtudag
en við eigum u.þ.b. einn túr eftir.
Þetta er auðvitað allt of lítil kvóta-
úthlutun," sagði Páll Guðmundsson
útgerðarstjóri Hugins.
Aðalfundur Kvenfélagsins Líknar:
Gáfu 30 milljónir í samstarfi við aðra
Aðalfundur Kvenfélagsins Líknar
var haldinn 4. febrúar sl. Fóru þar
fram venjuleg aðalfundarstörf og
kosið var í stjórn og nefndir til
næsta árs.
Núverandi stjórn skipa: Drífa
Kristjánsdóttir formaður, Margrét
Kristjánsdóttir ritari, Stefanía Ást-
valdsdóttir gjaldkeri, Ágústa Áma-
dóttir varaformaður, María Sigur-
björnsdóttir vararitari, Elísabet
Einarsdóttir varagjaldkeri og Eva
Káradóttir meðstjórnandi.
Kvenfélagið Líkn var stofnað 14.
febrúar 1909 og er lil húsa að
Faxastíg 35.1 félaginu eru skráðar
120 félagskonur, allar þessar konur
vinna saman að hinum ýmsu störf-
um félagsins og eftir bestu getu og
hentugleikum hverrar konu.
Á fundi til okkar fáum við fyrir-
lesara eða kynningar á ýmsum
störfum, einnig gerum við okkur
glaðan dag og höfum námskeið eða
aðra skemmtun fyrir félags-
konurnar. Það gefur mikið að vera
í félagi eins og kvenfélaginu Líkn,
verkefnin eru margbreytileg og
flestar konur geta fundið eitthvað
við sitt hæfi, einnig myndast góður
vinskapur milli félagskvenna. Við
viljum hvetja konur til að ganga til
liðs við okkur í Líkn, allar konur
eru velkomnar og tökum við vel á
móti ykkur.
Á síðast starfsári gaf kvenfélagið
Líkn til ýmissa líknar- og félags-
mála ásamt öðrum fyrir kr.
29.605.994,-
Viljum við nota þetta tækifæri og
þakka bæjarbúum frábæran stuðn-
ing og velvild við félagið f gegnum
árin, því án ykkar værum við litils
megnugar.
Ágætu bæjarbúar, okkar bestu
þakkir fyrir samvinnuna sl. ár.
Óskum ykkur alls góðs og guðs
blessunar í framtíðinni.
Kvenfélagið Líkn.
Gleði á
afmæli
Sóla
Það var stórt stökk fram á við í
málefnum barna í Vestmanna-
eyjum þegar leikskólinn Sóli var
tekinn í notkun fyrir réttu ári
síðan.
Þessa var minnst á Sóla á föstu-
daginn þegar slegið var upp mik-
illi veislu. Það var mikið sungið
og krakkarnir fengu blöðrur og
ýmislegt gott í gogginn.
Hér eru krakkarnir að taka lagið
með starfsfólkinu.
Mynd Óskar Pétur.
Á
á á >-■ ~ "n |
r f'M l. A ' 1 ‘f' •.
ÍBV-handbolti:
Sverrir
Storm-
sker á
Herra-
kvöldi
Herrakvöld ÍBV verður í Höll-
inni næsta laugardag. Nokkuð
löng hefð er fyrir Herrakvöldi á
vegum handboltadeildar en
kvöldið hefur verið vel sótt
undanfarin ár.
„Þátttaka hefur alltaf verið góð
og lengi vel vorum við með þetta
um borð í Herjólfí en Herra-
kvöldið spengdi hann utan af sér
og við fluttum í Höllina," sagði
Viktor Ragnarsson, rakari, sem
komið hefur að undirbúningnum.
Dagskrá kvöldsins verður spenn-
andi og aðalræðumaður kvölds-
ins hinn eini sanni Sverrir
Stormsker. Kári Vigfússon, stór-
greifí af Vogsaætt og matreiðslu-
meistari sér um sjávar- og
kjötréttahlaðborð sem enginn
verður svikinn af.
Veislustjóri verður Gunnlaugur
Grettisson. forseti bæjarstjórnar
og Þórir Ólafsson leikur létt lög
undir borðum.
Það er Sparisjóður Vestmanna-
eyja sem styrkir Herrakvöldið.
Landakirkja:
Kaffihúsa-
messa í
kvöld
Kaffihúsamessa verður í Safn-
aðarheimili Landakirkju í kvöld,
fimmtudag klukkan átta.
Þórarinn Ólason, formaður
stjómar Kaffihúsakórsins, sagði
kórinn verða með blandað pró-
gramm bæði gamalt og nýtt efni.
„Ósvaldur Freyr Guðjónsson er
tekinn við kórnum og það er gott
að hann skuli hafa séð sér fært að
taka við kórnum aftur. Tónlistin
verður dálítið í svipuðum anda og
þegar hann var við stjómvölinn.
Þetta er fyrsta messan frá því
messufall varð í Landakirkju á
sunnudag vegna fannfergis og
óveðurs og við vonumst til að sjá
sem flesta, “ sagði Þórarinn.
Útgefandi; Eyjnsýn elif. 480278-0549 - Vestmiinnaeyjuni. BitBtjóri: Óniai' (iiiröainson.
Bliularnetin: Ouöbjörg Sigurgeirsdóttir, Sigmgeir Jónsson og Ellert Schering. íþróttír:
Ellert Selieving.Áhyrgðarmenn: Óinar (iai’Sarsson &(lisli Valtýsson.
Prentrinna: Eyjasýn/Eyjaprent. Vestinamiaeyjum. Aðsetnr ritstjómar: Stiiuidvegi 47.
Símar: 481 IJOO & 481 8310. Myndriti: 481-1293. Netfang/rafpóstnr frettiitíileyjafrettír.is.
Veffang: http/Avww.eyjafrettír.is
FRÉTHR koma út nllii fimmtiidngil. Bladið er selt i áskrift og einnig i liiusasölu á Klettí,
rrvistinum, Toppnum, Vöruval, llerjólfi, Fliighafiiarveniliininni, Krónunni, Isjakannm,
veislun 11-11 og Skýlinu í Friðarhöfn.. FRÉTTHt eru prentaðar í 2000 eintöknm.
FRÉ'iTTKeru aðilarað Samtökiim liiejar- og héraðsfréttahlaða. Eftírprentun, hljóöritun,
notkiin ljósmynda og annað er ólieimilt nema heimilda sé getið.