Fréttablaðið - 17.01.2014, Blaðsíða 26

FRÉTTABLAÐIÐ Heilsa og Heimafæðing. Þorbjörg Hafsteinsdóttir. Kökunámskeið. Helgarmaturinn og Spjörunum Úr.
4 • LÍFIÐ 17. JANÚAR 2014
Á nýju heilsuári setjum við okkur ávallt ný markmið
og stefnu. Heilsan skiptir okkur öll miklu máli og því
er nauðsynlegt að hlúa vel að líkama og sál. Besta leið-
in er að byrja að hreyfa sig og breyta rólega um mat-
aræði, setja sér raunhæf markmið og fylgja þeim
eftir. Gott er byrja á því að fá leiðbeiningar hjá einka-
þjálfara svo að framkvæmd við æfingar séu réttar.
Finna sér æfingafélaga sem gerir það að verkum að
æfingarnar verða skemmtilegri því félagslegi þáttur-
inn leikur stórt hlutverk í vellíðan og skemmtun við
æfingar. Aðalatriðið er að gefast ekki upp þótt á móti
blási og halda ávallt áfram. Stundum koma nokkrir
erfiðir dagar og þá er ráð að stíga eitt skref aftur og
tvö skref áfram.
Hér eru 10 góðir heilsupunktar í lífi og starfi
fyrir ykkur, kæru lesendur
1 Setjum okkur og heilsuna í fyrsta sætið!2 Heilsan skiptir okkur öll máli, því er nauðsyn-legt að hlúa vel að henni og hlusta á líkamann.
3 Leyfum okkur að dekra við líkamann t.d. fara í nudd, sund eða það sem hentar þér til að ná betri
líðan. Vellíðan öðlumst við einnig með vaxandi sjálfs-
trausti sem eykst þegar við ræktum líkama og sál.
4 Verum sátt við sjálf okkur. Þegar við erum sátt við lífið og tilveruna þá virðast allar dyr opnar og
möguleikar lífsins verða endalausir! Göngum um dyr
lífsins og njótum þess að vera til og lifa heilbrigðu lífi.
5 Andlegt og líkamlegt jafnvægi skapast með hreyf-ingu og að borða rétt fæði.
6 Skipuleggjum okkur betur, þá skapast meiri tími og svigrúm til að stunda hreyfingu og tómstundir
sem við viljum iðka.
7 Verið óhrædd að prófa nýja hreyfingu, líkamsrækt eða íþróttir á nýju heilsuári. Farðu út að skokka,
synda, ganga, dansa eða kynnast nýrri heilsurækt.
8 Lyftingar og að stunda heilsurækt er besta for-vörnin við beinþynningu. Við lyftingar þá styrkjum
við vöðvafestur og byggjum upp vöðvaþol og styrk.
Markmiðið er að byggja upp líkamann til að forð-
ast hættu á meiðslum. Því eru lyftingar og hreyfing í
hvaða formi sem er öllum nauðsynleg.
9 Sjáum okkur eins og við erum. Verum gagnrýnend-ur á okkar störf og því gerendur í leiðinni og fram-
kvæmum. Þegar okkur líður betur með líkama og
sál þá verða allir hlutir auðveldari og lífið leikur við
okkur.
10 Setjum okkur markmið með því að skipuleggja okkur og ná árangri. Sjálfsmynd þín verður
sterkari þegar sjálfstraust þitt vex og dafnar við það
eitt að leggja rækt við sjálfan þig og byrja að hugsa
um heilsuna strax í dag.
HEILSA FÉLAGSLEGI ÞÁTTURINN
LEIKUR STÓRT HLUTVERK
Unnur Pálmarsdóttir, stöðvarstjóri World Class á Seltjarnarnesi, fer yfi r nokkur mikilvæg
atriði sem vert er að hafa í huga hvað heilsu og vellíðan í lífi og starfi á nýju ári varðar.
Unnur Pálmarsdóttir FRÉTTABLAÐIÐ/DANÍEL
Haraldur Magnússon hefur sérhæft
sig sem streitu-og vellíðunarráð-
gjafi frá Canadian Institute of Stress
og heldur námskeið í streitustjórn-
un sem ber nafnið Náðu tökum á
stressi – einfaldar leiðir til betra lífs.
Dagsdaglega starfar hann sem ost-
eópati, sem þýðir að hann með-
höndlar og leysir stoðkerfisvanda-
mál hjá viðskiptavinum sínum sem
eru jafnan með verki í hálsi, baki
og ýmis krónísk tilvik. Harald-
ur segir að hægt sé að flokka fólk
niður í sex mismunandi stress-týpur
en námskeið hans byggir á því að
þú lærir að þekkja þig sem stress-
manneskju og færð verkfæri til þess
að slaka á svo stressið nái ekki yfir-
hendinni.
„Eftir nokkur ár við að með-
höndla fólk tók ég greinilega eftir
því að manneskju, sem var undir miklu álagi eða var neikvæð gagnvart
ástandi sínu, farnaðist mun verr en þeim sem var jákvæður og tók yfir-
vegað á vandamálum sínum. Það er greinilegt að hugarfar fólks gagn-
vart vandamálum sínum er stór þáttur í alhliða heilbrigði manneskjunnar.
Samspil hugar og líkama er ótrúlegt fyrirbæri,“ segir Haraldur.
En hvað er eiginlega stress? Haraldur segir að skilgreiningarnar séu
margþættar en einna helst er stress breyttar aðstæður eða álag sem
manneskjan þarf að laga sig að. Streita er því persónubundin. „Dæmi
um stress getur verið að kaupa sér hús, andlát maka, veikindi, fjármál,
slæmt mataræði, koma börnunum í skóla og svo á æfingu eða samskipti
við börnin sín og maka. Það sorglega við það er að við erum alltaf að
hugsa um heilsuna hvað varðar mataræði og hreyfingu en streitan er lyk-
illinn að heilbrigðu líferni. Það má ekki gleyma því að það sem við köll-
um stress er eðlilegur hluti af lífi hverrar manneskju og mun alltaf vera
til staðar í mismunandi formi. Okkar hlutverk er hins vegar að lágmarka
slæm áhrif þess og hámarka jákvæðu áhrifin.“
Það er alkunna að stress er óhollt og veldur skaðlegri niðurbrjótandi
hversdagshegðun. Margar rannsóknir tengja stress við offitu og stærsta
hluta af öllum heimsóknum til heimilislæknis má rekja til streitu.
„Hið dæmigerða meðal við streitu er að finna eitthvert ráð til að slaka
á, djúpslökun eða íhugun, setja sér raunhæfari markmið og halda sig við
jákvæðar dagsdaglegar rútínur. Mikilvægt er að spyrja sjálfan sig: hvað
vil ég fá út úr lífinu? Slökun er góð, en galdurinn liggur í að nota sönnuð verk-
færi til að kljást við streitu nær uppruna sínum á þann veg sem hentar þér persónu-
lega.“
Hægt er að nálgast upplýsingar um námskeiðið á vefsíðu Lifandi mark-
aðar, www.lifandimarkadur.is
HEILSA ANDLEGT
JAFNVÆGI Í FORGANG
Haraldur Magnússon ráðleggur hvernig hægt er að
vinna bug á streitu með réttu hugarfari og réttum verk-
færum og bendir á að stress getur verið vinur þinn.
Haraldur Magnússon, streitu- og vel-
líðunarráðgjafi.
Þ
etta byrjaði sem lítil
fræðslumynd sem ég ætlaði
að taka í fæðingarorlofinu
mínu fyrir tæpum tveimur
árum, en vinkona mín benti
mér á að það væri ákveðin vönt-
un á umfjöllum um heimafæðing-
ar vegna ýmissa ranghugmynda í
samfélaginu,“ segir Dögg Móses-
dóttir kvikmyndagerðarkona. Sjálf
ætlaði Dögg að eiga sitt barn heima
en hún endaði í bráðakeisara uppi
á Landspítala. „Ég prófaði eigin-
lega tvær fæðingar í einni og fékk
reynslu bæði af spítala og heima-
fæðingu. Ég var svo fegin að vera
eins lengi og ég gat heima.“ Dögg
segir að ranghugmyndirnar snúist
oft um það að fólk haldi að heima-
fæðing sé subbuleg og hættuleg
en það sé fjarri lagi. Ljósmæðurn-
ar beri mikla virðingu fyrir kon-
unni og hlutverki hennar í fæðing-
unni. Þær sjái um öll þrif og leggja
ríka áherslu á fyrstu tengslin milli
barnsins og foreldranna. Dögg
er hálfnuð með myndina og
segir þetta eldfimt við-
fangsefni þar sem marg-
ir innan heilbrigðisgeir-
ans séu ekki sérlega
hrifnir af heimafæð-
ingu. „Það eru skipt-
ar skoðanir á þessu og
það er sennilega ástæð-
an fyrir því hve erfitt er
að fá fjármagn í myndina
því hún er óvenjuleg.“ Dögg
hvetur konur til að kynna sér
nánar möguleikana hjá Mæðra-
verndinni og óskar eftir að fá að
vera viðstödd fleiri heimafæðingar.
Arney Þórarinsdóttir og Hrafn-
hildur Halldórsdóttir eru sjálf-
stæðar ljósmæður hjá Björkinni
og vinna eingöngu í heimafæð-
ingum. Arney segir heimafæð-
ingar einungis vera fyrir hraust-
ar konur og bendir á að heimafæð-
ingar hafi aukist undanfarin ár þar
sem konur séu orðnar meðvitaðar
um valið. Í kringum 2% allra fæð-
inga á Íslandi eru heimafæðingar
sem er hærra hlutfall en á hinum
Norðurlöndunum. „Margar konur
eru hræddar við spítala sem getur
haft áhrif á framgang fæðingar-
innar en í heimafæðingu eru konur
FÆÐINGAR ÞITT ER VALIÐ!
Dögg Mósesdóttir vinnur að heimildarmyndinni Valið, en myndin fjallar um val kvenna á
fæðingarstöðum á Íslandi. Hún óskar eftir styrkjum til að ljúka myndinni á Karolinafund.
Arney Þórarinsdóttir og Hrafnhildur Halldórsdóttir.
í umhverfi sem þær þekkja og eru
öruggar í. Við ljósmæður erum
með ýmislegt í töskunni en við
notum enn vatnið númer eitt, tvö
og þrjú sem verkjastillandi,“ segir
Arney Þórarinsdóttir.
Hægt er að styrkja verkefnið á
Karolinafund http://www.karolina-
fund.com/project/view/191 en
einnig geta velunnarar lagt beint
inn á reikning 0321-26-8010
kt. 1903792999.
Dögg Mósesdóttir
kvikmyndargerðakona
Vikuna 15. – 21. nóvember
30%
AFSLÁTTUR
AF VÖLDUM HÖNSKUM
FRÉTTABLAÐIÐ/GVA
Heimafæðing í gangi.
F
R
É
T
TA
B
LA
Ð
IÐ
/G
VA