Fréttablaðið - 17.01.2014, Blaðsíða 8

17. janúar 2014 FÖSTUDAGUR| FRÉTTIR | 8
1. Í hvaða landi er fjármálaráðherr-
ann sem vill fremur úrsögn úr ESB en
evruna?
2. Um hversu mörg prósent jókst sala
á rafbílum í fyrra?
3. Hver leikstýrði tónlistarmyndbandi
Ylju við lagið Út?
SVÖR:
1. Bretlandi. 2. 258 prósent. 3. Erlendur
Sveinsson.
Fróðleikur og frábærar uppskriftir
ALÞINGI Sex þingmenn Framsókn-
arflokksins hafa lagt fram frum-
varp um stofnun Lagaskrifstofu
Alþingis. Hlutverk hennar verði
að „samræma reglur um samn-
ingu lagafrumvarpa og annan
undirbúning löggjafarmála“ með
það að sjónarmiði að frumvörp
standist til dæmis stjórnarskrá,
gildandi lög og alþjóðasamninga.
Auk þess að ganga úr skugga um
að frumvörp séu nákvæm og skýr
og gjaldtökuheimildir skýrar.
Í greinargerð er tekið fram að
rétt sé að komið verði upp sjálf-
stæðri stofnun og mikilvægt að
koma í veg fyrir að óvönduð frum-
vörp verði að lögum. Í athuga-
semdum segir að sum lög hafi
gengið gegn stjórnarskrá, eða haft
aðra „lagatæknilega galla“. Laga-
skrifstofa muni auk þess efla stöðu
Alþingis í stjórnskipan, styrkja
lýðræði og auka virðingu ríkis-
stofnana.
Skrifstofan skal verða skipuð
fimm lögfræðingum, þar af tveim-
ur lagaprófessorum. - þj
Frumvarp framsóknarþingmanna undir forystu Vígdísar Hauksdóttur:
Leggja til stofnun lagaskrifstofu
DANMÖRK Nokkrir félagar í sið-
fræðiráði danskra lækna auk
fleiri lækna skora nú á stjórn-
málamenn í Danmörku að leyfa
ættleiðingu frjóvgaðra eggja.
Þeir segja það ekki siðfræðilega
rétt að á hverju ári séu þúsund-
ir frjóvgaðra eggja, sem verða
afgangs við tæknifrjóvgun, eyði-
lagðar.
Yfirlæknirinn Jakob Ingerslev
segir á vef Kristilega dagblaðsins
að ættleiðing eggjanna sé í sam-
ræmi við ættleiðingu barna. - ibs
Áskorun danskra lækna:
Frjóvguð egg
verði ættleidd
HÚSNÆÐISMÁL Bæjarráð Hafnarfjarðar hefur sam-
þykkt að leita leiða til að tryggja framboð af hag-
kvæmu og öruggu húsnæði til leigu og kaups fyrir
núverandi og komandi kynslóðir ungs fólks. Forsenda
þess er meðal annars að leigjendur íbúðarhúsnæðis
hafi möguleika á langtímaleigu til að tryggja búsetu-
öryggi sitt til langs tíma.
Tilgangurinn er að stuðla að sveigjanlegum hús-
næðismarkaði sem tryggi öllum öruggt íbúðarhús-
næði á viðráðanlegu verði. Leita á eftir samstarfs-
hugmyndum frá einkaaðilum og fjárfestum, frjálsum
félagasamtökum og öðrum sem hafa það að markmiði
að byggja hagkvæmt og öruggt leiguhúsnæði til fram-
tíðar.
Bæjarráðið samþykkti að fela skipulags- og bygg-
ingaráði að leggja fram tillögur um lóðir sem henta til
uppbyggingar minni og hagkvæmari leiguíbúða. Hefj-
ast á handa strax og hefur bæjarstjóra verið að falið
að hefja undirbúning verkefnisins og móta umgjörð
þess fyrir næsta fund bæjarráðs. - jme
Bæjarráð Hafnarfjarðar samþykkir að leita leiða til að byggja ódýrar íbúðir:
Húsnæði á viðráðanlegu verði
NÝJAR ÍBÚÐIR Fela á skipulags- og byggingaráði Hafnar-
fjarðar að finna lóðir sem henta fyrir litlar leiguíbúðir.
FRÉTTABLAÐIÐ/STEFÁN
IÐNAÐUR Viðskiptasmiðjan Start-
up Energy Reykjavík (SER)
opnaði í gær fyrir umsóknir um
fjármögnun og stuðning vegna
verkefna í orkutengdum iðnaði
og þjónustu. Allt að sjö nýsköp-
unarverkefni verða valin. Í mars
hefjast tíu vikna æfingabúðir í
Háskólanum í Reykjavík.
Landsvirkjun, Arion Banki,
klasasamstarfið GEORG og
Nýsköpunarmiðstöð Íslands koma
að fjármögnun verkefnisins. - hg
Startup Energy Reykjavík:
Opnað fyrir
umsóknir í gær
JARÐVARMI Íslenski jarðvarmaklasinn
og Klak Innovit sjá um verkefnið.
FRAMSÖGUMAÐUR Vigdís Hauksdóttir
er framsögumaður frumvarpsins um
stofnun Lagaskrifstofu Alþingis.
FRÉTTABLAÐIÐ/GVA
MATVÆLAIÐNAÐUR Tilmæli aðal-
stöðva Pizza Hut í Bandaríkjun-
um eru að vísvitandi skuli gera
misfellur í útliti á pitsum sem
seldar eru undir merkjum fyrir-
tækisins. Fréttaveita AP segir að
merki um þetta kunni að vera loft-
bólur og ostslettur á skorpu, allt
til þess að undirstrika að flatbök-
urnar séu búnar til á staðnum.
A P hefu r
eftir Carrie
Walsh, yfir-
markaðsstjóra
Pizza Hut, að
nú sé hluti af
þjá lfun nýs
starfskrafts að
innræta „aukið
frelsi“ þegar
flattir eru út
pitsubotnar. Kökukefli hafa til
dæmis verið gerð útlæg. Mark-
miðið er að maturinn líti betur út
og hafi ekki á sér það yfirbragð
að hafa komið af færibandi ein-
hvers staðar.
Sums staðar í heiminum hefur
þess orðið vart að fólk snúi baki
við unninni matvöru og skyndi-
bita sem þyki einsleitur og hafi
ávallt sömu lögun.
Þórdís Lóa Þórhallsdóttir, eig-
andi og framkvæmdastjóri Pizza
Hut á Íslandi og í Finnlandi,
segir tilmæli markaðsdeildar
höfuðstöðva Pizza Hut í Banda-
ríkjunum eiga misvel við eftir
markaðssvæðum.
„Hjá okkur, og í báðum lönd-
um, er hver einasta pitsa búin til í
höndunum, en þetta eru áhyggjur
sem þeir hafa haft í Bandaríkjun-
um og í Kína,“ segir Þórdís Lóa
og kveðst efast um að hér hafi
nokkrum manni dottið í hug að
pitsur fyrirtækisins kæmu frosn-
ar og tilbúnar.
„Hins vegar þegar koma línur
um eitt og annað frá Pizza Hut þá
fylgjum við því ef það á við mark-
aðinn sem við erum á,“ segir Þór-
dís Lóa. Pizza Hut sé gríðarlega
stórt, eitt af hundrað þekktustu
vörumerkjum heims og með um
fimmtán þúsund sölustaði um
heim allan. Í slíku umfangi geti
komið upp ólíkir hlutir sem taka
þurfi á. Þannig hafi Kínverj-
ar þurft að taka niður salatbari
og hætta með hádegishlaðborð
vegna hamsturs viðskiptavina.
„Þá kom kannski einhver og bjó
til fjall úr salatskálunum og svo
borðaði heil fjölskylda af því.“
Sem dæmi um fylgni við alþjóð-
lega staðla Pizza Hut bendir Þór-
dís Lóa á að núna sé verið að ljúka
innleiðingu á þjálfunarkerfi sem
búið sé að myndgera í tölvu. „Svo-
lítið eins og verið sé að leika tölvu-
leik. Þetta kemur beint frá Dallas
og fer þvert yfir allan heiminn.“
Hér heima er sem stendur einn
Pizza Hut-veitingastaður, en úti
í Finnlandi rekur Þórdís Lóa níu
staði. Hún segir þó ekki loku
fyrir það skotið að stöðum fjölgi
á Íslandi eftir því sem hagkerfið
réttir úr kútnum.
olikr@frettabladid.is
Tilmæli um að pitsur
séu með útlitsgöllum
Tilbúnir útlitsgallar eru taldir munu ýta undir sölu á flatbökum Pizza Hut í Banda-
ríkjunum og víðar. Fólk forðast í auknum mæli fjöldaframleiddan mat. Áhyggjur
sem eiga við annars staðar en í Evrópu, segir framkvæmdastjóri Pizza Hut á Íslandi.
PITSUSNEIÐ Sums staðar er það talið geta ýtt undir ranghugmyndir um fjöldaframleiðslu og færibönd ef skyndibiti er of eins-
leitur. Pizza Hut hefur gripið til sinna ráða. FRÉTTABLAÐIÐ/E.ÓL.
ÞÓRDÍS LÓA
ÞÓRHALLS-
DÓTTIR
ALÞINGI Miðað við stöðuna
í fangelsismálum eru von-
brigði að ekki hafi verið skoð-
aðir möguleikar á að innrétta
fangelsi í lausum byggingum á
Ásbrú, gamla varnarsvæðinu í
Reykjanesbæ. Þetta sagði Karl
Garðarsson, þingmaður Fram-
sóknarflokksins, á þingi í gær.
Þar varpaði hann fram spurn-
ingu til innanríkisráðherra
hvort, í ljósi þess að 500 manns
séu á biðlista eftir afplánun í
fangelsum og fyrirhugað fang-
elsi á Hólmsheiði muni aðeins
rúma um 50 fanga, ekki hafi
verið teknir út möguleikar á
Ásbrú.
Ráðherra sagði svo ekki vera
og svaraði Karl því til að hann
væri undrandi á því að svo hefði
ekki verið gert.
- þj
Þingmaður Framsóknar:
Vill láta skoða
fangelsi á Ásbrú
VEISTU SVARIÐ?