Fréttablaðið - 25.03.2014, Side 11

ÞRIÐJUDAGUR 25. mars 2014 | FRÉTTIR | 11
VÍB er eignastýringarþjónusta Íslandsbanka
Kirkjusandi | 155 Reykjavík | Sími 440 4900 | vib@vib.is | www.vib.is | Finndu okkur á Facebook
Miðvikudaginn 26. mars kl. 09.00 – 10.15 efnir VÍB til fundar um
skráningu Sjóvár í Kauphöll Íslands.
Hermann Björnsson, forstjóri Sjóvár, kynnir félagið. Í kjölfarið taka góðir
gestir þátt í umræðum ásamt Hermanni.
Þátttakendur:
• Þórður Pálsson, forstöðumaður fjárfestinga hjá Sjóvá
• Ólafur Njáll Sigurðsson, framkvæmdastjóri fjármálasviðs hjá Sjóvá
• Fanney Birna Jónsdóttir, fréttastjóri viðskiptafrétta hjá 365 miðlum
• Hrafn Árnason, forstöðumaður stýringar eigna hjá Íslandssjóðum

Fundarstjóri er Björn Berg Gunnarsson, deildarstjóri fræðslu og
viðskiptaþróunar VÍB.
Á www.vib.is má fylgjast
með fundinum í beinni
útsendingu eða horfa á
upptöku af honum síðar.
Þú getur sent spurningar
til fundarmanna á
fundarstjori@vib.is eða á
twitter með #sjovautbod
ALMENNT ÚTBOÐ Á
HLUTUM Í SJÓVÁ
EFNAHAGSMÁL Laun á íslenskum vinnumarkaði hækkuðu um
5,7 prósent milli áranna 2012 og 2013 samkvæmt ársmeðaltali
vísitölu launa. Samkvæmt gögnum sem Hagstofa Íslands birti í
morgun hækkuðu laun á almennum vinnumarkaði um 6,1 pró-
sent að meðaltali en laun opinberra starfsmanna um 4,9 prósent.
„Þar af hækkuðu laun ríkisstarfsmanna um 5,1 prósent en
laun starfsmanna sveitarfélaga um 4,7 prósent,“ segir í umfjöll-
un Hagstofunnar.
Á almennum vinnumarkaði hækkuðu laun skrifstofufólks
mest á milli ára eða um 7,5 prósent en laun iðnaðarmanna
hækkuðu minnst eða um 5,3 prósent.
Sundurgreint eftir atvinnugreinum á almennum markaði var
hækkun launa mest á bilinu 5,5 til 7,1 prósent. „Mest hækkuðu
laun í fjármálaþjónustu, lífeyrissjóðum og vátryggingum en
minnst í iðnaði.“ - óká
Laun hækkuðu meira hjá ríki en sveitarfélögum á milli 2012 og 2013 samkvæmt tölum frá Hagstofu:
Skrifstofufólk hækkaði meira en aðrir
MENN AÐ
STÖRFUM
2011-2013 var
árshækkun
launa alltaf
minnst hjá
starfsmönnum
sveitarfélaga.
FRÉTTABLAÐIÐ/ANTON
SJÁVARÚTVEGUR Daninn Bendt
Bendtsen, sem á sæti á Evrópu-
þinginu, þrýstir á framkvæmda-
stjórn Evrópusambandsins, ESB,
um að grípa til aðgerða gegn Norð-
mönnum. Danskir sjómenn segja
að mikið magn af þorski frá Nor-
egi á Evrópumarkaðinum þýði
miklu lægra verð fyrir aðra, að því
er kemur fram í frétt danska ríkis-
útvarpsins.
Bendtsen segir Norðmenn leggja
háa tolla á vörur frá ESB. Þeir hafi
auk þess haldið öðrum frá norskri
landhelgi samtímis því sem þeir
sömdu um kvóta við ESB. Bendt-
sen vill að tollar verði lagðir á
norskar vörur. - ibs
Danskur Evrópuþingmaður:
Norðmönnum
verði refsað
ÞORSKUR Norðmenn geta ekki
lengur selt þorsk til Rússlands, að því er
danska ríkisútvarpið greinir frá. Fram-
boðið í ESB-löndum hefur þess vegna
aukist. FRÉTTABLAÐIÐ/STEFÁN
SVÍÞJÓÐ Nota á sérþjálfaða hunda
við meðferð fanga sem dæmdir
hafa verið til vistunar á réttar-
geðdeildum í Svíþjóð. Með því að
hafa hundana viðstadda í hópvið-
tölum og einstaklingsviðtölum er
vonast til að tilfinningar leysist
úr læðingi sem annars hefðu ekki
gert það.
Sænskir fjölmiðlar hafa það
eftir ráðgjafa á réttargeðdeildinni
í Öjebyn, þar sem verkefnið hefst,
að hundarnir eigi að miðla tilfinn-
ingum fanganna. - ibs
Nýtt verkefni í Svíþjóð:
Hundar á rétt-
argeðdeildir
TILFINNINGAR Hundar verða notaðir
við að leysa úr læðingi tilfinningar
fanga á réttargeðdeildum í Svíþjóð.
DANMÖRK Fjórtándi hver sjúkling-
ur í Danmörku sem fékk lyf með
sér heim við útskrift af sjúkrahúsi
árið 2012 fékk rangt lyf.
Í frétt á vef Politiken segir að í
108 tilfellum hafi röngum sjúklingi
verið gefið lyfið, í 103 tilfellum
hafi rangt lyf verið gefið en í 2.157
tilfellum var um að ræða rangan
skammt, rangan tíma eða alls ekk-
ert lyf.
Afleiðingar urðu í 49 tilfellum
banvænar eða alvarlegar. Tveim-
ur af hverjum þremur varð ekki
meint af. - ibs
Sjúkrahús í Danmörku:
Sendir heim
með röng lyf
LYF Í 49 tilfellum urðu afleiðingarnar
banvænar eða alvarlegar þegar sjúkling-
ar voru sendir heim með rangt lyf.