Fréttablaðið - 20.12.2013, Qupperneq 90

20. desember 2013 FÖSTUDAGUR| SPORT | 66
HANDBOLTI Hanna Guðrún Stefánsdóttir,
hornamaður Stjörnunnar, er besti hraða-
upphlaupsleikmaður og einnig duglegasti
leikmaðurinn í Olísdeild kvenna að mati
þjálfara deildarinnar. Reynsluboltinn
hefur staðið sig vel með toppliði Stjörn-
unnar það sem af er leiktíð. Liðið er tap-
laust í deildinni og vann deildarbikarinn
um síðustu helgi.
„Árangurinn hefur ekki komið á óvart.
Við erum með hörkuhóp og tvo til þrjá
leikmenn í hverja stöðu,“ segir Hanna
Guðrún. Rúm tvö ár eru síðan leggja átti
niður kvennalið Garðabæjarliðsins sökum
rekstrarvandamála. Hanna gekk í raðir
Stjörnunnar árið áður og segir það hafa
verið áfall þegar leggja átti liðið niður.
Árangurinn nú sé þeim mun skemmtilegri
fyrir vikið.
„Við stelpurnar sem urðum eftir ákváð-
um að gefast ekki upp,“ segir Hanna en
nokkrir lykilmenn gengu til liðs við önnur
félög. Nú séu fyrrverandi leikmenn komn-
ir heim eftir veru hjá öðrum félögum og
aðrir úr fæðingarorlofi. „Það er ótrúlegt
hvað hefur ræst úr liðinu,“ segir aldurs-
forsetinn 34 ára. Aldursbilið í hópnum
er mikið eða sautján ár en Hanna leggur
áherslu á að allar séu jafnar í liðinu. „Það
er engin drottning í liðinu,“ segir fyrir-
liðinn.
Hanna segir liðið samstilltara en í fyrra
þegar miklar breytingar voru gerðar fyrir
mót. Liðið fór þó í úrslit á Íslandsmótinu
en tapaði fyrir Fram. Nú er markmiðið
skýrt. Titillinn á að koma heim í Garðabæ.
Finnst ég eiga heima í landsliðinu
„Það er ekkert leyndarmál. Við förum í
alla leiki til þess að vinna,“ segir Hanna.
Úrslitaleikurinn gegn Gróttu um helgina
hafi verið áfangi enda voru Seltirningar
eina liðið sem Stjarnan hafði ekki mætt
á leiktíðinni. Grótta hefur staðið sig vel
en Stjarnan reyndist of stór biti í úrslita-
leiknum.
„Það var ákveðinn prófsteinn fyrir
okkur og við stóðumst hann mjög vel.“
Hanna er margreyndur landsliðsmaður
og hefur verið í lykilhlutverki um árabil.
Hún var hins vegar ekki valin í landsliðið
fyrir leikina gegn Slóvakíu og Finnlandi
í undankeppni EM í október. Þegar Ásta
Birna Gunnarsdóttir meiddist var Hanna
kölluð inn í hennar stað.
„Mér finnst ég alltaf eiga heima í
landsliðinu á meðan ég er í toppstandi,“
segir Hanna. Landsliðsþjálfarinn Ágúst
Jóhannsson hafi viljað gefa yngri leik-
mönnum tækifæri og hún skilji það. Þjálf-
arinn ráði ferðinni.
„Maður er samt alltaf fúll að vera ekki
valinn.“
Var sett í hægra hornið
Flestir þekkja Hönnu sem rétthentan
hægri hornamann en hún hefur bæði
spilað á miðjunni og mest í vinstra horn-
inu með Stjörnunni í vetur. Samkeppnin
í hægra horninu er mikil eftir að Sólveig
Lára Kjærnested sneri aftur í vor úr fæð-
ingarorlofi.
„Við reyndum að nýta okkar lið eins
vel og hægt er,“ segir Hanna. „Þetta er
tilraun fyrir mig því þótt ég sé rétthent
er ég rosalega örvhent,“ segir Hanna og
hlær. Til þessa hafi hún spilað 35 mínút-
ur í vinstra horninu í landsleik en annars
alltaf hægra megin. Hún hefur spilað nán-
ast allar stöður á vellinum á ferlinum en í
yngri flokkum var hún ýmist markvörður
eða miðjumaður. Það breyttist er hún hóf
að spila með meistaraflokki Hauka þegar
hún var fimmtán ára.
„Þá vantaði hægri hornamann í liðið. Þá
sagði einhver að Hanna gæti spilað alls
staðar. Svo ég var sett í hægra hornið og
hef verið þar síðan,“ segir Hanna. Dugleg-
asti leikmaður deildarinnar segir áhuga
sinn og metnað alltaf jafnmikinn.
„Það breytist ekkert og ég er ennþá
í mínu fantaformi ef þannig má að orði
komast. Ég er líka ótrúlega heppin því ég
þarf ekki að hafa mikið fyrir því að koma
mér í form.“
kolbeinntumi@frettabladid.is
Engin drottning í Stjörnunni
Eft ir tæpa tvo áratugi í hægra horninu er Hanna Guðrún Stefánsdóttir byrjuð að spila í því vinstra. Hanna
segir fúlt þegar hún sé ekki valin í landsliðið og ekkert leyndarmál að Íslandsmeistaratitillinn sé markmiðið.
Hanna var valin besti hraðaupphlaupsleikmaðurinn og duglegasti leikmaðurinn af þjálfurum deildarinnar.
KÖNNUN FRÉTTABLAÐSINS MEÐAL ÞJÁLFARA OLÍS-DEILDAR KVENNA Í HANDBOLTA HVER ER BESTA HRAÐA-
UPPHLAUPSKONAN Í
OLÍS-DEILD KVENNA?
1. Hanna G. Stefánsdóttir, Stjörnunni 49 stig
(Hún fékk 9 atkvæði í fyrsta sæti)
2. Solveig Lára Kjærnested, Stjörnunni 18 (2)
3. Unnur Ómarsdóttir, Gróttu 13 (1)
4. Guðbjörg Guðmannsdóttir, ÍBV 8
5. Steinunn Snorradóttir, FH 6
5. Karólína Bæhrenz Lárudóttir, Val 6
7. Ásta Birna Gunnarsdóttir, Fram 4
8. Sigurbjörg Jóhannsdóttir , Fram 3
9. Sigríður Hauksdóttir, HK 1
Þjálfarar deildarinnar tilnefndu þrjá leikmenn
(ekki úr eigin liði) í 1., 2. og 3. sæti. Fyrsta sætið
fékk 5 stig, annað sætið fékk 3 stig og þriðja
sætið fékk 1 stig. Leikmenn gátu mest fengið
55 stig.
HVER ER DUGLEGASTI
LEIKMAÐURINN Í OLÍS-
DEILD KVENNA?
1. Hanna G. Stefánsdóttir, Stjörnunni 25 stig
(Hún fékk 4 atkvæði í fyrsta sæti)
2. Steinunn Björnsdóttir, Fram 18 (3)
3. Florentina Grecu, Stjörnunni 10 (2)
4. Guðbjörg Guðmannsdóttir, ÍBV 6 (1)
5. Hildur Björnsdóttir, Fylki 5 (1)
6. Hrafnhildur Ósk Skúladóttir, Val 4
6. Lene Burmo Skredderstuen, Gróttu 4
6. Berglind Ósk Björgvinsdóttir, FH 4
9. Kristín Guðmundsdóttir, Val 3
9. Anna Úrsúla Guðmundsdóttir, Val 3
9. Rebekka Rut Skúladóttir, Val 3
9. Steinunn Snorradóttir, FH 3
9. Sandra Sif Sigurjónsdóttir, Stjörnunni 3
9. Sigurbjörg Jóhannsdóttir , Fram 3
15. Karen Helga Sigurjónsdóttir, Haukum 1
15. Valgerður Ýr Þorsteinsdóttir, HK 1
15. Hekla Daðadóttir, Aftureldingu 1
15. Esther Viktoría Ragnarsdóttir, Stjörnunni 1
15. Unnur Ómarsdóttir, Gróttu 1
Þjálfarar deildarinnar tilnefndu þrjá leikmenn
(ekki úr eigin liði) í 1., 2. og 3. sæti. Fyrsta sætið
fékk 5 stig, annað sætið fékk 3 stig og þriðja
sætið fékk 1 stig. Leikmenn gátu mest fengið
50 stig en 11 af 12 þjálfurum gáfu atkvæði fyrir
duglegasta leikmanninn.
FYRIRLIÐINN Hanna Guðrún er
mikill leiðtogi og þekkir vel að vera
fyrirliði hjá sínu liði. Hún tók við því
hlutverki hjá Haukum þegar Harpa
Melsted lagði skóna á hilluna og
gegnir því nú í Garðabænum.
FRÉTTABLAÐIÐ/VILHELM
KÖRFUBOLTI Jaleesa Butler hefur
spilað sinn síðasta leik fyrir Val
en Ágúst Björgvinsson, þjálfari
kvennaliðs Vals, hefur ákveð-
ið að skipta um bandaríska leik-
mann Hlíðarendaliðsins fyrir
seinni hluta Dominos-deildar
kvenna í körfubolta.
Jaleesa Butler var á sínu
þriðja tímabili hjá Ágústi og á
sínu fjórða tímabili á Íslandi
en hún skilaði ekki sömu tölum
og á hinum þremur tímabilum
sínum í deildinni.
Jaleesa Butler var með
16,7 stig, 11,9 fráköst og 4,6
stoðsendingar að meðal-
tali í leik í vetur en Vals-
liðið vann aðeins 6 af 14
leikjum sínum fyrir mót
eftir að hafa verið spáð
Íslandsmeistaratitlinum
fyrir mót. Butler átti frábæra
innkomu í Valsliðið á miðju síð-
asta tímabili en þá var hún með
20,4 stig og 15,2 fráköst að með-
altali í leik.
Ágúst er búinn að finna nýjan
bandarískan leikmann til þess
að fylla skarð Butler en sú spil-
ar ekki sömu stöðu. Butler spilar
vanalega nálægt körfunni en nú
mun Valsliðið tefla fram banda-
rískum bakverði.
Anna Martin mun leysa Butl-
er af en Martin útskrifaðist úr
DePaul-háskólanum síðasta vor.
Martin var með 13,8 stig og 2,8
stoðsendingar að meðaltali í 127
leikjum með skólanum.
Martin er sjötti stigahæsti
leikmaður DePaul-háskólans frá
upphafi en hún er enn fremur í
5. sæti yfir flestar þriggja stiga
körfur og í 6. sæti yfir flest-
ar stoðsendingar. Anna Martin
skoraði tíu stig eða meira í 89
af 127 leikjum sínum með skól-
anum en hún byrjaði inn á í 116
leikjum.
Anna Martin mun væntanlega
spila sinn fyrsta leik með Val
þegar liðið heimsækir KR hinn
5. janúar næstkomandi. - óój
Anna Martin með Val á nýju ári
Jaleesa Butler hefur spilað sinn síðasta leik með Val í kvennakörfunni í vetur
Á LEIÐ TIL ÍSLANDS Anna Martin
spilaði með DePaul-háskólanuim
undanfarin fjögur ár.
MYND/NORDICPHOTOS/GETTY
Helmingur liða í Dominos-deild kvenna hefur nú skipt
um bandarískan leikmann en þrír nýir leikmenn fá
að spreyta sig í deildinni í upphafi nýs árs. KR reið á
vaðið og skipti um Kana efir aðeins fjórar umferðir en
Grindavík, Njarðvík og Valur nýta öll jólafríið til
að taka inn nýjan leikmann. Skiptin heppnuðust
vel hjá KR en Vesturbæjarkonur hafa unnið 5
af 7 leikjum sínum síðan Ebone Henry mætti á
klakann. Henry var reyndar skelfileg í fyrsta leik
(5 stig, hitti úr 2 af 26 skotum) en hefur skilað
mjög flottum tölum eftir það.
MEÐALSKOR BANDARÍSKU LEIKMANN-
ANNA Í DOMINOS-DEILD KVENNA:
1. Lele Hardy, Haukum 29,6
2. Ebone Henry, KR 25,1
(Kom ný í nóvember)
3. Chynna Brown, Snæfelli 23,1
4. Di‘Amber Johnson, Hamar 22,5
5. Porsche Landry, Keflavík 21,8
6. Kelli Thompson, KR 19,8
(Látin fara í október)
6. Jasmine Beverly, Njarðvík 18,9
(Látin fara í desember)
7. Lauren Oosdyke, Grindavík 18,1
(Látin fara í desember)
8. Jaleesa Butler, Valur 16,7
(Látin fara í desember)
Fjögur af átta liðum hafa skipt um Kana
SEND HEIM
Jaleesa
Butler
verður
ekki
meira
með í
vetur.