Fréttablaðið - 08.05.2014, Síða 62

8. maí 2014 FIMMTUDAGUR| LÍFIÐ | 50
MORGUNMATURINN
Ég borða alltaf eiturgræna súper-
smoothies á morgnana, þeir eru
roohoosalega misgóðir eftir því
hvað er til í ísskápnum en ef þeir
eru sérstaklega óspennandi fæ ég
mér súkkulaðiflís í eftirrétt til að
bæta upp fyrir það.
Sunna Ben fjöllistakona
„Þetta er mjög skemmtilegt, það
er svo gaman að sjá nýtt „take“ á
þessu,“ segir rithöfundurinn Andri
Snær Magnason en verk hans,
Sagan af bláa hnettinum, verður
sett á svið í einu virtasta leikhúsi
Danmerkur á næsta leikári, Borgar-
leikhúsinu í Álaborg.
Þá er einnig verið að setja verkið
upp í Gdansk í Póllandi þann 17. maí
næstkomandi. „Erling Jóhannesson
er að leikstýra þessu þar, þetta er
samvinnuverkefni í Póllandi,“ bætir
Andri Snær við. Hljómsveitin Múm,
sem gerði tónlistina við upphaflegu
uppsetninguna á verkinu í Þjóð-
leikhúsinu árið 2001, er að búa til
nýja tónlist fyrir uppsetningu Bláa
hnattarins í Póllandi.
Leikritið hefur fyrir verið sett
upp í Toronto, Lahti og Vasa í
Finnlandi, Maxim Gorky í Berlín,
Lucerne í Sviss og fjöldi áhugaleik-
húsa hefur sett verkið upp.
Blái hnötturinn er tilnefndur til
UKLA-verðlaunanna í Bretlandi en
verðlaunin eru ein virtustu barna-
bókaverðlaun Bretlands. „Ég held
að þetta sé eina útlenska bókin sem
tilnefnd er.“
Sagan af bláa hnettinum er komin
út á 30 tungumálum og enn bætist
við tungumálin.
Sagan af Bláa hnettinum kom
fyrst út árið 1999. „Í umsókninni
minni um Listamannalaunin árið
1998, stendur að ég ætli að skrifa
barnabók sem verður endurprentuð
í 200 ár,“ segir Andir Snær léttur í
lundu. Sagan af Bláa hnettinum er
komin út á 30 tungumálum og enn
bætist við tungumálin. „Bókin er
að koma út á pólsku í næstu viku
og þá er hún einnig að koma út á
kínversku í Taívan á næstunni.“ - glp
Blái hnötturinn fer sigurför um heiminn
Sagan af bláa hnettinum eft ir Andra Snæ Magnason er í mikilli útrás og verður sett á svið í Danmörku og í Póllandi.
ANDRI ÚT UM ALLT Sagan af bláa
hnettinum eftir Andra Snæ Magna-
son verður sett á svið í Danmörku og
Póllandi á næstunni. FRÉTTABLAÐIÐ/VALLI
„Þetta er svolítið stór áfangi í mínu lífi og ég er komin
þangað sem ég gjarnan vildi vera til að koma mér á
heimsmarkaðinn. Bókin mín, 10 árum yngri á 10 vikum,
er komin í sölu á bestu stöðunum í Bandaríkjunum og ég
er búin að fá rosalega góða umfjöllun,“ segir Þorbjörg
Hafsteinsdóttir næringarþerapisti sem er nýkomin til
baka úr mánaðar kynningarferð í New York. Þar var
hún stödd til að halda fyrirlestra og kynna bókina sem
er nýútkomin á bandaríska markaðinn á prenti en
einnig sem rafbók fyrir Kindle.
„Bókin er seld hjá Barnes and Noble og er nú
þegar númer eitt í þremur flokkum á Amazon svo
að núna byrjar ballið fyrir alvöru,“ segir Þorbjörg
og er augljóslega ánægð með árangurinn. Þorbjörg
segir það einnig vera í kortunum að gefa bókina út
í Bretlandi og í lok apríl var birt opnuviðtal við Þor-
björgu í The Times þar sem hún er kynnt sem skandi-
navíska orkugyðjan eða The Scandi Vitality Goddess.
„The Times sendi blaðamann til Kaupmanna-
hafnar til þess að hitta mig og gera umfjöllun.
Hún var búin að kynna sér bókina mjög vel og
ég held að henni hafi komið á óvart hve af-
slöppuð ég er í líf stílnum. Ég er ekki 100
prósent gúrú eins og margir ímynda
sér að maður sé. Hlutirnir eru ekki
heilagir og hún var ánægð að sjá
það fyrir hönd annarra kvenna
því konur nenna ekki að lifa
þannig, þrátt fyrir að vilja
fá leiðbeiningar á ýmsum
sviðum,“ segir hún hlæjandi.
„Maður mætir heiminum
með sinni reynslu og maður
verður að þora að fara
nýjar leiðir. Fyrir mér er
það eins mikið „antiage“
eins og að líta vel út.“
Fleiri fréttamiðlar
hafa sýnt Þorbjörgu og
bókinni áhuga en bæði
The Mail og Huffing-
ton Post hafa sóst eftir
viðtali.
marinmanda@frettabladid.is
Komin í draumastöðu
Næringarþerapistinn Þorbjörg Hafsteinsdóttir gerir það gott í Bandaríkjunum en
metsölubókin hennar, 10 árum yngri á 10 vikum, er komin á bandarískan markað
og rokselst úr hillunum. Hún hefur ekki undan að svara erlendum fj ölmiðlum.
Í SKÝJUNUM
Þorbjörg
Hafsteins-
dóttir segir
velgengni
bókarinnar
vera stóran
áfanga í sínu
lífi.
MYND/ÚR
EINKASAFNI
„Þorbjörg telur að við getum hægt
á öldrun. Hún heldur því fram
að við þurfum að opna huga
okkar fyrir öldrun frekar en
berjast við hið óhjákvæmilega.
„Þú þarft ekki lengur að
hugsa um 40-plús sem
viðgerðaraldur,“ segir
hún. „Þetta er upp-
haf kynþokkafullu
áranna.“
➜ The Times
„Súlurnar eru allavega farnar
út úr húsinu en við mokuðum þó
ekki öllu út, við héldum ákveðnum
hlutum áfram eins og glæsilegri
ljósakrónu og þá er barinn enn á
sama stað,“ segir Jóhanna Helga-
dóttir eigandi nýs skemmtistaðar
sem nefnist Lavabarinn. Hann
verður opnaður í Lækjargötu 6a
í kvöld, þar sem strippstaðurinn
Strawberries var áður til húsa.
Miklar aðgerðir hafa verið
í gangi að undanförnu við að
standsetja staðinn en mikið er
lagt upp úr því að hafa hann stíl-
hreinan og glæsilegan. „Stað-
urinn var allur málaður og svo
höfum við sett hraun víðs vegar
á staðnum til að skreyta, enda
heitir staðurinn Lavabarinn,“
útskýrir Jóhanna.
Staðurinn leggur áherslu á
gæðakokteila og verður svoköll-
uð lounge-stemning ráðandi á
efri hæð staðarins en dansgólf
er á neðri hæðinni.
„Kári Sigurðsson, sem er
Íslandsmeistari barþjóna, sér
meðal annars um að blanda fram-
andi kokteila. Við verðum einnig
með heitustu New-RNB-beats
músíkina og svo erum við stolt
af nýja Funktion 1-hljóðkerfinu
okkar.“
Á efstu hæð staðarins er svo
einkaherbergi sem er hægt að
leigja, en inni í því eru tvær
flöskur, sérbaðherbergi, sér-
dyravörður og lyfta sem af greiðir
drykkina beint til þeirra sem eru
þar uppi.
„Það verður 25 ára aldurstak-
mark, pínu „dresscode“ og við
ætlum ekki að pakkfylla stað-
inn. Það er svo nóg af klósettum
þannig að fólk þarf ekki að bíða
í hálftíma röð eftir klósettinu
eins og á sumum öðrum stöðum,“
segir Jóhanna og hlær.
Formlegt opnunarpartí verður
í kvöld klukkan 20.00. „Nöfn þeirra
sem mæta í kvöld og yfir helgina
verða skráð niður á lista hjá okkur
og geta þessir einstaklingar komist
fram fyrir í röð í ákveðinn tíma.“
gunnarleo@frettabladid.is
Ekki lengur naktar
konur í Lækjargötu
Nýr staður, sem ber nafnið Lavabarinn, opnar þar
sem strippstaðurinn Strawberries var til húsa.
NÝR STAÐUR Jóhanna Helgadóttir er eigandi nýs skemmtistaðar, Lavabarsins sem
stendur í Lækjargötu. FRÉTTABLAÐIÐ/VILHELM
H
V
ÍT
A
H
Ú
SI
Ð
/
S
ÍA