Fréttablaðið - 20.12.2013, Side 22

20. desember 2013 FÖSTUDAGUR| FRÉTTIR FJÖLSKYLDAN | 22
„Jólaboðin og jólagjafirnar geta
ekki bara valdið börnum og for-
eldrum í stjúpfjölskyldum hugar-
angri, ef fólk hefur ekki rætt um
hvernig hafa á hlutina, heldur
einnig ömmum og öfum,“ segir
Björk Erlendsdóttir félagsráðgjafi.
„Stjúpömmur hafa til dæmis
haft samband við mig vegna fyrir-
komulags jólaboða. Þær eru leiðar
yfir því að barnabarnið skuli eftir
skilnað foreldranna vera í jóla-
boði annars staðar en í staðinn er
kannski stjúpömmubarn nýs maka
með í jólaboðinu. Þetta getur tekið
á ef ekki hefur verið rætt um þetta
fyrirfram.“
Björk, sem veitir ráðgjöf hjá
Félagi stjúpfjölskyldna, segir einn-
ig jólagjafir vera ásteytingarstein.
„Ömmur og afar og jafnvel stjúp-
foreldrar velta oft fyrir sér hvort
stjúpbörnin eigi að fá jafnverðmæt-
ar gjafir og hin börnin þar sem þau
fá nefnilega oft fleiri gjafir. Það
sem skiptir máli er að börn sem
eru saman þegar jólagjafirnar eru
teknar upp fái jafnverðmætar gjaf-
ir frá sama aðila. Systkini bera sig
saman og auðvitað gera stjúpsystk-
ini það líka og þetta er viðkvæmara
þegar þau eiga í hlut. Aðalatriðið er
að gæta hófs á öllum sviðum.“
Að sögn Bjarkar eru ekki allir
sammála þessum ráðum henn-
ar. „Sumir lýsa yfir þeirri skoðun
sinni að þeirra eigið barnabarn eigi
að fá verðmætari gjöf. En þá bendi
ég á að það er hægt að dreifa gjöf-
um yfir árið. Ef barnabarnið eða
stjúpbarnabarnið vantar til dæmis
yfirhöfn, kuldaskó eða aðra dýra
hluti er hægt að taka þátt í kaup-
um á slíku á öðrum tímum ársins.“
Börnin hafa oft áhyggjur af því
hvar þau eigi að vera á jólunum
séu samskiptin milli foreldranna
stirð, að því er Björk greinir frá.
„Það er afar mikilvægt að vanda
sig, bera virðingu hvert fyrir öðru
og ná samkomulagi, alveg eins og
í öðrum fjölskyldum. Síðan þarf
að ræða við börnin og segja þeim
hvernig fyrirkomulagið verður. Það
er jafnframt mikilvægt að segja
börnunum að mamman og pabb-
inn séu búin að ræða saman um
þetta þannig að þau séu ekki í því
hlutverki að bera skilaboð á milli.
Svo er gott að hafa í huga að það er
hægt að gera ýmislegt skemmtilegt
með börnunum sem þau eru vön að
gera dagana fyrir jólin. Það má
ekki gleyma því að þau eru vana-
föst alveg eins og fullorðna fólkið.
Þetta á allt að snúast um það sem er
börnunum fyrir bestu. Fólk leysir
þetta eftir þeim bjargráðum sem
hver fjölskylda hefur.“
ibs@frettabladid.is
Í hvaða jólaboðum
eiga börnin að vera?
Samkomulag um fyrirkomulag á jólunum kemur í veg fyrir togstreitu og áhyggjur
í stjúpfjölskyldum, segir félagsráðgjafi. Börnin eiga ekki að bera skilaboð á milli.
JÓLABOÐ Mikilvægt er að ræða fyrirfram við börn í stjúpfjölskyldum hvernig jóla-
haldið verður. NORDICPHOTOS/GETTY
Heitar umræður um trúfrelsi
verða oft við skólaslit og um
hátíðir í Svíþjóð þegar skólabörn
koma saman í kirkjum. Skiptar
skoðanir hafa verið um hvort
leyfilegt sé samkvæmt lögum
að koma saman í kirkjum þegar
skólastarfi lýkur. Þess vegna
hefur sænska ríkisstjórnin lagt
til að skerpt verði á því í lögum
um skólastarf að slíkt sé leyfi-
legt. Þátttaka prests á að vera
leyfileg og nemendur og kenn-
arar eiga að fá að syngja sálma.
Þeir nemendur sem ekki vilja
taka þátt í slíku þurfa þess ekki.
Í fréttatilkynningu frá sænska
menntamálaráðuneytinu segir
að um sé að ræða hefðir sem séu
hluti af menningararfinum og að
það sé eitt af hlutverkum skólans
að halda þeim við.
Ríkisstjórn Svíþjóðar vill skerpa á skólalögum:
Skólaslit verði leyfð
í sænskum kirkjum
Eftir að jólatréð hefur verið keypt og þangað til
það er tekið í hús til skreytingar er best að geyma
það á köldum og skjólsælum stað.
Á vefsíðu Skógræktarfélags Eyfirðinga segir að
gott sé að saga sneið neðan af stofninum til að fá
nýtt sár og einnig að tálga börkinn af neðstu 5-10
cm stofnsins. Síðan á að láta tréð standa í snarp-
heitu vatni í um 10 mínútur áður en það er sett í
fót með vatni. Tekið er fram að suðumeðferðina
þurfi ekki að nota á þini og furur.
Greint er frá því að mikilvægt sé að fylgjast vel
með því fyrstu dagana að nægt vatn sé í fætin-
um því tréð dragi til sín mikinn vökva fyrst eftir
þessa aðgerð.
Á þin- og furutrjám er nægilegt að saga sneið
neðan af stofninum og gæta þess síðan að ávallt sé
vatn í fætinum.
Rauðgreni – með réttri meðhöndlun má auka barr-
heldni rauðgrenis verulega.
Stafafura – barrfellir er ekki vandamál á furu-
trjám. Sérstök meðhöndlun á furu er því óþörf.
Norðmannsþinur – þessi tegund hefur þá kosti að
fella ekki barr. Ekki þarf sérstaka meðferð til að
tryggja barrheldni Norðmannsþins.
Rétt meðhöndlun jólatrjáa er mikilvæg:
Nægt vatn nauðsynlegt fyrstu
dagana til að tryggja barrheldni
HÁTÍÐ Eitt af hlut-
verkum skólans er
að halda við hefð-
um, samkvæmt
mati sænsku ríkis-
stjórnarinnar.
NORDICPHOTOS/GETTY
JÓLATRÉÐ
SÓTT Vinsælt
er að sækja sér
jólatré í Heið-
mörk.
FRÉTTABLAÐIÐ/ANTON
Þetta á
allt að snúast
um það sem
er börnunum
fyrir bestu.
Björk Erlendsdóttir
félagsráðgjafi.
EKKI SKAFA
SKÍTINN
Rain-X verndar bílinn gegn frosti og tjöru
Rain-X sparar tíma við að skafa
Hreinn bíll eyðir allt að 7% minna eldsneyti
Við erum á sex stöðum á höfuðborgarsvæðinu
www.lodur.is - Sími 544 4540