Fréttablaðið - 05.11.2013, Page 8

5. nóvember 2013 ÞRIÐJUDAGUR| FRÉTTIR | 8
ORKUMÁL Forsenda þess að raf-
orkustrengur verði lagður frá
Íslandi til Evrópu er þjóðarsátt
um verkefnið að ítarlegri rann-
sóknavinnu lokinni. Þverpólitísk
sátt hér innanlands er jafnframt
nauðsynleg.
Þetta kom fram í erindi Harð-
ar Arnarsonar, forstjóra Lands-
virkjunar, á orkuráðstefnu Bresk-
íslenska viðskiptaráðsins og
Bloomberg í London á föstudaginn.
Hörður sagði það ekki duga til
ef þjóðin myndi skiptast í jafnar
fylkingar með og á móti því að
leggja sæstreng-
inn. Hann nefndi
því að samþykki
80 til 90% þjóð-
arinnar þyrfti
til að ráðist yrði
í verkið. Spurð-
ur um þessar
tölur sagði hann
þær vera tákn-
rænar en ekki
nákvæmar. Án
þessa stuðn-
ings sæi hann
ekki fyrir sér
að Landsvirkjun
gæti haldið verk-
efninu lifandi.
Hann sagði það
hins vegar bjarg-
fasta trú sína að
mögulegt væri að vinna málinu
þetta mikinn stuðning, byggðan
á upplýsingum um verkefnið og
umræðum meðal þjóðarinnar um
einstök álitaefni.
Hann sagði það ekki í ranni
Landsvirkjunar að setja viðmiðin,
en fyrirtækið myndi þurfa mjög
skýran stuðning til að mæla með
því við stjórnvöld að verkefnið
fengi brautargengi. Hann bætti við
að þverpólitísk sátt yrði einnig að
koma til og það væri mjög erfitt ef
stjórnmálahreyfing stæði einarð-
lega gegn því að sæstrengur yrði
lagður.
Charles Hendry, fyrrverandi
orkumálaráðherra, flutti erindi á
ráðstefnunni, en hann undirritaði
einmitt viljayfirlýsingu breskra
og íslenskra stjórnvalda um aukið
samstarf ríkjanna á sviði orku-
mála í maí 2012, en þar er áhersla
lögð á hagnýtingu endurnýjan-
legra orkugjafa. Eitt aðalatriða
samkomulagsins er möguleik-
inn á lagningu rafmagnsstrengs
milli Íslands og Bretlands og að
sá „möguleiki verði kannaður
með jákvæðum augum“, eins og
segir í yfirlýsingunni sem Oddný
G. Harðardóttir iðnaðarráðherra
undirritaði fyrir Íslands hönd.
Hendry sagði að sem orkumála-
ráðherra hefði hann komið þeim
skilaboðum á framfæri á Íslandi
að ef Íslendingar myndu komast
að þeirri niðurstöðu að sæstreng-
ur yrði lagður þá væri breskstjórn-
völd mjög áfram um að koma að
því verki.
Hendry vék í erindi sínu að fjár-
mögnun sæstrengsins. Hann sagði
mikinn áhuga á verkefnum eins og
sæstrengnum hjá stórum alþjóð-
legum fjárfestum, ekki síst lífeyr-
issjóðum.
svavar@frettabladid.is
Þjóðarsátt forsenda
sæstrengs til Evrópu
Lagning sæstrengs frá Íslandi til raforkusölu til Bretlands og Evrópu kemur ekki til
greina nema almenn sátt sé um verkefnið. Sáttin verður einnig að vera þverpóli-
tísk. Fyrrverandi orkumálaráðherra Breta segir alþjóðlega fjárfesta áhugasama.
CHARLES HENDRY
Á RÁÐSTEFNU Þungavigtarmenn fluttu erindi á orkuráðstefnu í London á föstudag.
MYND/BRÍS
HÖRÐUR
ARNARSON
PAKISTAN, AP Dómstóll í Islama-
bad samþykkti í gær að Pervez
Musharraf, fyrrverandi forseti
Pakistans, yrði látinn laus gegn
tryggingu.
Dómstóllinn féllst á þetta með
þeim rökstuðningi að engar sann-
anir væru fram komnar sem sýni
að Musharraf hafi í raun átt aðild
að árás á mosku í Islamabad árið
2007. Harðlínuklerkur einn lét
lífið í þeirri árás.
Musharraf hefur verið í stofu-
fangelsi í yfir hálft ár. - gb
Músharraf úr haldi:
Engar sannanir
komnar fram
VINNUMARKAÐUR „Við teljum
kröfugerð Starfsgreinasambands-
ins ekki grundvöll fyrir viðræð-
ur. Launaþróun hér á landi þarf að
vera til samræmis við launaþró-
un í nágranna-
löndunum. Þar
er verið að
semja um hálfs
til tveggja pró-
senta launa-
hækkanir á ári,“
segir Þorsteinn
Víglundsson,
framkvæmda-
stóri Samtaka
atvinnulífsins.
Starfsgreinasambandið lagði
fram kröfugerð fyrir sextán af
aðildarfélögum sínum í gær. Þess
er krafist að lægstu mánaðarlaun
hækki um 20 þúsund krónur á
samningstímanum. Þá vill SGS
að launatöflur verði endurskoð-
aðar og að bætt verði við nýju tíu
ára starfsaldursþrepi.
„Við teljum kröfurnar ekki
óraunhæfar. Þær eiga ekki að
setja efnahagslífið á hliðina,“
segir Björn Snæbjörnsson, for-
maður samninganefndar Starfs-
greinasambandsins. Hann segir
að ríkisvaldið hafi ekki enn
komið með sitt innlegg í samn-
ingsgerðina og menn séu orðnir
langþreyttir á biðinni. SGS legg-
ur áherslu á að stjórnvöld hækki
persónuafslátt.
Þorsteinn segir að ef farið yrði
að kröfugerð SGS hefði það 12 til
14 prósenta kostnaðarauka í för
með sér fyrir atvinnurekend-
ur. „Það myndi þýða afturkipp
í efnahagslífið og verðbólgan
myndi hækka umtalsvert,“ segir
Þorsteinn. - jme
Starfsgreinasambandið krefst þess að lægstu laun hækki um 20 þúsund:
Ekki grundvöllur til viðræðna
ÍRAN, AP Tugir þúsunda Írana komu saman utan við bandaríska sendiráðið
í Teheran í gær til að lýsa andúð sinni á Bandaríkjunum.
Mótmæli fyrir utan sendiráðið eru árviss viðburður, jafnan haldin 4.
nóvember til að minnast þess þegar hópur manna réðst inn í sendiráðið
þennan dag árið 1979 og hélt starfsmönnum þess í gíslingu í rúmt ár.
Óvenju góð þátttaka var í mótmælunum í gær, og er það rakið til þess að
harðlínufólk í Íran er afar ósátt við sáttatilburði Hassans Rúhaní forseta,
sem undanfarið hefur reynt að bæta samskiptin við Bandaríkin.
Aðalræðumaður var Saíd Djalílí, sem bauð sig fram gegn Rúhaní í sumar
en tapaði.
„Að berjast gegn alþjóðlegum hroka og fjandsamlegri stefnu Banda-
ríkjanna er tákn um þjóðareiningu okkar,“ sagði Djalílí, sem eftir kosn-
ingatapið var gerður að aðalsamningamanni Írans í kjarnorkudeilunum
við Vesturlönd.
Djalílí er einn helsti andstæðingur Rúhanis, en um leið er hann ráðgjafi
Ali Khameinís erkiklerks, sem í reynd ræður mestu í landinu. Khameini
hefur á hinn bóginn stutt sáttaviðleitni Rúhanís.
- gb
Tugir þúsunda Írana mótmæla Bandaríkjunum:
Ósáttir við sáttavilja
VEIFA MYNDUM AF KHOMEINI ERKIKLERK I Mótmæli eru árviss viðburður fyrir
utan sendiráð Bandaríkjanna í Teheran. FRÉTTABLAÐIÐ/AP
ÞORSTEINN
VÍGLUNDSSON
Skeifunni 11 | Sími 515 1100 www.rekstrarland.is
Kaffi-
stofan
Fjölbreytt úrval af vörum fyrir
kaffistofuna, allt á einum stað.
Við
teljum kröf-
urnar ekki
óraunhæfar.
Þær eiga
ekki að setja
efnahagslífið
á hliðina
Björn Snæbjörnsson formaður samn-
inganefndar Starfsgreinasambandsins
NOREGUR Maður á fertugsaldri réðst á
fólk í rútu í Noregi síðdegis í gær. Að
minnsta kosti þrennt lét lífið, nítján ára
kona frá Svíþjóð og tveir norskir menn,
báðir á sextugsaldri. Annar þeirra var
bifreiðarstjórinn en hinn farþegi.
Árásarmaðurinn, sem er frá Suður-
Súdan, var handtekinn og síðan fluttur
á sjúkrahús, sjálfur með lítils háttar sár
eftir hníf.
Árásin var gerð í héraðinu Sogni og
Fjörðunum, nánar tiltekið á þjóðvegi 53
milli Árdals og Tyin, en rútan var á leið-
inni frá Árdal til Óslóar.
Fyrst var talið að bílslys hefði orðið
og voru tveir slökkviliðsmenn sendir á
staðinn. Árásarmaðurinn kom þá sjálf-
viljugur út úr bifreiðinni og hafði skilið
hnífinn eftir. Slökkviliðsmennirnir
héldu honum föngnum þangað til lög-
regla kom á vettvang.
Að sögn norska ríkisútvarpsins NRK
höfðu aðrir ökumenn reynt að koma til
aðstoðar en árásarmaðurinn hrakið þá
frá með hótunum.
Lögreglan segir árásarmanninn frá
Suður-Súdan en búsettan á þessum slóð-
um í Noregi. - gb
Maður á fertugsaldri handtekinn og fluttur á sjúkrahús eftir mannskæða skotárás í Noregi:
Myrti tvo farþega og bílstjóra í rútu
ÞYRLA Á
ÁRÁSAR-
STAÐNUM
Árásarmað-
urinn er frá
Suður-Súdan
en búsettur í
Noregi.
FRÉTTABLAÐIÐ/AP