Fréttir - Eyjafréttir - 16.10.2008, Blaðsíða 2

2
Fréttir / Fimmtudagur 16. október 2008
Bæjarráð leggur fram aðgerðaáætlun í 15 liðum:
Standa á vörð um velferðarþjónustu
-Gjaldskrár á velferðarsviði verða ekki hækkaðar umfram vísitölu næstu sex mánuði -Styrkir til íþrótta-
félaga auknir, leikskólagjöld verða lækkuð um níu til tíu prósent - Gjaldskrá Frístundavers verður haldið
fyrir neðan landsmeðaltal - Niðurgreiðslur vegna fæðisgjalda í grunnskóla verða auknar
LEIKSKÓLAGJÖLD verða færð niður fyrir landsmcðaltal frá og með
næstu mánaðamótum.
Bæjarráð Vestmannaeyja fjallaði um
válega stöðu á fjármáíamarkaði og
áföll í hinu íslenska hagkerfi á fundi
sínum á þriðjudaginn. Þar var
ákveðið að bregðast við breyttum
aðstæðum með aðgerðaáætlun í 15
liðum. Til að mæta fyrirséðum
þrengingum fjölskyldna og eldri-
borgara samþykkir bæjarráð eftir-
farandi aðgerðaáætlun sem nær frá
1. nóvember 2008 til I. maí 2009:
1. Staðinn verður vörður um vel-
ferðarþjónustu í Vestmannaeyjum.
2. Gjaldskrár á velferðarsviði Vest-
mannaeyjabæjar (svo sem gjaldskrá
Frístundavers, Tónlistarskóla,
Heimilisþjónustu og leiguverð
félagslegs húsnæðis) verða ekki
hækkaðar umfram vísitölu næstu 6
mánuðina.
3. Leikskólagjöld verða færð niður
fyrir landsmeðaltal frá og með
næstu mánaðamótum. Gert er ráð
fyrir 9 til 10% lækkun leikskóla-
gjalda.
4. Gjaldskrá Frístundaversins í Þórs-
heimili verður haldið fyrir neðan
landsmeðaltal.
5. Niðurgreiðslur vegna fæðisgjalda
í grunnskóla verða auknar.
6. Tekið verður upp styrktarkerfi
fyrir böm sem njóta þjónustu dag-
mæðra og stefnt að því að niður-
greiða slíka þjónustu allt frá 12
mánaða aldri.
7. Öllum bæjarbúum verður boðið
gjaldfrjálst aðgengi að söl'num í
rekstri Vestmannaeyjabæjar.
8. Styrkur til félags eldri borgara
verður hækkaður um 50%.
9. Öllum bömum í Vestmanna-
eyjum, yngri en 18 ára, verður boðið
gjaldfrjálst aðgengi að sundlaug
Vestmannaeyja.
10. Til að mæta samdrætti hjá
styrktaraðilum verða íþróttafélögum
veitir viðbótarstyrkir sem alls nema
5.500.000. Styrkurinn er ætlaður í
barna og unglingastarf og skal
reiknaður út frá sömu hlutföllum og
rekstrarstyrkir til íþróttafélaganna.
Styrkir þessir eru háðir því skilyrði
að æftngagjöld hækki ekki á næstu 6
mánuðum.
11. Víki áætlaður framkvæmda-
kostnaður verklegra framkvæmda
verulega frá áætlunum og sam-
þykktum verða tímasetningar þeirra
endurskoðaðar.
12. Unnið verður með Visku,
fræðslu- og símenntunarmiðstöð að
fræðslu- og námskeiðahaldi hvað
varðar fjármál, uppeldi og sjálfs-
styrkingu.
13. Vestmannaeyjabær hefur yfir að
ráða öflugri félagsþjónustu og
verður aukin áhersla lögð á hvers
konar ráðgjöf hvað varðar fjárhags-
leg málefni og málefni fjölskyldna.
14. I samvinnu við Sparisjóð Vest-
mannaeyja og Deloitte býður
Vestmannaeyjabær einstaklingum,
fjölskyldum og fyrirtækjum upp á
fjármálalega ráðgjöf. Ráðgjafmn
verður staðsettur í útibúi Sparisjóðs
Vestmannaeyja og sinnir ráðgjöf á
opnunartíma Sparisjóðsins.
15. Allra leiða verður leitað til að ná
niður kostnaði við rekstur Vest-
mannaeyjabæjar. Eftirlit með
rekstri stofnana verður aukið, dregið
verður úr yfirvinnu eftir föngum,
unnið verður eftir innkaupastefnu
með það fyrir augum að .ná fram
sparnaði og þannig mætti áfram
telja
Nokkuð kómísk og merkileg lífsreynsla
-segir Elliði Vignisson eftir að hafa farið í bráða sjúkraflug og óvænta og
ónauðsynlega hjartaþræðingu
Eins og fram kom í Morgunblaðinu
í vikunni lenti Elliði Vignisson,
bæjarstjóri, í heldur óskemmtilegri
lífsreynslu. Elliði fann fyrir brjóst-
verkjum í lok síðustu viku og á
þriðja degi fór hann í skoðun á
Sjúkrahúsinu í Vestmannaeyjum.
Elliði, sem er með meðfæddan
hjartagalla, var lagður inn og
blóðsýni sent á Landspítalann.
Mistök við merkingu blóðsýnanna
urðu hins vegar til þess að Elliði
var fluttur með hraði til Reykja-
víkur í hjartaþræðingu. Engin þörf
var á þvf.
„Þetta var nú svona eftir á að
hyggja nokkuð kómískt og merki-
leg lífsreynsla. Hjörtur Kristjáns-
son, læknir kom inn á stofu til mín
og sagði mér að ég þyrfti að fara
með sjúkraflugi til Reykjavíkur í
þræðingu. Sú ákvörðun kom mér á
óvart en eins og allir vita hef ég
ekki lagt það í vana minn að deila
ELLIÐI: Áður en ég vissi af
komu tveir fíleildir lögreglu-
menn, óluöu mig niður og þustu
með mig út.
við dómarann enda fékk ég engu
um þetta ráðið,“ sagði Elliði í sam-
tali við Fréttir.
Elliði segist hafa verið hinn ró-
legasti en hann ákvað að klæða sig
í fötin áður en kæmi að flutningn-
um suður. „Þá kom hjúkrunarkona
inn til mín og skipaði mér að leggj-
ast því ég væri í bráðri lífshættu.
Áður en ég vissi af komu tveir fíl-
efldir lögreglumenn, óluðu mig
niður og þustu með mig út. Svo
mikill var asinn að ekki gafst
ráðrúm til að ná í skóna mína og
fór ég því á sokkaleistunum suður.“
Við komuna til Reykjavíkur var
Elliði fluttur á forgangsljósum í
sjúkrabíl á Landspítalann og fimm
mínútum eftir komuna þangað var
bæjarstjórinn kominn í þræðinguna.
„Það var þrætt, ekkert fannst og
mér því komið fyrir uppi á stofu til
frekari rannsókna. Stuttu síðar
kom læknir og tilkynnti mér um
þessi mistök að blóðsýnum frá
Vestmannaeyjum hefði verið víxlað
og að mín veikindi væru ekki svona
alvarleg. Sveinn Magnússon, félagi
minn og kaupmaður var þarna hjá
mér og við hlógum einhver lifandis
ósköp yftr þessum óförum mínum.
En um leið hafði ég auðvitað
áhyggjur af þeim sem átti hitt blóð-
sýnið en var sendur heim. Ég frétti
hins vegar af því síðar að það
bjargaðist allt saman þannig að
þetta endaði allt saman vel og ég
reynslunni ríkari. Ég fékk svo að
labba út um kvöldið í bláum skó-
hlífum enda ekki með neina skó.“
Elliði segist hafa fengið ýmsar
útgáfur af sjúkraferðinni og margar
eru þær góðar. „Mér var sagt að sá
sem átti hitt blóðsýnið hafí farið í
mína meðferð og haft verið veru-
lega ósáttur við stólpípuna. Hin
sagan segir að hinn aðilinn hafi
farið í þá meðferð sem ég hefði átt
að fara í og að hann haft setið
daglangt hjá geðlækni," sagði Elliði
og hló.
MAGNÚS KRISTINSSON og
útgerð hans, Bergur-Huginn,
bauð til kaffisamsætis í Höllinni í
síðustu viku. Tilefnið var að
útgerðin fékk íslensku sjávar-
útvegsverðlaunin í flokknum
Framúrskarandi íslensk útgerð.
Öllum núverandi og fyrrverandi
starfsmönnum, fjölskyldum
þeirra og velunnurum fyrirtæk-
isins var boðiö í veisluna en um
160 manns þekktust boðið.
Magnús afhenti Sigurði
Sigurjónssyni, skipstjóra á
Bergey VE, málverk en Sigurður
varð á dögunum sextugur. Þá
afbenti Árni Johnsen útgerðinni
þrjú málverk eftir Guðjón í
Gíslholti, eitt í hvert skip.
Lögreglan, stolið úr
tveimur bifreiðum:
Tveir
handteknir
en góssið
fannst ekki
Aðfaranótt fimmtudags var
lögreglu tilkynnt um þjófnað úr
tveimur bifreiðum sem stóðu við
veitingastaðinn Lundann. Vitni,
sem höfðu séð tvo menn inni f
annarri bifreiðinni, lýstu þessum
mönnum og voru þeir handteknir
skömmu síðar.
Þeir viðurkenndu að hafa farið
inn í bifreiðarnar en ekki að hafa
stolið neinu úr þeim nema einum
vindlingapakka. Úr annarri
bifreiðinni hafi m.a. verið teknar
tvær geisladiskatöskur, önnur
rauð en hin svört. Þrátt fyrir leit
lögreglu í nágrenni Lundans og á
þeirri leið sem talið var að þeir
sem grunaðir voru um þjófn-
aðinn hafi farið, hefur þýfið ekki
fundist.
Lögreglan óskar því eftir
upplýsingum er varpað gætu
ljósi á hvar þýfið gæti verið og
eru þeir sem einhverjar upplýs-
ingar geta gefið beðnir um að
hafa samband við lögreglu.
19 boðaðir
í skoðun
Af umferðarmálum er það helst
að frétta að einn ökumaður var
sektaður fyrir að aka gegn rauðu
ljósi á gatnamótum Strandvegar
og Heiðarvegar. Þá voru eig-
endur 19 ökutækja boðaðir í
skoðun með ökutæki sín en í
síðustu viku stóð yfír skoðun
ökutækja á vegum Frumherja.
Næsta skoðun fer fram vikuna
10. - 14. nóvember nk. og verða
þá allar stærðir ökutækja
skoðaðar. Eigendur ökutækja
sem enn eiga eftir að færa öku-
tæki sín til skoðunar, eru hvattir
til að hafa samband við
Frumherja og panta skoðun fyrir
ökutæki sín.
Ekki gleyma
endurskini
Lögreglan vill beina því til for-
eldra að senda böm sín ekki út í
umferðina án endurskinsmerkja.
Einnig að börn séu ekki á ferð á
Ijóslausum hjólum, núna þegar
skammdegið gengur í garð, en
brögð eru að því að börn sem eru
að fara í skóla á morgnana séu á
ljóslausum hjólum og án
endurskinsmerkja.
Útgefandi: Eyjasýn elif. 480*278-0549 - Vcstnianimcyjuin. RitBtjóri: Óinar (iarilarsson.
Blaðamenn: (iiiðbjörg Sigurgeirsdóttir og Júlíns Ingason. íþróttir. Július Ingason.
Ábyrgðarmenn: Ómar Gardarsson & (íísli Valtysson.
Prentvinna: Eyjasýn/ Eyjapi-ent. Vestmannaeyjum. Aðsetur ritstjóraai: Strandvcgi 47.
Símar: 481 1300 & 481 3310. Myndrití: 481-1293. Netfang/rafpóstnr fia'tti r@oyjafrottir.is.
Veffang: littp 'www.eyjalivttir.is
ERÉTI'iK koma út alla fimmtudaga. Blaðid er selt í áskrift og oinnig i lausasölu á Klettí,
Tvistínum, Toppnum, Vöruval, llerjólfi, Hugliafuarversluninni, Krónunni, ísjakanum,
verslun 11-11 og Skýlinu í Friðarhöfn.. FRÉTTIit eru prentaðar i 2000 eintöknm.
FRÉTfilt eru aðilar að Samtöknm bæjar- og héraðsfréttablaða. Eftirpivntim, hljóðritun,
notkun ljósmvnda og aniiað er óheimilt nema heimilda sé getið.