Fréttablaðið - 01.09.2014, Blaðsíða 2
1. september 2014 MÁNUDAGUR| FRÉTTIR | 2
VIÐSKIPTI Höskuldur Ólafsson, for-
stjóri Arion banka, vill hagræða
frekar í rekstri útibúa með fleiri
sjálfvirkum bankaútibúum. Hann
bendir á að 40% þeirra sem komi í
útibú komi þangað til þess að taka
út peninga. Slíkt sé hægt að gera
sjálfvirkt. Hjá Landsbankanum
eru hlutföllin þannig að af þeim
sem heimsækja gjaldkerana eru
47% að taka út/fá skiptimynt eða
leggja inn.
Einnig sé möguleiki að taka
hærra gjald af þeim sem nýti
sér þjónustu starfsmanna útibúa.
Arion banki rekur nú þegar tvö
útibú þar sem afgreiðsla er sjálf-
virk og Landsbankinn eitt. Íslands-
banki er með eitt slíkt útibú.
„Það er einfaldlega þannig að
sumt af þeirri hefðbundnu þjón-
ustu sem við erum að bjóða hjá
gjaldkerum er þjónusta sem hægt
er að framkvæma með einfald-
ari og ódýrari hætti,“ segir Hösk-
uldur. Hann segir að það sé því
eðlilegt að fólk fái að velja um
gjaldkeraþjónustu eða sjálfvirka
þjónustu. Í sama streng tekur
Kristján Kristjánsson, upplýs-
ingafulltrúi Landsbankans, í svari
sínu til Fréttablaðsins. „Stefnan
er sú að þeir sem nýta þjónustu
borgi fyrir hana. Það á einnig við
um gjaldkeraþjónustu. Samhliða
þessu er leitast við að bjóða allt-
af aðra möguleika,“ segir í svari
Kristjáns.
Höskuldur segir að þjónusta
gjaldkera verði veitt á meðan eft-
irspurn sé eftir henni, en eðlilegt
sé að kostnaður af rekstri bankans
falli þar sem stofnað sé til hans.
„Það er dýrara að fá þjónustu í
gegnum til dæmis gjaldkera held-
ur en í gegnum
vélbúnaðinn sem
er mjög aðgengi-
legur þannig að
þetta mun þróast
í það að fólk fær
að velja um það
að greiða held-
ur meira fyrir
að fá afgreiðslu
hjá gjaldkera og
minna eða ekkert fyrir að afgreiða
sig sjálft. Aðalatriðið er að þetta
sé sanngjarnt og valkvætt og við
munum alltaf hafa það að leiðar-
ljósi að kúnninn fái að velja,“ segir
Höskuldur.
Friðbert Traustason, formaður
Samtaka starfsmanna fjármála-
fyrirtækja, segir að á um það
bil tíu árum hafi bankaútibúum
fækkað úr 170 um allt land niður
fyrir 90. Það verði áfram þörf
fyrir gjaldkera og því sé útilokað
að hefðbundin bankaútibú muni
heyra sögunni til. „Niður fyrir
visst mark fara þau nú ekki,“ segir
hann. Hann bendir á að Nordea-
bankinn hafi fækkað útibúum,
en fyrir tveimur árum hafi hann
fjölgað útibúum aftur vegna kröfu
frá viðskiptavinum.
jonhakon@frettabladid.is
Vill hærri gjöld á þá
sem hitta gjaldkera
Stóru bankarnir hafa allir opnað sjálfvirk útibú. Forstjóri Arion banka segir að
stóran hluta þeirrar þjónustu sem bankinn veiti sé hægt að veita á einfaldari hátt
en nú er gert. Eðlilegt sé að þeir sem nýti þjónustu starfsmanna greiði hærri gjöld.
KRINGLAN Íslandsbanki opnaði sjálfvirkt útibú í Kringlunni. Þar eru engir gjaldkerar.
FRIÐBERT
TRAUSTASON
FJÖLMIÐLAR „Ég lánaði Reyni
Traustasyni, ritstjóra DV, 15
milljónir króna í fyrra. Er það
ekki dropi í hafið í þessum fjöl-
miðlarekstri,“ segir Guðmund-
ur Kristjánsson útgerðarmaður
kenndur við Brim.
Elliði Vignisson, bæjarstjóri í
Vestmannaeyjum, hefur velt upp
þeirri spurningu á samfélagsmiðl-
um hvort Guðmundur hafi afhent
Reyni peningana í þeim tilgangi
að kaupa sér óvægna og skaðlega
umfjöllun um meðeigendur sína í
Vinnslustöð Vestmannaeyja.
Í yfirlýsingu sem barst frá Guð-
mundi segist hann ætla að stefna
Elliða fyrir meiðyrði. Fullyrðing-
ar hans eigi ekki við nein rök að
styðjast.
Reynir Traustason, aftekur
með öllu að lán Guðmundar hafi
haft áhrif á fréttaskrif DV. Hann
segir óhróður bæjarstjórans í
Vestmannaeyjum um Guðmund í
Brimi með eindæmum.
Atli Fanndal, fyrrverandi
blaðamaður á DV, segir á fésbók
að hann ætli að ræða við fjöl-
miðlanefnd í dag og skýra frá því
sem hann viti. Á meðan Atli var
blaðamaður á DV skrifaði hann
mikið um sjávarútvegsmál. Atli
vildi ekki tjá sig frekar um málið
við Fréttablaðið.
Þorsteinn Guðnason, fyrrver-
andi stjórnarformaður, hefur
ákveðið að fara fram á óháða
úttekt á fjárreiðum og rekstri DV
ehf. í ljósi tíðinda af persónuleg-
um lánum til ritstjóra blaðsins.
- jme
Bæjarstjórinn í Vestmannaeyjum segir útgerðarmann hafa keypt umfjöllun í DV með því að lána fé:
Lánaði ritstjóra DV 15 milljónir króna í fyrra
ÁSAKANIR Reynir Traustason hafnar
ásökunum um að útvegsmaður hafi
keypt sér fréttaumfjöllun í DV.
FRÉTTABLAÐIÐ/AUÐUNN
PAKISTAN Þrír féllu og meira en 400 særðust í átökum í Islamabad,
höfuðborg Pakistans, á laugardaginn í mótmælum stjórnarandstöðu.
Meðal þeirra föllnu voru 37 lögreglumenn.
Mótmælendur brutu sér leið inn á lóð þinghússins þar í borg og
30.000 lögreglumenn svöruðu með því að beita táragasi og skjóta
gúmmíkúlum að mótmælendum.
Stjórnarandstæðingarnir eru úr röðum Imran Khan og klerksins
Tahrul Qadri, sem ásaka ríkisstjórnina um spillingu og krefjast þess
að hún segi af sér.
Mótmælendur söfnuðust aftur saman eldsnemma á sunnudagsmorg-
un, og gerðu ítrekaðar tilraunir til þess að brjótast í gegnum múr lög-
reglumanna og víggirðingar til þess að komast að lóð þinghússins að
nýju. Lögreglan beitti þá táragasi í miklum mæli. - ósk
Átökin harðna í mótmælunum í Islamabad:
Þrír látnir og hundruð særðir
VERJAST TÁRAGASI Mótmælendur í Islamabad hylja andlit sín með gasgrímum og
klútum til að verjast táragasárásum. AFP/NORDICPHOTOS
SAMFÉLAG Slökkviliði höfuðborgarsvæðisins höfðu
borist 37 hjálparbeiðnir um miðjan dag í gær vegna
vatnsleka í íbúðarhúsum. Flestar bárust þær frá
íbúum í Hátúni og þar í kring.
„Það er búinn að vera mjög mikill erill,“ segir
Þórður Bogason, varðstjóri hjá slökkviliðinu,
aðspurður. „Þetta er með því mesta sem hefur gerst
en það hafa komið svona kippir þegar svona óveð-
urslægðir ganga yfir.“
Hann bætir við að margir hafi þurft að bíða lengi
eftir aðstoð enda hafi flestar beiðnirnar komið á
sama tíma fyrir hádegi. Um tuttugu slökkviliðs-
menn sinntu vatnslekanum, auk þess sem Orkuveita
Reykjavíkur, Reykjavíkurborg og tryggingafélögin
voru með mannskap að störfum.
Vatn flæddi inn í kjallara í Bergstaðastræti hjá
körfuknattleiksmanninum Pavel Ermolinskij þar
sem hann opnar kjöt- og fiskbúð á næstu vikum.
Vatn hafði lekið um allan ganginn, sjö til átta fer-
metra, en það náði ekki inn í aðalrýmið vegna halla
upp í móti. „Þeir komu fljótlega með þvílíkar græj-
ur og redduðu þessu á litlum tíma,“ segir Pavel um
slökkviliðið og kann því bestu þakkir fyrir. - fb
Slökkvilið höfuðborgarsvæðisins hafði í nógu að snúast vegna vatnsleka:
Um 40 hjálparbeiðnir bárust
RÆÐIR VIÐ SLÖKKVILIÐSMENN Vatn flæddi inn í kjallarahúsnæði
þar sem Pavel Ermolinskij opnar búð á næstunni. FRÉTTABLAÐIÐ/STEFÁN
Þannig
að þetta mun
þróast í það að
fólk fær að
velja um það
að greiða
heldur meira
fyrir að fá afgreiðslu hjá
gjaldkera.
Höskuldur H. Ólafsson,
forstjóri Arion banka
„Jakob, þarf nokkuð að gefa
ykkur stuð fyrir eftirpartíið?“
„Við reiðum okkur alfarið á súrefnis-
tjaldið sem við keyptum úr dánarbúi
Michaels Jackson og höfum ekki séð
enn þá. Við treystum á að það sé á
leiðinni með haustskipunum.“
Jakob Frímann Magnússon og félagar í Stuð-
mönnum halda tvenna tónleika í Hörpu 6.
september. Að þeim loknum verður eftirpartí
í Hörpu þar sem Stuðmenn leika fyrir dansi.
ÍRAK Raghad Hussein, elsta dóttir
Saddams Hussein, fyrrverandi ein-
ræðisherra Íraks, er ein af þeim
sem fjármagnar hryðjuverkasam-
tökin Islamska ríkið, eða IS. Þetta
hefur þýska blaðið Spiegel eftir
heimildarmönnum sínum í Mið-
austurlöndum.
Hussein er í útlegð og býr í Jórd-
aníu, gegn loforði um að skipta sér
ekki af stjórnmálum. Spiegel hefur
eftir heimildarmönnum sínum að
Hussein vilji nú hefna sín á þeim
sem komu föður hennar frá völd-
um og tóku hann af lífi. - aí
Dóttir Saddams í hefndarhug:
Sögð veita IS
fúlgur fjár
DANMÖRK Stór hluti Kaup-
mannahafnar minnti helst á
Feneyjar í fyrrinótt eftir eitt-
hvert mesta rigningaveður sem
menn þar í borg muna eftir.
Mikil rigning varð í kjölfar
þrumuveðurs bæði í höfuðborg-
inni og Nordsjælland.
Í norðurhluta Kaupmanna-
hafnar mældist úrkoma 119 mm
en stærstur hluti hennar féll á
innan við hálftíma. Vatn flæddi
inn í fjölmarga kjallara og öku-
menn áttu erfitt með að komast
leiðar sinnar. - ktd
Rigning eftir þrumuveður:
Allt á floti í
Danmörku
SPURNING DAGSINS